ဘူမိဗလအတုလျတေဇ

ဝီကီပီးဒီးယား မှ
Jump to navigation Jump to search
ဘူမိဗလအတုလျတေဇ
Bhumibol Adulyadej
ภูมิพลอดุลยเดช
ရာမ၉ ဘုရင်
Bhumibol adulyadej.jpg
ထိုင်းနိုင်ငံဘုရင်
နန်းသက်၉ ဇွန် ၁၉၄၆ - ၁၃ ​အောက်တိုဘာ ၂၀၁၆
ဘိသိတ်ခံခြင်း၅ ​မေ ၁၉၅၀
ရှေ့မင်းဆက်အာနန္ဒာ မဟီတလ (ရာမ၈)
နောက်မင်းဆက်ဝသိလာလောင်ကွန်း (ရာမ ၁၀)
ဝန်ကြီးချုပ်များ
မွေးဖွား(1927-12-05)၅ ဒီဇင်ဘာ၊ ၁၉၂၇
အာဘန်​တောင် ​ဆေးရုံကမ်းဘ​ရေ့ချ်မက်ဆာချူးဆက်ပြည်နယ်အမေရိကန်ပြည်ထောင်စု
ကွယ်လွန်၁၃ အောက်တိုဘာ၊ ၂၀၁၆(2016-10-13) (အသက် ၈၈)
သီရိရတ်ချ်ချ်​ဆေးရုံဘန်ကောက်မြို့ထိုင်းနိုင်ငံ
ထာဝရ အိပ်စက်ရာ နေရာ၃၀ ​အောက်တိုဘာ ၂၀၁၇
Wat Bowonniwet ViharaPhra Nakhon
အိမ်ထောင်ဖက်သီရိခေတ် (m. ၁၉၅၀)
သားသမီးများဥပ္ပလရတနာ
ဝသိလာလောင်ကွန်း (ရာမ၁၀)
သိရိန္ဓရ
စုဠာဘရဏး
စံအိမ်မဟိုင်ဒေါ (ချက္ကရီမင်းဆက်)
ခမည်းတော်မဟီတလ အတုလျေတေဇ
မယ်တော်စရင်နာဂရင်ဒါ
ကိုးကွယ်မှုဗုဒ္ဓဘာသာ
လက်မှတ်

ဘူမိဗလအတုလျတေဇ (အင်္ဂလိပ်: Bhumibol Adulyadej; ထိုင်း: ภูมิพลอดุลยเดช; အသံထွက် [pʰuː.mí.pʰon ʔa.dun.ja.dèːt] ( ); ၅ ဒီဇင်ဘာ ၁၉၂၇ – ၁၃ အောက်တိုဘာ ၂၀၁၆) သည် ထိုင်းနိုင်ငံ ချက္ကရီမင်းဆက်၏ နဝမမြောက် ဘုရင်တစ်ပါးဖြစ်ကာ ရာမမင်းဟုလည်း ခေါ်ဝေါ်ကြသည်။ ၁၉၄၆ ဇွန်လ ၉ ရက်နေ့တွင် နန်းတက်ခဲ့ပြီး ကွယ်လွန်ချိန်အထိ ကမ္ဘာ့နန်းသက်အရှည်ကြာဆုံး မင်းတစ်ပါးဖြစ်ခဲ့ပြီး[၁] နန်းသက်မှာ နှစ် ၇၀ နှင့် ၁၂၆ ရက် ဖြစ်သည်။သူ၏ လက်ထက်တွင် ဝန်ကြီးချုပ် အ​ယောက်၃၀ တာဝန်ထမ်း​ဆောင်ခဲ့သည်။[၂]

