ကင်ညာနိုင်ငံ

ကင်ညာ သမ္မတနိုင်ငံ
Jamhuri ya Kenya
နိုင်ငံတော်အလံ နိုင်ငံတော်အမှတ်တံဆိပ်
နိုင်ငံတော်ဆောင်ပုဒ် - Let us all pull together
နိုင်ငံတော်သီချင်း - O God of All Creation
ပထဝီ
မြို့တော်	နိုင်ရိုဘီမြို့
အကြီးဆုံးမြို့	နိုင်ရိုဘီမြို့
ဧရိယာ ဧရိယာ - ၅၈၀,၃၆၇ km² (၂၂၄,၀၈၀ sq mi) (အဆင့်: ၄၇) ရေဖုံးလွှမ်းမှု - ၂.၃ %%
စံတော်ချိန်ဇုန်	UTC +၃
လူနေမှု
လူဦးရေ လူဦးရေ - ၄၁,၀၀၀,၀၀၀ (၂၀၁၁) (အဆင့် - ၃၃) လူဦးရေသိပ်သည်းမှု - ၆၇.၂/km² (၁၇၄.၁/sq mi) (အဆင့် - ၁၄၀)
နိုင်ငံရေး
အမျိုးအစား	သမ္မတတစ်ပိုင်း ဦးဆောင်သော သမ္မတနိုင်ငံ
အစိုးရခေါင်းဆောင်များ သမ္မတ - Mwai Kibaki ဝန်ကြီးချုပ် - Raila Odinga
ထူထောင်မှု လွတ်လပ်ရေး ကြေငြာခြင်း (ယူကေမှ) - ဒီဇင်ဘာ ၁၂၊ ၁၉၆၃ သမ္မတနိုင်ငံ ထူထောင်ခြင်း - ဒီဇင်ဘာ ၁၂၊ ၁၉၆၄
စီးပွားရေး
GDP(PPP)	US $၁,၆၆၁ (အဆင့် - )
HDI	၀.၄၇၀ (အနိမ့်) (အဆင့် - ၁၂၈)
ငွေ	ကင်ညာ ရှီလင်
နိုင်ငံတော်အထိမ်းအမှတ်နှင့် သင်္ကေတများ
CCLTD	.ke
Calling code	+၂၅၄

ကင်ညာနိုင်ငံ၏ တရားဝင်အမည်မှာ ကင်ညာသမ္မတနိုင်ငံ ဖြစ်ပြီး အရှေ့ အာဖရိက တွင် ရှိသော နိုင်ငံတစ်နိုင်ငံ ဖြစ်သည်။ အရှေ့တောင်ဘက်တွင် အိန္ဒိယသမုဒ္ဒရာ ရှိပြီး အီကွေတာပေါ်တွင် တည်ရှိသည်။ အရှေ့မြောက်ဘက်တွင် ဆိုမာလီယာနိုင်ငံ၊ မြောက်ဘက်တွင် အီသီယိုးပီးယားနိုင်ငံ၊ အနောက်မြောက်ဘက်တွင် တောင်ဆူဒန်နိုင်ငံ အနောက်ဘက်တွင် ယူဂန်းဒါးနိုင်ငံ နှင့် တောင်ဘက်တွင် တန်ဇေးနီးယားနိုင်ငံ တို့ တည်ရှိသည်။ မြို့တော်မှာ နိုင်ရိုဘီမြို့ ဖြစ်ပြီး ကင်ညာတွင် တောရိုင်းတိရိစ္ဆာန် ထိန်းသိမ်းရေး နယ်မြေ မြောက်မြားစွာ ရှိတာ တိရစ္ဆာန်အမျိုးပေါင်း ထောင်ပေါင်းများစွာ ရှိသည်။ ဧရိယာ စတုရန်း မိုင်ပေါင်း ၅ သိန်း ၈သောင်း ရှိပြီး လူဦးရေ ၄၁ သန်းနီးပါးမျှ ရှိပြီး လူမျိုးပေါင်းစုံနှင့် ယဉ်ကျေးမှုပေါင်းစုံ ရှိသည်။ နိုင်ငံ၏ အမည်မှာ ကင်ညာတောင် ကို အစွဲပြု၍ မှည့်ခေါ်ထားခြင်းဖြစ်ပြီ: နိုင်ငံ၏ထင်ရှားသော အမှတ်အသားနှင့် အာဖရိကတိုက်တွင် ဒုတိယမြောက် အမြင့်ဆုံးတောင် ဖြစ်သည်။ ကင်ညာနိုင်ငံ၏ မြို့တော်နှင့် အကြီးဆုံးမြို့မှာ နိုင်ရိုဘီမြို့ ဖြစ်သည်။

ကင်ညာနိုင်ငံသည် အိန္ဒိယသမုဒ္ဒရာ ကမ်းရိုးတန်း တစ်လျှောက်တွင် ပူနွေးပြီး စိုစွတ်သော ရာသီဥတုမျိုး ရှိသည်။ ထိုမှ ကုန်းတွင်း မြို့တော် ရှိရာသို့ ဝင်ရောက်သွားလျှင် တောရိုင်းတိရစ္ဆာန်များ ပေါ်များသည့် ဆာဗားနားမြက်ခင်းပြင်၏ ရာသီဥတုမျိုး သို့ ပြောင်းလဲသွားသည်။ နိုင်ရိုဘီတွင် အေးမြသော ရာသီဥတု ရှိပြီး ကင်ညာတောင်သို့ နီးကပ်လာသည် နှင့် အမျှ ပို၍ အေးလာသည်။ ကင်ညာတောင်တွင် အမြဲတမ်း ဆီးနှင်းများ ဖုံးလွှမ်းနေသော တောင်ထွဋ် ၃ ခု ရှိသည်။ ထိုမှ ကုန်းတွင်းရှိ ဝိတိုရိယအိုင် ရှိရာသို့ ဆက်လက် ဝင်ရောက်သွားလျှင် ပူနွေးပြီး စိုစွတ်သော အပူပိုင်း ရာသီဥတုသို့ တဖန်ပြန်၍ ပြောင်းလဲ သွားသည်။ ထိုမှတဆင့် အနောက်ပိုင်းရှိ တောအုပ်နှင့် တောင်ထူထပ်သော နေရာတွင် သမမျှတသော ရာသီဥတိုသို့ တဖန် ပြောင်းလဲသွားသည်။ အီသီယိုးပီးယားနိုင်ငံနှင့် ဆိုမာလီယာနိုင်ငံတို့နှင့် နယ်နိမိတ်ချင်း ထိစပ်နေသော အရှေ့မြောက် ဒေသမှာ ကန္တာရနီးပါးမျှ ဖြစ်သော ခြောက်သွေ့ရေရှား ရပ်ဝန်းဒေသ ဖြစ်သည်။