ပယ်ဆောက်ချိန်
ဦးပယ်ဆောက်ချိန် | |
|---|---|
白所成 | |
.jpg) | |
| အမျိုးသားလွှတ်တော် ကိုယ်စားလှယ် | |
| တာဝန်သက်တမ်း ၃၁ ဇန်နဝါရီ ၂၀၁၁ – ၃၁ မတ် ၂၀၁၆ | |
| ယခင်လူ | ဖွဲ့စည်းပုံ စတင် |
| မဲဆန္ဒနယ် | လောက်ကိုင်မြို့နယ် မဲဆန္ဒနယ် ၂ |
| ကိုးကန့်ကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ ဥက္ကဋ္ဌ | |
| တာဝန်သက်တမ်း ၂၀ ဩဂုတ် ၂၀၁၀ – ၃၁ မတ် ၂၀၁၆ | |
| လက်ထောက် | မြီရှောက်ချန်း |
| ယခင်လူ | ရာထူးစတင် |
| ဆက်ခံသူ | ကျောက်တယ်ချန်[၁] |
| ရှမ်းပြည်နယ် အထူးဒေသ ၁ ဥက္ကဋ္ဌ (ယာယီ) | |
| တာဝန်သက်တမ်း ဩဂုတ် ၂၀၀၉ – ၂၀ ဩဂုတ် ၂၀၁၀ | |
| လက်ထောက် | လျိုကောင်းချင်း[၂] |
| ယခင်လူ | ဖုန်ကြားရှင် |
| ကိုယ်ရေး အချက်အလက်များ | |
| မွေးဖွား | ၁၄ မေ၊ ၁၉၅၀ ကိုးကန့်၊ ရှမ်းပြည်နယ်။ |
| ကွယ်လွန် | နိုဝင်ဘာ ၁၁၊ ၂၀၂၅ (အသက် ၇၅) တရုတ်နိုင်ငံ |
| နိုင်ငံရေးပါတီ | ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ |
| အခြား နိုင်ငံရေးလွှမ်းမိုးမှု |
|
| စစ်မှုထမ်းခြင်း | |
| သစ္စာခံနိုင်ငံ | |
| အမှုထမ်းကာလ | ၁၉၆၇–လက်ရှိ |
ဦးပယ်ဆောက်ချိန် သို့မဟုတ် ဦးဘေဆော်ချိန် (တရုတ်: 白所成; ပင်ယင်: Bái Suǒchéng)(၁၄ မေ ၁၉၅၀ - ၁၁ နိုဝင်ဘာ ၂၀၂၅) သည် မြန်မာနိုင်ငံ၊ ရှမ်းပြည်နယ်ရှိ ကိုးကန့်နိုင်ငံရေးသမားတစ်ဦး ဖြစ်သည်။၎င်းအား တရုတ်နိုင်ငံမှ မြန်မာနိုင်ငံမြောက်ပိုင်း ကိုးကန့်ဒေသ အွန်လိုင်းလိမ်လည်မှု အဖွဲ့ အဓိကခေါင်းဆောင် အဖြစ် သတ်မှတ်ကာဖမ်းဆီးပြီး၊တရုတ်တရားစီရင်မှုအောက်တွင် သေဒဏ်ချမှတ်ခဲ့သည်။ [၃]
အတ္ထုပ္ပတ္တိ
[ပြင်ဆင်ရန်]၁၉၉၂ ခုနှစ်တွင် မြန်မာအမျိုးသား ဒီမိုကရက်တစ် မဟာမိတ်တပ်မတော် (MNDAA) မှ ရန်မိုးလျံအား ထုတ်ပယ်ရာတွင် ဖုန်ကြားရှင်အား ပယ်ဆောက်ချိန်က ကူညီပေးခဲ့သည်။ သို့သော်လည်း နောက်ပိုင်းတွင် မြန်မာနိုင်ငံ အစိုးရ၏ အထောက်အပံ့ဖြင့် ဖုန်ကြားရှင်အား ဖယ်ရှားရန် ကြိုးပမ်းခဲ့သည်။[၄]၂၀၀၉ ခုနှစ်တွင် ဖြစ်ပွားခဲ့သော သုံးရက်ကြာ ကိုးကန့်အရေးအခင်းတွင် ဖုန်ကြားရှင်အား ဖယ်ရှားရန် တပ်မတော်နှင့် မဟာမိတ်ပြုခဲ့သည်။ ကြွင်းကျန်သော MNDAA အဖွဲ့အား ပယ်ဆောက်ချိန်၏ ဦးစီးမှုအောက်တွင် နယ်ခြားစောင့်တပ်ဖွဲ့ အဖြစ် အသိအမှတ်ပြုခဲ့သည်။[၅]
