မင်းကိုနိုင်

Wikipedia မှ
ဤနေရာသို့သွားရန် - အ​ညွှန်း​, ရှာ​ဖွေ​ရန်​
ဦးမင်းကိုနိုင်
Minn Ko Naing
၁၈ရက် အောက်တိုဘာ ၁၉၆၂ -
မင်းကိုနိုင်
၂၀၀၇ခုနှစ်တွင် ရိုက်ကူးထားသည့် ဓာတ်ပုံ
ကိုယ်ရေး အချက်အလက်
အမည်​ရင်း ပေါ်ဦးထွန်း
မွေး​ရက် ၁၈ရက် အောက်တိုဘာ ၁၉၆၂
မွေးရပ်ဇာတိ ရန်ကုန်မြို့
လူသိများခြင်း နိုင်ငံရေး ကျောင်းသားခေါင်းဆောင်
လက်မှတ် Min Ko Naing Signature.svg

မင်းကိုနိုင်၏ အမည်အရင်းမှာ ပေါ်ဦးထွန်းဖြစ်ပြီး ၁၉၆၂ ခုနှစ် အောက်တိုဘာ ၁၈ရက်တွင် ရန်ကုန်မြို့၌ မွေးဖွားသည်။ ၁၉၈၈ ခုနှစ်ဝန်းကျင်က မြန်မာနိုင်ငံလုံးဆိုင်ရာ ကျောင်းသားများ သမဂ္ဂ၏ ဥက္ကဌ ဖြစ်ခဲ့ပြီး မြန်မာနိုင်ငံ၏ ထင်ရှားကျော်ကြားသော အတိုက်အခံ နိုင်ငံရေး ခေါင်းဆောင်တစ်ဦး ဖြစ်သည်။

သမိုင်းကြောင်း[ပြင်​ဆင်​ရန်​]

မင်းကိုနိုင်ကို ရန်ကုန်မြို့တွင် မွေးဖွားပြီး သူသည် ဦးသက်ညွန့် နှင့် ဒေါ်လှကြည်တို့ ၏ တတိယမြောက်သားဖြစ်သည်။ သူ၏မိဘများမှာ မွန်ပြည်နယ်( မုဒုံမြို့) မှ ဖြစ်ပြီး မွန်နှင့် တရုတ်စပ်သော လူမျိုးများဖြစ်သည်။ မင်းကိုနိုင်တွင် ဒေါ်ကြည်ကြည်ညွန့်၊ ဒေါ်ရဲရဲညွန့် နှင့် ဒေါ်သန္တာညွန့်ဟူသော အမ နှင့် ညီမ ၃ ယောက်ရှိသည်။ သူသည် သင်္ဃန်းကျွန်းမြို့နယ် အမှတ်(၄) အခြေခံပညာ အလယ်တန်းကျောင်းတွင် တက်ရောက်ပညာသင်ကြားခဲ့သည်။ သူသည် ၁၉၈၈ ခုနှစ် ဩဂုတ်လ ၂၈ရက်နေ့တွင် မြန်မာနိုင်ငံလုံးဆိုင်ရာ ကျောင်းသားများ သမဂ္ဂ၏ ဥက္ကဋ္ဌ ဖြစ်လာခဲ့သည်။ သူ၏နေအိမ်မှာ ရန်ကုန်မြို့ သင်္ဃန်းကျွန်းမြို့နယ် (၁၆/၂) ရပ်ကွက် ဝေဇယန္တာလမ်း အမှတ် (၁၅၁/က) ဖြစ်ပြီး လက်ရှိတွင် အင်းစိန်အကျဉ်းထောင်တွင် ဖမ်းဆီးချုပ်နှောင်ထားခြင်းခံနေရသည်။

အစောပိုင်းကျောင်းတက်နေစဉ်နှစ်များ[ပြင်​ဆင်​ရန်​]

