လေးမြို့မြစ်
| လေးမြို့မြစ် | |
|---|---|
 | |
| နိုင်ငံ | မြန်မာနိုင်ငံ |
| အခြားအမည် | လည်မျိုချောင်း ၊ အဉ္ဇနနဒီ ၊ ရာမောင်မြစ် ၊ |
| ဆက်စပ်သည့်မြို့များ | မတူပီမြို့ ၊ ပလက်ဝမြို့ ၊ မြောက်ဦးမြို့၊ မင်းပြားမြို့၊ ပေါက်တောမြို့၊ မြေပုံမြို့၊ စစ်တွေမြို့ |
| အချက်အလက်များ | |
| စီးဝင်ရာနေရာ | ဘင်္ဂလားပင်လယ်အော် ၀ m (၀ ft) |
| အလျား | ၁၈၃.၅ km (၁၁၄.၀ mi) |
လေးမြို့မြစ် သည် ချင်းပြည်နယ်အတွင်းရှိ ချင်းတောင်တန်း ဘာဘုတလန်တောင်ထိပ်မှ ရခိုင်ပြည်နယ်သို့ ဖြတ်သန်းစီးဆင်းသွားသော မြစ်တစ်စင်းဖြစ်သည်။ လေးမြို့မြစ်သည် မြန်မာနိုင်ငံအနောက်ဖက်ကမ်းမြောင်ဒေသရှိ မြစ်ကြီး (၄) စင်းအနက် ကုလားတန်မြစ် ပြီးလျှင် ရခိုင်ပြည်နယ်၏ ဒုတိယအရှည်ဆုံးမြစ်တစ်စင်းဖြစ်သည်။ ချင်းပြည်နယ် ၊ မင်းတပ်ခရိုင်၊ မတူပီမြို့နယ် အတွင်းရှိ ဘုံတလာရေတံခွန်မှ အစတည်မြစ်ဖျားခံကာ ပလက်ဝမြို့နယ် သို့ ဖြတ်သန်း၍ ရခိုင်ပြည်နယ်အတွင်းသို့ စီးဆင်းလာသော မြစ်တစ်စင်းဖြစ်သည်။
ယင်းသည် စစ်တွေအရှေ့ဘက် အိန္ဒိယ သမုဒ္ဒရာသို့ စီးဝင်သည်။ အေဒီ ၈ ရာစုနောက်ပိုင်းနှင့် ၁၃ ရာစုကြားတွင် ရခိုင်လူမျိုးများ အခြေချ တည်ထောင်နေထိုင်ခဲ့သည့် လောင်းကြက် ၊ ပုရိန် ၊ ခြိတ် ၊ စမ္မဝက် (ပဉ္စ) အမည်ရသောမြို့လေးမြို့ကို အစွဲပြု၍ လေးမြို့မြစ်ဟု အမည်တွင်လာခြင်းဖြစ်သည်။ ကျောက်ဆစ်လက်ရာ အနုပညာများဖြင့် နာမည်ကျော်ကြားသော ဒေသလည်းဖြစ်သည်။ လေးမြို့မြစ်ဝှမ်း အထက်ပိုင်းတွင် သက်တမ်းနု ကျောက်မျက်ရတနာများကိုလည်း တွေ့ရသည်။
လေးမြို့မြစ်ကို မတူလူမျိုးစုက "လည်မျို - Lemyo" ဟုခေါ်ဝေါ်ကြပြီး ပါဠိဘာသာစကား "လဟုမေရီ - Lahu mayi" မှ ဆင်းသက်လာသည်။ ရခိုင်ဘာသာစကားတွင်ကား "လေးမြို့ - Lay Mro " ဟု ခေါ်ဝေါ်ကြပြီး မင်းပြားဒေသခံများကမူ မင်းပြားမြို့အရှေ့ဖက်တွင် စီးဆင်နေသော လေးမြို့မြစ်ကို အဉ္ဇနနဒီမြစ်ဟု လည်းကောင်း ၊ ရာမောင်မြစ်ဟု လည်းကောင်း ခေါ်ဆိုကြပါသည်။ အဉ္ဇနနဒီမြစ်မှာ မျက်စဉ်းညိုရောင်အဆင်းရှိသော ရေများရှိသည့် မြစ်ဟု အဓိပ္ပါယ်ရသည်။
လေးမြို့မြစ်သည် ချင်းပြည်နယ် ၊ မင်းတပ်ခရိုင် ၊ မတူပီမြို့နယ်မှ အစချီကာ မြောက်ဦးမြို့နယ် ၊ မင်းပြားမြို့နယ် ၊ ပေါက်တောမြို့နယ်တို့ကို ဖြတ်သန်း၍ စစ်တွေမြစ် (ကုလားတန်မြစ်) အတွင်းသို့ စီးဝင်သွားသည်။ ယခင်က ထိုမြစ်အထက်ပိုင်းတွင် မင်းပြားမြို့နယ် ၊ ပန်းမြောင်းရွာအထိ ရေကြောင်းသင်္ဘောများ သွားလာနိုင်ခဲ့သော်လည်း ယခုအခါ တဖြည်းဖြည်းကျွန်းပေါ်တိမ်ကောခဲ့ကာ မင်းပြားမြို့အနီးအနားရှိ ရာမောင်ကြိုးတံတားအနီးထိသာ ရေကြောင်းသင်္ဘောများ သွားလာနိုင်တော့သည်။
ကိုးကား
[ပြင်ဆင်ရန်]
| ဤ မြန်မာနိုင်ငံရှိ မြစ်ချောင်းနှင့် ပတ်သက်သော ဆောင်းပါးမှာ ဆောင်းပါးတိုတစ်ပုဒ် ဖြစ်သည်။ ဖြည့်စွက်ရေးသားခြင်းဖြင့် မြန်မာဝီကီပီးဒီးယားကို ကူညီပါ။ |