ခြူးလေး
| ခြူးလေး | |
|---|---|
 ၂၀၂၀ တွင် တွေ့ရသည့် ခြူးလေး | |
| မွေးဖွား | စန်းသော်တာ အောက်တိုဘာ ၅၊ ၁၉၉၃ သံတွဲ, ရခိုင်ပြည်နယ်, မြန်မာ |
| နိုင်ငံလူမျိုး | ရခိုင် |
| မိခင်ကျောင်း | ရန်ကုန်အနောက်ပိုင်းတက္ကသိုလ် |
| အလုပ်အကိုင် | သရုပ်ဆောင် |
| တက်ကြွလှုပ်ရှားနှစ်များ | ၂၀၁၂-ယနေ့ထိ |
| အရပ် | ၅ ft ၄ in (၁.၆၃ m) |
| ရရှိသည့်ဆုများ |  အကောင်းဆုံး အမျိုးသမီးဇာတ်ပို့ဆု (၂၀၂၄) |
ခြူးလေး (အင်္ဂလိပ်: Chue Lay; ၅ အောက်တိုဘာ ၁၉၉၃ မွေး)သည် ယခင်က နေအဉ္ဇရာ ဟုလူသိများခဲ့ပြီး MRTV-4 ရုပ်သံဇာတ်လမ်းတွဲများတွင် ပါဝင်သရုပ်ဆောင်ခဲ့ပြီးနောက် လူသိများလာသော မြသရုပ်ဆောင်တစ်ဦး ဖြစ်သည်။[၁][၂]မိုးပန်းပွင့်ရဲ့သင်္ကေတ ရုပ်ရှင်၌ ဇာတ်နှင့်လိုက်ဖက်ညီစွာ သရုပ်ဆောင်နိုင်မှုကြောင့် ၂၀၁၈ ခုနှစ်မြန်မာရုပ်ရှင်ထူးချွန်ဆုပေးပွဲတွင် အကောင်းဆုံးအမျိုးသမီးဇာတ်ပို့ဆု အတွက် ဆန်ကာတင်စာရင်းဝင်ခဲ့သည်။[၃]၂၀၂၄ ခုနှစ် မြန်မာ့ရုပ်ရှင်ထူးချွန်ဆုချီးမြှင့်ပွဲတွင် ဘိုးတော်ကင်းဇာတ်ကားဖြင့် အကောင်းဆုံးအမျိုးသမီးဇာတ်ပို့ဆု ရရှိခဲ့သည်။
အစောပိုင်းဘဝနှင့် ပညာရေး
[ပြင်ဆင်ရန်]သရုပ်ဆောင် ခြူးလေး ကို ရခိုင်ပြည်နယ်၊ သံတွဲမြို့ တွင် ၁၉၉၃ အောက်တိုဘာ ၅ ၌ ဖွားမြင်ခဲ့သည်။ အမည်ရင်းမှာ စန်းသော်တာ ဖြစ်ပြီး မွေးချင်းနှစ်ယောက်အနက် အကြီးဆုံးဖြစ်သည်။ အင်းစိန် အမှတ်(၄)အခြေခံပညာအထက်ကျောင်း၌ အထက်တန်းပညာသင်ယူခဲ့ပြီး ရန်ကုန်အနောက်ပိုင်းတက္ကသိုလ်မှ အင်္ဂလိပ်ဘာသာအထူးပြုဖြင့် ဘွဲ့ရရှိခဲ့သည်။[၄]
အနုပညာ
[ပြင်ဆင်ရန်]၂၀၁၂-၂၀၁၃: ပွဲဦးထွက်ကာလ
[ပြင်ဆင်ရန်]၂၀၁၂ တွင် မျက်နှာသစ်သရုပ်ဆောင်ရွေးချယ်ပွဲ ဖြစ်သော ပျော်ရွှင်စရာသရုပ်ဆောင်ကမ္ဘာ ၌ ဝင်ရောက်ယှဉ်ပြိုင်ခဲ့သည်။ ထို့နောက် MRTV-4 ရုပ်သံနှင့် ငါးနှစ်စာချုပ်ချုပ်ဆိုခဲ့ပြီး ကြယ်တာရာတိုက်ပွဲရုပ်ရှင်၌ သရုပ်ဆောင်သင်တန်းမှ သူငယ်ချင်းများနှင့်အတူ ပွဲဦးထွက်သရုပ်ဆောင်ခဲ့သည်။ ၎င်းနောက်၊ ဟိန်းဝေယံအပြိုင် အင်တင်တင်ဂွင်၌လည်းကောင်း၊ ပြေတီဦးနှင့်အပြိုင် Twist ၌လည်းကောင်း သရုပ်ဆောင်ခဲ့သည်။[၅]