မင်းကိုနိုင်သည် ၁၉၈၀ ခုနှစ်လွန်နှစ်များအတွင်း ရန်ကုန် ဝိဇ္ဇာသိပ္ပံတက္ကသိုလ်တွင် သတ္တဗေဒ အထူးပြုဖြင့် ပညာသင်ကြားနေခိုက်တွင် နိုင်ငံရေးကို စတင်စိတ်ဝင်စားလာခဲ့သည်။ သူသည် အနုပညာအသင်း၏ တက်ကြွသော အသင်းဝင်တစ်ယောက်ဖြစ်ပြီး စာဖတ်ခြင်း၊ ကဗျာရေးခြင်းနှင့် ကာတွန်းဆွဲခြင်း (အထူးသဖြင့် သရော်စာကာတွန်းများ) တို့တွင် မွေ့လျော်နေခဲ့သည်။ သူနှင့် ရင်းနှီးသော လူများ၏ ပြန်လည်ပြောပြချက်အရ မင်းကိုနိုင်သည် နှစ်စဉ်သင်္ကြန်ကာလအတွင်း ရိုးရာ သံချပ်ပြိုင်ပွဲတွင် ပါဝင်ယှဉ်ပြိုင်လေ့ရှိသော "ဆိတ်ပါးစပ် နှင့် နတ်မျက်စိ" ဟု အမည်ပေးထားသည့် သံချပ်အဖွဲ့တွင် အပါအဝင်ဖြစ်သည်ဟုသိရသည်။

၁၉၈၈ ခုနှစ်၊ ဩဂုတ်လ ၂၈ ရက်နေ့က ရန်ကုန် တက္ကသိုလ်ဝင်းထဲရှိ သမိုင်းဝင် ကျောင်းသားသမဂ္ဂအဆောက်အဦး တည်ရှိခဲ့ရာ မြက်ခင်းပြင်မှာ ဗမာနိုင်ငံလုံးဆိုင်ရာ ကျောင်းသား သမဂ္ဂများအဖွဲ့ချုပ်ကို ပြန်လည်ဖွဲ့စည်းခဲ့ချိန်မှာ ဥက္ကဋ္ဌအဖြစ် မင်းကိုနိုင်ကို ကျောင်းသားထုက ရွေးချယ်ခဲ့ကြပါသည်။

၈ လေးလုံး လူထုလှုပ်ရှားမှုမှာ ထိပ်တန်းကနေ ဦးဆောင်သူတဦးအဖြစ် လုပ်ခဲ့ပြီး ၁၉၈၉ ခုနှစ်မှာ အဲဒီအချိန် စစ်အစိုးရက ဖမ်းဆီး အကျဉ်းချခဲ့သည်။

၂၀၀၄ ခုနှစ်မှာ ပြန်လွတ်လာခဲ့ပြီးနောက် ဒီမိုကရေစီရေးနဲ့ လူ့အခွင့်အရေးအတွက် ဆက်လုပ်ခဲ့သည်။ ထိုကာလအတွင်းမှာပဲ နောက်ကြည့်မှန် ဆိုသည့် ဝတ္ထုရှည်တပုဒ်ကိုလည်း ရေးသားခဲ့ပါသေးသည်။ ၈ လေးလုံး လှုပ်ရှားမှုကို နောက်ခံထားပြီး ထိုလှုပ်ရှားမှုတွင် ပါဝင်ခဲ့သော လူငယ် ကျောင်းသားတယောက်အကြောင်းကို ရေးဖွဲ့ထားသော ဝတ္ထုဖြစ်ပြီး ၂၀၀၉ ခုနှစ်မှာ သူ့၏ ၄၇ နှစ်မြောက် မွေးနေ့အထိမ်းအမှတ်အဖြစ် ထုတ်ဝေခဲ့သည်။

မင်းကိုနိုင်သည် ဒီမိုကရေစီရေးနဲ့ လူ့အခွင့်အရေး လှုပ်ရှားသူတဦး၊ တနည်းအားဖြင့် နိုင်ငံရေးလုပ်ဆောင်သူ တဦးဖြစ်ရုံသာမက ရသဖန်တည်းမှုကို မွေ့လျော် ပျော်ဝင်သူတဦးလည်း ဖြစ်တယ်ဆိုတာကို သူရေးခဲ့သော ကဗျာတွေ၊ ဝတ္ထုတွေကနေ တွေ့ရပါသည်။ နောက်ကြည့်မှန်ဝတ္ထုကို ဖတ်ပြီးတဲ့အခါမှာ မင်းကိုနိုင်ဆိုတဲ့ လူတယောက်ရဲ့ ရုပ်ပုံကားချပ်ကို ပိုပြည့်စုံအောင် တွေ့လိုက်ရသလို ၈ လေးလုံး အရေးတော်ပုံနဲ့ မြန်မာပြည်ရဲ့ လက်ရှိအခြေ အနေတွေကိုပါ မီးမောင်းထိုးပြနိုင်စွမ်းရှိပေသည်။