၂၀၁၀ ခုနှစ် အထွေထွေ ရွေးကောက်ပွဲတွင် ပယ်ဆောက်ချိန်သည် ကိုးကန့်မဲဆန္ဒနယ် အမှတ် ၂ ကိုယ်စားပြု၍ အမျိုးသားလွှတ်တော် ကိုယ်စားလှယ်အဖြစ် ရွေးကောက်ခြင်းခံရသည်။[၆] ယင်းနောက်ကိုးကန့်ကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ ဥက္ကဋ္ဌ ဖြစ်လာခဲ့သည်။ သူ၏ အုပ်ချုပ်မှုအောက်တွင် ကိုးကန့်ဒေသသည် မူးယစ်ဆေးနှင့် လက်နက် ရောင်းဝယ်မှုများကြောင့် ထင်ရှားလာခဲ့သည်။[၇] သူသည် လူသိရှင်ကြား နေထိုင်လေ့မရှိဘဲ ၂၀၁၂ ခုနှစ် မတ်လတွင် လုပ်ကြံရန် ကြိုးပမ်းမှုမှ လွတ်မြောက်ခဲ့သည်။[၈]
ပယ်ဆောက်ချိန်၏ လက်ထောက်ဖြစ်သူ Liu Gaoxi သည်လည်း ၂၀၁၀ ရွေးကောက်ပွဲတွင် ပါဝင်ရွေးကောက်ခံရပြီး ယခင်က မူးယစ်ဆေးဝါးအမှုများတွင် ပါဝင်ခဲ့သူ ဖြစ်သည်။[၉]
သူသည် ကိုးကန့်ကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ ဥက္ကဋ္ဌ အဖြစ် ၂၀၁၆ ခုနှစ် မတ်လ ၃၁ ရက်နေ့အထိ တာဝန်ထမ်းဆောင်သည်။ယင်းနောက် သူသည် နိုင်ငံရေးရာထူးမှ စွန့်ခွာပြီး သားဖြစ်သူတို့၏ နိုင်ငံရေးရာထူး နှင့် လက်နက်ကိုင်အဖွဲ့တို့၏ နောက်ကွယ်တွင် ဆက်ရှိနေခဲ့သည်။[၁၀]
၂၀၂၁ နောက်ပိုင်းဖြစ်ရပ်များ
[ပြင်ဆင်ရန်]၂၀၂၁ ခုနှစ် စစ်အာဏာသိမ်းပြီး မကြာမီ ၂၀၂၁ ခုနှစ် ဖေဖော်ဝါရီလ ၃ ရက်နေ့တွင် နိုင်ငံတော်စီမံအုပ်ချုပ်ရေးကောင်စီက ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီဝင်ဟောင်း ဦးမြင့်ဆွေကို ကိုးကန့်ကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ဥက္ကဋ္ဌအဖြစ် ခန့်အပ်ခဲ့သည်။[၁၁]
၂၀၂၃ ခုနှစ် နိုဝင်ဘာ ၁၆ ရက်တွင် ကိုးကန့်ကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ ဥက္ကဋ္ဌ ဦးမြင့်ဆွေအား တာဝန်မှရပ်စဲလိုက်ပြီး အရှေ့ မြောက်တိုင်းစစ်ဌာနချုပ်တိုင်းစစ် ဦးစီးချုပ် ဗိုလ်မှူးချုပ် ထွန်းထွန်းမြင့် နှင့် အစားထိုးခန့်အပ်သည်။
၂၀၂၃ ခုနှစ် အောက်တိုဘာလ ၂၇ ရက် တွင် စတင်ခဲ့သော ညီနောင်မဟာမိတ်သုံးဖွဲ့ ၏ ၁၀၂၇ စစ်ဆင်ရေး ဖြစ်ပွားနေစဉ်အတွင်း ၎င်း အပါအဝင် မိသားစုဝင်များ ကိုးကန့်ဒေသမှ ထွက်ပြေးခဲ့ရသည်။[၁၂]
