ကံဇော် (ဒေါက်တာ)

သီရိပျံချီ၊ ဒေါက်တာ ကံဇော်
ဘဏ္ဍာရေးနှင့် အခွန်ဝန်ကြီးဌာန ပြည်ထောင်စုဝန်ကြီး
တာဝန်ထမ်းဆောင်ဆဲ
တာဝန် စတင် ၃၁ ဇူလိုင် ၂၀၂၅
ခန့်အပ်သူ	အမျိုးသားကာကွယ်ရေးနှင့် လုံခြုံရေးကောင်စီ
လက်ထောက်	ဒေါ်သန်းသန်းလင်း
ဝန်ကြီးချုပ်	ညိုစော
ဆက်ခံသူ	ဝန်ကြီးဌာနစတင်
ရင်းနှီးမြှပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန ပြည်ထောင်စုဝန်ကြီး
တာဝန်သက်တမ်း ၁၉ ဩဂုတ် ၂၀၂၂ – ၃၁ ဇူလိုင် ၂၀၂၅
ခန့်အပ်သူ	နိုင်ငံတော်စီမံအုပ်ချုပ်ရေးကောင်စီ
သမ္မတ	မြင့်ဆွေ (ယာယီသမ္မတ) မင်းအောင်လှိုင်၊ ယာယီသမ္မတ(တာဝန်)
ဝန်ကြီးချုပ်	မင်းအောင်လှိုင်
ယခင်လူ	ဦးအောင်နိုင်ဦး
ဆက်ခံသူ	ဒေါက်တာ ဝါဝါမောင်
ပြည်ထောင်စုစာရင်းစစ်ချုပ်
တာဝန်သက်တမ်း ၂ ဖေဖော်ဝါရီ ၂၀၂၁ – ၁၉ ဩဂုတ် ၂၀၂၂
ခန့်အပ်သူ	နိုင်ငံတော်စီမံအုပ်ချုပ်ရေးကောင်စီ
ယခင်လူ	ဦးမော်သန်း
ဆက်ခံသူ	ဦးတင်ဦး
အမျိုးသားစီမံကိန်းနှင့် စီးပွားရေးဖွံ့ဖြိုးတိုးတက်မှု ဝန်ကြီးဌာန ပြည်ထောင်စုဝန်ကြီး
တာဝန်သက်တမ်း ၇ စက်တင်ဘာ ၂၀၁၂ – ၃၀ မတ် ၂၀၁၆
သမ္မတ	သိန်းစိန်
ယခင်လူ	တင်နိုင်သိန်း
ဆက်ခံသူ	ဝန်ကြီးဌာနဖျက်သိမ်း
အမျိုးသားစီမံကိန်းနှင့် စီးပွားရေး ဖွံ့ဖြိုးတိုးတက်မှု ဝန်ကြီးဌာန ဒုတိယဝန်ကြီး
တာဝန်သက်တမ်း ၃၀ မတ် ၂၀၁၁ – ၇ စက်တင်ဘာ ၂၀၁၂
သမ္မတ	သိန်းစိန်
ဝန်ကြီး	တင်နိုင်သိန်း
ယခင်လူ	မသိသေး
ဆက်ခံသူ	ဆက်အောင်၊ ခင်စန်းရီ၊ လဲ့လဲ့သိန်း
ကိုယ်ရေး အချက်အလက်များ
မွေးဖွား	(၁၉၅၄-၁၀-၁၁) အောက်တိုဘာ ၁၁၊ ၁၉၅၄ စလင်းမြို့ ဆင်ဖြူကျွန်းမြို့နယ် မြန်မာနိုင်ငံ
လူမျိုး	မြန်မာ
နိုင်ငံရေးပါတီ	ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ
မိခင်ကျောင်း	ရန်ကုန် စီးပွားရေး တက္ကသိုလ်၊ International Institute of Social Studies
အလုပ်အကိုင်	စီးပွားရေးပညာရှင်

ဒေါက်တာ ကံဇော်သည် လက်ရှိ ဘဏ္ဍာရေး နှင့် အခွန်ဝန်ကြီးဌာန ပြည်ထောင်စုဝန်ကြီး ဖြစ်သည်။