၂၀၁၄: ရေပန်းစားမှု
[ပြင်ဆင်ရန်]၂၀၁၄ ဖေဖော်ဝါရီ တွင် MRTV-4 မှ ထုတ်လွှင့်သော ပွဲဦးထွက်ရုပ်သံဇာတ်လမ်းတွဲ ထာဝရမန္တလေး ၌ သရုပ်ဆောင် အောင်မင်းခန့်၊ ဟန်လင်းသန့်၊ အောင်ရေချမ်း၊ မေမီကျော်ကျော်တို့နှင့်အတူ အဓိကဇာတ်ရုပ်တွင် ပါဝင်သရုပ်ဆောင်ခဲ့သည်။ ဤဇာတ်လမ်းတွဲသည် မြန်မာရုပ်သံဇာတ်လမ်းတွဲသမိုင်းတွင် အကြီးအကျယ် အောင်မြင်မှု ရရှိသည်။ ထို့နောက် ဒုတိယရုပ်သံဇာတ်လမ်းတွဲ ဖြစ်သော ပန်းနုသွေး(ဇာတ်ထုပ် ၂)၌ ပါဝင်ရာ၊ ထိုနှစ်မှာပင် MRTV-4 က ထုတ်လွှင့်သည်။ ထိုတွင် သူ့ဇာတ်ရုပ်ဖြစ်သော ခြူးလေးကို ဝိုင်းဝန်း၍ အားပေးကြရာ၊ လူအများပါးစပ် ရေပန်းစားလာသည်။ နောက်ပိုင်းတွင် သူ့အမည်ကို နေအဉ္ဇရာမှ ခြူးလေးဟု ပြောင်းသည်။[၅][၆]
၂၀၁၅-မျက်မှောက်: ရုပ်ရှင်ကားကြီး၌ ပါဝင်ခြင်း
[ပြင်ဆင်ရန်]၂၀၁၅ တွင်၊ ဟန်လင်းသန့်၊ မေမြင့်မိုရ်တို့နှင့် အပြိုင် မိုးပန်းပွင့်ရဲ့သင်္ကေတ ဇာတ်ကား၌ ခေါင်းဆောင်မင်းသမီးနေရာ၌ ဦးစွာ သရုပ်ဆောင်လာသည်။[၇]၂၀၁၈ စက်တင်တာ ၁၄ ၌ ရုံတင်ပြသရာ၊ ၂၀၁၈ မြန်မာရုပ်ရှင်အကယ်ဒမီဆုပေးပွဲ၌ အကောင်းဆုံးအမျိုးသမီးဇာတ်ပို့ဆုအတွက် စကာတင်စာရင်း ဝင်သွားသည်။[၃][၈]
ထို့နောက် လူရည်ချွန် (၂၀၁၅)၊ ၂၀၁၆ တွင် ပို၍လှသောမနက်ဖြန်၊ ကံကံ၏အကျိုး၊ ၂၀၁၈ တွင် ရသမော်ကွန်းအလင်္ကာ၊ ရွှေဖူးစာဆုံရာမြေ၊ Happy Beach: Season 2၊ ၂၀၁၉ တွင် ချစ်ရပါသောနွေ၊ နွေလယ်ညရဲ့လမင်းဟူသော မြောက်မြားလှသော ရုပ်သံစီးရီးများတွင် ပါဝင်လာသည်။[၉]၂၀၁၉ တွင် ကျော်ကြားအမွှေစိန်ဝိဉာဉ်၊ ၂၀၂၀ တွင် သောင်းတိုက်ကကြားစေသား ရုပ်ရှင်တို့တွင် ပါဝင်သည်။ စာရေးဆရာမ ခင်နှင်းယု ရေးသော နာမည်ကျော် ဝတ္ထုဖြစ်သည့် သရဖူ ဇာတ်လမ်းတွဲတွင် ပါဝင်သည်။[၁၀]
ရုပ်ရှင်ရုပ်သံ
[ပြင်ဆင်ရန်]ရုပ်ရှင်
[ပြင်ဆင်ရန်]| ခုနှစ် | ဇာတ်ကားအမည် | ဇာတ်ကောင် | တွဲဖက်သရုပ်ဆောင် | မှတ်ချက် |
|---|---|---|---|---|
| ၂၀၁၂ | ကြယ်တာရာတိုက်ပွဲ | ပွဲဦးထွက်ရုပ်ရှင် | ||
| ၂၀၁၃ | အင်တင်တင်ဂွင် | ဟိန်းဝေယံ | ||
