| မြန်မာဝီကီပီးဒီးယား၏ ပရောဂျက်များအတွက် ချမှတ်ထားသော တရားဝင် မူဝါဒများ နှင့် လမ်းညွှန်ချက်များ ကို မဏ္ဍိုင် ၅ ခုဖြင့် ကိုယ်စားပြု ဖော်ပြနိုင်သည်။
|
|
|
ဝီကီပီးဒီးယားသည် စွယ်စုံကျမ်း တစ်ခု ဖြစ်သည်
|
|
| မြန်မာဝီကီပီးဒီးယားသည် စွယ်စုံကျမ်း ဖြစ်ပြီး အထွေထွေနှင့် အထူး စွယ်စုံကျမ်းများ၊ နှစ်အလိုက်မှတ်တမ်းများနှင့် ပထဝီဒေသလိုက်မှတ်တမ်းများ၏ လက္ခဏာရပ်များ ပေါင်းစပ်ပါဝင်သည်။ မြန်မာဝီကီပီးဒီးယားရှိ ဆောင်းပါး အားလုံးသည် ကိုယ်တိုင် ထုတ်ဖော်ထားသော သုတေသနများမဟုတ် ပေါ်လစီ နှင့် ကိုက်ညီရမည် ဖြစ်ပြီး ဆန်းစစ်ခံနိုင်သော မှန်ကန်မှု ရှိအောင် ကြိုးပမ်းရမည်။ အကိုးအကားမရှိသော စာများ ဖယ်ရှားခြင်း ခံရမည် ဖြစ်သည်။ ထို့ကြောင့် အကိုးအကား ထည့်ရန် သတိပြုပါ။ ကိုယ်ပိုင် ထင်မြင်ယူဆချက်၊ အတွေ့အကြုံ အငြင်းအခုံများ၊ အဓိပ္ပါယ်မရှိသော အချက်အလက်များနှင့် ကြော်ငြာများအတွက် မြန်မာဝီကီပီးဒီးယားသည် နေရာမဟုတ်သည် ကို သတိပေးလိုပါသည်။ မြန်မာဝီကီပီးဒီးယားသည် မိမိပြောချင်ရာပြောနိုင်သည့်ဟစ်တိုင်၊ ကိုယ်ပိုင်ရေးသားချက်များကိုငွေယူပြီးစာအုပ်ထုတ်ပေးသည့် ပုံနှိပ်တိုက်၊ မိမိ၏ ပုဂ္ဂိုလ်ရေး၊ စီပွားရေးကိစ္စများကြော်ငြာသည့်နေရာ စသည်တို့ မဟုတ်သလို အန်နာခီစနစ် သို့မဟုတ် ဒီမိုကရေစီစနစ် ကျင့်သုံးသည့် နေရာမဟုတ်ပါ။ အင်တာနက် စာမျက်နှာများကို စုစည်းထားသောလမ်းညွှန် တစ်ခုလည်း မဟုတ်သလို သတင်းစာ တစ်စောင် သို့မဟုတ် မူရင်း စာရွက်စာတမ်းများ ကို စုစည်းသောနေရာ မဟုတ်ပါ။ ထိုကိစ္စမျိုးများအတွက် မြန်မာဝီကီပီးဒီးယား၏ ညီအစ်မ ပရောဂျက် များ ရှိပါသည်။
|
|
ဝီကီပီးဒီးယားကို ဘက်မလိုက်သော အမြင်ဖြင့် ရေးသားထားသည်
|
|
| မြန်မာဝီကီပီးဒီးယားတွင် ရေးသားချက်များသည် ဘက်မလိုက်သော အရေးအသားများသာ ဖြစ်ရပါမည်။ ဆိုလိုသည်မှာ တစ်ဘက်စောင်းနင်း အမြင်မျိုးများ မပါအောင် အတတ်နိုင်ဆုံး ကြိုးစားရပါမည်။ အကြောင်းအရာတစ်ခုသည် လူအများထောက်ခံမှု မလိုအပ်ဘဲ မှန်ကန်သော သတင်းအချက်အလက်နှင့် ပြဿနာရပ်များကိုသာ ဦးတည်စဉ်းစားရမည်။ တစ်ခါတစ်ရံတွင် အမြင်အမျိုးမျိုးကို ထည့်သွင်း ဖော်ပြပေးရပါမည်။ အမြင်တစ်ခုချင်းစီကိုလည်း အတိအကျ ဖြစ်အောင် တင်ပြရပါမည်။ ရှိနိုင်သမျှ အမြင်များကို စုံလင်အောင် ရှာဖွေ တင်ပြရပါမည်။ ထို့အပြင် မည်သည့် အမြင်ကိုမှ အမှန်တရား အနေနှင့်သော်လည်းကောင်း၊ အကောင်းဆုံး အမြင်အနေနှင့်သော်လည်းကောင်း မဖော်ပြရပါ။ ထို့ကြောင့် ဆန်းစစ်ခံနိုင်မှု ရှိရန် လိုအပ်သလို တတ်နိုင်သမျှ ခိုင်လုံသော အကိုးအကားများ ကို သုံးစွဲပါ။ အထူးသဖြင့် အငြင်းပွားဖွယ် ဖြစ်စေနိုင်သော အကြောင်းအရာများ တွင် ပိုဂရုစိုက်ရပါမည်။ ရေးသားတည်းဖြတ်သူ၏ ပုဂ္ဂိုလ်ရေး အတွေ့အကြုံနှင့် ထင်မြင်ယူဆချက်များကို မရေးသားရပါ။ အငြင်းအခုံ ဖြစ်လာပါက အဆိုပါ ဆောင်းပါးကို အငြင်းပွားဖွယ်ရာ (disputed) ဟု သတ်မှတ်ကာ ဆွေးနွေးခန်း တွင် အငြင်းအခုံ ဖြေရှင်းနည်း များအတိုင်း ဆက်လက် ဖြေရှင်းမည် ဖြစ်သည်။
