ဓမ္မစကြာသုတ်

ဝီကီပီးဒီးယား မှ
Jump to navigation Jump to search
ဓမ္မစကြာတရားတော် ဟောကြားနေပုံ

မာတိကာ

ဓမ္မစကြာ အမွှန်း[ပြင်ဆင်ရန်]

(က) ဘိက္ခူနံ ပဉ္စ ဝဂ္ဂီနံ ၊ ဣသိပတန နာမကေ ၊ မိဂဒါယေ ဓမ္မဝရံ ၊ ယံ တံ နိဗ္ဗာ န ပါပကံ ။

(ခ) သဟမ္ပပတိ နာမကေန၊ မဟာဗြဟ္မေန ယာစိတော ၊ စတုသစ္စံ ပကာသေန္တော ၊ လောကနာထော အဒေသယိ ။

(ဂ)နန္ဒိတံ သဗ္ဗဒေဝေဟိ၊ သဗ္ဗသမ္ပတ္တိသာဓကံ ။ သဗ္ဗလောက ဟိတတ္ထာယ၊ ဓမ္မစက္ကံ ဘဏာမ ဟေ။

၁ - ဓမ္မစကြာ နိဒါန်း[ပြင်ဆင်ရန်]

ဧဝံမေသုတံ - ဧကံ သမယံ ဘဂဝါ ဗာရာဏသိယံ ဝိဟရတိ ဣသိပတနေ မိဂဒါယေ ။ တတြ ခေါ ဘဂဝါ ပဉ္စဝဂ္ဂိယေ ဘိက္ခူ အာမန္တေသိ -

အခါတပါး၌ မြတ်စွာဘုရားသည် ဗာရာဏသီပြည် ဣသိပတနအမည်ရသည့် သားတို့ကိုဘေးမဲ့ပေးရာ မိဂဒါဝုန်တော၌ သီတင်းသုံးစံနေတော်မူဆဲဖြစ်၏။ ထိုအခါ မြတ်စွာဘုရားသည်

ပဉ္စဝဂ္ဂီရဟန်းတို့ကို မိန့်တော်မူ၏။

၂ - အယုတ်တရား နှစ်ပါး[ပြင်ဆင်ရန်]

ဒွေ မေ ဘိက္ခဝေ အန္တာ ပဗ္ဗဇိတေန န သေဝိတဗ္ဗာ။ ကတမေ ဒွေ - ယော စာယံ ကာမေသု ကာမသုခလ္လိကာနုယောဂေါ ဟီနော

ဂမ္မော ပေါထုဇ္ဇနိကော အနရိယော အနတ္တ သံဟိတော၊ ယော စာယံ အတ္တကိလမထာနုယောဂေါ ဒုက္ခော အနရိယော အနတ္တသံဟိတော။

ရဟန်းတို့ ... ရဟန်းဖြစ်သူသည် ဤအစွန်းတရားနှစ်ပါးတို့ကို မမှီဝဲအပ်ကုန်၊ အဘယ်အစွန်းတရားနှစ်ပါးတို့နည်း...

၁။ ယုတ်ညံ့၍ ရွာသူတို့၏ အကျင့်ဖြစ်သော, ပုထုဇဉ်တို့၏ အလေ့အကျင့်သာဖြစ်၍ အရိယာတို့၏ အလေ့အကျင့်မဟုတ်သော, အကျိုးစီးပွားနှင့် မစပ်ယှဉ်သော, ကာမဂုဏ်တို့၌ ကာမဂုဏ်ချမ်းသာကို ကပ်ငြိသောအားဖြင့် အဖန်တလဲလဲ လိုက်စားအားထုတ်ခြင်းလည်းကောင်း၊

၂။ ကိုယ်စိတ်၏ ဆင်းရဲခြင်းကို ဖြစ်စေတတ်သော, အရိယာတို့၏ အကျင့်မဟုတ်သော, အကျိုးစီးပွားနှင့် မစပ်ယှဉ်သော, မိမိကိုယ်ကို ပင်ပန်းအောင် ညှဉ်ပန်းမှုကို အဖန်ဖန်အားထုတ်ခြင်းလည်းကောင်း - ဤအစွန်းတရားနှစ်ပါးတို့ပင်တည်း။

၃ - အလယ်အလတ် အကျင့်တရား[ပြင်ဆင်ရန်]

ဧတေ ခေါ ဘိက္ခဝေ ဥဘော အန္တေ အနုပဂမ္မ မဇ္ဈိမာ ပဋိပဒါ တထာဂတေန အဘိသမ္ဗုဒ္ဓါ စက္ခုကရဏီ ဉာဏကရဏီ ဥပသမာယ အဘိညာယ သမ္ဗောဓာယ နိဗ္ဗာနာယ သံဝတ္တတိ။

ကတမာ စ သာ ဘိက္ခဝေ မဇ္ဈိမာ ပဋိပဒါ တထာဂတေန အဘိသမ္ဗုဒ္ဓါ စက္ခုကရဏီ ဉာဏကရဏီ ဥပသမာယ အဘိညာယ သမ္ဗောဓာယ နိဗ္ဗာနာယ သံဝတ္တတိ ။ အယမေဝ အရိယော အဋ္ဌင်္ဂိကော မဂ္ဂေါ ။

သေယျထိဒံ - သမ္မာဒိဋ္ဌိ သမ္မာသင်္ကပ္ပေါ သမ္မာဝါစာ သမ္မာကမ္မန္တော သမ္မာအာဇီဝေါ သမ္မာဝါယာမော သမ္မာသတိ သမ္မာသမာဓိ။ အယံ ခေါ သာ ဘိက္ခဝေ မဇ္ဈိမာ ပဋိပဒါ တထာဂတေန အဘိသမ္ဗုဒ္ဓါ စက္ခုကရဏီ ဉာဏကရဏီ ဥပသမာယ အဘိညာယ သမ္ဗောဓာယ နိဗ္ဗာနာယ သံဝတ္တတိ ။

ရဟန်းတို့ ... ထိုအစွန်းတရားနှစ်ပါးတို့သို့ မကပ်ရောက်မူ၍ ငါဘုရားရှင်သည် အထူးသဖြင့် ထိုးထွင်းသိမြင်တော်မူအပ်သော, ပညာမျက်စိကို ပြုတတ်သော, ဉာဏ်အမြင်ကို ပြုတတ်သော, အလယ်အလတ်ဖြစ်သော (မဇ္ဈိမပဋိပဒါ) အကျင့်သည် ကိလေသာ အပူမီး ငြိမ်းအေးရန်အလို့ငှာဖြစ်၏။ ထူးသောဉာဏ်ဖြင့် (သစ္စာလေးရပ်တရားမြတ်ကို) ထိုးထွင်းသိမြင်ရန်အလို့ငှာဖြစ်၏။ နိဗ္ဗာန်ကို ထိုးထွင်းသိမြင်တတ်သည့် အရိယမဂ်ဉာဏ်ကို ရရှိရန်အလို့ငှာဖြစ်၏။ နိဗ္ဗာန်ကို မျက်မှောက်ပြုရန် အလို့ငှာဖြစ်၏။

ရဟန်းတို့ ... ငါဘုရားရှင်သည် အထူးသဖြင့် ထိုးထွင်းသိမြင်တော်မူအပ်သော, ပညာမျက်စိကို ပြုတတ်သော, ဉာဏ်အမြင်ကို ပြုတတ်သော, ကိလေသာ အပူမီး ငြိမ်းအေးရန် ထူးသောဉာဏ်ဖြင့် (သစ္စာလေးရပ် တရားမြတ်ကို) ထိုးထွင်းသိမြင်ရန် နိဗ္ဗာန်ကို ထိုးထွင်းသိမြင်တတ်သည့် အရိယမဂ်ဉာဏ်ကို ရရှိရန် နိဗ္ဗာန်ကို မျက်မှောက်ပြုရန်ဖြစ်သော, ထိုအလယ်အလတ်ဖြစ်သော မြတ်သော (မဇ္ဈိမပဋိပဒါ) အကျင့်ကား အဘယ်နည်း။

၁။ (သစ္စာလေးရပ် တရားမြတ်ကို) မှန်စွာ ထိုးထွင်းသိမြင်ခြင်း 'သမ္မာဒိဋ္ဌိ'

၂။ (သစ္စာလေးရပ် တရားမြတ်အာရုံပေါ်သို့ စိတ်ကို ရှေးရှုတင်ပေးခြင်းဟူသော) မှန်စွာ ကြံခြင်း 'သမ္မာသင်္ကပ္ပ'

၃။ မှန်စွာ ပြောဆိုခြင်း 'သမ္မာဝါစာ'

၄။ မှန်စွာ ပြုလုပ်ခြင်း 'သမ္မာကမ္မန္တ'

၅။ မှန်စွာ အသက်မွေးခြင်း 'သမ္မာအာဇီဝ'