​ဖော့ဘ် မဂ္ဂဇင်း မှတွက်ချက်ထားသည့် ဘုရင်ကြီး၏ အလုံးစုံပိုင်ဆိုင်မှုမှာ [၃] – ၂၀၁၀ခုနှစ်တွင် ​အ​မေရိကန်​ဒေါ်လာ ၃၀ဘီလီယံရှိပြီး ထိုမဂ္ဂဇင်း၏ အချမ်းသာဆုံး ​တော်ဝင်မျိုးနွယ်များစာရင်းတွင် ၂၀၀၈ခုနှစ်မှ ၂၀၁၃ခုနှစ်အထိ ထိပ်ဆုံးမှ ရပ်တည်ခဲ့သည်။[၄][၅][၆]

၂၀၀၆ခုနှစ် ​နောက်ပိုင်းတွင် ကျန်းမာ​ရေး အားနည်းလာပြီး သီရိရတ်ချ်​ဆေးရုံတွင် ကြာမြင့်စွာ အချိန်ကုန်ဆုံးခဲ့ပြီး ၂၀၁၆ခုနှစ် ​အောက်တိုဘာလ ၁၃ရက်​နေ့တွင် ထို​ဆေးရုံတွင်ပင် နတ်ပြည်စံခဲ့သည်။သူသည် ​ယေဘုယျအားဖြင့် ထိုင်းပြည်သူများ၏ ​လေးစားကြည်ညိုခြင်းကို ခံခဲ့ရသည်။[၇][၈]တစ်နှစ်အကြာ ၂၀၁၇ခုနှစ်တွင် ​တော်ဝင်အခမ်းအနားဖြင့် မီးသဂြိုဟ်ခဲ့သည်။သူ့ကို သားဖြစ်သူ ဝသိလာလောင်ကွန်းက ဆက်ခံခဲ့သည်။

အမည်နာမ[ပြင်ဆင်ရန်]

၁၉၅၂ခုနှစ်က ၁၉၃၂ဖွဲ့စည်းပုံအ​ခြေခံဥပ​ဒေပြင်ဆင်ချက်ကို လက်မှတ်​ရေးထိုးထား​သော ဘူမိဗလာဘုရင်၏ လက်မှတ်။​ရေးထိုးထားသည်မှာ "Somdet Phra Poraminthra Maha Bhumibol Adulyadej Sayaminthrathirat Borommanatbophit"ဖြစ်သည်။

ဘူမိဗလဘုရင်၏ အ​မေရိကန်တွင် ​မွေးစာရင်း၌ "Baby Songkla"ဟု​ဖော်ပြသည်။သူ၏ မိဘများသည် ထိုစဉ်က ချက္ကရီနန်းဆက်၏ အကြီးအကဲဖြစ်သူ ညီ​တော် ပြဇာဓိပက (ရာမ၇ဘုရင်)နှင့် တိုင်ပင်ကာ မင်္ဂလာနာမည် ​ရွေးချယ်ကြသည်။ ရာမ၇ဘုရင်က သင်္သကရိုက်ဘာသာမှ ယူထား​သော ဘူမိဗလအတုလျတေဇ (Bhumibol Adulyadej (Devanagari: भूमिबल अतुल्यतेज, IAST: Bhūmibala Atulyateja)) ဘူမိ (Bhūmi (भूमि)); အဓိပ္ပါယ်မှာ '​မြေ'၊ ဗလ (Bala (बल)); အဓိပ္ပါယ်မှာ 'ခွန်အား သို့မဟုတ် 'စွမ်းအား'၊ အတုလျ (Atulya (अतुल्य));အဓိပ္ပါယ်မှာ 'တုနှိုင်း၍မရ​သော'၊ တေဇ (Tej (तेज));အဓိပ္ပါယ်မှာ 'စွမ်းအား' ဖြစ်သည်။ထို့​ကြောင့် "ဘူမိ​ဘော အဒူလျာဒက်" (Bhūmibala Atulyateja, or Bhumibol Adulyadej)ကို ထိုင်းဘာသာတွင် ​မြေပြင်၏ခွန်အား၊အနှိုင်းမဲ့စွမ်းအားဟု အဓိပ္ပါယ်ရသည်။

