တင်ဦးလွင်
ဗိုလ်မှူးချုပ် (ငြိမ်း) စည်သူ၊ ဦး တင်ဦးလွင် | |
|---|---|
| သာသနာရေးဝန်ကြီးဌာန ပြည်ထောင်စုဝန်ကြီး | |
တာဝန်ထမ်းဆောင်ဆဲ | |
| တာဝန် စတင် ၁၀ ဧပြီ ၂၀၂၆ | |
| ခန့်အပ်သူ | မင်းအောင်လှိုင်အစိုးရ |
| သမ္မတ | မင်းအောင်လှိုင် |
| လက်ထောက် | လင်းအောင် |
| ယခင်လူ |
|
| အမျိုးသားလွှတ်တော် ကိုယ်စားလှယ် | |
| တာဝန်သက်တမ်း ၁၈ မတ် ၂၀၂၆ – ၁၀ ဧပြီ ၂၀၂၆ | |
| ယခင်လူ | ဒေါက်တာ ဦးကြွယ်ကြွယ် (NLD) (၂၀၁၅ ရွေးကောက်ပွဲ) |
| မဲဆန္ဒနယ် | မန္တလေးတိုင်းဒေသကြီးမဲဆန္ဒနယ် (၆) |
| အနိုင်ရမဲ အရေအတွက် | မဲ ၃၀၄,၀၀၉ (၅၂.၃၈ရာခိုင်နှုန်း) [၁] |
| သာသနာရေးနှင့် ယဉ်ကျေးမှုဝန်ကြီးဌာန ပြည်ထောင်စုဝန်ကြီး | |
| တာဝန်သက်တမ်း ၃၁ ဇူလိုင် ၂၀၂၅ – ၁၀ ဧပြီ ၂၀၂၆ | |
| ခန့်အပ်သူ | အမျိုးသားကာကွယ်ရေးနှင့် လုံခြုံရေးကောင်စီ |
| သမ္မတ | မင်းအောင်လှိုင် (ယာယီ) |
| ဝန်ကြီးချုပ် | ညိုစော |
| ယခင်လူ | ကိုယ်တိုင် |
| တာဝန်သက်တမ်း ၃ ဩဂုတ် ၂၀၂၃ – ၃၁ ဇူလိုင် ၂၀၂၅ | |
| ခန့်အပ်သူ | နိုင်ငံတော်စီမံအုပ်ချုပ်ရေးကောင်စီ |
| သမ္မတ |
|
| ဝန်ကြီးချုပ် | မင်းအောင်လှိုင် |
| ယခင်လူ | ကိုကို |
| ဆက်ခံသူ | ကိုယ်တိုင် |
| နေပြည်တော်ကောင်စီ ဥက္ကဋ္ဌ | |
| တာဝန်သက်တမ်း ၁၉ ဩဂုတ် ၂၀၂၂ – ၃ ဩဂုတ် ၂၀၂၃ | |
| ခန့်အပ်သူ | နိုင်ငံတော်စီမံအုပ်ချုပ်ရေးကောင်စီ |
| ယခင်လူ | မောင်မောင်နိုင် |
| ဆက်ခံသူ | သန်းထွန်းဦး |
| နိုင်ငံခြားရေးဝန်ကြီးဌာန ဒုတိယဝန်ကြီး | |
| တာဝန်သက်တမ်း ၁၄ ဩဂုတ် ၂၀၁၃ – ၃၀ မတ် ၂၀၁၆ | |
| သမ္မတ | သိန်းစိန် |
| ဝန်ကြီး | ဝဏ္ဏမောင်လွင် |
| ကိုယ်ရေး အချက်အလက်များ | |
| မွေးဖွား | ၁၃ မေ၊ ၁၉၅၆ ကျောက်ပန်းတောင်းမြို့နယ် |
| လူမျိုး | မြန်မာ |
| နိုင်ငံရေးပါတီ | ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ |
| ကြင်ဖော် | မေမြင့်မောင် |
| ဆုတံဆိပ်များ | စည်သူဘွဲ့ (၂၀၂၆) |