၆။ (သစ္စာလေးရပ် တရားမြတ်ကို ထိုးထွင်းသိမြင်ရန်) မှန်စွာ ကြိုးစားအားထုတ်ခြင်း 'သမ္မာဝါယာမ'

၇။ (သစ္စာလေးရပ် တရားမြတ်အာရုံကို) မှန်စွာ အောက်မေ့ခြင်း 'သမ္မာသတိ'

၈။ (ဥပစာရသမာဓိ အပ္ပနာသမာဓိတည်းဟူသော) မှန်စွာ တည်ကြည်ခြင်း 'သမ္မာသမာဓိ' တို့ပင်တည်း။

ရဟန်းတို့ ... ငါဘုရားရှင်သည် အထူးသဖြင့် ထိုးထွင်းသိမြင်တော်မူအပ်သော, ပညာမျက်စိကို ပြုတတ်သော, ဉာဏ်အမြင်ကို ပြုတတ်သော, ကိလေသာ အပူမီး ငြိမ်းအေးရန် ထူးသောဉာဏ်ဖြင့် (သစ္စာလေးရပ် တရားမြတ်ကို) ထိုးထွင်းသိမြင်ရန် နိဗ္ဗာန်ကို ထိုးထွင်းသိမြင်တတ်သည့် အရိယမဂ်ဉာဏ်ကို ရရှိရန် နိဗ္ဗာန်ကို မျက်မှောက်ပြုရန်ဖြစ်သော, ထိုအလယ်အလတ်ဖြစ်သော မြတ်သော (မဇ္ဈိမပဋိပဒါ) အကျင့်သည်ကား ဤသည်ပင်တည်း။

၄ - ဒုက္ခ သစ္စာ[ပြင်ဆင်ရန်]

ဣဒံ ခေါ ပန ဘိက္ခဝေ ဒုက္ခံ အရိယသစ္စံ - ဇာတိပိ ဒုက္ခာ၊ ဇရာပိ ဒုက္ခာ၊ ဗျာဓိပိ ဒုက္ခော၊ မရဏံပိ ဒုက္ခံ၊ အပ္ပိယေဟိ သမ္ပယောဂေါ ဒုက္ခော၊ ပိယေဟိ ဝိပ္ပယောဂေါ ဒုက္ခော၊ ယံပိစ္ဆံ န လဘတိ၊ တမ္ပိ ဒုက္ခံ။ သံခိတ္တေန ပဉ္စုပါဒါနက္ခန္ဓာ ဒုက္ခာ။

ရဟန်းတို့ ... ဤသည်ကား ဒုက္ခဖြစ်သည့် အရိယာတို့၏ အမှန်တရား 'ဒုက္ခအရိယသစ္စာတရား' ပေတည်း။

ပဋိသန္ဓေတည်နေရခြင်းသည်လည်း ဒုက္ခတည်း၊ အိုရခြင်းသည်လည်း ဒုက္ခတည်း၊ နာရခြင်းသည်လည်း ဒုက္ခတည်း၊ သေရခြင်းသည်လည်း ဒုက္ခတည်း၊ မချစ်မနှစ်သက်သောသူတို့နှင့် အတူနေရခြင်းသည်လည်း ဒုက္ခတည်း၊ ချစ်ခင်နှစ်သက်သောသူတို့နှင့် ကွေကွင်းရခြင်းသည်လည်း ဒုက္ခတည်း၊ လိုချင်ရာကို မရခြင်းသည်လည်း ဒုက္ခတည်း၊ အကျဉ်းအားဖြင့် တဏှာ ဒိဋ္ဌိတို့ဖြင့် စွဲလမ်းရာအာရုံဖြစ်ကုန်သော ဥပါဒါနက္ခန္ဓာငါးပါးတို့သည် ဒုက္ခတို့တည်း။

၅ - သမုဒယ သစ္စာ[ပြင်ဆင်ရန်]

ဣဒံ ခေါ ပန ဘိက္ခဝေ ဒုက္ခသမုဒယံ အရိယသစ္စံ - ယာယံ တဏှာ ပေါနောဗ္ဘဝိကာ နန္ဒီရာဂသဟဂတာ တတြတတြာဘိနန္ဒိနီ၊

သေယျထိဒံ - ကာမတဏှာ၊ ဘဝတဏှာ၊ ဝိဘဝတဏှာ။

ရဟန်းတို့ ... ဤသည်ကား ဒုက္ခဖြစ်ကြောင်းဖြစ်သည့် အရိယာတို့၏ အမှန်တရား 'ဒုက္ခသမုဒယ အရိယသစ္စာတရား' ပေတည်း။ အကြင်တဏှာသည် ဘဝသစ်၌ ဖြစ်စေတတ်၏။ နှစ်သက်ခြင်း တပ်မက်ခြင်းနှင့်တကွ ဖြစ်၏။ ထိုထိုအာရုံတို့၌ လွန်စွာနှစ်သက်တတ်၏။ ဤတပ်မက်မှုတဏှာဟူသည် အဘယ်နည်း။ ကာမဘုံတို့၌ တပ်မက်မှုတဏှာ 'ကာမတဏှာ'၊ (အတ္တသည်) တည်မြဲ၏ဟု စွဲယူသော

သဿတဒိဋ္ဌိနှင့် တကွဖြစ်သော တပ်မက်မှုတဏှာ 'ဘဝတဏှာ'၊ (အတ္တသည်) သေလျှင် ပြတ်စဲ၏ဟု စွဲယူသော ဥစ္ဆေဒဒိဋ္ဌိနှင့် တကွဖြစ်သော တပ်မက်မှုတဏှာ 'ဝိဘဝတဏှာ' တို့တည်း။

၆ - နိရောဓသစ္စာ[ပြင်ဆင်ရန်]

ဣဒံ ခေါ ပန ဘိက္ခဝေ ဒုက္ခနိရောဓံ အရိယသစ္စံ - ယော တဿာယေဝ တဏှာယ အသေသဝိရာဂနိရောဓော စာဂေါ ပဋိနိဿဂ္ဂေါ မုတ္တိ အနာလယော။

ရဟန်းတို့ ... ဤသည်ကား ဒုက္ခချုပ်ရာဖြစ်သည့် အရိယာတို့၏ အမှန်တရား 'ဒုက္ခနိရောဓအရိယသစ္စာတရား' ပေတည်း၊ ယင်းဒုက္ခ၏ ချုပ်ငြိမ်းရာဟူသည် ထိုတပ်မက်မှု တဏှာ၏သာလျှင် အကြွင်းမဲ့ စွဲမက်မှုကင်းပျောက် ချုပ်ငြိမ်းရာ စွန့်လွှတ်ရာ တဖန်စွန့်ပယ်ရာ လွတ်မြောက်ရာ မကပ်ငြိရာ (နိဗ္ဗာန်) ပင် ဖြစ်၏။

၇ - မဂ္ဂသစ္စာ[ပြင်ဆင်ရန်]

ဣဒံ ခေါ ပန ဘိက္ခဝေ ဒုက္ခနိရောဓဂါမိနိ ပဋိပဒါ အရိယသစ္စံ - အယမေဝ အရိယော အဋ္ဌင်္ဂိကော မဂ္ဂေါ ။

သေယျထိဒံ - သမ္မာဒိဋ္ဌိ သမ္မာသင်္ကပ္ပေါ သမ္မာဝါစာ သမ္မာကမ္မန္တော သမ္မာအာဇီဝေါ သမ္မာဝါယာမော သမ္မာသတိ သမ္မာသမာဓိ။

ရဟန်းတို့ ... ဤသည်ကား ဒုက္ခချုပ်ရာ (နိဗ္ဗာန်) သို့ ရောက်ကြောင်း အကျင့်ဖြစ်သည့် 'ဒုက္ခနိရောဓဂါမိနီ ပဋိပဒါ အရိယသစ္စာ (= မဂ္ဂအရိယသစ္စာ) တရား' ပေတည်း။ ဤအရိယမဂ်သည် အင်္ဂါရှစ်ပါးရှိ၏။ အင်္ဂါရှစ်ပါးဟူသော်ကား -

၁။ (သစ္စာလေးရပ် တရားမြတ်ကို) မှန်စွာ ထိုးထွင်းသိမြင်ခြင်း 'သမ္မာဒိဋ္ဌိ'၊

၂။ (သစ္စာလေးရပ် တရားမြတ်အာရုံပေါ်သို့ စိတ်ကို ရှေးရှုတင်ပေးခြင်းဟူသော) မှန်စွာ ကြံခြင်း 'သမ္မာသင်္ကပ္ပ'၊