ထိုင်းနိုင်ငံဘုရင်ကြီးသည် ကမ္ဘာ့မိုးလေဝသနယ်ပယ်တွင် မိုးတုကို စတင်တီထွင် ပြုလုပ်ခဲ့သော (Father of Royal Rainmaking) မိုးလေဝသပညာရှင်ကြီးဖြစ်သည်။ [၉]

အ​စောပိုင်းဘဝ[ပြင်ဆင်ရန်]

ဘူမိဗလဘုရင် (အလယ်)ကို သူ၏ မယ်​တော်၊အစ်မ​တော်နှင့် အစ်ကို​တော်တို့နှင့်အတူ​တွေ့ရစဉ်
၁၉၄၅ခုနှစ်က ဘုရင်ဘူမိဗလ

ဘူမိဗလကို ၁၉၂၇ခုနှစ် ​ဒီဇင်ဘာ၅ရက်​နေ့တွင် အ​မေရိကန်နိုင်ငံ၊ မက်ဆာချူးဆက်ပြည်နယ်၊ ကမ်းဘရစ်ချ်မြိ့ရှိ အာဘန်​​တောင်​ဆေးရုံတွင် ​မွေးဖွားခဲ့သည်။[၁၀]ဆုန်ခလာမင်းသား မဟီတလ အတုလျေတေဇနှင့် သာမန်မိဖုရား စရင်နာဂရင်ဒါ တို့မှ ဖွားမြင်သည်။သူ၏ခမည်း​တော်မှာ ဟားဗက်တက္ကသိုလ်တွင် ​ဆေးပညာဆိုင်ရာ သင်ယူ​နေချိန် ဖြစ်သည်။[၁၁]သူ့တွင် အစ်မ​တော် မင်းသမီးဂလီယယ်နီ ဗာဒါနာနှင့် အစ်ကို​တော် မင်းသားအာနန္ဒာ မဟီတလတို့ရှိသည်။

ဖခင်ဖြစ်သူမှာ ဟားဗတ်တက္ကသိုလ်မှ ​အောင်လက်မှတ်ရရှိခဲ့၍ ၁၉၂၈တွင် ထိုင်းနိုင်ငံသို့ ပြန်လာခဲ့ကြသည်။ ၁၉၂၉ခုနှစ် စက်တင်ဘာလတွင် ​ကျောက်ကပ်​ရောဂါဖြင့် ဖခင်ဖြစ်သူ ကွယ်လွန်ခဲ့သည်။ထိုအချိန်တွင် ဘူမိဗလမင်းသားမှာ ၂နှစ်ပင် မပြည့်​သေး​ပေ။[၁၁]သူသည် မတာ​ဒေ​​ကျောင်းတွင် ခဏတာတက်​ရောက်ခဲ့သည်။၁၉၃၂​တော်လှန်​ရေးအပြီး၊ ၁၉၃၃ခုနှစ်တွင် ဆွစ်ဇာလန်နိုင်ငံသို့ ပြန်သွားခဲ့ကြသည်။ထို​နေရာတွင် သူသည် ဆက်လက် ပညာသင်ကြားခဲ့သည်။၁၉၃၄ခုနှစ်တွင် သူ၏ ပထမဆုံးကင်မရာကို ရရှိခဲ့ပြီး ဘဝတစ်​လျှောက်လုံး ဓာတ်ပုံရိုက်ခြင်းကို စိတ်အားထက်သန်​စေခဲ့သည်။ [၁၁]စည်းမျဉ်းခံဘုရင်စနစ် ​ပြောင်းလဲပြီး​နောက် ၁၉၃၅ခုနှစ်တွင် ဆက်ခံမည့်သူမရှိ​သည့် ဦးရီး​​တော် ပြဇာဓိပက ရာထူးစွန့်လွှတ်လိုက်ရာ ကိုးနှစ်အရွယ် သူ၏အစ်ကို​တော်ဖြစ်သူ အာနန္ဒာ မဟီ​ဒေါ နန်းတက်ခဲ့သည်။ သို့​​သော် မိသားစုမှာ ဆွစ်ဇာလန်တွင်သာ ​နေထိုင်​နေခဲ့သည်။တိုင်း​ရေးပြည်ရာများကို ထိုင်းနိုင်ငံရှိ ဘုရင်ခံ​​ကောင်စီမှ စီမံသည်။သူတို့သည် ၁၉၃၈ခုနှစ်တွင် ၂လမျှသာ အိမ်ပြန်ခဲ့ကြသည်။၁၉၄၂ခုနှစ်တွင် ဘူမိဗလမင်းသားမှာ ဂျက်စ်ဂီတ ဝါသနာအိုးဖြစ်လာကာ ဆက်ဆိုဟွန်းကို တီးခတ်ခဲ့ပြီး သူ၏ဘဝတစ်လျှောက်လုံးကို စွဲလန်းစွာ မြတ်နိုးခဲ့သည်။[၁၁]သူသည် အထက်တန်း ဒီပလိုမာ (ဘက်ကူ​လော်ရီယာ) ကို လူ​ဆန်မြို့ရှိ Gymnase Classique Cantonalမှ ပြင်သစ်စာ​ပေ၊လက်တင်နှင့် ဂရိဘာသာတို့ဖြင့် ရရှိခဲ့သည်။၁၉၄၅တွင် သိပ္ပံဘာသာရပ်များကို လူဆန်တက္ကသိုလ်တွင် ဆက်လက်သင်ကြားခဲ့သည်။ဒုတိယကမ္ဘာစစ်အပြီးတွင် မိသားစုမှာ အိမ်ပြန်နိုင်ခဲ့ကြသည်။ [၁၀]

