အောင်နိုင်ဦး

သီရိပျံချီ ဦးအောင်နိုင်ဦး
နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံးဝန်ကြီးဌာန (၃) ပြည်ထောင်စုဝန်ကြီး
တာဝန်သက်တမ်း ၅ မေ ၂၀၂၄ – ၂၇ ​မေ ၂၀၂၄
ယခင်လူ	ဦးအောင်ကျော်ဟိုး
ဆက်ခံသူ	ဦးမောင်မောင်တင့်
နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံးဝန်ကြီးဌာန (၂) ပြည်ထောင်စုဝန်ကြီး
တာဝန်သက်တမ်း ၈ ဇန်နဝါရီ ၂၀၂၄ – ၅ ​မေ ၂၀၂၄
ယခင်လူ	ရာထူးစတင်
ဆက်ခံသူ	ဦးကိုကိုလှိုင်
ပြည်ထောင်စုအစိုးရအဖွဲ့ရုံးဝန်ကြီးဌာန (၁) ပြည်​ထောင်စုဝန်ကြီး
တာဝန်သက်တမ်း ၂၅ စက်တင်ဘာ ၂၀၂၃ – ၈ ဇန်နဝါရီ ၂၀၂၄
ယခင်လူ	ဒုတိယဗိုလ်ချုပ်ကြီး စိုးထွဋ်
စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန ဝန်ကြီး
တာဝန်သက်တမ်း ၁၉ ဩဂုတ် ၂၀၂၂ – ၂၅ စက်တင်ဘာ ၂၀၂၃
သမ္မတ	မြင့်ဆွေ (ယာယီ)
ယခင်လူ	​ဒေါက်တာပွင့်ဆန်း
ဆက်ခံသူ	ဦးထွန်းအုံ
ရင်းနှီးမြှပ်နှံမှုနှင့် နိုင်ငံခြားစီးပွားဆက်သွယ်ရေး ဝန်ကြီး
တာဝန်သက်တမ်း ၁ ဖေဖော်ဝါရီ ၂၀၂၁ – ၁၉ ဩဂုတ် ၂၀၂၂
သမ္မတ	မြင့်ဆွေ (ယာယီ)
ယခင်လူ	ဦးသောင်းထွန်း
ဆက်ခံသူ	​ဒေါက်တာကံ​ဇော်
ကိုယ်ရေး အချက်အလက်များ
မွေးဖွား	(1962-11-13) နိုဝင်ဘာ ၁၃၊ ၁၉၆၂ ကျောက်ဆည်မြို့
နိုင်ငံသား	မြန်မာ
စစ်မှုထမ်းခြင်း
သစ္စာခံနိုင်ငံ	မြန်မာ
တပ်/တပ်ဖွဲ့ခွဲ	တပ်မတော် (ကြည်း)
အမှုထမ်းကာလ	၁၉၈၁-၂၀၀၀
ရာထူး	ဗိုလ်မှူး

ဦးအောင်နိုင်ဦး (၁၃ အောက်တိုဘာ ၁၉၆၂ မွေးဖွား) သည် ဝန်ကြီးဌာန(၅)ခုတွင် ပြည်ထောင်စုဝန်ကြီးအဖြစ် တာဝန်ပေးခံခဲ့ရသူဖြစ်သည်။ သူသည် စစ်တပ်အရာရှိဟောင်းဖြစ်ပြီး ၂၀၀၀ပြည့်နှစ်တွင် ပြည်သူ့ဝန်ထမ်းအဖြစ် ပြောင်းလဲခဲ့ကာ အဓိကကျသော ကုန်သွယ်ရေးနှင့် ကူးသန်းရောင်းဝယ်ရေး ရာထူးများတွင် တာဝန်ထမ်းဆောင်ခဲ့သည်။

ငယ်ဘဝနှင့်ပညာရေး

ကျောက်ဆည်မြို့ တွင် မွေးဖွားခဲ့ပြီး၊မန္တလေးမြို့ တွင် ကြီးပြင်းခဲ့သည်။ထိုမှ ဆယ်တန်းအောင်ပြီး၊မန္တလေးတက္ကသိုလ် သို့ ဘူမိဗေဒအထူးပြုဖြင့် တက်ရောက်ခဲ့သည်။

၁၉၈၁ ခုနှစ် တွင် မန္တလေးတက္ကသိုလ် ၌ ဘူမိဗေဒအထူးပြု တတိယနှစ် ဆက်လက်လေ့လာနေစဉ်၊ တပ်မတော် (ကြည်း)၊ အလုပ်သင်ဗိုလ်၊ဗိုလ်လောင်းသင်တန်း အမှတ်စဉ် (၁၁) တက်ရောက်၍ တပ်မတော် သို့ ဝင်ရောက် စစ်မှုထမ်းခဲ့သည်။

