ကိုကို (ဝန်ကြီး)

ဗိုလ်မှူးကြီး (ငြိမ်း) သီရိပျံချီ၊ ဦး ကိုကို
ပြည်ထောင်စုရွေးကောက်ပွဲကော်မရှင် ဥက္ကဋ္ဌ
တာဝန်သက်တမ်း ၃၁ ဇန်နဝါရီ ၂၀၂၄ – ၃၁ ဇူလိုင် ၂၀၂၅
ခန့်အပ်သူ	နိုင်ငံတော်စီမံအုပ်ချုပ်ရေးကောင်စီ
သမ္မတ	မင်းအောင်လှိုင် (ယာယီ-တာဝန်)
ယခင်လူ	သိန်းစိုး
ဆက်ခံသူ	သန်းစိုး
သာသာနာရေးနှင့် ယဉ်ကျေးမှုဝန်ကြီးဌာန ပြည်ထောင်စုဝန်ကြီး
တာဝန်သက်တမ်း ၁ ဖေဖော်ဝါရီ ၂၀၂၁ – ၂ ဩဂုတ် ၂၀၂၃
ခန့်အပ်သူ	တပ်မတော်ကာကွယ်ရေးဦးစီးချုပ် နိုင်ငံတော်စီမံအုပ်ချုပ်ရေးကောင်စီ
ဝန်ကြီးချုပ်	ဗိုလ်ချုပ်မှူးကြီး မင်းအောင်လှိုင်
ယခင်လူ	ဦးအောင်ကို
ဆက်ခံသူ	ဦးတင်ဦးလွင်
ကိုယ်ရေး အချက်အလက်များ
မွေးဖွား	၁၉၄၇
လူမျိုး	မြန်မာ
မိခင်ကျောင်း	စစ်တက္ကသိုလ်
စစ်မှုထမ်းခြင်း
သစ္စာခံနိုင်ငံ	မြန်မာ
တပ်/တပ်ဖွဲ့ခွဲ	တပ်မတော် (လေ)
အမှုထမ်းကာလ	၁၉၆၈ -၂၀၀၇
ရာထူး	ဗိုလ်မှူးကြီး

ဦးကိုကို (၁၉၄၇ ဖွား) သည် ပြည်ထောင်စုရွေးကောက်ပွဲကော်မရှင် ဥက္ကဋ္ဌ အဖြစ် ထမ်းဆောင်ခဲ့သူ ဖြစ်သည်။ ယင်းမတိုင်မီက သာသာနာရေးနှင့် ယဉ်ကျေးမှုဝန်ကြီးဌာန၏ ပြည်ထောင်စုဝန်ကြီး ဖြစ်ခဲ့သည်။ သူသည် တပ်မတော်(လေ) တွင် နှစ်ပေါင်းများစွာ အမှုထမ်းခဲ့သူဖြစ်ပြီး စာရေးဆရာ တစ်ဦးလည်း ဖြစ်သည်။

စစ်မှုထမ်းခြင်း

သူသည် စစ်တက္ကသိုလ် အပတ်စဉ် (၁၀) ဆင်း ဖြစ်သည်။ တပ်မတော် (လေ) တွင် ၁၉၆၈ ခုနှစ် နောက်ပိုင်းက စပြီး စစ်မှုထမ်းသည်။ ၂၀၀၇ ခုနှစ် တွင် တပ်မတော် (လေ) မှ ဗိုလ်မှူးကြီး အဆင့် ဖြင့် အငြိမ်းစားယူသည်။

နိုင်ငံရေးဘဝ

သူသည် ၂၀၁၁ ခုနှစ် နောက်ပိုင်း ရန်ကုန်တိုင်းဒေသကြီး ရွေးကောက်ပွဲကော်မရှင်ခွဲ ဥက္ကဋ္ဌ အဖြစ် တာဝန်ပေးခံရသည်။ အထွေထွေရွေးကောက်ပွဲ ၂၀၁၅ လုပ်ငန်းပြီးပြတ်ပြီးသည်အထိ ထမ်းဆောင်သည်။

ပြည်ထောင်စုဝန်ကြီး

၂၀၂၁ ခုနှစ် ဖေဖော်ဝါရီ စစ်အာဏာသိမ်းပြီး နောက် ထိုနေ့မှာပင် သူ့ကို နိုင်ငံတော်စီမံအုပ်ချုပ်ရေးကောင်စီ က သာသနာရေးနှင့်ယဉ်ကျေးမှုဝန်ကြီးဌာန ပြည်ထောင်စုဝန်ကြီးအဖြစ် တာဝန်ပေးသည်။

၂၀၂၃ ခုနှစ် ဩဂုတ်လ ၂ ရက်နေ့တွင် ထိုတာဝန်မှ အနားပေးခံရသည်။

ပြည်ထောင်စုရွေးကောက်ပွဲကော်မရှင် ဥက္ကဋ္ဌ ဖြစ်လာပုံ

၂၀၂၄ ခုနှစ် ဇန်နဝါရီ ၃၁ ရက်နေ့တွင် ပြည်ထောင်စုရွေးကောက်ပွဲကော်မရှင် ဥက္ကဋ္ဌ အဖြစ် ခန့်အပ်ခံရသည်။ ၂၀၂၅ ခုနှစ် ဇူလိုင် ၃၁ ရက် တွင် ကော်မရှင် ဥက္ကဋ္ဌ ရာထူးမှ အနားပေးခံရသည်။

စာပေရေးသားခြင်းများ

သူသည် ဧကရာဇ်၊ ကို (ဗိုလ်မှူးကြီး) စသည့် ကလောင်အမည်ဖြင့် ကဗျာ အပါအဝင် စာပေများရေးသားသည်။

အရေးယူပိတ်ဆို့ခံရမှု

သူ့ကို စစ်ကောင်စီ ထဲ ပါဝင်မှု ဖြင့် အမေရိကန် နှင့် ဥရောပသမဂ္ဂ အပါအဝင် နိုင်ငံအချို့က ဒဏ်ခတ် အရေးယူ ပိတ်ဆို့ထားသည်။

ဂုဏ်ပြုခံရခြင်း

၂၀၂၂ ခုနှစ် နိုဝင်ဘာ ၁၇ရက်တွင် ၎င်းကို နိုင်ငံတော်စီမံအုပ်ချုပ်ရေးကောင်စီဥက္ကဋ္ဌက အမိန့်ကြော်ငြာစာအမှတ် ၂၁၁/ ၂၀၂၂ ဖြင့် စွမ်းဆောင်မှုဆိုင်ရာ ဂုဏ်ထူးဆောင်ဘွဲ့တစ်ခုဖြစ်သည့်  သီရိပျံချီ ဘွဲ့ ချီးမြှင့်အပ်နှင်းသည်။