ပွင့်ဆန်း

သီရိပျံချီ၊ ဒေါက်တာ ပွင့်ဆန်း
ပြည်သူ့လွှတ်တော် ကိုယ်စားလှယ်
တာဝန်ထမ်းဆောင်ဆဲ
တာဝန် စတင် ၁၆ မတ် ၂၀၂၆
ယခင်လူ	ခင်မောင်မြင့် (၂၀၁၅-၂၀၂၁)
မဲဆန္ဒနယ်	ရပ်စောက်မြို့နယ်
အလုပ်သမားဝန်ကြီးဌာန ပြည်ထောင်စုဝန်ကြီး
တာဝန်သက်တမ်း ၁၉ ဩဂုတ် ၂၀၂၂ – ၂ ဩဂုတ် ၂၀၂၃
ခန့်အပ်သူ	နိုင်ငံတော်စီမံအုပ်ချုပ်ရေးကောင်စီ
ဝန်ကြီးချုပ်	မင်းအောင်လှိုင်
ယခင်လူ	မြင့်ကြိုင်
ဆက်ခံသူ	မြင့်နောင်
စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန ပြည်ထောင်စုဝန်ကြီး
တာဝန်သက်တမ်း ၃ ဖေဖော်ဝါရီ ၂၀၂၁ – ၁၉ ဩဂုတ် ၂၀၂၂
ခန့်အပ်သူ	နိုင်ငံတော်စီမံအုပ်ချုပ်ရေးကောင်စီ
ခေါင်းဆောင်	မင်းအောင်လှိုင်
ယခင်လူ	သန်းမြင့်
ဆက်ခံသူ	အောင်နိုင်ဦး
စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန ဒုတိယဝန်ကြီး
တာဝန်သက်တမ်း ၂၀၁၀ – ၃၁ မတ်၂၀၁၆
ခေါင်းဆောင်	ဝင်းမြင့်
ကိုယ်ရေး အချက်အလက်များ
မွေးဖွား	(1961-07-13) ၁၃ ဇူလိုင်၊ ၁၉၆၁ ရန်ကုန်
လူမျိုး	မြန်မာ
နိုင်ငံရေးပါတီ	ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ
ကြင်ဖော်	ဒေါက်တာနီလာလွင်
သားသမီး	၂
မိခင်ကျောင်း	ဆေးတက္ကသိုလ် ((၂)ရန်ကုန် ရန်ကုန် စီးပွားရေး တက္ကသိုလ်
ဆုတံဆိပ်များ	သီရိပျံချီဘွဲ့ (၂၀၂၂)

ဒေါက်တာ ပွင့်ဆန်း (၁၃ ဇူလိုင် ၁၉၆၁ မွေးဖွား) သည် ရပ်စောက်မြို့နယ် ကိုယ်စားပြု ပြည်သူ့လွှတ်တော် ကိုယ်စားလှယ် ဖြစ်သည်။

နိုင်ငံတော်စီမံအုပ်ချုပ်ရေးကောင်စီလက်ထက်တွင် အလုပ်သမားဝန်ကြီးဌာန၏ ပြည်ထောင်စုဝန်ကြီး နှင့် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ပြည်ထောင်စုဝန်ကြီးအဖြစ် တာဝန်ထမ်းဆောင်ခဲ့သူဖြစ်သည်။

နိုင်ငံရေးသမားဘဝ

ဒေါက်တာပွင့်ဆန်းသည် ဆေးတက္ကသိုလ်(၂) ကျောင်းဆင်းဆရာဝန်တစ်ဦးဖြစ်သည်။ ရန်ကုန်စီးပွားရေးတက္ကသိုလ်မှ နေ၍လည်း ဘွဲ့ရရှိခဲ့သည်။ နောက်ပိုင်း စီးပွားရေးလုပ်ငန်းရှင်တစ်ဦး ဖြစ်လာသည်။

ရွေးကောက်ပွဲ ဝင်ပြိုင်မှု

၎င်းသည် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ကိုယ်စားပြု၍ အထွေထွေရွေးကောက်ပွဲ ၂၀၁၀ တွင် မရမ်းကုန်းမြို့နယ် ပြည်သူ့လွှတ်တော်ကိုယ်စားလှယ်အဖြစ် ဝင်ပြိုင်ရင်း အနိုင်ရပြီးနောက် နိုင်ငံရေးသမားတစ်ဦးဖြစ်လာသည်။ သမ္မတ ဦးသိန်းစိန်၏ သမ္မတသက်တမ်းအတွင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ဒုတိယဝန်ကြီးတာဝန်ထမ်းဆောင်သည်။ ယင်းနောက် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီတွင် ဗဟိုအလုပ်အမှုဆောင်ဖြစ်လာသည်။

အထွေထွေရွေးကောက်ပွဲ ၂၀၁၅ တွင် မရမ်းကုန်းမြို့နယ် ပြည်သူ့လွှတ်တော်ကိုယ်စားလှယ်လောင်းအဖြစ်လည်းကောင်း၊ အထွေထွေရွေးကောက်ပွဲ ၂၀၂၀ တွင် မရမ်းကုန်းမဲဆန္ဒနယ် အမှတ်(၂) တိုင်းလွှတ်တော်ကိုယ်စားလှယ်လောင်းအဖြစ် လည်းကောင်း ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီကိုယ်စားပြု၍ ရွေးကောက်ပွဲ ဝင်ခဲ့သည်။ အမျိုးသားဒီမိုကရေစီအဖွဲ့ချုပ်ပါတီ ကိုယ်စားလှယ်လောင်းအား မဲ အပြတ်အသတ်ဖြင့် ရှုံးနိမ့်သည်။