|
|
ဝီကီပီးဒီးယားသည် မည်သူမဆို အသုံးပြုနိုင်၊ တည်းဖြတ်နိုင်၊ ဖြန့်ဖြူးနိုင်သော အခမဲ့ လွတ်လပ်စွယ်စုံကျမ်း ဖြစ်သည်
|
|
| မြန်မာဝီကီပီးဒီးယားသည် အခမဲ့ လွတ်လပ် စွယ်စုံကျမ်း ဖြစ်သည်။ မည်သူမဆို ပြင်ဆင်ခွင့် ရှိသည်။ စာသားများ အားလုံးကို GNU Free Documentation License (GFDL) ဖြင့် အသုံးပြုနိုင်သည်။ သို့မဟုတ် လင့်ခ် ချိတ်ဆက်နိုင်သည်။ ဆောင်းပါးများကို မည်သူမဆို ပြင်ဆင်နိုင်ပြီး မည်သူမှ ဆောင်းပါး တစ်ခုကို ထိန်းချုပ်ထား၍ မရပါ။ ထို့ကြောင့် သင်ရေးသမျှကို အညှာအတာမဲ့စွာ ပြင်ဆင်သွားခြင်း ခံရနိုင်ပြီး ပြင်ပသို့ ဖြန့်ချိခြင်း ခံရနိုင်သည်။ မည်သည့် အခါမှ မူပိုင်ခွင့် ချိုးဖောက်သော သို့မဟုတ် GFDL နှင့် ကိုက်ညီမှု မရှိသည့် လိုင်စင်ရှိသော စာများ တင်ခြင်းမပြုရ။
|
|
ဝီကီပီးဒီးယား၏ တည်းဖြတ်သူများသည် အချင်းချင်း လေးစားမှုရှိပြီး နိုင်ငံကြီးသား ပီသပါ
|
|
| မြန်မာဝီကီပီးဒီးယားတွင် အများလက်ခံထားသော ကျင့်ဝတ်ကို လိုက်နာပါ: အခြား စာရေးသူများနှင့် သဘောထားခြင်း မတိုက်ဆိုင်သည့်တိုင် ထိုသူများအား လေးစားစွာ ဆက်ဆံပါ။ နိုင်ငံကြီးသား ပီသပါ။ ကိုယ်ကျိုးစီးပွားအတွက် ပဋိပက္ခဖြစ်ခြင်း မှ ရှောင်ကြည်ပါ။ ပုဂ္ဂိုလ်ရေး တိုက်ခိုက်မှု၊ အပုပ်ချမှုများ မပြုလုပ်ပါနှင့်။ အများသဘောတူညီချက် ကိုရှာပါ။ သူတပြန် ကိုယ်တပြန် လိုရာဆွဲ တည်းဖြတ်သော တည်းဖြတ်ရေးတိုက်ပွဲ (edit wars) ကို ရှောင်ကျဉ်ပါ။ three-revert rule ကို လိုက်နာပါ။ ထို့ပြင် ဆောင်းပါးပေါင်း ၁၀၈၅၄၂ ခန့် မြန်မာဝီကီပီးဒီးယား တွင် ပြင်ဆင် ဆွေးနွေး ရေးသားရန် ကျန်နေသေးကြောင်း သတိရပါ။ ရိုးသားစွာ ပြုမူဆက်ဆံပါ။ အခြားသူများက လည်း ရိုးသားစွာ ပြန်လည် ဆက်ဆံမည်ဟု မှတ်ယူပါ။ ပွင့်လင်းပါ။ လူသစ်များကို ကြိုဆိုပါ။
|
|
ဝီကီပီးဒီးယားတွင် တင်းကြပ်သော စည်းမျဉ်းများ မရှိပါ
|
|
| အထက်တွင် ရေးသားခဲ့သော အချက် ၅ ချက်မှ လွဲ၍ မြန်မာဝီကီပီးဒီးယားတွင် တင်းကြပ်သော အခြား စည်းမျဉ်းများ မရှိပါ။ ဆောင်းပါးများကို ရဲရဲဝံ့ဝံ့ ပြင်ဆင်ပါ။ ပြင်ဆင်မှုဆိုင်ရာ ပေါ်လစီကို ကြည့်ပါ။ အမှားအယွင်း လုပ်မိမည်ကို မကြောက်ပါနှင့်။ ယခင်လုပ်ထားသမျှ ဆောင်းပါးများကို သိမ်းဆည်းထားပြီးသားဖြစ်ပါတယ်။ ထို့ကြောင့် သင့်အနေနှင့် မတော်တဆ ဖျက်မိမည်ကို ပူပန်စရာ မလိုပါဘူး။ တစ်ခု သတိထားရမည်မှာ သင်ရေးထားသမျှတို့သည် အနာဂါတ် မျိုးဆက်သစ်များအတွက် ဖြစ်သည်ဆိုသည့် အချက်ဖြစ်ပါကြောင်း။
|