၃။ မှန်စွာ ပြောဆိုခြင်း 'သမ္မာဝါစာ'၊

၄။ မှန်စွာ ပြုလုပ်ခြင်း 'သမ္မာကမ္မန္တ'၊

၅။ မှန်စွာ အသက်မွေးခြင်း 'သမ္မာအာဇီဝ'၊

၆။ (သစ္စာလေးရပ် တရားမြတ်ကို ထိုးထွင်းသိမြင်ရန်) မှန်စွာ ကြိုးစားအားထုတ်ခြင်း 'သမ္မာဝါယာမ'၊

၇။ (သစ္စာလေးရပ် တရားမြတ်အာရုံကို) မှန်စွာ အောက်မေ့ခြင်း 'သမ္မာသတိ'၊

၈။ (ဥပစာရသမာဓိ အပ္ပနာသမာဓိတည်းဟူသော) မှန်စွာ တည်ကြည်ခြင်း 'သမ္မာသမာဓိ' တို့ပင်တည်း။

၈ - ဒုက္ခ သစ္စာ ၌ သစ္စဉာဏ်[ပြင်ဆင်ရန်]

'ဣဒံ ဒုက္ခံ အရိယသစ္စ' န္တိမေ ဘိက္ခဝေ ပုဗ္ဗေအနနုဿုတေသု ဓမ္မေသု စက္ခုံ ဥဒပါဒိ၊ ဉာဏံ ဥဒပါဒိ ၊ ပညာ ဥဒပါဒိ၊ ဝိဇ္ဇာ ဥဒပါဒိ၊ အာလောကော ဥဒပါဒိ။

ရဟန်းတို့ ... "ဤတရားသည် ဒုက္ခဖြစ်သည့် အရိယာတို့၏ အမှန်တရား 'ဒုက္ခအရိယသစ္စာတရား' မည်၏" ဟု (ဘုရားမဖြစ်မီ) ရှေးအဖို့က မကြားစဖူးကုန်သော (ဒုက္ခသစ္စာ) တရားတို့၌ ငါဘုရားရှင်၏ သန္တာန်၌ (ပညာ) မျက်စိသည် ထင်ရှားဖြစ်ပေါ်တော်မူခဲ့၏။ အသိဉာဏ်သည် ထင်ရှားဖြစ်ပေါ်တော်မူခဲ့၏။ ကွဲကွဲပြားပြားသိတတ်သော 'ပညာ' ဉာဏ်သည် ထင်ရှားဖြစ်ပေါ်တော်မူခဲ့၏။ ထိုးထွင်း၍ သိတတ်သော 'ဝိဇ္ဇာ' ဉာဏ်သည် ထင်ရှားဖြစ်ပေါ်တော်မူခဲ့၏။ ဉာဏ်အရောင်အလင်းသည် ထင်ရှားဖြစ်ပေါ်တော်မူခဲ့၏။

၉ - ဒုက္ခသစ္စာ ၌ ကိစ္စဉာဏ်[ပြင်ဆင်ရန်]

'တံ ခေါ ပနိဒံ ဒုက္ခံ အရိယသစ္စံ ပရိညေယျ' န္တိမေ ဘိက္ခဝေ ပုဗ္ဗေအနနုဿုတေသု ဓမ္မေသု စက္ခုံ ဥဒပါဒိ၊ ဉာဏံဥဒပါဒိ၊ ပညာ ဥဒပါဒိ၊ ဝိဇ္ဇာ ဥဒပါဒိ ၊ အာလောကော ဥဒပါဒိ။

ရဟန်းတို့ ... ငါဘုရားရှင်သည် ထိုဒုက္ခဖြစ်သည့် အရိယာတို့၏ အမှန်တရား 'ဒုက္ခအရိယသစ္စာတရား' ကို စင်စစ်ပိုင်းခြား၍ သိထိုက်၏ဟု (ဘုရားမဖြစ်မီ) ရှေးအဖို့က မကြားစဖူးကုန်သော (ဒုက္ခသစ္စာ) တရားတို့၌ ငါဘုရားရှင်၏ သန္တာန်၌ (ပညာ) မျက်စိသည် ထင်ရှားဖြစ်ပေါ်တော်မူခဲ့၏။ အသိဉာဏ်သည် ထင်ရှားဖြစ်ပေါ်တော်မူခဲ့၏။ ကွဲကွဲပြားပြား သိတတ်သော 'ပညာ' ဉာဏ်သည် ထင်ရှားဖြစ်ပေါ်တော်မူခဲ့၏။ ထိုးထွင်း၍ သိတတ်သော 'ဝိဇ္ဇာ' ဉာဏ်သည် ထင်ရှား ဖြစ်ပေါ်တော်မူခဲ့၏။ ဉာဏ်အရောင်အလင်းသည် ထင်ရှားဖြစ်ပေါ်တော်မူခဲ့၏။

၁၀ - ဒုက္ခသစ္စာ ၌ ကတဉာဏ်[ပြင်ဆင်ရန်]

'တံ ခေါ ပနိဒံ ဒုက္ခံ အရိယသစ္စံ ပရိညာတ'န္တိမေ ဘိက္ခဝေ ပုဗ္ဗေအနနုဿုတေသု ဓမ္မေသု စက္ခုံ ဥဒပါဒိ၊ ဉာဏံဥဒပါဒိ၊ ပညာ ဥဒပါဒိ၊ ဝိဇ္ဇာ ဥဒပါဒိ၊ အာလောကော ဥဒပါဒိ။

ရဟန်းတို့ ... ငါဘုရားရှင်သည် ထိုဒုက္ခဖြစ်သည့် အရိယာတို့၏ အမှန်တရား 'ဒုက္ခအရိယသစ္စာတရား' ကို ပိုင်းခြား၍ သိခဲ့ပြီးပြီဟု (ဘုရားမဖြစ်မီ) ရှေးအဖို့က မကြားစဖူးကုန်သော (ဒုက္ခသစ္စာ) တရားတို့၌ ငါဘုရားရှင်၏ သန္တာန်၌ (ပညာ) မျက်စိသည် ထင်ရှားဖြစ်ပေါ်တော်မူခဲ့၏။ အသိဉာဏ်သည် ထင်ရှားဖြစ်ပေါ်တော်မူခဲ့၏။ ကွဲကွဲပြားပြား သိတတ်သော 'ပညာ' ဉာဏ်သည် ထင်ရှားဖြစ်ပေါ်တော်မူခဲ့၏။ ထိုးထွင်း၍ သိတတ်သော 'ဝိဇ္ဇာ' ဉာဏ်သည် ထင်ရှား ဖြစ်ပေါ်တော်မူခဲ့၏။ ဉာဏ်အရောင်အလင်းသည် ထင်ရှားဖြစ်ပေါ်တော်မူခဲ့၏။

၁၁ - သမုဒယသစ္စာ၌ သစ္စဉာဏ်[ပြင်ဆင်ရန်]

'ဣဒံ ဒုက္ခသမုဒယံ အရိယသစ္စ' န္တိမေ ဘိက္ခဝေ ပုဗ္ဗေ အနနုဿုတေသု ဓမ္မေသု စက္ခုံ ဥဒပါဒိ၊ ဉာဏံဥဒပါဒိ၊ ပညာ ဥဒပါဒိ၊ ဝိဇ္ဇာ ဥဒပါဒိ၊ အာလောကော ဥဒပါဒိ ။

ရဟန်းတို့ ... "ဤ (တဏှာ) တရားသည် ဒုက္ခဖြစ်ကြောင်း အရိယာတို့၏ အမှန်တရား 'ဒုက္ခသမုဒယအရိယသစ္စာတရား' မည်၏" ဟု (ဘုရားမဖြစ်မီ) ရှေးအဖို့က မကြားစဖူးကုန်သော (သမုဒယသစ္စာ) တရားတို့၌ ငါဘုရားရှင်၏ သန္တာန်၌ (ပညာ) မျက်စိသည် ထင်ရှားဖြစ်ပေါ်တော်မူခဲ့၏။ အသိဉာဏ်သည် ထင်ရှားဖြစ်ပေါ်တော်မူခဲ့၏။ ကွဲကွဲပြားပြား သိတတ်သော 'ပညာ' ဉာဏ်သည် ထင်ရှားဖြစ်ပေါ်တော်မူခဲ့၏။ ထိုးထွင်း၍ သိတတ်သော 'ဝိဇ္ဇာ' ဉာဏ်သည် ထင်ရှား ဖြစ်ပေါ်တော်မူခဲ့၏။ ဉာဏ်အရောင်အလင်းသည် ထင်ရှားဖြစ်ပေါ်တော်မူခဲ့၏။

၁၂ - သမုဒယသစ္စာ ၌ ကိစ္စဉာဏ်[ပြင်ဆင်ရန်]

'တံ ခေါ ပနိဒံ ဒုက္ခသမုဒယံ အရိယသစ္စံ ပဟာတဗ္ဗ' န္တိ မေ ဘိက္ခဝေ ပုဗ္ဗေအနနုဿုတေသု ဓမ္မေသု စက္ခုံ ဥဒပါဒိ၊ ဉာဏံဥဒပါဒိ၊ ပညာ ဥဒပါဒိ၊ ဝိဇ္ဇာ ဥဒပါဒိ ၊ အာလောကော ဥဒပါဒိ။

