တီကျစ် ကျောက်မီးသွေးသုံး ရေနွေးငွေ့ဓာတ်အားပေးစက်ရုံ

ဝီကီပီးဒီးယား မှ
အ​ညွှန်း​သို့ ခုန်ကူးရန် ရှာဖွေရန် ခုန်ကူးမည်
တီကျစ် ကျောက်မီးသွေးသုံး ရေနွေးငွေ့ဓာတ်အားပေးစက်ရုံ
​၂၀၁၉ခုနှစ်က​တွေ့ရ​သော ဓာတ်အား​ပေးစက်ရုံ
နိုင်ငံ မြန်မာ
ကိုဩဒိနိတ်20°25′52″N 96°42′12″W / 20.43111°N 96.70333°W / 20.43111; -96.70333ကိုဩဒိနိတ်: 20°25′52″N 96°42′12″W / 20.43111°N 96.70333°W / 20.43111; -96.70333
အခြေအနေလည်ပတ်ဆဲ
လည်ပတ်သည့်နေ့စက်အမှတ် (၁) ၂၄.၁၂.၂၀၀၄
စက်အမှတ် (၂) ၃.၅.၂၀၀၅
ပိုင်ရှင်လျှပ်စစ်နှင့် စွမ်းအင် ဝန်ကြီးဌာန

တီကျစ် ကျောက်မီးသွေးသုံး ရေနွေးငွေ့ဓာတ်အားပေးစက်ရုံသည် ရှမ်းပြည်နယ်​တောင်ပိုင်းရှိ ​ကျောက်မီး​သွေးကိုအသုံးပြုကာလည်ပတ်သည့် ​ရေ​နွေး​ငွေ့သုံးဓာတ်အားပေးစက်ရုံဖြစ်သည်။[၁]

တည်​နေရာ[ပြင်ဆင်ရန်]

တီကျစ် ကျောက်မီးသွေးသုံး ရေနွေးငွေ့ဓာတ်အားပေးစက်ရုံသည် ရှမ်းပြည်နယ်​တောင်ပိုင်း၊ ပအိုဝ့်ကိုယ်ပိုင်အုပ်ချုပ်ခွင့်ရ​ဒေသ၊ ပင်​လောင်းမြို့နယ်အတွင်း၊ လွိုင်​ကော်-​အောင်ပန်းကားလမ်းမအနီးရှိ ပြင်သာရွာအနီးတွင်တည်ရှိသည်။

သမိုင်း​ကြောင်း[ပြင်ဆင်ရန်]

စတင်လည်ပတ်ခြင်း[ပြင်ဆင်ရန်]

နိုင်ငံ​တော်၏ လျှပ်စစ်လိုအပ်ချက်ကိုဖြည့်ရန်အတွက် ပြင်သာရွာအနီးတွင် ​ကျောက်မီး​သွေးသုံ​ရေ​နွေး​ငွေ့ဓာတ်အားပေးစက်ရုံကို ၂၀၀၂ခုနှစ်တွင်စတင်တည်​ဆောက်ခဲ့ပြီး ၂၀၀၄ခုနှစ်တွင် ပြီးစီးခဲ့သည်။စက်ရုံအတွက်လိုအပ်​သော ​ကျောက်မီး​သွေးကို တီကျစ်ရွာ(မြို့)ရှိ ​ကျောက်မီး​သွေးမိုင်းတွင်းမှ ရယူသည်။၆၀မဂ္ဂါဝပ် စက်၂လုံးမှ စုစု​ပေါင်း ၁၂၀မဂ္ဂါဝပ် ရရှိမည်ဖြစ်သည်။

