ညီညီအောင်
 | ဤဆောင်းပါး သည် ကိုယ်တိုင်ရေးအတ္ထုပ္ပတ္တိတစ်ခု ဖြစ်ခြင်း သို့မဟုတ် အကြောင်းအရာနှင့် ဆက်နွယ်မှုရှိသော တစ်စုံတစ်ဦးက ကျယ်ကျယ်ပြန့်ပြန့် ပြင်ဆင်တည်းဖြတ်ထားခြင်း ဖြစ်သည်။ |
 | ဤ ဆောင်းပါးသည် စိစစ်အတည်ပြုနိုင်ရန်အတွက် နောက်ထပ်ကိုးကားချက်များ လိုအပ်နေသည်။ |
ဒေါက်တာ ညီညီအောင် | |
|---|---|
| ဒုတိယအကြိမ်မြောက် ရှမ်းပြည်နယ် အစိုးရအဖွဲ့ ပြည်နယ်သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီး | |
| တာဝန်သက်တမ်း ၄ ဧပြီ ၂၀၁၆ – ၁ ဖေဖော်ဝါရီ ၂၀၂၁ | |
| ယခင်လူ | ဦးစိုင်းအိုက်ပေါင်း (သစ်တော သတ္တုဝန်ကြီး) |
| ဆက်ခံသူ | ဦးစိုင်းလိတ် (ကောင်စီဝင် ) |
| ဒုတိယအကြိမ်ရှမ်းပြည်နယ်လွှတ်တော်ကိုယ်စားလှယ် | |
| တာဝန်သက်တမ်း ၈ ဖေဖော်ဝါရီ ၂၀၁၆ – ၃၁ ဇန်နဝါရီ ၂၀၂၁ | |
| ယခင်လူ | စိုင်းဘထွန်း |
| ဆက်ခံသူ | ဒေါက်တာညီညီအောင် |
| မဲဆန္ဒနယ် | နောင်ချိုမြို့နယ် အမှတ် (၂) မဲဆန္ဒနယ်မြေ |
| အနိုင်ရမဲ အရေအတွက် | ၁၁,၈၇၇ (၃၆.၉၄%) |
| တတိယအကြိမ်ရှမ်းပြည်နယ်လွှတ်တော် ရွေးကောက်ခံ ကိုယ်စားလှယ် | |
| ယခင်လူ | ဒေါက်တာညီညီအောင် |
| ဆက်ခံသူ | အခြေခံဥပဒေ ဖျက်သိမ်း |
| မဲဆန္ဒနယ် | နောင်ချိုမြို့နယ် အမှတ် (၂) မဲဆန္ဒနယ်မြေ |
| အနိုင်ရမဲ အရေအတွက် | ၁၉,၉၆၉ (၅၁.၈၅%) |
| ကိုယ်ရေး အချက်အလက်များ | |
| မွေးဖွား | ဒီဇင်ဘာ ၈၊ ၁၉၇၁ ဆိပ်ဖြူမြို့၊ မြန်မာနိုင်ငံ |
| လူမျိုး |  မြန်မာ |
| နိုင်ငံရေးပါတီ | အမျိုးသားဒီမိုကရေစီအဖွဲ့ချုပ် |
| မိခင်ကျောင်း | မဟီဒေါ တက္ကသိုလ် ၊ မန္တလေးဆေးတက္ကသိုလ် |
| အလုပ်အကိုင် | နိုင်ငံရေးသမား၊ ဆရာဝန်၊ လူမှုရေးလုပ်ကိုင်သူ |
| ကိုးကွယ်သည့်ဘာသာ | ထေရဝါဒ ဗုဒ္ဓဘာသာ |
ဒေါက်တာညီညီအောင်သည် မြန်မာနိုင်ငံသား အမျိုးသား အထွေထွေရောဂါကုဆရာဝန် ငှက်ဖျားဆရာဝန်၊ လူမှုကျန်းမာပညာရှင် လူမှုရေးလုပ်ငန်းလုပ်သူ စိုက်ပျိုးရေးသမား၊ နိုင်ငံရေးသမား နိုင်ငံရေးအကျဉ်းသားဟောင်း ဖြစ်သည်။
ငယ်ဘဝ[ပြင်ဆင်ရန်]