ရဟန်းတို့ ... ငါဘုရားရှင်သည် "ထို ဒုက္ခဖြစ်ကြောင်းဖြစ်သည့် အရိယာတို့၏ အမှန်တရား 'ဒုက္ခသမုဒယအရိယသစ္စာတရား' ကို ပယ်အပ်၏" ဟု (ဘုရားမဖြစ်မီ) ရှေးအဖို့က မကြားစဖူးကုန်သော (သမုဒယသစ္စာ) တရားတို့၌ ငါဘုရားရှင်၏ သန္တာန်၌ (ပညာ) မျက်စိသည် ထင်ရှားဖြစ်ပေါ်တော်မူခဲ့၏။ အသိဉာဏ်သည် ထင်ရှားဖြစ်ပေါ်တော်မူခဲ့၏။ ကွဲကွဲပြားပြား သိတတ်သော 'ပညာ' ဉာဏ်သည် ထင်ရှားဖြစ်ပေါ်တော်မူခဲ့၏။ ထိုးထွင်း၍ သိတတ်သော 'ဝိဇ္ဇာ' ဉာဏ်သည် ထင်ရှား ဖြစ်ပေါ်တော်မူခဲ့၏။ ဉာဏ်အရောင်အလင်းသည် ထင်ရှားဖြစ်ပေါ်တော်မူခဲ့၏။

၁၃ - သမုဒယသစ္စာ ၌ ကတဉာဏ်[ပြင်ဆင်ရန်]

'တံ ခေါ ပနိဒံ ဒုက္ခသမုဒယံ အရိယသစ္စံ ပဟီန' န္တိ မေ ဘိက္ခဝေ ပုဗ္ဗေအနနုဿုတေသု ဓမ္မေသု စက္ခုံ ဥဒပါဒိ၊ ဉာဏံဥဒပါဒိ၊ ပညာ ဥဒပါဒိ၊ ဝိဇ္ဇာ ဥဒပါဒိ၊ အာလောကော ဥဒပါဒိ။

ရဟန်းတို့ ... ငါဘုရားရှင်သည် "ထို ဒုက္ခဖြစ်ကြောင်းဖြစ်သည့် အရိယာတို့၏ အမှန်တရား 'ဒုက္ခသမုဒယအရိယသစ္စာတရား' ကို ပယ်ပြီးပြီ" ဟု (ဘုရားမဖြစ်မီ) ရှေးအဖို့က မကြားစဖူးကုန်သော (သမုဒယသစ္စာ) တရားတို့၌ ငါဘုရားရှင်၏ သန္တာန်၌ (ပညာ) မျက်စိသည် ထင်ရှားဖြစ်ပေါ်တော်မူခဲ့၏။ အသိဉာဏ်သည် ထင်ရှားဖြစ်ပေါ်တော်မူခဲ့၏။ ကွဲကွဲပြားပြား သိတတ်သော 'ပညာ' ဉာဏ်သည် ထင်ရှားဖြစ်ပေါ်တော်မူခဲ့၏။ ထိုးထွင်း၍ သိတတ်သော 'ဝိဇ္ဇာ' ဉာဏ်သည် ထင်ရှား ဖြစ်ပေါ်တော်မူခဲ့၏။ ဉာဏ်အရောင်အလင်းသည် ထင်ရှားဖြစ်ပေါ်တော်မူခဲ့၏။

၁၄ - နိရောဓသစ္စာ ၌ သစ္စဉာဏ်[ပြင်ဆင်ရန်]

'ဣဒံ ဒုက္ခနိရောဓံ အရိယသစ္စ' န္တိမေ ဘိက္ခဝေ ပုဗ္ဗေအနနုဿုတေသု ဓမ္မေသု စက္ခုံ ဥဒပါဒိ၊ ဉာဏံဥဒပါဒိ၊ ပညာ ဥဒပါဒိ၊ ဝိဇ္ဇာ ဥဒပါဒိ၊ အာလောကော ဥဒပါဒိ။

ရဟန်းတို့ ... "ဤနိဗ္ဗာန်သည် ဒုက္ခချုပ်ရာဖြစ်သည့် အရိယာတို့၏ အမှန်တရား 'ဒုက္ခနိရောဓအရိယာသစ္စာတရား' မည်၏" ဟု (ဘုရားမဖြစ်မီ) ရှေးအဖို့က မကြားစဖူးကုန်သော (နိရောဓသစ္စာ) တရားတို့၌ ငါဘုရားရှင်၏ သန္တာန်၌ (ပညာ) မျက်စိသည် ထင်ရှားဖြစ်ပေါ်တော်မူခဲ့၏။ အသိဉာဏ်သည် ထင်ရှားဖြစ်ပေါ်တော်မူခဲ့၏။ ကွဲကွဲပြားပြားသိတတ်သော 'ပညာ' ဉာဏ်သည် ထင်ရှားဖြစ်ပေါ်တော်မူခဲ့၏။ ထိုးထွင်း၍ သိတတ်သော 'ဝိဇ္ဇာ' ဉာဏ်သည် ထင်ရှားဖြစ်ပေါ်တော်မူခဲ့၏။ ဉာဏ်အရောင်အလင်းသည် ထင်ရှားဖြစ်ပေါ်တော်မူခဲ့၏။

၁၅ - နိရောဓသစ္စာ ၌ ကိစ္စဉာဏ်[ပြင်ဆင်ရန်]

'တံ ခေါ ပနိဒံ ဒုက္ခနိရောဓံ အရိယသစ္စံ သစ္ဆိကာတဗ္ဗ' န္တိ မေ ဘိက္ခဝေ ပုဗ္ဗေအနနုဿုတေသု ဓမ္မေသု စက္ခုံ ဥဒပါဒိ၊ ဉာဏံဥဒပါဒိ၊ ပညာ ဥဒပါဒိ၊ ဝိဇ္ဇာ ဥဒပါဒိ၊ အာလောကော ဥဒပါဒိ။

ရဟန်းတို့ ... ငါဘုရားရှင်သည် "ထိုဒုက္ခချုပ်ရာဖြစ်သည့် အရိယာတို့၏ အမှန်တရား 'ဒုက္ခနိရောဓအရိယသစ္စာတရား' ကို မျက်မှောက်ပြုအပ်၏" ဟု (ဘုရားမဖြစ်မီ) ရှေးအဖို့က မကြားစဖူးကုန်သော (နိရောဓသစ္စာ) တရားတို့၌ ငါဘုရားရှင်၏ သန္တာန်၌ (ပညာ) မျက်စိသည် ထင်ရှားဖြစ်ပေါ်တော်မူခဲ့၏။ အသိဉာဏ်သည် ထင်ရှားဖြစ်ပေါ်တော်မူခဲ့၏။ ကွဲကွဲပြားပြားသိတတ်သော 'ပညာ' ဉာဏ်သည် ထင်ရှားဖြစ်ပေါ်တော်မူခဲ့၏။ ထိုးထွင်း၍ သိတတ်သော 'ဝိဇ္ဇာ' ဉာဏ်သည် ထင်ရှားဖြစ်ပေါ်တော်မူခဲ့၏။ ဉာဏ်အရောင်အလင်းသည် ထင်ရှားဖြစ်ပေါ်တော်မူခဲ့၏။

၁၆ - နိရောဓသစ္စာ ၌ ကတဉာဏ်[ပြင်ဆင်ရန်]

'တံ ခေါ ပနိဒံ ဒုက္ခနိရောဓံ အရိယသစ္စံ သစ္ဆိကတ'န္တိ မေ ဘိက္ခဝေ ပုဗ္ဗေအနနုဿုတေသု ဓမ္မေသု စက္ခုံ ဥဒပါဒိ၊ ဉာဏံဥဒပါဒိ၊ ပညာ ဥဒပါဒိ၊ ဝိဇ္ဇာ ဥဒပါဒိ၊ အာလောကော ဥဒပါဒိ။

ရဟန်းတို့ ... ငါဘုရားရှင်သည် "ထိုဒုက္ခချုပ်ရာဖြစ်သည့် အရိယာတို့၏ အမှန်တရား 'ဒုက္ခနိရောဓအရိယသစ္စာတရား' ကို မျက်မှောက်ပြုပြီးပြီ" ဟု (ဘုရားမဖြစ်မီ) ရှေးအဖို့က မကြားစဖူးကုန်သော (နိရောဓသစ္စာ) တရားတို့၌ ငါဘုရားရှင်၏ သန္တာန်၌ (ပညာ) မျက်စိသည် ထင်ရှားဖြစ်ပေါ်တော်မူခဲ့၏။ အသိဉာဏ်သည် ထင်ရှားဖြစ်ပေါ်တော်မူခဲ့၏။ ကွဲကွဲပြားပြားသိတတ်သော 'ပညာ' ဉာဏ်သည် ထင်ရှားဖြစ်ပေါ်တော်မူခဲ့၏။ ထိုးထွင်း၍ သိတတ်သော 'ဝိဇ္ဇာ' ဉာဏ်သည် ထင်ရှားဖြစ်ပေါ်တော်မူခဲ့၏။ ဉာဏ်အရောင်အလင်းသည် ထင်ရှားဖြစ်ပေါ်တော်မူခဲ့၏။

