အစင်ရွာ၊ ရေးမြို့နယ်

အစင်
ရွာ
အစင်ရွာ
အစင် မြန်မာနိုင်ငံတွင်း တည်နေရာ
ကိုဩဒိနိတ်: 15°13′11″N 97°47′19″E
နိုင်ငံ	မြန်မာ
ပြည်နယ်	မွန်
ခရိုင်	မော်လမြိုင်ခရိုင်
မြို့နယ်	ရေးမြို့နယ်
ကျေးရွာအုပ်စု	အစင်
အချိန်ဇုန်	မြန်မာစံတော်ချိန် (UTC+6.30)

အစင်ရွာ(မွန်: ကွာန်အစေံ)(အင်္ဂလိပ်: Ahsin)သည် မွန်ပြည်နယ်၊ မော်လမြိုင်ခရိုင်၊ ရေးမြို့နယ်၊ အစင်ကျေးရွာအုပ်စု၌ တည်ရှိသည်။ ရွာနေရာကုတ်မှာ ၁၉၅၃၃၅ ဖြစ်သည်။ ၂၀၁၄ သန်းခေါင်စာရင်းအရ အစင်ကျေးရွာအုပ်စုတွင် ကျား ၁၀၈၅၁ ဦး၊ မ ၁၀၆၁၁ ဦး၊ လူဦးရေ စုစုပေါင်း ၂၁၄၆၂ ဦး နေထိုင်သည်။ ရေးမြို့မှ အစင်ရွာသို့ ဒူးယားလမ်း၊ ငါးမျှားစခန်းလမ်း၊ ဓမင်းဆိပ်လမ်း၊ ချောင်းဝလမ်း၊ ဇီးဖြူတောင်လမ်းတို့ဖြင့် ဆက်သွယ်ထားသည်။ အစင်ရွာသည် ရေးမြို့ထက် အလွန်စည်ကားသော မြို့ပုံစံ ရွာကြီးတစ်ရွာ ဖြစ်သည်။ ရေးမြို့နှင့် အစင်ရွာမှာ ၈ မိုင်ခန့်မျှသာ ကွာဝေးသည်။ အစင်ရွာတွင် ရေးမြို့နှင့် ချောင်းတောင်ရွာ၊ ဓမင်းဆိပ်ရွာ၊ အဘော်ရွာ၊ ဇီးဖြူတောင်ရွာ၊ ဒူးယားရွာ၊ ရွှေပြည်သာရွာများအား လျှပ်စစ်ဓာတ်အားဖြန့်ဖြူးပေးနေသော မြတ်သူရထွန်းကုမ္ပဏီစက်ရုံလည်း တည်ရှိသည်။ အစင်ရွာဒေသခံများ၏ အဓိကစီးပွားရေးလုပ်ငန်းမှာ အုတ်ဖုတ်လုပ်ငန်း၊ တောင်ယာစိုက်ပျိုးရေးလုပ်ငန်းတို့ဖြစ်သည်။ နယ်ခံမဟုတ်သောလူများစုများမှာ ဖျာပုံ၊ ဒေးဒရဲ၊ ရန်ကုန်နှင့် အညာဒေသတို့မှ လာရောက်အလုပ်လုပ်ကိုင်ကြသောသူများဖြစ်သည်။ အဓိကစီးပွားရေးမှာ တံငါလုပ်ငန်း ဖြစ်သည်။ ထိုရွာတွင် ရှေးဟောင်းဘုရားပုထိုးများလည်း ရှိသည်။ လူများစုမှာဗမာလူမျိုးများဖြစ်ပြီး မွန်၊ မူဆလင်၊ ထားဝယ်လူမျိုးများမှာ လူနည်းစုဖြစ်သည်။