ကထာဝတ္ထုသုတ်
| ပိဋကတ် သုံးပုံ |
|---|
| ဝိနယပိဋက |
| သုတ္တန်ပိဋကတ် |
| အဘိဓမ္မာပိဋကတ် |
(၃)သုတ် ရှိပါသည်။
[၁] ဤသုတ်၌ -
(က) စကားပြောဆိုခြင်း၏အကြောင်း ၃-မျိုး၊
(ခ) စကားပြောဆို (ဆွေးနွေး)ထိုက်သောပုဂ္ဂိုလ် ၄-မျိုး၊
(ဂ) စကားမပြောဆို (မဆွေးနွေး)ထိုက်သောပုဂ္ဂိုလ် ၄-မျိုး၊
(ဃ) (သစ္စာ ၄-ပါးသိနိုင်သော) အကြောင်းရှိသော ပုဂ္ဂိုလ်၊
(င) (သစ္စာ ၄-ပါးသိနိုင်သော) အကြောင်းမရှိသော ပုဂ္ဂိုလ်၊
(စ) စကားပြောဟောခြင်း၏ ပန်းတိုင်တို့ကို အကျယ် ဟောတော်မူသည့်သုတ်။
ပညာရှိ (အရိယာ)ပုဂ္ဂိုလ်တို့ မပြောဆိုသောစကားများ, ပြောဆိုသောစကားများ ပညာရှိ (အရိယာ)ပုဂ္ဂိုလ်တို့၏ တိုင်ပင်ခြင်းတို့ကိုလည်း ဟောတော်မူပါသည်။
အဋ္ဌကထာ/ဋီကာတို့၌-အကျယ်ဖွင့်ပြချက်များ ရှိပါသည်။
[၂] တိရစ္ဆာနကထာ ၂၇-မျိုးကို ပြောဆိုနေကြသောရဟန်းတို့အား အညတိတ္ထိယ ပရိဗ္ဗာဇကတို့၏အစွမ်းသတ္တိကို ကုန်စေနိုင်သော ကထာဆယ်ပါးကို ထောက်ဆ၍ ထောက်ဆ၍ ပြောဆိုကြရန် ဘုရားရှင် ဇေတဝန်ကျောင်းတော်၌ ဟောတော်မူသည့်သုတ်။
တိရစ္ဆာနကထာတို့၏ ဖွင့်ဆိုချက် အဋ္ဌကထာ, ဋီကာတို့၌ ပါရှိပါသည်။ ဋီကာ၌ တိရစ္ဆာနကထာ ၃၂-မျိုးရှိပုံကို ပြဆိုထားပါသည်။
[၃] သာဝတ္ထိမြို့ ဇေတဝန်ကျောင်းတော် ညနေချမ်းအခါ ဥပဋ္ဌာနသာလာ၌ တိရစ္ဆာနကထာကို ပြောဆိုနေသောရဟန်းတို့အား အထက်သုတ်ပါကထာဝတ္ထု ၁၀-ပါးတို့ကို မိမိကိုယ်တိုင်လည်း ကျင့်သုံး အခြားရဟန်းတို့အားလည်း ကျင့်သုံးရန် ဟောပြောသောရဟန်းသည် ချီးမွမ်းထိုက်ပုံကို ဘုရားရှင် ဟောတော်မူသည့်သုတ်။ [၄]
ကိုးကား
[ပြင်ဆင်ရန်]- ↑ -အံ၊၁၊၁၉၇-၉။ အံ၊မြန်၊၁၊၂၁၅-၈။ အံ၊ဋ္ဌ၊၂၊၁၈၄-၈။ အံ၊ဋီ၊၂၊၁၆၇-၉။ -အင်္ဂုတ္တရနိကာယ၊ တိကနိပါတ၊ ဒုတိယပဏ္ဏာသက၊ (၇)၂-မဟာဝဂ္ဂ၊ သတ္တမသုတ်။
- ↑ -အံ၊၃၊၃၅၈-၉။ အံ၊မြန်၊၃၊၃၅၅-၆။ အံ၊ဋ္ဌ၊၃၊၃၁၈-၉။ အံ၊ဋီ၊၃၊၃၃၈-၉။ -အင်္ဂုတ္တရနိကာယ၊ ဒသကနိပါတ၊ ဒုတိယပဏ္ဏာသက၊ (၇)၂-ယမကဝဂ္ဂ၊ နဝမသုတ်။
- ↑ -အံ၊၃၊၃၅၉-၃၆၀။ အံ၊မြန်၊၃၊၃၅၇-၈။ -အင်္ဂုတ္တရနိကာယ၊ ဒသကနိပါတ၊ ဒုတိယပဏ္ဏာသက၊ (၇)၂-ယမကဝဂ္ဂ၊ ဒသမသုတ်။
- ↑ ပခုက္ကူမြို့ မဟာဝိသုတာရာမတိုက်၊ သာသနဓဇ သိရီပဝရ ဓမ္မာစရိယ၊ B.A (ဝိဇ္ဇာဂုဏ်ထူး-သီရိလင်္ကာ)၊ အဂ္ဂမဟာပဏ္ဍိတ ဘဒ္ဒန္တ ကေလာသမဟာထေရ် တိပိဋကသူစိကျမ်း နှင့် နိုင်ငံတော်ပရိယတ္တိသာသနာ့ တက္ကသိုလ် (ရန်ကုန်) ဒုတိယပါမောက္ခချုပ်၊ အဂ္ဂမဟာပဏ္ဍိတ ဘဒ္ဒန္တကုမာရထေရ် တိပိဋက သုတ္တသူစိ ဝိဘာဝိနီ