ဆက်ခံခြင်းနှင့် ထိမ်းမြားခြင်း[ပြင်ဆင်ရန်]

ဘုရင်ဘူမိဗလနှင့် မိဖုရားသီရိ​ခေတ်တို့ကို လက်ထပ်ပွဲအပြီး ​တွေ့ရစဉ်

အစ်ကို​​တော်ဘုရင် အာနန္ဒာ မဟီ​ဒေါမှာ ၁၉၄၆ခုနှစ် ဇွန်လ၉ရက်​နေ့တွင် ​သေနတ်ဒဏ်ရာဖြင့် နတ်ရွာစံသွားခဲ့သည်။​အစိုးရ၏ ကနဦး​ဖော်ပြချက်တွင် ကိုယ်​တော်တိုင် မ​တော်တဆ ပစ်မိသည်ဟု​ဖော်ပြခဲ့သည်။[၁၂]စုံစမ်းစစ်​ဆေး​ရေး ​ကော်မတီကမူ ဤသည်မှာ မဖြစ်နိုင်​ကြောင်း​ပြောခဲ့သည်။ [၁၂]နန်း​တော်၏ ကျွန်၂​ယောက်မှာ လုပ်ကြံသတ်ဖြတ်​ကြောင်းထင်ရှား၍ ကွပ်မျက်ခံခဲ့ရသည်။တတိယ​မြောက် ဖြစ်နိုင်​​ချေမှာ ညီအစ်ကို၂ယောက်မှာ သူတို့၏ ပစ္စတိုများဖြင့် ကစား​နေကြစဉ် ဘူမိဗလမင်းသားမှ မ​တော်တဆပစ်မိခြင်းဖြစ်သည်။သို့​သော် ထိုအချက်ကို မည်သည့်အခါမှ တရားဝင် ထည့်မစဉ်းစားရ​ပေ။[၁၃][၁၂]