၁၉၇၁ ခုနှစ်က ဆိပ်ဖြူမြို့တွင် ဖွားမြင်ခဲ့သည်။[ကိုးကားချက်လိုသည်]
ပညာရေး[ပြင်ဆင်ရန်]
၁၉၇၇ ခုနှစ်တွင် ဇီးဖြူပင်ရွာရှိ အခြေခံပညာအလယ်တန်း(ယခုအထက်တန်း)ကျောင်းတွင် စတင်ပညာသင်ယူခဲ့သည်။ ၁၉၈၀ တွင် ဆိပ်ဖြူမြို့ အခြေခံပညာအထက်တန်းကျောင်းတွင် ဆက်လက်ပညာသင်ယူခဲ့သည်။ ၁၉၈၈ ခုနှစ်တွင် တက္ကသိုလ်ဝင်တန်းကို အဆိုပါကျောင်းမှပင် အောင်မြင်သည်။ အရေးအခင်းဖြစ်ပွားနေချိန်ဖြစ်သဖြင့် သုံးနှစ်ခန့် ပညာသင်ယူမှု ရပ်နားခဲ့ရသည်။[ကိုးကားချက်လိုသည်]
၁၉၉၁ ခုနှစ်တွင် မန္တလေးဆေးတက္ကသိုလ် တွင် တက်ရောက်ပညာသင်ကြားသည်။ တက္ကသိုလ်ကျောင်းသားဘဝတွင် နိုင်ငံရေးမတည်ငြိမ်မှုများကြောင့် ၁၉၉၁ နှင့် ၁၉၉၇ ခုနှစ်များတွင် ကျောင်းများပိတ်သည်ကို ကြုံရပြန်သည်။ ၁၉၉၉ ခုနှစ်တွင် နောက်ဆုံးနှစ်အပိုင်း (ခ) အောင်မြင်ပြီး ဆေးပညာဘွဲ့ ရရှိသည်။[ကိုးကားချက်လိုသည်]
၂၀၁၁ ခုနှစ်တွင် ထိုင်းနိုင်ငံ ဘန်ကောက်မြို့ မဟီဒေါ တက္ကသိုလ်တွင် သပြေပညာရေးဗဟိုဌာန၏ ပညာသင်ဆုအစီအစဉ်၊ မဟီဒေါတက္ကသိုလ်ပညာသင်ကင်းလွတ်ခွင့်အစီအစဉ်များဖြင့် လူမှုကျန်းမာသိပ္ပံပညာနိုင်ငံတကာမဟာတန်းတွင် တက်ရောက်ပညာသင်ယူခဲ့သည်။ ၂၀၁၃ ခုနှစ်တွင် အဆိုပါတက္ကသိုလ်မှပင် လူမှုကျန်းမာသိပ္ပံပညာမဟာဝိဇ္ဇာဘွဲ့ ရရှိခဲ့သည်။[၁]
အလုပ်အကိုင်[ပြင်ဆင်ရန်]
၁၉၉၉ ခုနှစ်တွင် မကွေးမြို့ အထွေထွေရောဂါကုဆေးရုံကြီး (တိုင်းဆေးရုံကြီး)တွင် အလုပ်သင်ဆရာဝန် အဖြစ်လုပ်ကိုင်သည်။[ကိုးကားချက်လိုသည်]
၂၀၀၀ ပြည်နှစ်တွင် မယ်ဒီမြန်မာဆေးကုမ္ပဏီတွင်ဆေးကိုယ်စားလှယ်အဖြစ် ဝင်ရောက်လုပ်ကိုင်သည်။ ဆေးကုမ္ပဏီအလုပ်လုပ်နေစဉ် ပုဂ္ဂလိကဆေးရုံများတွင် အချိန်ပိုင်းဆရာဝန်အဖြစ်လည်းကောင်း၊ ကိုယ်ပိုင်ဆေးခန်းအချို့တွင် အထွေထွေရောဂါကုဆရာဝန်အဖြစ်လည်းကောင်း လုပ်ကိုင်သည်။ သုတေသနစီမံချက်များတွင်သုတေသနဆရာဝန်အဖြစ်လည်း လုပ်ကိုင်ခဲ့သည်။ ၂၀၀၄ ခုနှစ်တွင် မန္တလေးမြို့ တော်ဝင်ဆေးရုံတွင် တာဝန်ခံဆရာဝန်အဖြစ်လုပ်ကိုင်သည်။ ၂၀၀၇ ခုနှစ်တွင် ငှက်ဖျားစီမံချက်ဆရာဝန်အဖြစ်လုပ်ကိုင်သည်။ ၂၀၁၁ ခုနှစ်တွင် ပညာသင်ဆုရရှိသဖြင့် ငှက်ဖျားဆရာဝန်အလုပ်မှ ထွက်ပြီး ပြည်ပတွင် သွားရောက်ပညာသင်ကြားသည်။[ကိုးကားချက်လိုသည်]