| Twist | ပြေတီဦး | |||
| ၂၀၁၄ | ကောက်ကြောင်းမျဉ်းပြိုင် | နေတိုး ဝတ်မှုံရွှေရည် ဇေရဲထက် | ||
ရုံတင်ရုပ်ရှင်
[ပြင်ဆင်ရန်]| ခုနှစ် | ရုပ်ရှင်အမည် | မှတ်ချက် |
|---|---|---|
| ၂၀၁၈ | မိုးပန်းပွင့်ရဲ့သင်္ကေတ | အကောင်းဆုံးအမျိုးသမီးဇာတ်ပို့ဆုစာရင်းဝင် |
| ၂၀၁၉ | ကျော်ကြားအမွှေစိန် ဝိညာဉ် | |
| ဘာညာဘာညာ | ||
| ၂၀၂၀ | သောင်းတိုက်ကကြားစေသား | |
| ၂၀၂၄ | ဘိုးတော်ကင်း | အကောင်းဆုံးအမျိုးသမီးဇာတ်ပို့ဆုရရှိ |
ရုပ်သံ
[ပြင်ဆင်ရန်]| ခုနှစ် | ဇာတ်လမ်းတွဲအမည် | ကွန်ယက် | မှတ်ချက် |
|---|---|---|---|
| ၂၀၁၄ | ထာဝရမန္တလေး | MRTV-4 | |
| ၂၀၁၅ | ပန်းနုသွေး အတွဲ၂ | MRTV-4 | |
| လူရည်ချွန် | MRTV-4 | ||
| ၂၀၁၆ | ပို၍လှသောမနက်ဖြန် | MRTV-4 | |
| ကံ ကံ၏အကျိုး | MRTV-4 | ||
| ၂၀၁၇ | ပဉ္စလက်ရွာ | MRTV-4 | |
| ၂၀၁၈ | ရသ မော်ကွန်း အလင်္ကာ | MRTV-4 | |
| ရွှေဖူးစာဆုံရာမြေ | MRTV-4 | ||
| Happy Beach: Season 2 | MRTV-4 | ||
| ၂၀၁၉ | ချစ်ရပါသောနွေ | MRTV-4 | |
| နွေလယ်ညရဲ့လမင်း | MRTV-4 | ||
ဆုနှင့် စကာတင်
[ပြင်ဆင်ရန်]| ခုနှစ် | ဆု | အမျိုးအစား | လက်ရာ | ရလဒ် |
|---|---|---|---|---|
| ၂၀၁၈ | မြန်မာရုပ်ရှင်အကယ်ဒမီဆု | အကောင်းဆုံးအမျိုးသမီးဇာတ်ပို့ဆု | မိုးပန်းပွင့်ရဲ့သင်္ကေတ | ဆန်ခါတင် |
| ၂၀၁၈ | ကြယ်ပွင့်ဆု | အကောင်းဆုံးအမျိုးသမီးဇာတ်ပို့ဆု | မိုးပန်းပွင့်ရဲ့သင်္ကေတ | ဆန်ခါတင် |
| ၂၀၁၈ | ကြယ်ပွင့်ဆု | အကောင်းဆုံးအမျိုးသမီးမျက်နှာသစ်ဆု | မိုးပန်းပွင့်ရဲ့သင်္ကေတ | ဆန်ခါတင် |
| ၂၀၂၄ | မြန်မာ့ရုပ်ရှင်ထူးချွန်ဆု | အကောင်းဆုံးအမျိုးသမီးဇာတ်ပို့ဆု | ဘိုးတော်ကင်း | ဆုရရှိ |
ရရှိခဲ့သောဆုတံဆိပ်များ
[ပြင်ဆင်ရန်]သရုပ်ဆောင်ခြူးလေးသည် ၂၀၂၅ ခုနှစ်တွင် ကျင်းပပြုလုပ်ခဲ့သော ၂၀၂၄ ခုနှစ်အတွက် မြန်မာ့ရုပ်ရှင်ထူးချွန်ဆုချီးမြှင့်ပွဲအခမ်းအနားတွင် ဘိုးတော်ကင်း ရုပ်ရှင်ဇာတ်ကားဖြင့် မြန်မာ့ရုပ်ရှင်ထူးချွန်ဆု(အကောင်းဆုံးအမျိုးသမီးဇာတ်ပို့ဆု) ကိုရရှိခဲ့သည်။ ၂၀၂၆ ခုနှစ်၊ မတ်လ ၂ ရက်နေ့တွင် အမျိုးသားကာကွယ်ရေးနှင့်လုံခြုံရေးကောင်စီ၏ အမိန့်ကြော်ငြာစာအမှတ် (၄၃/၂၀၂၆) ဖြင့် လူမှုထူးချွန်တံဆိပ်(ပထမအဆင့်) ချီးမြှင့်ခြင်းခံရသည်။