၁၇ - မဂ္ဂသစ္စာ ၌ သစ္စဉာဏ်[ပြင်ဆင်ရန်]

" ဣဒံ ဒုက္ခနိရောဓ ဂါမိနီ ပဋိပဒါ အရိယ သစ္စ " န္တိမေ ဘိက္ခဝေ ပုဗ္ဗေအနနုဿုတေသု ဓမ္မေသု စက္ခုံ ဥဒပါဒိ၊ ဉာဏံဥဒပါဒိ ၊ ပညာ ဥဒပါဒိ ၊ဝိဇ္ဇာ ဥဒပါဒိ ၊ အာလောကော ဥဒပါဒိ ။

ရဟန်းတို့ ... "ဤမဂ္ဂင်ရှစ်ပါး ကျင့်စဉ်တရားသည် ဒုက္ခချုပ်ရာ (နိဗ္ဗာန်) သို့ ရောက်ကြောင်း အကျင့်ဖြစ်သည့် 'ဒုက္ခနိရောဓဂါမိနီ ပဋိပဒါ အရိယသစ္စာ (= မဂ္ဂအရိယသစ္စာ) တရား' မည်၏" ဟု (ဘုရားမဖြစ်မီ) ရှေးအဖို့က မကြားစဖူးကုန်သော (မဂ္ဂသစ္စာ) တရားတို့၌ ငါဘုရားရှင်၏ သန္တာန်၌ (ပညာ) မျက်စိသည် ထင်ရှားဖြစ်ပေါ်တော်မူခဲ့၏။ အသိဉာဏ်သည် ထင်ရှားဖြစ်ပေါ်တော်မူခဲ့၏။ ကွဲကွဲပြားပြား သိတတ်သော 'ပညာ' ဉာဏ်သည် ထင်ရှားဖြစ်ပေါ်တော်မူခဲ့၏။ ထိုးထွင်း၍ သိတတ်သော 'ဝိဇ္ဇာ' ဉာဏ်သည် ထင်ရှားဖြစ်ပေါ်တော်မူခဲ့၏။ ဉာဏ်အရောင်အလင်းသည် ထင်ရှားဖြစ်ပေါ်တော်မူခဲ့၏။

၁၈ - မဂ္ဂသစ္စာ ၌ ကိစ္စဉာဏ်[ပြင်ဆင်ရန်]

" တံ ခေါ ပနိဒံ ဒုက္ခနိရောဓ ဂါမိနီ ပဋိပဒါ အရိယသစ္စံ ဘာဝေတဗ္ဗ " န္တိ မေ ဘိက္ခဝေ ပုဗ္ဗေအနနုဿုတေသု ဓမ္မေသု စက္ခုံ ဥဒပါဒိ ဉာဏံဥဒပါဒိ ပညာ ဥဒပါဒိ ဝိဇ္ဇာ ဥဒပါဒိ အာလောကော ဥဒပါဒိ ။

ချစ်သားရဟန်းတို့  “ ဒုက္ခခပ်သိမ်းချုပ်ပြတ်ငြိမ်း၍ ဇာတ်သိမ်းရာအမွန် နိဗ္ဗာန်သို့ရောက်ကြောင်း အကျင့်ကောင်းလမ်းမွန်ဖြစ်သော ဤအရိယသစ္စာတရားကို ဘာဝနာအလုပ်ဖြင့် အားထုတ်ကြိုးစား ပွါးများအပ် ပွါးများထိုက်၏ ” ဟူ၍ ငါဘုရားသည် ၡေးဘုရားမဖြစ်မီကာလ၌  တခါတရံ မကြားစဘူးကုန်သော တရားအပေါင်းတို့၌ မြင်နိုင်တုံဘိညာဏ်မျက်စိသည် ထင်ၡားဖြစ်ပေါ်၍လာ၏။ ထိုးထွင်းဟုတ်မွန် အသိညာဏ်သည်  ထင်ၡားဖြစ်ပေါ်၍လာ၏။ မြင်အားသန်စွာ ညာဏ်ပညာသည် ထင်ၡားဖြစ်ပေါ်၍လာ၏။ ထိုးထွင်းသိတတ်ဝိဇ္ဇာဓာတ်သည် ထင်ၡားဖြစ်ပေါ်၍လာ၏။  မောဟကြီးဖျက်ဆီးထွန်းပြောင် အလင်းရောင်သည် ထင်ၡားဖြစ်ပေါ်၍လာ၏။

၁၉ - မဂ္ဂသစ္စာ၌ ကတဉာဏ်[ပြင်ဆင်ရန်]

" တံ ခေါ ပနိဒံ ဒုက္ခနိရောဓ ဂါမိနီ ပဋိပဒါ အရိယသစ္စံ ဘာဝေတဗ္ဗ " န္တိ မေ ဘိက္ခဝေ ပုဗ္ဗေအနနုဿုတေသု ဓမ္မေသု စက္ခုံ ဥဒပါဒိ ဉာဏံဥဒပါဒိ ပညာ ဥဒပါဒိ ဝိဇ္ဇာ ဥဒပါဒိ အာလောကော ဥဒပါဒိ ။

ချစ်သားရဟန်းတို့  “ ဒုက္ခခပ်သိမ်းချုပ်ပြတ်ငြိမ်း၍ ဇာတ်သိမ်းရာအမွန် နိဗ္ဗာန်သို့ရောက်ကြောင်း အကျင့်ကောင်းလမ်းမွန်ဖြစ်သော ဤအရိယသစ္စာတရားကို ဘာဝနာအလုပ်ဖြင့် အားထုတ်ကြိုးစား ပွါးများခြင်းကိစ္စပြီးပြီ ” ဟူ၍ ငါဘုရားသည် ၡေးဘုရားမဖြစ်မီကာလ၌  တခါတရံ မကြားစဘူးကုန်သော တရားအပေါင်းတို့၌ မြင်နိုင်တုံဘိညာဏ်မျက်စိသည် ထင်ၡားဖြစ်ပေါ်၍လာ၏။ ထိုးထွင်းဟုတ်မွန် အသိညာဏ်သည်  ထင်ၡားဖြစ်ပေါ်၍လာ၏။ မြင်အားသန်စွာ ညာဏ်ပညာသည် ထင်ၡားဖြစ်ပေါ်၍လာ၏။ ထိုးထွင်းသိတတ်ဝိဇ္ဇာဓာတ်သည် ထင်ၡားဖြစ်ပေါ်၍လာ၏။  မောဟကြီးဖျက်ဆီးထွန်းပြောင် အလင်းရောင်သည် ထင်ၡားဖြစ်ပေါ်၍လာ၏။

၂၀ - ရှေးက ဘုရား ဖြစ်ကြောင်း ဝန်မခံခဲ့ပုံ[ပြင်ဆင်ရန်]

ယာဝကီဝဉ္စ မေ ဘိက္ခဝေ ဣမေသု စတူသု အရိယသစ္စေသု ဧဝံ တိပရိဝဋ္ဋံ ဒွါဒသာကာရံ ယထာဘူတံ ဉာဏ ဒဿနံ န သုဝိသုဒ္ဓံ အဟောသိ ။

နေဝ တာဝါဟံ ဘိက္ခဝေ သဒေဝကေ လောကေ သမာရကေ သဗြဟ္မကေ သဿမဏဗြာဟ္မဏိယာ ပဇာယ သဒေဝမနုဿာယ " အနုတ္တရံ သမ္မာသမ္ဗောဓိံ အဘိသမ္ဗုဒ္ဓေါ " တိ ပစ္စညာသိံ ။