| စစ်မှုထမ်းခြင်း | |
| သစ္စာခံနိုင်ငံ |  မြန်မာ |
| တပ်/တပ်ဖွဲ့ခွဲ |  တပ်မတော် (ကြည်း) |
| ရာထူး | ဗိုလ်မှူးချုပ် |
ဦးတင်ဦးလွင် (၁၃ မေ ၁၉၅၆ မွေးဖွား) သည် မြန်မာလူမျိုး နိုင်ငံရေးသမားနှင့် သံအမတ်ကြီးဟောင်းတစ်ဦး ဖြစ်သည်။ ၎င်းသည် လက်ရှိတွင် သာသနာရေး ဝန်ကြီးဌာန၏ ပြည်ထောင်စုဝန်ကြီး ဖြစ်သည်။[၂] ၎င်းသည် မန္တလေးတိုင်းဒေသကြီး မဲဆန္ဒနယ် အမှတ် (၆) ကိုယ်စားပြု အမျိုးသားလွှတ်တော်ကိုယ်စားလှယ်အဖြစ်မှ ထိုရာထူးကို ထမ်းဆောင်ခြင်း ဖြစ်သည်။
သူသည် ၂၀၂၂ခုနှစ် ဩဂုတ်လ ၁၉ရက်မှစ၍ နိုင်ငံတော်စီမံအုပ်ချုပ်ရေးကောင်စီက ၎င်းအား နေပြည်တော်ကောင်စီ၏ ဥက္ကဋ္ဌအဖြစ်[၃] တာဝန်ပေးအပ်ခဲ့ပြီး ယင်းမှတစ်ဆင့် လက်ရှိအချိန်အထိ သာသနာရေးနှင့် ယဉ်ကျေးမှု ဝန်ကြီးဌာန ပြည်ထောင်စုဝန်ကြီးအဖြစ် တာဝန်ထမ်းဆောင်လျက်ရှိသည်။ ဦးသိန်းစိန်အစိုးရလက်ထက်တွင် နိုင်ငံခြားရေးဝန်ကြီးဌာန၏ ဒုတိယဝန်ကြီးအဖြစ်[၄] တာဝန်ထမ်းဆောင်ခဲ့သူလည်း ဖြစ်သည်။
ငယ်ဘဝနှင့် ပညာရေး
[ပြင်ဆင်ရန်]၁၉၅၆ ခုနှစ်၊မေ ၁၃ ရက် တွင် ကျောက်ပန်းတောင်းမြို့နယ်၊ရွာလတ်ရွာနေ တောင်သူ အဖ ဦးဘသင်း နှင့် ဇလင်းတောင်ရွာနေ အမိဒေါ်အောင်ရ တို့က ၎င်းအား မွေးဖွားခဲ့သည်။ပညာရေးကို ရွာတွင်လည်းကောင်း၊ကျောက်ပန်းတောင်းမြို့တွင် လည်းကောင်း ဖြတ်သန်းသင်ယူခဲ့သည်။
၁၉၇၂ ခုနှစ် တွင် ကျောက်ပန်းတောင်းမြို့မှနေ၍ ဆယ်တန်းအောင်မြင်ခဲ့သည်။
သူသည် စစ်တက္ကသိုလ် အပါတ်စဉ်(၁၉)ဆင်း ဖြစ်သည်။ဗိုလ်ချုပ်မှူးကြီး မင်းအောင်လှိုင် နှင့် အပါတ်စဉ်တူသည်။[၅]သူသည် ကာကွယ်ရေးတက္ကသိုလ် မှလည်း မဟာဘွဲ့ ရရှိသည်။
သံအမတ်ကြီးဘဝ
[ပြင်ဆင်ရန်]ဦးတင်ဦးလွင်သည် ၁၉၇၅ ခုနှစ် နောက်ပိုင်းမှစ၍ ဒုဗိုလ်အဆင့်မှသည် ၂၀၀၅ ခုနှစ် တပ်မတော်တွင် ဗိုလ်မှူးချုပ်အဆင့်အထိ နှစ်ပေါင်း ၃၀ကျော်ကြာ တာဝန်ထမ်းဆောင်ရင်း အချိန်ကုန်ဆုံးခဲ့သည်။ယင်းနောက် နိုင်ငံခြားရေးဝန်ကြီးဌာန သို့ ၂၀၀၅ ခုနှစ် တွင် ပြောင်းရွှေ့လာကာ သီရိလင်္ကာနိုင်ငံ ဆိုင်ရာမြန်မာသံအမတ်ကြီး[၆]အဖြစ် ၃နှစ်ခွဲ ၊တောင်အာဖရိကဆိုင်ရာ မြန်မာသံအမတ်ကြီး[၇] အဖြစ် ၂ နှစ်ခွဲ၊စင်ကာပူနိုင်ငံဆိုင်ရာ သံအမတ်ကြီး[၈]အဖြစ် ၂နှစ်ခွဲ အစရှိသည်ဖြင့် သံအမတ်ကြီးတာဝန်များထမ်းဆောင်ခဲ့သည်။