ကိုးကား
[ပြင်ဆင်ရန်]- ↑ "Beauty Blogger နေခြည်ဦးလို ယုံကြည်မှု ရှိချင်တဲ့ သရုပ်ဆောင် ခြူးလေး" (in my)၊ The Irrawaddy၊ 21 October 2019။
- ↑ "ပိတောက်နဲ့အလှချင်းပြိုင်နေတဲ့ သရုပ်ဆောင်ခြူးလေးရဲ့ သင်္ကြန်ဖက်ရှင်"၊ Democratic Voice of Burma၊ 4 April 2019။
- 1 2 ""ပေါ်ပင်လုပ်ပြမှ လူစိတ်ဝင်စားတဲ့ ခေတ်ဖြစ်နေတယ်"လို့ သရုပ်ဆောင် ခြူးလေး ပြော"၊ The Irrawaddy၊ 19 May 2019။
- ↑ "ပရိသတ်တွေမုန်းသွားမှာ စိုးရိမ်နေတဲ့ နေအဉ္ဇရာ"၊ Popular News Journal၊ 17 July 2017။[လင့်ခ်သေ]
- 1 2 "ဟာသကားတွေ ရိုက်ရင် မရယ်မိအောင် ကြိုးစားနေရသေးတယ်လို့ ပြောတဲ့ ခြူးလေး"၊ The Irrawaddy၊ 29 April 2019။
- ↑ "ခြူးလေးဆိုတဲ့နံမည်ပြောင်းလိုက်တာကြောင့်ထူးခြားမူ့တွေရှိလာတဲ့အကြောင်း - နေအဥ္ဇရာ"၊ Pyone Play၊ 28 January 2019။ 22 September 2020 တွင် ပြန်စစ်ပြီး။ Archived from the original on 1 October 2020။
- ↑ "မိုးပန်းပွင့်ရဲ့ သင်္ကေတ ဇာတ်ကားကြီးမှာ အပြိုင်ဇာတ်ရုပ်အဖြစ် ပါဝင်ခွင့်ရလို့ ပျော်ပါတယ်ဆိုတဲ့ ခြူးလေး"၊ Kumudra၊ 8 September 2018။ 22 September 2020 တွင် ပြန်စစ်ပြီး။ Archived from the original on 1 October 2020။
- ↑ "သရုပ်ဆောင် ခြူးလေး(ရုပ်သံအစီအစဉ်)"၊ Eleven Media Group၊ 30 April 2019။
- ↑ ""နွေလယ်ညရဲ့လမင်း" ဇာတ်လမ်းတွဲမှာ ဗီလိန်အနေနဲ့ သရုပ်ဆောင်ထားတဲ့ ခြူးလေး"၊ The Irrawaddy၊ 13 November 2019။
- ↑ "ဗီလိန်ဇာတ်ရုပ် ရိုက်ကူးမှုတွေကို ခြူး (ခြူးလေး) ဘာကြောင့် နားထားရသလဲ"၊ Popular News Journal၊ 16 January 2018။ 12 October 2020 တွင် ပြန်စစ်ပြီး။ Archived from the original on 1 October 2020။
ပြင်ပလင့်ခ်များ
[ပြင်ဆင်ရန်]
ဖေ့စ်ဘွတ်ခ် ပေါ်ရှိ ခြူးလေး
အင်စတာဂရမ် ပေါ်ရှိ ခြူးလေး