ချစ်သားရဟန်းတို့ အကြင်မျလောက်သော ကာလပတ်လုံး ငါဘုရားအား လေးပါးကုန်သော  ဤမဖောက်မပြန်မှန်ကန်တုံလတ် အရိယသစ္စာမြတ်တို့၌ ဤသို့ပြဆိုအပ်ပြီးသောအတိုင်း သစ္စဉာဏ် ကိစ္စဉာဏ် ကတဉာဏ်အားဖြင့် စက်လည်ပုံသုံးပါးရှိသော သုံးပါး လေးလီအားဖြင့် အခြင်းအရာတဆယ့်နှစ်ပါးရှိသော ဟုတ်မှန်သောအတိုင်း ပိုင်းခြားထင်ထင်ဉာဏ်အမြင်သည် စင်စင်ကြယ်ကြယ် မဖြစ်ပေါ်လာသေး။ ချစ်သားရဟန်းတို့ ထိုမျလောက်သော ကာလပတ်လုံး ငါဘုရားသည် နတ်ပြည်နှင့်တကွဖြစ်သော မာရ်နတ်လွမ်းခြုံ ဝသဝတီဘုံနှင့်တကွဖြစ်သော ဗြဟ္မာ့ဘုံနှင့်တကွဖြစ်သော အနန္တစကြာဝဠာ ကမ္ဘာလောကတိုက်ဘောင်အတွင်း၌ ရဟန်းပုဏ္ဏား နှင့်တကွဖြစ်သော နတ် လူနှင့်တကွဖြစ်သော သတ္တဝါများအလယ်၌ “ အတုမရှိသော ဘုရားဖြစ်ရန် သဗ္ဗညုတရွေဉာဏ်ကို ပိုင်ပိုင်ရရှိထိုးထွင်း၍သိတော်မူပြီ” ဟု ဝန်ခံတော်မမူသေး။

၂၁ - ယခုမှ ဘုရား ဖြစ်ကြောင်းဝန်ခံပုံ[ပြင်ဆင်ရန်]

ယတော စ ခေါ မေ ဘိက္ခဝေ ဣမေသု စတူသု အရိယသစ္စေသု ဧဝံ တိပရိဝဋ္ဋံ ဒွါဒသာကာရံ ယထာဘူတံ ဉာဏ ဒဿနံ န သုဝိသုဒ္ဓံ အဟောသိ ။

နေဝ တာဝါဟံ ဘိက္ခဝေ သဒေဝကေ လောကေ သမာရကေ သဗြဟ္မကေ သဿမဏဗြာဟ္မဏိယာ ပဇာယ သဒေဝမနုဿာယ " အနုတ္တရံ သမ္မာသမ္ဗောဓိံ အဘိသမ္ဗုဒ္ဓေါ " တိ ပစ္စညာသိံ ။

ချစ်သားရဟန်းတို့ အကြင်အခါ၌သာလျင် ငါဘုရားအား  လေးပါးကုန်သော ဤ မဖောက်မပြန် မှန်ကန်တုံလတ် အရိယသစ္စမြတ်တို့၌    ဤသို့ ပြဆိုအပ်ပြီးသောအတိုင်း  သစ္စဉာဏ်  ကိစ္စဉာဏ် ကတဉာဏ်အားဖြင့် စက်လည်ပုံသုံးပါးရှိသော သုံးပါး လေးလီအားဖြင့် အခြင်းအရာတဆယ့်နှစ်ပါးရှိသော ဟုတ်မှန်သောအတိုင်း ပိုင်းခြားထင်ထင်ဉာဏ်အမြင်သည် စင်စင်ကြယ်ကြယ် ဖြစ်ပေါ်၍လာ၏။ ချစ်သားရဟန်းတို့ ထိုအခါ၌သာလျင် ငါဘုရားသည် နတ်ပြည်နှင့်တကွဖြစ်သော မာရ်နတ်ခြုံ ဝသဝတ္တီဘုံနှင့်တကွဖြစ်သော ဗြဟ္မာ့ဘုံနှင့်တကွဖြစ်သော အနန္တစကြာဝဠာ ကမ္ဘာလောကဓာတ်တိုက်ဘောင်အတွင်း၌ ရဟန်းပုဏ္ဏားနှင့်တကွဖြစ်သော  နတ် လူနှင့်တကွဖြစ်သော သတ္တဝါများအလယ်၌ အတုမရှိသော ဘုရားဖြစ်ရန် သဗ္ဗညုတဉာဏ်ကို ပိုင်ပိုင်ရရှိ ထိုးထွင်း၍ သိတော်မူပြီ " ဟူ၍ ဝန်ခံတော်မူပြီ။

၂၂ - ပစ္စဝေက္ခဏာ ဉာဏ်ဖြင့် သိမြင်ပုံ[ပြင်ဆင်ရန်]

ဉာဏဉ္စ ပန မေ ဒဿနံ ဥဒပါဒိ " အကုပ္ပါ မေ ဝိမုတ္တိ ၊ အယ ' မန္တိမာ ဇာတိ ၊ နတ္ထိ ဒါနိ ပုနဗ္ဘဝါ " တိ။

ချစ်သားရဟန်းတို့ ငါဘုရား၏ ဟုတ်တိုင်းအမှန် အမြင်သန်သော ပစ္စဝေက္ခဏာဉာဏ်တော်သည် ထင်ရှားဖြစ်ပေါ်၍လာပြီ။ ငါဘုရား၏ အရဟတ္တဖိုလ်ဉာဏ်တော်သည် မပျက်မစီးနိုင် ခံ့ခိုင်တည်တံ့လေပြီ။ ငါဘုရား၏ ဤဘဝအဖြစ်သည်  အဆုံးစွန်သောအဖြစ်ပေတည်း။ ယခုအခါ၌ ဘဝအသစ် တဖန်ဖြစ်ဖို့အရေးသည် မရှိတော့ချေ။ ဤသို့ ဉာဏ်အမြင်သည် ထင်ရှားဖြစ်ပေါ်၍လာပြီ။

၂၃ - ပဉ္စဝဂ္ဂီ ရဟန်းတို့ တရားကို နှစ်သက်ကြပုံ[ပြင်ဆင်ရန်]

ဣဒ' မဝေါစ ဘဂဝါ ။ အတ္တမနာ ပဉ္စဝဂ္ဂီယာ ဘိက္ခူ ဘဂဝတော ဘာတိတံ အဘိနန္ဒုန္တိ။

ဘုန်းတော်ကြီးသောမြတ်စွာဘုရားသည် `ဤဓမ္မစက္ကပဝတ္တနသုတ္တန်ကို ပထမလက်ဉီး  မြွက်ကျူးဟောကြားတော်မူလေ၏။ ကောဏ္ဍည အမှူးငါးဉီးအစုအဝေးရှိကုန်သော ရဟန်းတို့သည် ဘုန်းကြီးသော မြတ်စွာဘုရား၏ ဟောတော်မူအပ်သော တရားတော်ကို အရိယသစ္စဉာဏ် ထက်သန်ပွင့်လင်းဝမ်းမြောက်ခြင်း ရှိကြကုန်သည်ဖြစ်၍ ရွှင်လန်းအားရ နှစ်သက်ကြလေကုန်သတည်း။

၂၄ - အရှင်ကောဏ္ဍည သောတာပန် ဖြစ်ပုံ[ပြင်ဆင်ရန်]

ဣမသ္မိံ စ ပန ဝေယျာကရဏသ္မိံ ဘညမာနေ အာယသ္မတော ကောဏ္ဍညဿ ဝိရဇံ ဝီတမလံ ဓမ္မစက္ခုံ ဥဒပါဒိ " ယံ ကိဉ္စိ သမုဒယဓမ္မံ ၊ သဗ္ဗံတံ နိရောဓ ဓမ္မ " န္တိ ။

ဂါထာမဖက် စုဏ္ဏိယသက်သက်ဖြစ်သော ဤဓမ္မစက္ကပဝတ္တနသုတ်တော်ကြီးကို ဟောတော်မူအပ်သည် ရှိသော် ရှည်သော အသက်တော်ရှိသော အရှင်ကောဏ္ဍညမထေရ်အား ကိလေသာမြူတို့မှ စင်ဖြူကင်းဝေးသော မှောက်မှားဒိဋ္ဌိ အညစ်အကြေးမရှိသော သောတာပတ္တိမဂ်ဉာဏ်ဟုဆိုအပ်သော တရားမျက်လုံးသည် ထင်ရှားစွာ ပေါ်ပေါက်ချေ၏။ အလုံးစုံသော တေဘုမ္မကဝဋ်ဒုက္ခတရားစုသည် ဖြစ်ပေါ်ခြင်း အကြောင်းရင်းရှိ၏။ ထိုအလုံးစုံသော တေဘုမ္မကဝဋ်တရားစုသည် မကြွင်းမကျန် အမှန်ချုပ်ဆုံးခြင်းသဘောရှိ၏။ ( ဤသို့ ဟုတ်တိုင်း မှန်သိ ဉာဏ်မျက်စိသည် ထင်ရှားဖြစ်ပေါ်၍လာ၏ )

၂၅ - နတ်၊ ဗြဟ္မာ တို့ ကောင်းချီးပေးပုံ[ပြင်ဆင်ရန်]

ပဝတ္တိ တေ စ ပန ဘဂဝတာ ဓမ္မစက္ကေ ဘုမ္မာ ဒေဝါ သဒ္ဒ' မနုဿာဝေသုံ " ဧတံ ဘဂဝတာ ဗာရာဏသိယံ ဣသိပတနေ မိဂဒါယေ အနုတ္တရံ ဓမ္မစက္ကံ ပဝတ္တိတံ အပ္ပဋိဝတ္တိယံ သမဏေန ဝါ ဗြဟ္မဏေန ဝါ ဒေဝေန ဝါ မာရန ဝါ ဗြဟ္မုန ဝါ ကေနစိ ဝါ လောကသ္မိံ " တိ ။