ဘူမိဗလမင်းသားမှာ သူ၏အစ်ကို​တော်ကို ဆက်ခံခဲ့ကာ ဝမ်းနည်းခြင်းအထိမ်းအမှတ် ရက်၁၀၀မပြီးဆုံးမီတွင် ဆွစ်ဇာလန်သို့ ပြန်သွားခဲ့သည်။သူ့အ​နေဖြင့် သိပ္ပံနှင့် နည်းပညာတွင် စိတ်ဝင်စားခဲ့​သော်လည်း နိုင်ငံ​တော်၏​ခေါင်း​ဆောင်အဖြစ် လုပ်ကိုင်ရ​တော့မည်ဖြစ်၍ သူ၏ အဓိကဘာသာရပ်ကို ဥပ​ဒေနှင့် နိုင်ငံ​ရေးသိပ္ပံတို့တွင် စာရင်းသွင်းခဲ့သည်။သူ၏ ဦးရီး​တော် ရန်ဆစ် ပရာရောဆစ်မင်းသား (ချိုင်နတ်မင်းသား)မှာ ဘုရင်ခံဖြစ်လာခဲ့သည်။ ဘူမိဗလဘုရင်၏ အမည်ဖြင့် ချိုင်နတ်မင်းသားမှာ ၁၉၄၂ခုနှစ်အာဏာသိမ်းမှုကို အသိအမှတ်ပြုခဲ့သည်။ [၁၂]ထို့အပြင် ၁၉၄၉ဖွဲ့စည်းပုံအ​ခြေခံဥပ​ဒေကိုလည်း လက်မှတ်ထိုးခဲ့သည်။ ထိုဥပ​ဒေမှာ ၁၉၃၂​တော်လှန်​ရေးအပြီး ​​ပျောက်ဆုံးသွား​သော ဘုရင်၏ အာဏာများကို ပြန်လည် မြှင့်တင်​ပေး​သော ဥပ​ဒေဖြစ်သည်။[၁၂] ၁၉၄၆ခုနှစ် ဒီဇင်ဘာလတွင် ဆိုင်ယမ်အစိုးရမှ နတ်ရွာစံဘုရင် အာနန္ဒါမဟီ​ဒေါ၏ အသုဘအခမ်းအနားအတွက် ​ဒေါ်လာ​ထောင်​ပေါင်းများစွာ ခွဲ​ဝေ​ပေးခဲ့သည်။၁၉၄၇အာဏာသိမ်းမှု​နောက်ပိုင်း မငြိမ်မသက်မှုများ​ကြောင့် ဘိသိတ်ပွဲကို ရွှေ့ဆိုင်းလိုက်ရသည်။နန်းတွင်း​ဗေဒင်ပညာရှင်များက ၁၉၄၉ခုနှစ် မတ်လ၂ရက်ကို အခါ​တော်​ပေးပြီး ​ရွေးချယ်ခဲ့ကြသည်။

ဆွစ်ဇာလန်တွင် ​ကျောင်းတက်​နေစဉ် ဘူမိဗလမှာ ပြင်သစ်သို့ မကြာခဏ အလည်သွား​လေ့ရှိသည်။ပြင်သစ်တွင် ပြင်သစ်နိုင်ငံဆိုင်ရာ ထိုင်းနိုင်ငံသံအမတ်ကြီး၏ သမီးဖြစ်သူ သီရိ​ခေတ်နှင့် ပထမဆုံး ​တွေ့ဆုံမိခဲ့သည်။သီရိ​ခေတ်မှာ ချူလာ​လောင်ကွန်းဘုရင်၏ မြစ်​တော်စပ်သူလည်းဖြစ်သည်။ထိုစဉ်က သီရိ​ခေတ်မှာ အသက်၁၅နှစ်သာရှိ​သေးပြီး စန္ဒယား​ဖျော်​ဖြေပွဲအတွက် ​လေ့ကျင့်​နေသည်။[၁၄][၁၅]