“ဒီဝတ္ထုမှာကြည့်လိုက်ရင် သူက နိုင်ငံရေးမိန့်ခွန်း ပြောတာပဲဖြစ်ဖြစ်၊ ရသစာပေတခုခု၊ ကဗျာ ဝတ္ထုတခုခုကို ဖန်တီးတဲ့နေရာမှာပဲဖြစ်ဖြစ် အနာတွေ၊ အမုန်းတွေမပါအောင် သူက လုပ်နိုင်တယ်။ အဲဒါ သူ့ရဲ့ထူးခြားချက်၊ သူ့ရဲ့ အနာတွေ၊ အမုန်းတွေမပါဘူး။ သူပြောတဲ့စကားမှာပဲ ဖြစ်ဖြစ်၊ သူ့ရဲ့ဖန်တီးမှုတခုခုမှာပဲဖြစ်ဖြစ်။ ဒီ ဆယ်စုနှစ်နဲ့ချီပြီးတော့ ထောင်ထဲမှာ နေခဲ့ရတယ်။ သူ့ဘ၀မှာ ဆုံးရှုံးခဲ့တာတွေ အများကြီးပဲ။ ဒါပေမဲ့ အဲဒီ အနာတွေ၊ အမုန်းတွေမပါအောင် သူ့ရဲ့စကားတွေ ဖန်တီးမှုတွေကို သူကလုပ်နိုင်တယ်။

“ပြီးတော့ ဘာတွေ့ရလဲဆိုတော့ ရိုးသားမှု၊ နူးညံ့မှု၊ ရှင်းရှင်းလင်းလင်းရှိမှုနဲ့ ခိုင်မာမှု၊ နောက် တခါ အတွေးတွေ ရေးဟန်တွေက ကိုယ်ပိုင်ရှိတယ်။ အဲဒီတော့ ဝတ္ထုဖတ်ပြီးတဲ့အခါမှာ ဘာတွေ့ရလဲဆိုတော့ မင်းကိုနိုင်ဆိုတာ လူဆန်တယ်၊ လူငယ်ဆန်တယ်၊ ပြီးတော့ သူ့ရဲ့ဖန်တီးမှုလေးတွေက လှတယ်၊ ပေါ့ပါးတယ်၊ ကြည်လင်တယ်၊ ပြီးတော့ သူက သူ့ဘ၀အပေါ်မှာပဲဖြစ်ဖြစ်၊ သူ့အလုပ်အပေါ်မှာပဲဖြစ်ဖြစ်၊ သူ့ယုံကြည်မှုအပေါ်မှာပဲဖြစ်ဖြစ်၊ သူ့ရဲ့ ကံကြမ္မာပေါ်မှာပဲဖြစ်ဖြစ် ဘာမှ ရှု့ပ်ရှုပ်ထွေးထွေးမရှိဘူး၊ အဲဒါသွားတွေ့ရတယ်။”

မင်းကိုနိုင် ရေးစပ်သီကုံးပြီး ကိုယ်တိုင် သီဆိုထားတဲ့ ‘ပန်ထွာဧကရီ’ ဆိုတဲ့သီချင်းပါ။

မင်းကိုနိုင်ကို ၁၉၉၉ ခုနှစ်မှာ ဒေါက်တာစင်သီယာမောင်နဲ့ ပူးတွဲပြီး ကနေဒါနိုင်ငံက John Humphrey လွတ်မြောက်ရေးဆု၊ ၂၀၀၀ ခုနှစ်မှာ ချက်သမ္မတနိုင်ငံ၊ People in Need Foundation က Homo Homini ဆု၊ ၂၀၀၁ ခုနှစ်မှာ နော်ဝေးနိုင်ငံက ကျောင်းသားငြိမ်းချမ်းရေးဆု၊ ၂၀၀၅ ခုနှစ်မှာ အမေရိကန်နိုင်ငံ၊ Train Foundation က လူမှု ရဲစွမ်းသတ္တိဆု၊ ၂၀၀၉ ခုနှစ်မ ှာ တောင်ကိုရီးယားနိုင်ငံက ဂွမ်ဂျူး လူ့အခွင့်အရေးဆုတို့ကို ချီးမြှင့်ခံခဲ့ရပါသည်။

ပြန်လွတ်လာ[ပြင်​ဆင်​ရန်​]

၂၀၁၂-ခုနှစ်၊ ဇန်နဝါရီလ(၁၃)ရက်နေ့၊ နိုင်ငံတော် သမ္မတဦးသိန်းစိန်၏ စတုတ္ထအကြိမ်မြောက် အကျဉ်းသား ၆၅၁ဦး လွှတ်ရာတွင် လွတ်မြောက်ခဲ့သည်။