နိုင်ငံရေးဘဝ
[ပြင်ဆင်ရန်]ဦးတင်ဦးလွင်သည် သံအမတ်ကြီးအဖြစ် တာဝန်ထမ်းဆောင်နေစဉ် ၂၀၁၃ ခုနှစ်၊ ဩဂုတ်လ ၁၄ ရက်နေ့တွင် ဦးသိန်းစိန်အစိုးရအဖွဲ့၏ နိုင်ငံခြားရေးဝန်ကြီးဌာန ဒုတိယဝန်ကြီး အဖြစ် ခန့်အပ်ခြင်း ခံခဲ့ရသည်။[၉] ၎င်းသည် ယင်းတာဝန်ကို ဦးသိန်းစိန်အစိုးရ သက်တမ်းကုန်ဆုံးသည်အထိ ထမ်းဆောင်ခဲ့သည်။[၁၀]
ထို့နောက် နိုင်ငံရေးလောကသို့ ဝင်ရောက်ခဲ့ပြီး ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ကိုယ်စားပြုကာ ၂၀၁၅ ခုနှစ် နှင့် ၂၀၂၀ ပြည့်နှစ် အထွေထွေရွေးကောက်ပွဲများတွင် ဝင်ရောက်ယှဉ်ပြိုင်ခဲ့သော်လည်း ရွေးကောက်ခံခဲ့ရခြင်း မရှိပေ။[၁၁] သို့သော် ၎င်းသည် ပါတီ၏ ဗဟိုကော်မတီဝင်အဖြစ် ဆက်လက်တာဝန်ယူခဲ့ပြီး အထူးသဖြင့် ပါတီ၏ နိုင်ငံခြားရေးရာကိစ္စရပ်များကို တာဝန်ယူကိုင်တွယ်ခဲ့သည်။
၂၀၂၅-၂၀၂၆ အထွေထွေရွေးကောက်ပွဲတွင် ဦးတင်ဦးလွင်သည် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီကို ကိုယ်စားပြု၍ မန္တလေးတိုင်းဒေသကြီး မဲဆန္ဒနယ် အမှတ် (၆)၊ အမျိုးသားလွှတ်တော်ကိုယ်စားလှယ်လောင်းအဖြစ် ထပ်မံဝင်ရောက်ယှဉ်ပြိုင်ခဲ့သည်။[၁၂] အဆိုပါမဲဆန္ဒနယ်တွင် တိုင်းရင်းသားစည်းလုံးညီညွတ်ရေးပါတီ၊ ပြည်သူ့ပါတီ၊ ပြည်သူ့ရှေ့ဆောင်ပါတီ၊ လူမှုစီးပွားမြှင့်တင်ရေးပါတီ၊ ရှမ်းနှင့်တိုင်းရင်းသားများဒီမိုကရက်တစ်ပါတီနှင့် မြန်မာနိုင်ငံတောင်သူလယ်သမားဖွံ့ဖြိုးတိုးတက်ရေးပါတီတို့မှ ကိုယ်စားလှယ်လောင်းများနှင့် ယှဉ်ပြိုင်ခဲ့ရသည်။ ဆန္ဒမဲပေးသူ စုစုပေါင်း ၅၈၀,၃၈၅ ဦးအနက် ထောက်ခံမဲ ၃၀၄,၀၀၉ မဲ ရရှိကာ အနိုင်ရရှိခဲ့ကြောင်း ပြည်ထောင်စုရွေးကောက်ပွဲကော်မရှင်က ထုတ်ပြန်ကြေညာခဲ့သည်။
