ဒီပဲယင်းအရေးအခင်း

ဒီပဲယင်းလူသတ်ပွဲ
နေရာ	ဒီပဲယင်းမြို့ စစ်ကိုင်းတိုင်းဒေသကြီး မြန်မာနိုင်ငံ
ကိုဩဒိနိတ်	22°28′00″N 95°09′00″E
ရက်စွဲ	၃၀ မေ ၂၀၀၃ (၂၀၀၃-၀၅-၃၀) ည ၈နာရီ ပတ်ဝန်းကျင် (မြန်မာစံတော်ချိန်)
ပစ်မှတ်	အမျိုးသား ဒီမိုကရေစီ အဖွဲ့ချုပ် ပါတီဝင်များ ၏ ယာဉ်တန်း
တိုက်ခိုက်မှု အမျိုးအစား	အစုလိုက်အပြုံလိုက်လူသတ်မှု
သေဆုံးသူဦးရေ	၇၀-၂၈၂
ပြစ်မှုကျူးလွန်သူများ	အစိုးရနောက်ခံပြု လူရမ်းကားများ

ဒီပဲယင်းလူသတ်ပွဲ ဆိုသည်မှာ ၂၀၀၃ ခုနှစ် မေလ ၃၀ ရက်နေ့ စစ်ကိုင်းတိုင်းဒေသကြီး ဒီပဲယင်းမြို့နယ်တွင် ဖြစ်ပွားခဲ့သော အစိုးရနောက်ခံပြု လူအုပ်စု၏ လက်ချက်ဖြင့် အမျိုးသား ဒီမိုကရေစီ အဖွဲ့ချုပ်ပါတီဝင်များ အပါအဝင် အနည်းဆုံး လူအယောက်ပေါင်း ၇၀ ခန့် သေဆုံးခဲ့ရသည့် ဖြစ်ရပ်ဖြစ်သည်။ ၂၀၁၂ ခုနှစ် ဧပြီလတွင် ဖြေကြားခဲ့သော အင်တာဗျူးတစ်ခုတွင် ဦးခင်ညွန့် ကမူ ယင်းသည် ဒေါ်အောင်ဆန်းစုကြည် တို့အားကယ်တင်ရန် အလို့ငှာ လူလွှတ်ခဲ့သည် ဟု အခိုင်အမာပြောဆိုခဲ့သည်။ သို့သော်လည်း ထိုလူသတ်မှုအတွင်းဝယ် ဒေါ်အောင်ဆန်းစုကြည်နှင့် ကားတစ်စီးတည်းလိုက်ပါခဲ့သော ဦးတင်ဦး ကမူ ဦးခင်ညွန့်၏ ပြောဆိုချက်များကို ငြင်းဆိုခဲ့သည်။

ကော်မရှင် လေ့လာတွေ့ရှိချက်

အာရှတရားရေးအရင်းအမြစ်ဌာန ၏ ၂၀၀၃ ခုနှစ် ဇွန်လ ၂၅ ရက်နေ့တွင် တင်ပြခဲ့သော ဒီပဲယင်းအစုလိုက်အပြုံလိုက်သတ်ဖြတ်မှုဆိုင်ရာ အကြောင်းအရာများနှင့် တိုက်ခိုက်မှုအပေါ် အကျဉ်းချုပ် လေ့လာတွေ့ရှိချက်များအရ တိုက်ခိုက်မှုကို ရှင်းလင်းစွာ ကြိုတင်ပြင်ဆင်ထားပြီး ကောင်းမွန်စွာ ဖွဲ့စည်းထားကြောင်း တွေ့ရှိရပါသည်။

1. ယာဉ်တန်းကို တိုက်ခိုက်ရန် ရည်ရွယ်ချက်ဖြင့် လူပေါင်း ၅၀၀၀ ခန့်ကို ဝေးလံခေါင်သီသော ကျေးလက်ဒေသသို့ ပို့ဆောင်ခဲ့သည်။
2. တိုက်ခိုက်သူများအားလုံးသည် လက်နက်ကောင်းများ ရှိပြီး သတ်ဖြတ်သည့်နေရာ နှစ်ခုတွင် ဗျူဟာမြောက် တည်ရှိကြသည်။
3. မော်တော်ယာဉ်များ မရောက်မီတွင် ဒေသဆိုင်ရာ အာဏာပိုင်များက အနီးနားရှိ ကျေးရွာများတွင် နေထိုင်သူများကို အိမ်ထဲတွင် နေကြရန် ခြိမ်းခြောက်ခဲ့သည်။
4. အာဏာပိုင်များသည် တိုက်ခိုက်မှုအတွင်း အသက်ရှင်ကျန်ရစ်သူများကို စနစ်တကျ ရှာဖွေဖမ်းဆီးခဲ့သည်။