ပညာသင်ပြန်လာအပြီး ၂၀၁၃ ခုနှစ်တွင် ငှက်များစီမံချက်တွင် လ အနည်းငယ်လုပ်ကိုင်ပြီးနောက် နောင်ချိုမြို့နယ် ဘန့်ဘွေးရွာ ကရုဏာအခမဲ့အာယုဒါနဆေးခန်း ထူထောင်ရာတွင် ပါဝင်လုပ်ကိုင်ခဲ့သည်။ အဆိုပါဆေးခန်းတွင် အခမဲ့ အထွေထွေရောဂါကုဆရာဝန်အဖြစ် အချိန်ပိုင်း ကုသိုလ်ဖြစ်လုပ်ကိုင်ပေးခဲ့သည်။ တချိန်တည်းတွင် စိုက်ပျိုးရေးလုပ်ငန်း စတင်လုပ်ကိုင်ခဲ့သည်။[ကိုးကားချက်လိုသည်]
နိုင်ငံရေး[ပြင်ဆင်ရန်]
၂၀၁၅ ခုနှစ် အထွေထွေရွေးကောက်ပွဲတွင် အမျိုးသားဒီမိုကရေစီအဖွဲ့ချုပ်ပါတီ နောင်ချိုမြို့နယ် အမှတ်(၂)မဲဆန္ဒနယ်မြေမှ ဝင်ရောက်ယှဉ်ပြိုင်အရွေးခံရပြီး ဒုတိယအကြိမ် ရှမ်းပြည်နယ်လွှတ်တော်ကိုယ်စားလှယ်ဖြစ်လာခဲ့သည်။[၂] ၂၀၁၆ ဧပြီလတွင် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးအဖြစ် တာဝန်ထမ်းဆောင်ခဲ့သည်။
၂၀၂၀ ခုနှစ် အထွေထွေရွေးကောက်ပွဲတွင် အမျိုးသားဒီမိုကရေစီအဖွဲ့ချုပ်ပါတီ နောင်ချိုမြို့နယ်အမှတ်(၂) မဲဆန္ဒနယ်မြေမှပင် ထပ်မံဝင်ရောက်ယှဉ်ပြိုင်ရာ ဒုတိယအကြိမ်အရွေးခံရပြီး တတိယအကြိမ်ရှမ်းပြည်နယ်လွှတ်တော်ရွေးကောက်ခံကိုယ်စားလှယ်ဖြစ်လာသည်။[၃]
၂၀၂၁ ဖော်ဖော်ဝါရီလ (၁) ရက်နေ့ တွင် မြန်မာ့တပ်မတော်၏ ခေတ္တ ဖမ်းဆီးထိန်းသိမ်းခြင်းခံခဲ့ရသည်။[ကိုးကားချက်လိုသည်]
ကိုးကား[ပြင်ဆင်ရန်]
- ↑ Mahidol University, Faculty of Social Sciences and Humanities, Alumni information https://www.sh.mahidol.ac.th/?page=alumni&apage=alumni&id=5438494 Archived 7 June 2023 at the Wayback Machine.
- ↑ ၂၀၁၅ ခုနှစ် အထွေထွေရွေးကောက်ပွဲ ရွေးကောက်ပွဲရလဒ် တိုင်းဒေသကြီး/ပြည်နယ်လွှတ်တော်မဲဆန္ဒနယ်။ 20 မေ 2023 တွင် ပြန်စစ်ပြီး။
- ↑ ၂၀၂၀ ပြည့်နှစ်အထွေထွေရွေးကောက်ပွဲ ရွေးကောက်ပွဲရလဒ် တိုင်းဒေသကြီး/ပြည်နယ်လွှတ်တော်မဲဆန္ဒနယ်။ 26 April 2021 တွင် မူရင်းအား မော်ကွန်းတင်ပြီး။ 20 မေ 2023 တွင် ပြန်စစ်ပြီး။