ဘုမ္မာနံ ဒေဝါနံ သဒ္ဒံသုတွာ စာတုမဟာရာဇိကာ ဒေဝါ သဒ္ဒ ' မနုဿာဝေသုံ " ဧတံ ဘဂဝတာ ဗာရာဏသိယံ ဣသိပတနေ မိဂဒါယေ အနုတ္တရံ ဓမ္မစက္ကံ ပဝတ္တိတံ အပ္ပဋိဝတ္တိယံ သမဏေန ဝါ ဗြဟ္မဏေန ဝါ ဒေဝေန ဝါ မာရန ဝါ ဗြဟ္မုန ဝါ ကေနစိ ဝါ လောကသ္မိံ " တိ ။

စာတုမဟာ ရာဇိကာနံ ဒေဝါနံ သဒ္ဒံ သုတွာ တာဝတိံသာ ဒေဝါ သဒ္ဒ' မနုဿာဝေသုံ " ဧတံ ဘဂဝတာ ဗာရာဏသိယံ ဣသိပတနေ မိဂဒါယေ အနုတ္တရံ ဓမ္မစက္ကံ ပဝတ္တိတံ အပ္ပဋိဝတ္တိယံ သမဏေန ဝါ ဗြဟ္မဏေန ဝါ ဒေဝေန ဝါ မာရန ဝါ ဗြဟ္မုန ဝါ ကေနစိ ဝါ လောကသ္မိံ " တိ ။

တာဝတိံသာနံ ဒေဝါနံ သဒ္ဒံ သုတွာ ယာမာ ဒေဝါ သဒ္ဒ' မနုဿာဝေသုံ " ဧတံ ဘဂဝတာ ဗာရာဏသိယံ ဣသိပတနေ မိဂဒါယေ အနုတ္တရံ ဓမ္မစက္ကံ ပဝတ္တိတံ အပ္ပဋိဝတ္တိယံ သမဏေန ဝါ ဗြဟ္မဏေန ဝါ ဒေဝေန ဝါ မာရန ဝါ ဗြဟ္မုန ဝါ ကေနစိ ဝါ လောကသ္မိံ " တိ ။

ယာမာနံ ဒေဝါနံ သဒ္ဒံ သုတွာ တုသိတာ ဒေဝါ သဒ္ဒ' မနုဿာဝေသုံ " ဧတံ ဘဂဝတာ ဗာရာဏသိယံ ဣသိပတနေ မိဂဒါယေ အနုတ္တရံ ဓမ္မစက္ကံ ပဝတ္တိတံ အပ္ပဋိဝတ္တိယံ သမဏေန ဝါ ဗြဟ္မဏေန ဝါ ဒေဝေန ဝါ မာရန ဝါ ဗြဟ္မုန ဝါ ကေနစိ ဝါ လောကသ္မိံ " တိ ။

တုသိတာနံ ဒေဝါနံ သဒ္ဒံ သုတွာ နိမ္မာနရတီ ဒေဝါ သဒ္ဒ' မနုဿာဝေသုံ " ဧတံ ဘဂဝတာ ဗာရာဏသိယံ ဣသိပတနေ မိဂဒါယေ အနုတ္တရံ ဓမ္မစက္ကံ ပဝတ္တိတံ အပ္ပဋိဝတ္တိယံ သမဏေန ဝါ ဗြဟ္မဏေန ဝါ ဒေဝေန ဝါ မာရန ဝါ ဗြဟ္မုန ဝါ ကေနစိ ဝါ လောကသ္မိံ " တိ ။

နိမ္မာနရတီနံ ဒေဝါနံ သဒ္ဒံ သုတွာ ပရနိမ္မိတဝသဝတ္တီ ဒေဝါ သဒ္ဒ' မနုဿာဝေသုံ " ဧတံ ဘဂဝတာ ဗာရာဏသိယံ ဣသိပတနေ မိဂဒါယေ အနုတ္တရံ ဓမ္မစက္ကံ ပဝတ္တိတံ အပ္ပဋိဝတ္တိယံ သမဏေန ဝါ ဗြဟ္မဏေန ဝါ ဒေဝေန ဝါ မာရန ဝါ ဗြဟ္မုန ဝါ ကေနစိ ဝါ လောကသ္မိံ " တိ ။

ပရနိမ္မိတဝသဝတ္တီနံ ဒေဝါနံ သဒ္ဒံ သုတွာ ဗြဟ္မကာယိကာ ဒေဝါ သဒ္ဒ' မနုဿာဝေသုံ " ဧတံ ဘဂဝတာ ဗာရာဏသိယံ ဣသိပတနေ မိဂဒါယေ အနုတ္တရံ ဓမ္မစက္ကံ ပဝတ္တိတံ အပ္ပဋိဝတ္တိယံ သမဏေန ဝါ ဗြဟ္မဏေန ဝါ ဒေဝေန ဝါ မာရန ဝါ ဗြဟ္မုန ဝါ ကေနစိ ဝါ လောကသ္မိံ " တိ ။

ဣတိဟ တေန ခဏေန တေန လယေန တေန မုဟုတ္တေန ယာဝ ဗြဟ္မလောကာ သဒ္ဒေါ အဗ္ဘုဂ္ဂစ္ဆိ ။

ဘုန်းတော်ကြီးသောမြတ်စွာဘုရားသည် ဓမ္မစကြာသုတ်တော်ကြီးကို ဟောတော်မူအပ်ပြီးသည်ရှိသော်ကား ဘုမ္မစိုးနတ်တို့သည် ကောင်းချီးဆူညံဟစ်ကြွေးသံကို တပြိုင်နက်ကြွေးကြော်ကြလေကုန်၏။ “ အို … နတ်များအပေါင်းတို့ ဘုန်းတော်ကြီးသောမြတ်စွာဘုရားသည် ဗာရာဏသီနေပြည်တော်ကြီးအနီး၌ သားသမင်အပေါင်းတို့ကို ဘေးမဲ့ပေး၍မွေးရာဖြစ်သော ရသေ့ သူမြတ်အပေါင်းတို့၏ဆင်းသက်ကျရောက်ရာ ဖြစ်သော မိဂဒါဝုန်တောကြီးအတွင်း၌ အတုမရှိသော ဤဓမ္မစကြာတရားတော်မြတ်ကို ”ဟောတော်မူအပ်ပေပြီ။ ဤဓမ္မစကြာတရားတော်မြတ်ကို ရဟန်းသည်၎င်း ပုဏ္ဏားသည်၎င်း နတ်သည်၎င်း မာရ်နတ်သည်၎င်း ဗြဟ္မာသည်၎င်း အနန္တစကြာဝဠာ ဤကမ္ဘာလောကဓာတ်တိုက်ဘောင်အတွင်း၌ တစုံတယောက်သောပုဂ္ဂိုလ်သည်၎င်း မဆီးတားမကန့်ကွက်နိုင်ချေ ” ( ဤသို့ တပြိုင်နက် ကြွေးကြော်ကြလေကုန်၏ ) ဘုမ္မစိုးနတ်တို့၏ကြွေးကြော်သံကို ကြားကြကုန်သည်ရှိသော် စတုမဟာရာဇ်နတ်အများတို့သည် ကောင်းချီးဆူညံဟစ်ကြွေးသံကို တပြိုင်နက်ကြွေးကြော်ကြလေကုန်၏။ စတုမဟာရာဇ်နတ်အများတို့သည် တာဝတိံသာနတ်အများတို့သည် ယာမာနတ်အများတို့သည် တုသိတာနတ်အများတို့သည် နိမ္မာနရတိနတ်အများတို့သည် ပရနိမ္မိတဝသဝတ္တီနတ်အများတို့သည် ဗြဟ္မာအပေါင်းတို့သည် ကောင်းချီးဆူညံဟစ်ကြွေးသံကို တပြိုင်နက်ကြွေးကြော်ကြလေကုန်၏။ “ အို … နတ် ဗြဟ္မာများအပေါင်းတို့ ဘုန်းတော်ကြီးသောမြတ်စွာဘုရားသည် ဗာရာဏသီနေပြည်တော်ကြီးအနီး၌ သားသမင်အပေါင်းတို့ကို ဘေးမဲ့ပေး၍မွေးရာဖြစ်သော ရသေ့ သူမြတ်အပေါင်းတို့၏ဆင်းသက်ကျရာက်ရာ ဖြစ်သော မိဂဒါဝုန်တောကြီးအတွင်း၌ အတုမရှိသော ဤဓမ္မစကြာတရားတော်မြတ်ကို ”ဟောတော်မူအပ်ပေပြီ။ ဤဓမ္မစကြာတရားတော်မြတ်ကို ရဟန်းသည်၎င်း ပုဏ္ဏားသည်၎င်း နတ်သည်၎င်း မာရ်နတ်သည်၎င်း ဗြဟ္မာသည်၎င်း အနန္တစကြာဝဠာ ဤကမ္ဘာလောကဓာတ်တိုက်ဘောင်အတွင်း၌ တစုံတယောက်သောပုဂ္ဂိုလ်သည်၎င်း မဆီးတားမကန့်ကွက်နိုင်ချေ ” ( ဤသို့ တပြိုင်နက် ကြွေးကြော်ကြလေကုန်၏ ) ဤသို့ ထိုခဏအတွင်း၌ ထိုလယအတွင်း၌ ထိုမုဟုတ်အတွင်း၌ အကနိဌဗြဟ္မာ့ဘုံတိုင်အောင် ကျော်စောသောအသံသည် အဆင့်ဆင့် ပျံ့နှံ့  ၍တက်လေ၏။