၁၉၄၈ခုနှစ် ​အောက်တိုဘာ၄ရက်​နေ့တွင် ဘုရင်ဘူမိဗလမှာ ဖီယယတ်တိုပိုလီနိုကားဖြင့် လူဆန်မြို့အပြင်ဘက် ၁၀ကီလိုမီတာအကွာ ဂျီနီဗာ-လူဆန်လမ်း​ပေါ်တွင် ဘရိတ်အုပ်လိုက်​သော ထရပ်ကား၏ ​နောက်ပိုင်းကို တိုက်မိ​လေသည်။​နောက်​ကျောပိုင်း၊မျက်နာနှင့် မျက်လုံးတွင် အပြင်းအထန်ဒဏ်ရာ ရသွားခဲ့သည်။[၁၂][၁၆] ထို့​ကြောင့် မီးသင်္ဂြိုဟ်ခြင်း အခမ်းအနားနှင့် ဘိသိတ်ပွဲကို ထပ်မံ ရွှေ့ဆိုင်းခဲ့ပြန်သည်။ [၁၄]လူဆန်မြို့တွင် ​ဆေးရုံတက်​နေစဉ် သီရိ​ခေတ်မှာ မကြာခဏ လာ​လေ့ရှိသည်။မယ်​တော်ဆန်ဝမ် တလပတ်နှင့်​တွေ့ကာ မယ်​တော်က သား​တော်ဘူမိဗလနှင့် ပို၍ရင်းနီးရန် အနီးအနားတွင် ​ကျောင်း​ပြောင်းတက်ရန် ​မေးခဲ့သည်။[၁၇]၁၉၄၉ခုနှစ် ဇူလိုင်၁၉ရက်​နေ့တွင် တိတ်ဆိတ်စွာ ​စေ့စပ်ခဲ့ကြပြီး ဘိသိတ်မခံမီ တစ်ပတ်အလို ၁၉၅၀ခုနှစ် ဧပြီ၂၈ရက်​နေ့တွင် ထိမ်းမြားခဲ့ကြသည်။သူတို့၏ လက်ထပ်ပွဲကို နယူး​ယောခ့်တိုင်းမ်သတင်းစာက ဆင်နှင့် ထီးဖြူ​မြေမှ အရိုးရှင်းဆုံး လက်ထပ်ပွဲဟု ​ဖော်ပြခဲ့သည်။

ဘူမိဗလဘုရင်နှင့် မိဖုရားသီရိ​ခေတ်တို့တွင် သားသမီး ​လေးပါးရှိသည်။

ဘိသိတ်ခံယူခြင်းနှင့် ဘွဲ့​တော်များ[ပြင်ဆင်ရန်]

​တော်ဝင်နန်း​တော်တွင် ဘူမိဗလဘုရင် ဘိသိတ်ခံယူ​နေပုံ
ဘိသိတ်ပွဲအတွင်း ​တော်ဝင်စီတန်းလှည့်လည်​နေစဉ်

အချိန်​နှောင့်​​နှေးစွာ ကြာမြင့်ပြီးမှ ပြီးဆုံးသွား​သော အစ်ကို​တော် မဟီ​ဒေါဘုရင်၏ အသုဘအခမ်းအနားပြီး​နောက်တွင်ဘူမိဗလဘုရင်သည် ဘုရင်အဖြစ် ဘိသိတ်ခံယူခဲ့သည်။၁၉၅၀ခုနှစ် ​မေလ၅ရက်​နေ့တွင် ​တော်ဝင်နန်း​တော်ရှိ ဘိုင်ဆယ်သက်ဆင်ပလ္လင်ခန်းမတွင် ကျင်းပခဲ့သည်။အခမ်းအနားတွင် ဘူမိဗလဘုရင်ကသူ့အ​နေဖြင့် ဆိုင်ယမ်ပြည်သူများ၏ အကျိုးနှင့် ​ပျော်ရွှင်မှုအတွက် ​ဖြောင့်မတ်စွာ အုပ်ချုပ်သွားမည်("เราจะครองแผ่นดินโดยธรรม เพื่อประโยชน์สุขแห่งมหาชนชาวสยาม")ဟု ကတိပြုခဲ့သည်။[၁၈] အင်္ဂလိပ်ဘာသာတွင် နဝမရာမဘုရင် (King Rama IX) ခေါ်သော်လည်း ထိုင်းဘာသာတွင် ထိုကဲ့သို့ အသုံးမပြုပေ။ ထိုင်းလူမျိုး ပိုမိုအသုံးပြုသည့် အမည်သည် နိုင်လွမ်း (ในหลวง) သို့မဟုတ် ဖရားချောင်ယူဟွာ (พระเจ้าอยู่หัว- အမည်နှစ်မျိုးစလုံး မင်းဘုရင် သို့မဟုတ် ခေါင်းပေါ်မှာရှိသည့်သခင်)၊ ချောင်းချီဝစ် (ဘဝသခင်) တို့ဖြစ်ကြသည်။ ဥပဒေအရ ဘွဲ့အမည်သည် ဖရာဘတ် စုမ်းဒဂျ် ပါရာမင်းသာရ မဟာ ဘူမီဘော အဒူလျာဒက် (พระบาทสมเด็จพระปรมินทรมหาภูมิพลอดุลยเดช) ဖြစ်သည်။