ယင်းမတိုင်မီက ရင်းနှီးမြှပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန ၏ ဝန်ကြီး နှင့် ပြည်ထောင်စုစာရင်းစစ်ချုပ် ဖြစ်ခဲ့သည်။

အစောပိုင်းဘဝ

ဇာတိမှာ မကွေးတိုင်းဒေသကြီး၊ မင်းဘူးခရိုင်၊ စလင်းမြို့ ဖြစ်သည်။ သူသည် ရန်ကုန်စီးပွားရေး တက္ကသိုလ်မှ စီးပွားရေးဘွဲ့ရရှိခဲ့ပြီး ၁၉၈၄ ခုနှစ်တွင် International Institute of Social Studies မှ ဒေသဆိုင်ရာ ဖွံ့ဖြိုးတိုးတက်ရေး စီမံကိန်းအထူးပြုဖြင့် မဟာဘွဲ့ရရှိခဲ့သည်။ ပါရဂူဘွဲ့ (စီးပွားရေး)၊ စီမံခန့်ခွဲမှုပညာ ပါရဂူဘွဲ့စသည်တို့ကို ရရှိခဲ့သည်။

သူသည် စာပေဆိုင်ရာ ဒေါက်တာဘွဲ့ရရှိထားသူလည်း ဖြစ်သည်။ဒေါက်တာကံဇော်သည် ရန်ကုန် စီးပွားရေးတက္ကသိုလ်နှင့် မုံရွာစီးပွားရေးတက္ကသိုလ်တို့တွင် ပါမောက္ခ၊ ဌာနမှူးနှင့် ပါမောက္ခချုပ်တာဝန်များကိုလည်း ထမ်းဆောင်ခဲ့သည်။

ဒေါက်တာ ကံဇော်သည် မကွေးတိုင်းဒေသကြီး၊ မင်းဘူးခရိုင်၊ စလင်းမြို့ဇာတိ ဖြစ်သည်။ ရန်ကုန်စီးပွားရေးတက္ကသိုလ်မှ စီးပွားရေးဘွဲ့ရရှိခဲ့ပြီး ၁၉၈၄ ခုနှစ်တွင် International Institute of Social Studies မှ မဟာဘွဲ့ ရရှိခဲ့သည်။ ပါရဂူဘွဲ့ (စီးပွားရေး)၊ စီမံခန့်ခွဲမှုပညာ ပါရဂူဘွဲ့နှင့် စာပေဆိုင်ရာ ဒေါက်တာဘွဲ့များလည်း ရရှိထားသည်။ ပညာရေးနယ်ပယ်တွင် ရန်ကုန်စီးပွားရေးတက္ကသိုလ်နှင့် မုံရွာစီးပွားရေးတက္ကသိုလ်တို့၌ ပါမောက္ခ၊ ဌာနမှူးနှင့် ပါမောက္ခချုပ်တာဝန်များကို ထမ်းဆောင်ခဲ့ဖူးသည်။

နိုင်ငံရေးသမားဘဝ

သမ္မတ ဦးသိန်းစိန် အစိုးရအဖွဲ့တွင် အမျိုးသားစီမံကိန်းနှင့် စီးပွားရေးဖွံ့ဖြိုးတိုးတက်မှု ဝန်ကြီးဌာန၏ ဒုတိယဝန်ကြီးအဖြစ် ၂၀၁၁ ခုနှစ် မတ်လမှ ၂၀၁၂ ခုနှစ် စက်တင်ဘာလအထိ လည်းကောင်း၊ ဝန်ကြီးအဖြစ် ၂၀၁၂ ခုနှစ် စက်တင်ဘာလမှ ၂၀၁၆ မတ်လ ၃၀ ရက်နေ့အထိ လည်းကောင်း တာဝန်ထမ်းဆောင်ခဲ့သည်။

ရွေးကောက်ပွဲ ဝင်ပြိုင်မှု

၂၀၂၀ ခုနှစ်တွင် အထွေထွေရွေးကောက်ပွဲတွင် စလင်းမြို့နယ် မဲဆန္ဒနယ်မှ ပြည်ထောင်စုကြံ့ခိုင်ရေးနှင့်ဖွံ့ဖြိုးရေး ပါတီ ပြည်သူ့လွှတ်တော် ကိုယ်စားလှယ်လောင်းအဖြစ် ပါဝင်ယှဉ်ပြိုင်ခဲ့သည်။ အနိုင်မရ ရှုံးနိမ့်သည်။