သို့​​သော် လျှပ်စစ်စွမ်းအားဝန်ကြီးဌာနမှ တာဝန်ယူ၍ လည်ပတ်စဉ်က နည်းပညာအခက်အခဲ၊ အတတ်ပညာရှင်အခက်အခဲ၊ ​ငွေ​ကြေးအခက်အခဲများ​​ကြောင့် စက်ရုံကို အပြည့်အဝ စနစ်တကျ အကျိုးရှိစွာ အသုံးမချနိုင်ခဲ့ဘဲ သဘာဝပတ်ဝန်းကျင် ထိခိုက်လာခဲ့သည်။၂၀၁၄ခုနှစ် မတ်လ ၁၉ရက်​နေ့တွင် အမှတ်(၁)စက်၊ ​အောက်တိုဘာလ၅ရက်​နေ့တွင် အမှတ်(၂)စက်များကို ချို့ယွင်းမှုများ​ကြောင့် ရပ်နားခဲ့ရသည်။ရေ​နွေး​ငွေ့တာဘိုင်စက်ကြီးများ ကြီးမားစွာ ပျက်စီးခဲ့ပြီးချိန်တွင် စက်ရုံကို ပိတ်သိမ်းမည့်အစား တည်ရှိပြီး​သော စက်ရုံကို အလကားမဖြစ်​စေရန်လည်း​ကောင်း၊ နိုင်ငံ​တော်၏ ကြီးမားစွာလိုအပ်​နေ​သော လျှပ်စစ်ဓာတ်အားကိုလည်း​ကောင်း ဖြည့်ဆည်းနိုင်ရန်အတွက် တင်ဒါစနစ်ကိုသုံးကာ စက်ရုံကို ဆက်လက်လည်ပတ်ရန် ​ဆောင်ရွက်ခဲ့သည်။

တင်ဒါ​ခေါ်ယူ၍ စာချုပ်ချုပ်ဆိုခြင်း[ပြင်ဆင်ရန်]

တင်ဒါ​ခေါ်ယူရာတွင် တရုတ်နိုင်ငံ ရှန့်ဟိုင်းမြို့အနီးရှိ Wuxiမြို့အ​ခြေစိုက် Wuxi Hua Guang ကုမ္ပဏီမှ တင်ဒါ​အောင်မြင်ခဲ့သဖြင့် ၂၀၁၅ခုနှစ် ​အောက်တိုဘာ ၂၂ရက်​နေ့တွင် (၂၂)နှစ်ကြာ နှစ်ရှည်ငှားရမ်းမှု​သ​ဘောတူစာချုပ်ကို ချုပ်ဆိုခဲ့သည်။စာချုပ်တွင် စက်ရုံမှထွက်ရှိလာ​သော အခိုးအ​ငွေ့များ၊ ဖုန်မှုန့်များ​ကြောင့် သဘာဝပတ်ဝန်းကျင်ထိခိုက်မှုမရှိ​စေရန်အတွက် ထိုစဉ်က သယံဇာတနှင့်သဘာဝပတ်ဝန်းကျင်ထိန်းသိမ်း​ရေးဝန်ကြီးဌာနမှထုတ်ပြန်ထား​သော အမျိုးသားပတ်ဝန်းကျင်ဆိုင်ရာ အရည်အ​သွေး(ထုတ်လွှတ်မှု) လမ်းညွှန်ချက်များ နှင့် ကမ္ဘာ့ကျန်းမာ​ရေးအဖွဲ့ (WHO)၏ International Finance Coporation (IFC) Standardအတွင်း၌ ​မောင်းနှင်ရန် အ​လေးထားထည့်သွင်းချုပ်ဆိုခဲ့သည်။ဓာတ်အား​ရောင်းချ​ငွေ၏ အမြတ်၂%ကိုလည်း လူထုအကျိုးစီးပွားတာဝန်ယူမှုအဖြစ်​ပေးရမည်ကိုလည်း ထည့်သွင်းထားသည်။

စမ်းသပ် လည်ပတ်ခြင်း[ပြင်ဆင်ရန်]

သယံဇာတနှင့်သဘာဝပတ်ဝန်းကျင်ထိန်းသိမ်း​ရေးဝန်ကြီးဌာန၊လျှပ်စစ်နှင့်စွမ်းအင်ဝန်ကြီးဌာန၊ရှမ်းပြည်နယ်အစိုးရအဖွဲ့၊ပအိုဝ်ကိုယ်ပိုင်အုပ်ချုပ်ခွင့်ရ​ဒေသဦးစီးအဖွဲ့၊လွှတ်​တော်များ၊​ဒေသခံများ၊NGO၊INGOနှင့်CSOများအကြား အကြိမ်ကြိမ်ဆန်းစစ်ပြီး​နောက် ပတ်ဝန်းကျင်ထိခိုက်မှု ​လျှော့ချရန်လိုအပ်သည့်နည်းစနစ်များ၊စက်ပစ္စည်းများ တပ်ဆင်ကာ စက်များကိုပြုပြင်ခဲ့သည်။၂၀၁၆ခုနစ် ဒီဇင်ဘာလတွင် ရှမ်းပြည်နယ်အစိုးရအဖွဲ့၏ အနီးကပ်ကြီးကြပ်မှုဖြင့် သတ်မှတ်စံချိန်များအတိုင်း ​မောင်းနှင်နိုင်ခြင်းရှိ၊မရှိကို စမ်းသပ်​​​မောင်းနှင်ခဲ့သည်။ထို​မောင်းနှင်မှုအချက်အလက်များအရ သတ်မှတ်စံချိန်စံညွှန်းများအတိုင်း​မောင်းနှင်နိုင်ခဲ့သည်။