ဒေါ်အောင်ဆန်းစုကြည် အကြောင်း ပါဝင်သော ဆောင်းပါးများ

အစိုးရ ခေါင်းဆောင် နိုင်ငံတော်၏ အတိုင်ပင်ခံပုဂ္ဂိုလ် ပြည်ထောင်စုအစိုးရအဖွဲ့ နိုင်ငံခြားရေး ဝန်ကြီး ၊ သမ္မတရုံး ဝန်ကြီး ဒီမိုကရေစီရေး လှုပ်ရှားမှုများ အမျိုးသား ဒီမိုကရေစီ အဖွဲ့ချုပ် ၈၈ အရေးအခင်း ၊ ရွှေဝါရောင် တော်လှန်ရေး ၊ မြန်မာ့နွေဦးတော်လှန်ရေး ပထမဆုံး မိန့်ခွန်း ၊ ရွှေဂုံတိုင် မိန့်ခွန်း ရရှိခဲ့သည့် ဆုများ ၊ နေ့စွဲမှတ်တမ်းများ ဒေါ်ခင်ကြည် ဖောင်ဒေးရှင်း နေအိမ် အကျယ်ချုပ် နေအိမ် ဝင်ရောက်သူ ဖြစ်ရပ် ခြံအမှတ် (၅၄)၊ တက္ကသိုလ်ရိပ်သာလမ်း ရွေးကောက်ပွဲများ ၁၉၉၀ ၊ ၂၀၁၂ ၊ ၂၀၁၅ ၊ ၂၀၂၀ ရေးသားခဲ့သည့် စာအုပ်များ Freedom from Fear ၊ Letters from Burma ရုပ်ရှင်များ Beyond Rangoon ၊ The Lady မိသားစု ဗိုလ်ချုပ်အောင်ဆန်း (ဖခင်) ၊ ဒေါ်ခင်ကြည် ( မိခင်) Michael Aris (ခင်ပွန်း) Alex (သား) ၊ Kim (သား) ဦးအောင်ဆန်းဦး (အကို) ၊ အောင်ဆန်းလင်း (အကို)

ALRC သဘောထား

ဒီပဲယင်း အစုလိုက်အပြုံလိုက် သတ်ဖြတ်မှု သည် အရပ်သားလူထုအား စနစ်တကျ သို့မဟုတ် ဗျူဟာမြောက် တိုက်ခိုက်မှု ဖြစ်သည်ဟု အာရှတရားရေးဆိုင်ရာ အရင်းအမြစ်စင်တာက ယူဆသည်။ အပြည်ပြည်ဆိုင်ရာ ရာဇဝတ်တရားရုံး၏ အပိုဒ် ၇.၁ အရ လူသားမျိုးနွယ်အပေါ် ကျူးလွန်သော ရာဇဝတ်မှု လည်း ဖြစ်သည်။ သို့သော်လည်း ယနေ့အထိ အစုလိုက်အပြုံလိုက် သတ်ဖြတ်မှုကို ပြင်းထန်စွာ အရေးယူခြင်း မရှိသေးပေ။

ဆက်လက်ဖတ်ရှုရန်

• ရှစ်လေးလုံးအရေးအခင်း
• ရွှေဝါရောင် တော်လှန်ရေး
• ၂၀၂၁ မြန်မာနိုင်ငံဆန္ဒပြမှုများ
• ၂၀၂၁ မြန်မာနိုင်ငံစစ်အာဏာသိမ်းခံရခြင်း
• ၁၉၆၂ မြန်မာနိုင်ငံစစ်အာဏာသိမ်းခံရခြင်း

ကိုးကား

• www.ibiblio.org: ဒီပဲယင်းအစီရင်ခံစာ