ဝန်ကြီးဘဝ
[ပြင်ဆင်ရန်]ဦးတင်ဦးလွင် ကို စစ်အာဏာသိမ်းပြီး တစ်နှစ်ကျော်အကြာ ၂၀၂၂ ခုနှစ်၊ဩဂုတ် ၁၉ ရက် တွင် နိုင်ငံတော်စီမံအုပ်ချုပ်ရေးကောင်စီက နေပြည်တော်ကောင်စီဥက္ကဋ္ဌ အဖြစ် တာဝန်ပေးသည်။ [၁၃] ယင်းနောက် ၂၀၂၃ ဩဂုတ် ၃ရက် တွင် သာသာနာရေးနှင့်ယဉ်ကျေးမှုဝန်ကြီးဌာန ပြည်ထောင်စုဝန်ကြီး အဖြစ် ပြောင်းရွှေ့ ခန့်အပ်သည်။
၂၀၂၆ ခုနှစ်၊ဧပြီ ၇ရက် တွင် ဦးမင်းအောင်လှိုင်အစိုးရက သာသနာရေးရာ ဝန်ကြီးဌာန ပြည်ထောင်စုဝန်ကြီးအဖြစ် တတိယအကြိမ် ပြည်ထောင်စုလွှတ်တော် သို့ အဆိုပြုတင်သွင်းခဲ့သည်။[၁၄]ဧပြီ ၁၀ရက်တွင် ထိုတာဝန်ကို စတင်ထမ်းဆောင်ခဲ့သည်။
ဂုဏ်ပြုခံရခြင်း
[ပြင်ဆင်ရန်]၂၀၂၆ ခုနှစ်၊ မတ်လ (၂) ရက်နေ့တွင် အမိန့်ကြော်ငြာစာအမှတ် ၄၃/၂၀၂၆ ဖြင့် ပြည်ထောင်စုစည်သူသင်္ဂဟဘွဲ့ဖြစ်သော စည်သူဘွဲ့ကို ဗိုလ်ချုပ်မှူးကြီး မင်းအောင်လှိုင်က ချီးမြှင့်အပ်နှင်းခဲ့သည်။[၁၅]
မိသားစုဘဝ
[ပြင်ဆင်ရန်]အိမ်ထောင်သည်တစ်ဦးဖြစ်သည်။
ကိုးကား
[ပြင်ဆင်ရန်]- ↑ အမျိုးသားလွှတ်တော် ကိုယ်စားလှယ်လောင်း တစ်ဦးချင်း၏ ဆန္ဒမဲရရှိမှု အခြေအနေ(၂၀၂၅-၂၀၂၆ အထွေထွေရွေးကောက်ပွဲ)။ ပြည်ထောင်စုရွေးကောက်ပွဲကော်မရှင်။ ၂၅ မတ် ၂၀၂၆ တွင် ပြန်စစ်ပြီး။[လင့်ခ်သေ]
- ↑ ပြည်ထောင်စုဝန်ကြီး ဦးတင်ဦးလွင် “လောဘအမှောင်” ဆို ငို ပြော ဇာတ်တော်ကြီး ဝတ်စုံပြည့် ဇာတ်တိုက်လေ့ကျင့်နေမှု ကြည့်ရှုစစ်ဆေး။ MOI Myanmar (၂၅ ဩဂုတ် ၂၀၂၃)။ ၁၀ စက်တင်ဘာ ၂၀၂၃ တွင် ပြန်စစ်ပြီး။
- ↑ နေပြည်တော်ကောင်စီဥက္ကဋ္ဌ ဦးတင်ဦးလွင် နေပြည်တော်ကောင်စီနှင့် နေပြည်တော် စည်ပင်သာယာရေးကော်မတီတို့၏ ၂၀၂၃ ခုနှစ် မိုးရာသီသစ်ပင်စိုက်ပျိုးပွဲ အခမ်းအနား တက်ရောက်။ Myanmar Digital News (၈ ဇူလိုင် ၂၀၂၃)။ ၁၀ စက်တင်ဘာ ၂၀၂၃ တွင် ပြန်စစ်ပြီး။[လင့်ခ်သေ]
- ↑ လှေစီးဒုက္ခသည်များ အမြန်ပြန်ပို့ရန် လုပ်ဆောင်နေဟု အစိုးရသတင်းထုတ်ပြန်။ DVB Burmese (၂၄ မေ ၂၀၁၅)။ ၁၀ စက်တင်ဘာ ၂၀၂၃ တွင် ပြန်စစ်ပြီး။