၂၆ - တစ်သောင်းသော လောကဓာတ် တုန်လှုပ်ပုံ[ပြင်ဆင်ရန်]

အယဉ္စ ဒသသဟဿိ လောကဓာတု သံကမ္ပိ သမ္ပကမ္ပိ သမ္ပဝေဓိ ။

ဤ စကြာဝဠာအပေါင်း လောကဓာတ်တိုက်တသောင်းသည်လည်း အောက်သို့နိမ့်လျက် တသိမ့်သိမ့်တုန် လှုပ်လေ၏။ အထက်သို့ခုန်တက်၍ တသွက်သွက်တုန်လှုပ်လေ၏။ အေးယဉ်လွှဲသကဲ့သို့ နွှဲကာနွှဲကာတုန် လှုပ်လေ၏။

၂၇ - အရောင်အလင်း ဖြစ်ပေါ်လာပုံ[ပြင်ဆင်ရန်]

အပ္ပမာဏော စ ဥဠာရော ဩဘာသော လောကေ ပါတု ရဟောသိ အတိက္ကမ္မ ဒေဝါနံ ဒေဝါနုဘာဝန္တိ ။

နတ်အပေါင်း ဗြဟ္မာအပေါင်းတို့၏ တန်ခိုးအလုံးစုံကို သိမ်းခြုံလွှမ်းမိုး၍ စကြာဝဠာအပေါင်းလောကဓာတ် တိုက်တသောင်း၌ အတိုင်းမသိ နှိုင်းဘွယ်မရှိသော ကြီးကျယ်မွန်မြတ်သော ရောင်လျံထိန်ညီး အလင်းဓာတ်ကြီးသည် အဆန်းတကြယ်အံ့ဩဘွယ် ဖြစ်ပေါ်လာ၏။

၂၈ - မြတ်စွာဘုရား ဥဒါန်းကျူးပုံ[ပြင်ဆင်ရန်]

အထ ခေါ ဘဂဝါ ဣမံ ဥဒါနံ ဥဒါနေသိ " အညာသိ ဝတ ဘော ကောဏ္ဍညော ၊ အညာသိ ဝတဘော ကောဏ္ဍညော " တိ ။ ဣတိဟိဒံ အာယသ္မတော ကောဏ္ဍညဿ အညာသိ - ကောဏ္ဍညော တွေဝ နာမံ အဟောသိ ။

ထိုအခါ၌ ဘုန်းတော်ကြီးသောမြတ်စွာဘုရားသည် ဝမ်းမြောက်မြွက်ကြား ဤဉဒါန်းတော်အမိန့်စကားကို ကျူးရင့်တော်မူလေ၏။ “ အို .. လူ နတ် ဗြဟ္မာ သတ္တဝါအပေါင်းတို့ ငါ့သားတော်ကြီးဖြစ်သော ကောဏ္ဍညသည် အသိဉာဏ်အလင်းပေါက်၍ သောတာပန်အဖြစ်သို့ ရောက်လေပြီတကား ” ( ဤသို့ ကျူးရင့်တော်မူလေ၏ ) ဤဉဒါန်းစကားတော်အားဖြင့် ရှည်သောအသက်တော်ရှိသော အရှင်ကောဏ္ဍမထေရ်မြတ်ကြီးအား အညာသိကောဏ္ဍည ဟူ၍သာ ဤအမည်ထူးသည် ဖြစ်လေသတည်း။

၂၉ - အညာသိကောဏ္ဍည ရှင်ရဟန်းအဖြစ် တောင်းပုံ[ပြင်ဆင်ရန်]

အထ ခေါ အာယသ္မာ အညာသိကောဏ္ဍညော ဒိဋ္ဌဓမ္မော ပတ္တဓမ္မော ဝိဒိတဓမ္မော ပရိယောဂါဠဓမ္မော တိဏ္ဏ ဝိစိကိစ္ဆော ဝိဂတကထံကထော ဝေသာရဇ္ဇပ္ပတ္တော အပရပ္ပစ္စယော သတ္ထုသာသနေ ဘဂဝန္တံ ဧတဒဝေါစ " လဘေယျာဟံဘန္တေ ဘဂဝတော သန္တိကေ ပဗ္ဗဇ္ဇံ ၊ လဘေယျံ ဥပသမ္ပဒ " န္တိ ။

ထိုသောတာပန်ဖြစ်ပြီးသောအခါ၌ ရှည်သော အသက်တော်ရှိသော အရှင်အညာသိကောဏ္ဍညသည် ကိုယ်တိုင် မြင်အပ်ပြီးသောတရားရှိသည်ဖြစ်၍ ကိုယ်တိုင်ဆိုက်ရောက်အပ်ပြီးသောတရားရှိသည်ဖြစ်၍ ကိုယ်တိုင်သိအပ်ပြီးသောတရားရှိသည်ဖြစ်၍  ကိုယ်ပိုင်ဉာဏ်ဖြင့် သက်ဝင်အပ်ပြီးသောတရားရှိသည်ဖြစ်၍ ယုံမှားခြင်း၏တဘက်ကမ်းသို့ရောက်အောင် ကူးမြောက်ပြီးသည်ဖြစ်၍ သို့လော သို့လော တွေးတောယုံမှားခြင်းမှ လွတ်ကင်းသည်ဖြစ်၍ ကြောက်ရွံ့မှုကင်းလျက် ရဲရင့်ခြင်းသို့ရောက်သည်ဖြစ်၍ မြတ်စွာဘုရား၏သာသနာတော်အတွင်း၌ သိမြင်ပြီးသောဉာဏ်အစွမ်းအားဖြင့် သူတပါးတို့အား ယုံကြည်အားထားခြင်းမရှိလေသောကြောင့် ဘုန်းတော်ကြီးသောမြတ်စွာဘုရားကို ဤသို့သောစကားအား လျောက်ထားတောင်းပန်လေ၏။ “ အရှင်ဘုရား - တပည့်တော်သည် ဘုန်းတော်ကြီးသော မြတ်စွာဘုရား၏အထံတော်၌ ရဟန်းအဖြစ်ကို ရလိုပါသည်ဘုရား၊ ပဉ္ဇင်းအဖြစ်ကို ရလိုပါသည်ဘုရား ” ဤသို့ လျောက်ထားတောင်းပန်လေ၏။

၃၀ - ဧဟိ ဘိက္ခုရဟန်း အဖြစ်ရပုံ[ပြင်ဆင်ရန်]

" ဧဟိ ဘိက္ခူ" တိ ဘဂဝါ အဝေါစ ၊ သွာက္ခာတော ဓမ္မော ၊ စရ ဗြဟ္မစရိယံ သမ္မာဒုက္ခဿ အန္တကိရိယာ ယာတိ ။ သာဝ တဿ အာယသ္မတော ဥပသမ္ပဒါ အဟောသီတိ ။

ဓမ္မစက္ကပ္ပဝတ္တန သုတ္တံ နိဋ္ဌိတံ ။

မြတ်စွာဘုရားသည် ဤသို့ မိန့်တော်မူ၏။ “ အို .. ရဟန်း  လာလော့ ငါဘုရားသည် တရားတော်မြတ်ကို ကောင်းစွာ ဟောကြားတော်မူအပ်ပြီ။ သံသရာဝဋ်ဆင်းရဲ၏ ကိစ္စတုံး၍ အဆုံးတိုင်အောင်ပြုခြင်းငှါ ကောင်းစွာ မြတ်သော မဂ်အကျင့်ကို ကျင့်လေလော့ ” ဤသို့ မိန့်တော်မူ၏။ ရှည်သော အသက်တော်ရှိသော ထိုအရှင်ကောဏ္ဍညအား ထို ဧဟိ ဘိက္ခု - ပဉ္ဇင်းအဖြစ်သည်သာလျှင် ဖြစ်လေသတည်း။  

ကိုးကား[ပြင်ဆင်ရန်]