နတ်ပြည်စံခြင်း[ပြင်ဆင်ရန်]

ဘူမိဗလဘုရင်၏ ​တော်ဝင်မီးသင်္ဂြိုဟ်ခြင်းကျင်းပရာ ​နေရာ
၁၃.၁၀.၂၀၁၆ခုနှစ်က ​တော်ဝင်အိမ်​တော်များအဖွဲ့က ထုတ်ပြန်သည့် ဘုရင်ကြီး ​​ကံကုန်​ကြောင်း ထုတ်ပြန်ချက်

ဘုရင်ကြီး ဘူမိဗလမှာ ၂၀၁၆ခုနှစ် ​အောက်တိုဘာလ ၁၃ရက် ​ဒေသစံ​တော်ချိန် ည​နေ ၃နာရီ၅၂မိနစ်တွင် ဘန်​ကောက်မြို့၊ သီရိရတ်ချ်​ဆေးရုံ၌ ကံကုန်ခဲ့သည်။​နောက်တစ်​နေ့တွင် ကြွင်းကျန်​ရစ်​သော အ​လောင်း​တော်ကို ​တော်ဝင်နန်း​တော်သို့ ယာဉ်တန်းဖြင့်ပြန်လည် သယ်​ဆောင်ခဲ့ပြီး ဓ​လေ့အရ ​ရေချိုးခြင်း ပြုလုပ်ခဲ့သည်။[၁၉] သူ၏ တစ်ဦးတည်း​သောသားဖြစ်သူ အိမ်​ရှေ့မင်းသား ဝသိလာ​လောင်ကွန်းမှ ​ပီးမန်းရတရာပလ္လင်ခန်းမတွင် ကျင်းပ​သော ​ရေချိုးခြင်းအခမ်းအနားကို ဦးစီး လုပ်​ဆောင်ခဲ့သည်။ဝမ်းနည်းခြင်း အထိမ်းအမှတ်ကာလကို တစ်နှစ်ကြာသတ်မှတ်ခဲ့သည်။[၂၀]

​တော်ဝင်မီးသင်္ဂြိုဟ်ခြင်း အခမ်းအနားကို ၂၀၁၇ခုနှစ် ​အောက်တိုဘာလတွင် ၅ရက်ကြာ ကျင်းပခဲ့သည်။ရုပ်မြင်သံကြားများတွင် ရိုက်ကူးထုတ်လွှင့်ခြင်းမရှိခဲ့​သော အမှန်တကယ် မီးသင်္ဂြိုဟ်ခြင်း အခမ်းအနားကို ​အောက်တိုဘာလ ၂၀၁၇ခုနှစ် ၂၆ရက်​နေ့ ည​နေပိုင်းတွင် ပြုလုပ်ခဲ့သည်။[၂၁][၂၂] သင်္ဂြိုဟ်အပြီး အကြွင်းအကျန်များနှင့် ပြာများကို ​တော်ဝင်နန်း​တော်ရှိမဟာဖဆတ်ပလ္လင်ခန်းမ၊ ​တော်ဝင်အုတ်ဂူများနှင့် ​တော်ဝင်ဘုရား တို့တွင် ထားရှိသည်။[၂၃]မြှပ်နှံအပြီးတွင် ဝမ်းနည်းခြင်းအချိန်ကာလကို ၂၀၁၇ခုနစ် ​အောက်တိုဘာလ၁၇ရက်​နေ့ ညသန်း​ခေါင်တွင် ပြီးဆုံးခဲ့သည်။ထိုင်းပြည်သူများသည် ပုံမှန်အ​ရောင်များအတိုင်း ပြန်လည်ဝတ်ဆင်ခဲ့ကြပြီး ​၂၀၁၉ခုနှစ် ​မေလ ၄ရက်မှ၆ရက်တွင် ကျင်းပမည့် နောက်တက်လာမည့် ဘုရင်အသစ်၏ ဘိသိတ်ခံယူခြင်းကို ​စောင့်စား​နေခဲ့ကြသည်။ [၂၄]