- ↑ စစ်ကောင်စီ သက်တမ်းတိုးပြီးနောက် ရာထူးအပြောင်းအလဲများ။ ဧရာဝတီသတင်း (၇ ဩဂုတ် ၂၀၂၃)။ ၁၀ စက်တင်ဘာ ၂၀၂၃ တွင် ပြန်စစ်ပြီး။
- ↑ သီရိလင်္ကာဒီမိုကရက်တစ်ဆိုရှယ်လစ်သမ္မတနိုင်ငံဆိုင်ရာမြန်မာသံအမတ်ကြီးအဖြစ်ဦးတင်ဦးလွင်အားခန့်အပ်။ ကြေးမုံသတင်းစာ(၁၂-၈-၂၀၀၅)နေ့ထုတ်စာမျက်နှာ၂ (၁၂ ဩဂုတ် ၂၀၀၅)။ ၁၀ စက်တင်ဘာ ၂၀၂၃ တွင် ပြန်စစ်ပြီး။
- ↑ မြန်မာ့အရေး ကြားဝင်စေ့စပ်ပေးလိုဟု တောင်အာဖရိက ကမ်းလှမ်း။ VOA Burmese (၂၆ မေ ၂၀၀၉)။ ၁၀ စက်တင်ဘာ ၂၀၂၃ တွင် ပြန်စစ်ပြီး။
- ↑ နိုင်ငံတော်သမ္မတဦးသိန်းစိန်၏စင်ကာပူခရီးစဉ်။ ကြေးမုံသတင်းစာ(၃-၂-၂၀၁၂) (၃ ဖေဖော်ဝါရီ ၂၀၁၂)။ ၁၀ စက်တင်ဘာ ၂၀၂၃ တွင် ပြန်စစ်ပြီး။
- ↑ ဒု ဝန်ကြီး ၃ ဦး ခန့်အပ် တာဝန်ပေး။ ဧရာဝတီသတင်း (၁၄ ဩဂုတ် ၂၀၁၃)။ ၁၀ စက်တင်ဘာ ၂၀၂၃ တွင် ပြန်စစ်ပြီး။
- ↑ H.E. Mr. Tin Oo Lwin, Deputy Foreign Minister of Myanmar visited the ASEAN-Japan Centre။ Asean Japan Centre (22 May 2014)။ 3 August 2023 တွင် မူရင်းအား မော်ကွန်းတင်ပြီး။ 10 September 2023 တွင် ပြန်စစ်ပြီး။
- ↑ ပြည်ခိုင်ဖြိုးကိုယ်စားလှယ်လောင်း ဝန်ကြီးဟောင်းများပိုင်ဆိုင်သည့် ကုမ္ပဏီများ။ Myanmar Now (၂၃ စက်တင်ဘာ ၂၀၂၀)။ ၁၀ စက်တင်ဘာ ၂၀၂၃ တွင် ပြန်စစ်ပြီး။
- ↑ ရွေးကောက်ပွဲမဲဆွယ်မှု ကြံ့ခိုင်ရေးပါတီကိုသာ တွေ့နေရ။ ဧရာဝတီသတင်းဌာန (၄ နိုဝင်ဘာ ၂၀၂၅)။ ၂၅ မတ် ၂၀၂၆ တွင် ပြန်စစ်ပြီး။
- ↑ ပြည်ထောင်စုအစိုးရအဖွဲ့အား ပြင်ဆင်ဖွဲ့စည်း။ ဆင်ဟွာသတင်း (၃ ဩဂုတ် ၂၀၂၃)။ ၁၀ စက်တင်ဘာ ၂၀၂၃ တွင် ပြန်စစ်ပြီး။
- ↑ ဧရာဝတီ (2026-04-07)။ စစ်ခေါင်းဆောင်ရဲ့ အစိုးရသစ် ဗိုလ်ချုပ်ဟောင်းတွေနဲ့ ဝန်းရံ (in en-US)။ 2026-04-09 တွင် ပြန်စစ်ပြီး။
- ↑ ဂုဏ်ထူးဆောင်ဘွဲ့များ၊ ဂုဏ်ထူးဆောင်တံဆိပ်များ ချီးမြှင့်အပ်နှင်း | Ministry Of Information (in en)။ 2026-03-02 တွင် ပြန်စစ်ပြီး။