၂၀၂၁ နောက်ပိုင်း အခြေအနေ

၂၀၂၁ ခုနှစ်၊ ဖေဖော်ဝါရီလ ၂ ရက်နေ့တွင် နိုင်ငံတော်စီမံအုပ်ချုပ်ရေးကောင်စီကို တပ်မတော်ကာကွယ်ရေးဦးစီးချုပ်က ဖွဲ့စည်းခဲ့ရာ၊ နစက အမိန့်အမှတ် ၂/၂၀၂၁ ဖြင့် ဒေါက်တာကံဇော် အား ပြည်ထောင်စုစာရင်းစစ်ချုပ် အဖြစ် ခန့်အပ်ခဲ့သည်။

၂၀၂၂ ခုနှစ် ဩဂုတ် ၂၂ ရက် တွင် ရင်းနှီးမြှပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန ၏ ဝန်ကြီး ဖြစ်လာခဲ့ပြီး ၂၀၂၅ ခုနှစ် ဇူလိုင် ၃၁ ရက် အရောက်တွင် ဦးညိုစော ခေါင်းဆောင်သည့် ပြည်ထောင်စုအစိုးရအဖွဲ့ ၏ ဘဏ္ဍာရေး နှင့် အခွန်ဝန်ကြီးဌာန ပြည်ထောင်စုဝန်ကြီး အဖြစ် တာဝန်ပေးအပ်ခံရသည်။

ပိတ်ဆို့အရေးယူခံရမှုများ

ဥရောပသမဂ္ဂ (EU) က ၂၀၂၂ ခုနှစ် နိုဝင်ဘာလ ၈ ရက် တိုးချဲ့ပစ်မှတ်ထား ဒဏ်ခတ်ပိတ်ဆို့ အရေးယူမှုထဲ ဒေါက်တာကံဇော်လည်းပါဝင်ခဲ့သည်။

၂၀၂၃ ခုနှစ် အောက်တိုဘာ ၃၁ ရက်နေ့တွင် ၎င်းအား  အမေရိကန်၊ ဗြိတိန် နှင့် ကနေဒါ နိုင်ငံတို့က ပူးပေါင်းပြီး  ထပ်တိုး ပိတ်ဆို့အရေးယူမှုပြုလုပ်သည်။ 

မိသားစုဘဝ

ဒေါက်တာကံဇော်သည် အိမ်ထောင်သည်တစ်ဦးဖြစ်သည်။ ၎င်း၏ ဇနီးမှာ ဒေါ်နန္ဒာမွန်းဖြစ်ပြီး ရန်ကုန်တက္ကသိုလ်အင်္ဂလိပ်စာဌာန ထိုမှတဆင့် ယဉ်ကျေးမှုဝန်ကြီးဌာနသို့ရောက်ကာ ညွှန်ကြားရေးမှူးချုပ် ယင်းနောက်  သာသနာရေးနှင့်ယဉ်ကျေးမှုဝန်ကြီးဌာန အမြဲတမ်းအတွင်းဝန်ရာထူးစသည်ဖြင့် အဆင့်ဆင့်တာဝန်ထမ်းဆောင်ခဲ့သူဖြစ်သည်။ ၎င်းတို့၏ သမီးကြီးဖြစ်သူ ခိုင်ငွေနှင်းဇော် မှာ အမေရိကန်ပြည်ထောင်စု ပင်ဆယ်ဗေးနီးယားပြည်နယ်တွင် နေထိုင်သည်။

ဂုဏ်ပြုခံရခြင်း

၂၀၀၄ ခုနှစ်တွင် စီမံထူးချွန်တံဆိပ် (ပထမအဆင့်)၊၂၀၁၅ ခုနှစ်တွင် နိုင်ငံတော်သမ္မတ၏ ထူးချွန်ဆု၊၂၀၁၆ ခုနှစ်တွင် နိုင်ငံတော်သမ္မတ ဦးသိန်းစိန်မှ ချီးမြှင့်သော သီရိပျံချီဘွဲ့ ရရှိထားသည့် ပုဂ္ဂိုလ်တစ်ဦးလည်းဖြစ်သည်။