ကိုးကား[ပြင်ဆင်ရန်]

  1. Thailand’s King Bhumibol Adulyadej dies - The Hindu
  2. A Royal Occasion speechesJournal။ Worldhop (1996)။ Archived from the original on 12 May 2006။ 5 July 2006 တွင် ပြန်စစ်ပြီး။
  3. Simon Mortland (20 January 2012)။ In Thailand, A Rare Peek at His Majesty's Balance SheetForbes
  4. "The World's Richest Royals"၊ Forbes၊ 2010-07-07။ 
  5. The World's Richest RoyalsForbes (29 April 2011)။
  6. Joshua Kurlantzick (24 January 2012)။ Forbes Looks into the King of Thailand's WealthCouncil on Foreign Relations။ Archived from the original on 3 February 2014။
  7. "Why Thailand's king is so revered"၊ BBC News၊ 2007-12-05။ 
  8. CNN၊ Jethro Mullen။ Thailand's King Bhumibol leaves hospital for seasidecnn.com
  9. ဒေါက်တာထွန်းလွင်
  10. ၁၀.၀ ၁၀.၁ ကိုးကား အမှား - Invalid <ref> tag; no text was provided for refs named Kanchanapisek
  11. ၁၁.၀ ၁၁.၁ ၁၁.၂ ၁၁.၃ (2012) King Bhumibol Adulyadej – A Life's Work. Editions Didier Millet. ISBN 9814260568 
  12. ၁၂.၀ ၁၂.၁ ၁၂.၂ ၁၂.၃ ၁၂.၄ ၁၂.၅ (2006) The King Never Smiles. Yale University Press. ISBN 0-300-10682-3 
  13. For an in-depth exploration of this theory, see Thailand's saddest secret (2013)။
  14. ၁၄.၀ ၁၄.၁ ကိုးကား အမှား - Invalid <ref> tag; no text was provided for refs named TelegraphObituary
  15. Bhirom Bhakdi၊ Soravij။ Queens of the Chakri Dynasty။ Archived from the original on 14 July 2006။ 1 August 2006 တွင် ပြန်စစ်ပြီး။
  16. The Making of a MonarchBangkok Post (5 December 2005)။ Archived from the original on 15 July 2006။
  17. The Royal Family။ Manora Company Limited Hua Hin။ Archived from the original on 16 March 2017။ 15 March 2017 တွင် ပြန်စစ်ပြီး။
  18. Royal Power Controversy။ 4 January 2007 တွင် ပြန်စစ်ပြီး။
  19. 'Anchœ̄n phrabǭrommasop phrabātsomdet phračhāoyūhūa nai phrabǭrommakōt khlư̄an khabūan siphā nālikā။ Wacharaphon (2016-10-14)။
  20. "Rituals in a Royal's death" (in en)၊ The Nation 
  21. Thailand's King Bhumibol Adulyadej, world's longest-reigning monarch, dies။ Reuters (13 October 2016)။
  22. Thailand's King Bhumibol Adulyadej dead at 88။ BBC News (13 October 2016)။
  23. Thai Royal Burial Sites
  24. Coronation of HM King Maha Vajiralongkorn to be held May 4-6: palace (in en)။