တရုတ်အစိုးရက ၎င်းအား ၂၀၂၃ ခုနှစ် ဒီဇင်ဘာလ ၁၁ ရက် တွင် ကျားဖြန့်လောင်းကစားသံသယဖြင့် ဖမ်းဝရမ်းထုတ်သည်။[၁၃] [၁၄]
၂၀၂၄ ခုနှစ် ဇန်နဝါရီလ ၃၀ရက်နေ့တွင် နိုင်ငံတော်စီမံအုပ်ချုပ်ရေးကောင်စီ က ဦးပယ်ဆောက်ချိန် အပါအဝင် ပယ်ရင်ချန်၊ ဝေ့ဟွိုင်ရန်၊ လျိုကျန့်ရှန်၊ လျိုကျန့်မောက်၊ ရွှီလောက်ဖာ နှင့် အခြားအရေးကြီး ပြစ်မှုကျူးလွန်သူဟု သံသယရှိသူ လေးဦးအား တရုတ်အစိုးရ ထံ လွှဲပြောင်းသည်။ [၁၅]တရုတ်အစိုးရက ရာဇဝတ်ကြောင်းများဖြင့် အမှုဖွင့်လှစ်ကာ တရားစွဲဆိုခဲ့သည်။ယင်းနောက် အွန်လိုင်းလိမ်လည်မှု(ကျားဖြန့်)၊လူသတ်မှု၊ပြန်ပေးဆွဲမှု၊ ငွေညှစ်မှု၊ ကာစီနိုဖွင့်မှု၊ နယ်စပ်ကို တရားမဝင် ဖြတ်ကျော်ပေးရန်စီစဉ်မှု၊ ပြည့်တန်ဆာမှု အပါအဝင် အမှုပေါင်းများစွာဖြင့် စွဲချက်တင်ခဲ့သည်။
ဘဝနိဂုံး
[ပြင်ဆင်ရန်]၂၀၂၅ ခုနှစ်၊နိုဝင်ဘာ ၄ ရက် တွင် ကိုးကန့်ဒေသ ဥက္ကဋ္ဌဟောင်း ပယ်ဆောက်ချိန် အပါအဝင် ပယ်မိသားစုဝင် ငါးဦးကို တရုတ်နိုင်ငံတောင်ပိုင်း၊ ကွမ်တုန်း ပြည်နယ်၊ ရှန်ကျန်းမြို့ ပြည်သူ့တရားရုံး က ရာဇဝတ်မှုများဖြင့် သေဒဏ် ချမှတ်ခဲ့သည်။[၁၆]
၂၀၂၅ ခုနှစ်၊နိုဝင်ဘာ ၁၁ ရက် တွင် တရုတ်နိုင်ငံ၌ ကွယ်လွန်ခဲ့သည်။၎င်းသည် သေဒဏ်စီရင်ခံရပြီး၊ သေဆုံးကွယ်လွန်ခြင်းမဟုတ်ဘဲ သေဒဏ်အမိန့်ချမှတ်ခံရပြီးနေက်တစ်နေ့တွင် ဆေးရုံတက်ခဲ့ရပြီး ဆေးရုံပေါ်တွင် ကျန်းမာရေးဖောက်ပြန်ကာ ကွယ်လွန်သွားခဲ့ခြင်းဖြစ်သည်။[၁၇]
ဆက်စပ်ဖတ်ရှုရန်
[ပြင်ဆင်ရန်]ကိုးကား
[ပြင်ဆင်ရန်]- ↑ 赵德强担任果敢自治区领导委员会主席 (in Chinese)။ Kokang News။ 2016-04-19 တွင် မူရင်းအား မော်ကွန်းတင်ပြီး။ 2016-04-10 တွင် ပြန်စစ်ပြီး။
- ↑ 自治区领导委员会率地区各级机关单位、部门共同吊唁刘国玺老领导 (in Chinese) (2020-01-17)။ 2023-11-15 တွင် မူရင်းအား မော်ကွန်းတင်ပြီး။
- ↑ China issues warrants for 10 people in Myanmar’s Kokang region။ RFA (11 December 2023)။ 31 January 2024 တွင် ပြန်စစ်ပြီး။
- ↑ Interview on Kokang။ 24 February 2015 တွင် မူရင်းအား မော်ကွန်းတင်ပြီး။ 24 February 2015 တွင် ပြန်စစ်ပြီး။
- ↑ Why civil war in northern Myanmar matters to China။ 24 February 2015 တွင် မူရင်းအား မော်ကွန်းတင်ပြီး။ 24 February 2015 တွင် ပြန်စစ်ပြီး။