ပထမ(၁)နှစ် စမ်းသပ်​မောင်းနှင်ခြင်း[ပြင်ဆင်ရန်]

၂၁.၄.၂၀၁၇ခုနှစ်တွင် စက်ရုံရှင်းလင်း​ဆောင်တွင် အားလုံးပါဝင်​သော ​ဆွေး​နွေးပွဲကျင်းပခဲ့ပြီး စက်ရုံအား (၁)နှစ် စမ်းသပ်​မောင်းနှင်သွားရန်နှင့် ​ဒေသခံများမှ​ရွေးချယ်ထား​သော စက်ရုံကြီးကြပ်မှု​ကော်မတီ၏​အောက်တွင် ​မောင်းနှင်သွားရန် နိုင်ငံ​တော်သမ္မတရုံးနှင့် ရှမ်းပြည်နယ်အစိုးရအဖွဲ့တို့မှ ခွင့်ပြုခဲ့သည်။စက်တစ်လုံးကို (၄၀)မဂ္ဂါဝပ်နှင့် စုစု​ပေါင်း (၈၀)မဂ္ဂါဝပ် ထုတ်လုပ်နိုင်ခဲ့သည်။

ဒုတိယ(၁)နှစ် စမ်းသပ်​မောင်းနှင်ခြင်း[ပြင်ဆင်ရန်]

စမ်းသပ်လည်ပတ်မှု ၁နှစ်ပြည့်ပြီး​နောက် ဆက်လက်လည်ပတ်နိုင်ရန် ၁၉.၅.၂၀၁၈ခုနှစ်တွင် စက်ရုံရှင်းလင်းခန်းမတွင် ပြည်သူ့လွှတ်​တော် ​ကော်မတီများ၊အမျိုးသားလွှတ်​တော် ​ကော်မတီများ၊ ရှမ်းပြည်နယ်အစိုးရအဖွဲ့၊ပအိုဝ့်ကိုယ်ပိုင်အုပ်ချုပ်ခွင့်ရ​ဒေသ ဦးစီးအဖွဲ့၊ ပြည်နယ်လွှတ်​တော်ကိုယ်စားလှယ်များ၊ ​​ကျေးရွာအုပ်ချုပ်​ရေးမှူးများနှင့် စက်ရုံ​စောင့်ကြည့်​ရေး​ကော်မတီဝင်များပါဝင်​သော ​ဆွေး​နွေးပွဲကို ကျင်းပခဲ့သည်။​ဆွေး​နွေးပွဲတွင်ဆုံးဖြတ်ချက်အရ သဘာဝပတ်ဝန်းကျင်ထိန်းသိမ်း​ရေးလုပ်ငန်းစဉ်များများကို ပြီးပြတ်​အောင်​ဆောင်ရွက်ရန်နှင့် စက်ရုံအား တစ်နှစ်ထပ်မံလည်ပတ်ရန် ၂၄.၇.၂၀၁၈တွင် နိုင်ငံ​တော်သမ္မတရုံးမှ ခွင့်ပြုခဲ့သည်။

လက်ရှိအ​ခြေအ​နေ[ပြင်ဆင်ရန်]

လျှပ်စစ်နှင့်စွမ်းအင်ဝန်ကြီးဌာန ဝန်ကြီးရုံးမှ ၉.၈.၂၀၁၉ရက်စွဲပါ ခွင့်ပြုချက်ဖြင့် (၃)နှစ် လည်ပတ်​မောင်းနှင်ရန် ခွင့်ပြုထားလျက်ရှိသည်။စက်တစ်လုံးလျှင် (50)MW၊ စက်နှစ်လုံး​ပေါင်း (100)MWထုတ်လုပ်​ပေးနိုင်သည်။

ကိုးကား[ပြင်ဆင်ရန်]