၂၀၂၁ နောက်ပိုင်း

၂၀၂၁ မြန်မာနိုင်ငံ စစ်အာဏာသိမ်းခြင်း နောက်ပိုင်း ၂၀၂၁ ဖေဖော်ဝါရီ ၃ ရက်တွင် ၎င်းအား စစ်ကောင်စီက စီးပွားရေးနှင့်ကူးသန်းရောင်းဝယ်ရေးဝန်ကြီး အဖြစ် ခန့်အပ်ခံရသည်။

ယင်းနောက် ၂၀၂၂ ခုနှစ်၊ ဩဂုတ်လ ၁၉ ရက်နေ့တွင် နိုင်ငံတော်စီမံအုပ်ချုပ်ရေးကောင်စီ အမိန့်အမှတ်၊ ၄၈ / ၂၀၂၂ ဖြင့် အလုပ်သမားဝန်ကြီးအဖြစ် ပြောင်းလဲတာဝန်ပေးခြင်းခံရသည်။

၂၀၂၃ ဩဂုတ် ၂ရက်တွင် ဝန်ကြီးအဖြစ်မှ အနားပေးခံရသည်။

၂၀၂၅ ရွေးကောက်ပွဲ ဝင်ပြိုင်မှု

၂၀၂၅-၂၀၂၆ ခုနှစ် အထွေထွေ ရွေးကောက်ပွဲတွင် ကြံ့ခိုင်ရေးပါတီ၏ ကိုယ်စားလှယ်အဖြစ် ရှမ်းပြည်နယ်၊ ရပ်စောက်မြို့နယ် ပြည်သူ့လွှတ်တော် မဲဆန္ဒနယ်မှ ဝင်ရောက်ယှဉ်ပြိုင်ခဲ့ရာ ခိုင်လုံသောမဲ အရေအတွက် စုစုပေါင်း ၄၂,၃၇၁ မဲ (စုစုပေါင်းမဲ၏ ၅၃.၆၉ ရာခိုင်နှုန်း) ဖြင့် ရွေးကောက်တင်မြှောက်ခြင်း ခံခဲ့ရသည်။

၂၀၂၆ ခုနှစ်၊ မတ်လ (၁၆) ရက်နေ့တွင် ကျင်းပသော တတိယအကြိမ်ပြည်သူ့လွှတ်တော် ပထမပုံမှန်အစည်းအဝေးတွင် ဒေါက်တာပွင့်ဆန်းက ဦးခင်ရီကို ပြည်သူ့လွှတ်တော် ဥက္ကဋ္ဌအဖြစ် အဆိုပြုတင်သွင်းခဲ့သည်။

၂၀၂၆ ခုနှစ်၊မတ်လ (၂၃)ရက်နေ့တွင် ကျင်းပသော တတိယအကြိမ် ပြည်သူ့လွှတ်တော် ပထမပုံမှန်အစည်းအဝေး ဒုတိယနေ့ တွင် ပြည်သူ့လွှတ်တော် ပြည်သူ့ငွေစာရင်းကော်မတီ ၏ အဖွဲ့ဝင် အဖြစ် တာဝန်ပေးအပ်ခံရသည်။

ပိတ်ဆို့အရေးယူခံရမှု

အမေရိကန်ပြည်ထောင်စု ဘဏ္ဍာရေးဝန်ကြီးဌာန၏ နိုင်ငံရပ်ခြားပိုင်ဆိုင်မှုများထိန်းချုပ်ရေးဌာနက ၂၀၂၁ ခုနှစ် မေလ ၁၇ရက်နေ့ ဒဏ်ခတ်ပိတ်ဆို့အရေးယူမှုတွင် ဒေါက်တာပွင့်ဆန်းလည်းပါဝင်ခဲ့သည်။ ၂၀၂၃ ဇူလိုင် ၂၀ရက်တွင် ဥရောပသမဂ္ဂက ပိတ်ဆို့အရေးယူမှု စာရင်းထဲ ထည့်သွင်းခဲ့သည်။

မိသားစုဘဝ

အိမ်ထောင်ရှိကာဇနီးမှာဒေါက်တာနီလာလွင်ဖြစ်သည်။သား၊ သမီး ၂ ဦးရှိပြီး တစ်ဦးမှာ ဩစတြေးလျနိုင်ငံတွင် ဆရာဝန်အလုပ်လုပ်နေသည်။

ဂုဏ်ပြုခံရခြင်း

၂၀၂၂ ခုနှစ် နိုဝင်ဘာ ၁၇ ရက်တွင် ၎င်းကို နိုင်ငံတော်စီမံအုပ်ချုပ်ရေးကောင်စီဥက္ကဋ္ဌက အမိန့်ကြော်ငြာစာအမှတ် ၂၁၁/ ၂၀၂၂ ဖြင့် စွမ်းဆောင်မှုဆိုင်ရာ ဂုဏ်ထူးဆောင်ဘွဲ့တစ်ခုဖြစ်သည့်  သီရိပျံချီဘွဲ့ကို ချီးမြှင့်အပ်နှင်းခဲ့သည်။