- ↑ Does the junta use drugs as a weapon in Burma’s politics?။ 23 July 2015 တွင် မူရင်းအား မော်ကွန်းတင်ပြီး။ 27 February 2015 တွင် ပြန်စစ်ပြီး။
- ↑ Tens of thousands flee war, airstrikes in Kokang region။ Democratic Voice of Burma။ 24 February 2015 တွင် ပြန်စစ်ပြီး။
- ↑ Bai Xuoqian, head of the Kokang Self-Administered။ Shan Herald။ 24 February 2015 တွင် မူရင်းအား မော်ကွန်းတင်ပြီး။ 24 February 2015 တွင် ပြန်စစ်ပြီး။
- ↑ Heroin traffickers elected in Burma။ Sydney Morning Herald။ 24 February 2015 တွင် မူရင်းအား မော်ကွန်းတင်ပြီး။ 24 February 2015 တွင် ပြန်စစ်ပြီး။
- ↑ ကိုးကန့် ဘီလီယံနာမိသားစုတွေ သောကပွေချိန်။ BBC Burmese (၂၁ နိုဝင်ဘာ ၂၀၂၃)။ ၃၁ ဇန်နဝါရီ ၂၀၂၄ တွင် ပြန်စစ်ပြီး။
- ↑ Self-administered Division & Zones: Chairman of Self-administered Division and Zones Appointed (in en)။ Myanmar International TV (3 February 2021)။ 18 November 2023 တွင် ပြန်စစ်ပြီး။
- ↑ 缅北“四大家族”之首头目白所成出逃时被拦 (in zh-cn)။ Yangcheng Evening News (2023-11-17)။
- ↑ လက်ကျန် ကိုးကန့်သစ္စာခံများကို ဖမ်းပေးရန် တရုတ်က စစ်ကောင်စီကို ရာဇသံပေး။ Myanmar Now (၁၂ ဒီဇင်ဘာ ၂၀၂၃)။ ၃၁ ဇန်နဝါရီ ၂၀၂၄ တွင် ပြန်စစ်ပြီး။
- ↑ ရှမ်းပြည်နယ် ကိုးကန့်ဒေသ၌ ဆက်သွယ်ရေးလိမ်လည်မှုဖြင့် ကိုးကန့်ဒေသဦးစီးအဖွဲ့ဥက္ကဋ္ဌဟောင်း ဦးပယ်ဆောက်ချိန်အပါအဝင် ၁၀ ဦးကို တရုတ်အစိုးရက ဖမ်းဝရမ်းထုတ်။ Eleven Media Group (၁၁ ဒီဇင်ဘာ ၂၀၂၃)။ ၃၁ ဒီဇင်ဘာ ၂၀၂၄ တွင် ပြန်စစ်ပြီး။
- ↑ ဖမ်းဝရမ်းထုတ်ခံထားရတဲ့ ကိုးကန့်ခေါင်းဆောင်တွေကို တရုတ်ဆီ စစ်ကောင်စီလွှဲပြောင်း။ RFA Burmese (၃၀ ဇန်နဝါရီ ၂၀၂၄)။ ၃၁ ဇန်နဝါရီ ၂၀၂၄ တွင် ပြန်စစ်ပြီး။
- ↑ ကိုးကန့် ဒေသခေါင်းဆောင်ဟောင်းပယ်ဆောက်ချိန်ကိုတရုတ်သေဒဏ်ချ။ လူထုနွေဦး (၄ နိုဝင်ဘာ ၂၀၂၅)။ ၁၁ နိုဝင်ဘာ ၂၀၂၅ တွင် ပြန်စစ်ပြီး။
- ↑ တရုတ်မှာ သေဒဏ်ချခံထားရတဲ့ ကိုးကန့်ခေါင်းဆောင်ဟောင်း ပယ်ဆောက်ချိန် ကွယ်လွန်။ BBC (၁၁ နိုဝင်ဘာ ၂၀၂၅)။ ၁၁ နိုဝင်ဘာ ၂၀၂၅ တွင် ပြန်စစ်ပြီး။