စစ်မှုထမ်းခြင်းနှင့်ဝန်ထမ်းဘဝ

မြန်မာတပ်မတော်တွင် ၁၉၈၁ ခုနှစ်မှ ၂၀၀၀ ပြည့်နှစ်အထိ ဗိုလ်မှူးအဆင့်ဖြင့် တာဝန်ထမ်းဆောင်ခဲ့သည်။ ၂၀၀၀ ပြည့်နှစ် တွင် ဗိုလ်မှူးအဆင့်ဖြင့် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ မြန်မာ့စိုက်ပျိုးရေးခြံထွက်ပစ္စည်းရောင်းဝယ်ရေးဌာန (မြန်မာ့လယ်ယာထွက်ကုန်ပစ္စည်းရောင်းဝယ်ရေး)သို့ လက်ထောက်အထွေထွေမန်နေဂျာအဖြစ် ပြောင်းရွှေ့ တာဝန်ထမ်းဆောင်ခဲ့သည်။ ထိုဌာန၏ အထွေထွေမန်နေဂျာအထိ တာဝန်ပေးအပ်ခံရသည်။

၂၀၀၆ ခုနှစ်မှ ၂၀၁၀ ခုနှစ်အထိ ဝန်ကြီးရုံး၏ ရုံးအဖွဲ့မှူး(ဒုတိယညွန်ကြားရေးမှူးချုပ်) တာဝန်ထမ်းဆောင်ခဲ့သည်။၂၀၁၀ ခုနှစ်မှ ၂၀၁၁ ခုနှစ်အထိ နယ်စပ်ကုန်သွယ်ရေးဦးစီးဌာန၏ ဒုတိယညွန်ကြားရေးမှူးချုပ် ဖြစ်လာခဲ့သည်။

၂၀၁၁ ခုနှစ်၊မေလ တွင် အမျိုးသားစီမံကိန်းနှင့်စီးပွားရေးဖွံ့ဖြိုးတိုးတက်မှုဝန်ကြီးဌာန သို့ ပြောင်းရွှေ့ခဲ့သည်။

၂၀၁၂ ခုနှစ်အထိ ထိုဝန်ကြီးဌာန၏ ရင်းနှီးမြှုပ်နှံမှုနှင့်ကုမ္ပဏီများ ညွှန်ကြားမှု ဦးစီးဌာန (DICA)တွင် ဒုညွန်ချုပ် တာဝန်ထမ်းဆောင်ခဲ့သည်။

၂၀၁၂ ခုနှစ် တွင် ရင်းနှီးမြှုပ်နှံမှုနှင့်ကုမ္ပဏီများညွှန်ကြားမှုဦးစီးဌာန၏ ညွှန်ကြားရေးမှူးချုပ်အဖြစ် ရာထူးတိုးမြှင့်ခံခဲ့ရပြီး၊၂၀၁၄ ခုနှစ် မေလမှ ၂၀၁၉ ခုနှစ် မတ်လ အထိ မြန်မာနိုင်ငံရင်းနှီးမြှပ်နှံမှုကော်မရှင်၊အတွင်းရေးမှူး အဖြစ်ပါ ပူးတွဲတာဝန်ထမ်းဆောင်ခဲ့သည်။

၂၀၁၉ ခုနှစ် မတ်လတွင် ရင်းနှီးမြှုပ်နှံမှုနှင့်နိုင်ငံခြားစီးပွားဆက်သွယ်ရေးဝန်ကြီးဌာန၏ အမြဲတမ်းအတွင်းဝန်အဖြစ် ခန့်အပ်ခြင်းခံခဲ့ရသည်။

ဝန်ကြီးဘဝ

တပ်မတော်ဦးဆောင်သည့် စစ်အာဏာသိမ်းမှု တွင် ရင်းနှီးမြှပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန ဝန်ကြီးအဖြစ် ၂၀၂၁ ခုနှစ် ဖေဖော်ဝါရီလ ၁ ရက်နေ့တွင် ခန့်အပ်ခံခဲ့ရသည်။

ယင်းနောက် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ပြည်ထောင်စုဝန်ကြီး ၊ပြည်ထောင်စုအစိုးရအဖွဲ့ရုံးဝန်ကြီးဌာန (၁) ပြည်​ထောင်စုဝန်ကြီး၊ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံးဝန်ကြီးဌာန (၂) ပြည်ထောင်စုဝန်ကြီး၊နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံးဝန်ကြီးဌာန (၃) ပြည်ထောင်စုဝန်ကြီး စသည်ဖြင့် တာဝန်ပေးခံရပြီး ၂၀၂၄ ခုနှစ် မေလ ၂၇ ရက်နေ့တွင် ဝန်ကြီးအဖြစ်မှ အနားယူခဲ့သည်။

ပုဂ္ဂိုလ်ရေးဘဝ

ဦးအောင်နိုင်ဦးသည် အိမ်ထောင်သည်တစ်ဦးဖြစ်ပြီး သမီးနှစ်ဦး ရှိသည်။