ဒိန်းမတ်-မြန်မာ ဆက်ဆံရေး

ဒိန်းမတ်–မြန်မာ ဆက်ဆံရေး

ဒိန်းမတ်	မြန်မာ

ဒိန်းမတ်–မြန်မာ ဆက်ဆံရေး သည် မြန်မာနိုင်ငံနှင့် ဒိန်းမတ်နိုင်ငံအကြား နှစ်နိုင်ငံဆက်ဆံရေး ဖြစ်သည်။ နှစ်နိုင်ငံလုံးသည် အခြေစိုက်သံရုံးများ မရှိဘဲ မြန်မာနိုင်ငံသည် ယူနိုက်တက်ကင်းဒမ်းနိုင်ငံရှိ သံရုံးမှတဆင့်သော်လည်းကောင်း၊ ဒိန်းမတ်နိုင်ငံသည် ထိုင်းနိုင်ငံရှိ သံရုံးမှသော်လည်းကောင်း သံတမန်လုပ်ငန်းများ ဆောင်ရွက်သည်။ နှစ်နိုင်ငံအကြား သံတမန်ရေးရာ ဆက်ဆံမှုများကို ၁၉၅၅ ခုနှစ်တွင် စတင်ခဲ့သည်။ နှစ်နိုင်ငံအကြား ဆက်ဆံရေးသည် မိတ်ဆွေရင်းခြားသဖွယ် ဖြစ်သည်။ ဥရောပသမဂ္ဂအဖွဲ့ဝင်နိုင်ငံများအနက် ဒိန်းမတ်နိုင်ငံသည် မြန်မာနိုင်ငံနှင့် ကုန်သွယ်မှု ပမာဏ အနည်းဆုံး ဖြစ်သည်။ ဒိန်းမတ်နိုင်ငံသည် နော်ဝေးနိုင်ငံအခြေစိုက် ဒီမိုကရက်တစ် မြန်မာ့အသံကို ထောက်ခံသူ ဖြစ်သည်။

မြန်မာနိုင်ငံအတွက် ထောက်ပံ့ပေးမှု

ဒိန်းမတ် အပြည်ပြည်ဆိုင်ရာ ဖွံ့ဖြိုးရေးအေဂျင်စီသည် အရှေ့တောင်အာရှတွင် ဖွံ့ဖြိုးရေးအကူအညီများပေးအပ်ရာတွင် မြန်မာနိုင်ငံသည် ဦးစားပေး ဖြစ်သည်။ ပညာရေးနှင့် ကျန်းမာရေး စီမံချက်များမှတဆင့် ဒိန်းမတ် ခရိုနာ ၉၃ သန်းကျော် ထောက်ပံ့ပေးခဲ့သည်။

ဒိန်းမတ် ဖွံ့ဖြိုးရေး အကူအညီသည် ဒီမိုကရေစီနှင့် လူ့အခွင့်အရေးကိုလည်း မြှင့်တင်ရန်အတွက်လည်း ရည်မှန်းထားသည်။ နာဂစ်မုန်တိုင်းတိုက်ခတ်အပြီးအတွင် မြန်မာနိုင်ငံအတွက် လူသားချင်းစာနာမှု အကူအညီများ ဦးစွာပေးအပ်သော နိုင်ငံများတွင် ဒိန်းမတ်နိုင်ငံသည်လည်း အပါအဝင် ဖြစ်သည်။ ရောဂါသုံးမျိုး ရန်ပုံငွေ ကို ၂၀၀၆ ခုနှစ်တွင် ဖွဲ့စည်းခဲ့ပြီး ဒိန်းမတ်နိုင်ငံသည် ၂၀၀၉ ခုနှစ်တွင် အဖွဲ့ဝင် ဖြစ်လာခဲ့သည်။ ရောဂါသုံးမျိုး ရန်ပုံငွေသည် မြန်မာနိုင်ငံတွင် အိတ်ချ်အိုင်ဗွီ နှင့် အေအိုင်ဒီအက်စ် တိုက်ဖျက်ရေးအတွက် ဒေါ်လာ ၇၃ သန်းတန် အကူအညီများပေးခဲ့သည်။

မြန်မာနိုင်ငံဆိုင်ရာ ကောင်စစ်ဝန် မတော်တဆမှု

၁၉၉၆ ခုနှစ်တွင် ဒိန်းမတ်၏ မြန်မာနိုင်ငံဆိုင်ရာ ကောင်စစ်ဝန် ဂျိမ်းစ် လန်ဒါ နီကိုးစ် သည် ဖက်စ်မိတ္တူကူးစက်နှစ်လုံးနှင့် တယ်လီဖုန်းစက်ခလုတ်ခုံ အား တရားမဝင်ပိုင်ဆိုင်မှုကြောင့် ထောင်ဒဏ် သုံးနှစ် ချမှတ်ခံခဲ့ရသည်။ နှစ်လအကြာတွင် ထောင်တွင်း၌ သေဆုံးခဲ့ရာ လွတ်လပ်သော ရင်ခွဲစစ်ဆေးမှု ပြုလုပ်ရန် ဒိန်းမတ်နိုင်ငံ၏ တောင်းဆိုမှုကို မြန်မာအာဏာပိုင်များက ပယ်ချခဲ့သည်။

ပြင်ပလင့်ခ်များ

• Folkekirkens Nødhjælp: Burma/Myanmar (in ဒိန်းမတ်)
• Danish Burma Committee
• Denmark lets Burma down (in ဒိန်းမတ်)