မြင်သားရွာ၊ ဂန့်ဂေါမြို့နယ်
| မြင်သား | |
|---|---|
| ရွာ | |
| မြင်သားရွာ | |
  မြင်သား | |
| ကိုဩဒိနိတ်: 22°35′15″N 94°07′30″E / 22.5873908996582°N 94.125°Eကိုဩဒိနိတ်: 22°35′15″N 94°07′30″E / 22.5873908996582°N 94.125°E | |
| နိုင်ငံ |  မြန်မာ |
| တိုင်းဒေသကြီး |  မကွေး |
| ခရိုင် | ဂန့်ဂေါခရိုင် |
| မြို့နယ် | ဂန့်ဂေါမြို့နယ် |
| ကျေးရွာအုပ်စု | မြင်သား |
| အချိန်ဇုန် | မြန်မာစံတော်ချိန် (UTC+6.30) |
မြင်သားရွာ (အင်္ဂလိပ်: Myinthar)သည် မကွေးတိုင်းဒေသကြီး၊ ဂန့်ဂေါခရိုင်၊ ဂန့်ဂေါမြို့နယ်၊ မြင်သားကျေးရွာအုပ်စု၌ တည်ရှိသည်။ ရွာနေရာကုတ်မှာ ၁၈၉၂၁၇ ဖြစ်သည်။ ၂၀၁၄ သန်းခေါင်စာရင်းအရ မြင်သားကျေးရွာအုပ်စုတွင် ကျား ၁၈၃၃ ဦး၊ မ ၁၉၈၆ ဦး၊ လူဦးရေ စုစုပေါင်း ၃၈၁၉ ဦးနေထိုင်သည်။ [၁]
၂၀၂၁ ဖြစ်ရပ်
[ပြင်ဆင်ရန်]၂၀၂၁ ခု၊ စက်တင်ဘာလ ၉ ရက်တွင် စစ်တပ်မှ ဒဘယ်ကပ် ခေါ် နှစ်ခန်းပါကား ၃ စီး၊ ဆိုင်ကယ် ၈ စီးဖြင့် လာရောက်စဉ် ရွာခံလုံခြုံရေးတပ်နှင့် ပစ်ခတ်မှုဖြစ်သည်။ [၂] စစ်ဘေးရှောင်ရွာခံတို့က စစ်တပ်မှ ရွာထဲသို့ လက်နက်ကြီးဖြင့်ပစ်ကာ ဦးနှိမ်သဖြင့် ရွာထိပ်ရှိ တံတားသို့ ထွက်ကာ ခုခံခြင်းဖြစ်ကြောင်း ဆိုသည်။ စစ်တပ်ကမူ စစ်ဆေးရန်သွားရောက်စဉ် ရွာထိပ်သို့ထွက်ကာ ခုခံသဖြင့် တိုက်ခိုက်ရကြောင်း သတင်းထုတ်ထားပြီး ဒေသခံဘက်မှ သေဆုံးဦးရေကို မသိကြောင်း ပြောသည်။ [၃] စက်တင်ဘာလ ၁၀ ရက်တွင် စစ်ကူသွားသော ပြည်သူ့ကာကွယ်ရေးတပ်(ယော)မှ တာဝန်ရှိသူတဦးက ၁၈ ဦး သေဆုံးပြီး ၎င်းအနက် ၅ ဦးမှာ ရွာထဲကျန် သက်ကြီးရွယ်အိုများဖြစ်ကြောင်း၊ ခုခံသူ ၁၃ ဦးအနက် လက်နက်ကြီးမှန်၍ ဒဏ်ရာရဖမ်းမိသူ ၈ ဦးကို ဦးခေါင်းအား သေနတ်ဖြင့်ပစ်ထားကြောင်း ဖွင့်ဟသည်။ [၄][၅] စစ်တပ်မှာ ၉ ရက်နေ့တွင် ရွာထဲဝင်နိုင်သည်နောက် ရွာထဲကျန်သူတို့ကို ဘုန်းကြီးကျောင်းတွင် စုစည်းစေ၍ မှတ်တမ်းတင်နိုင်သော ဖုန်း၊ ကင်မရာတို့ကို ဖျက်ဆီးကာ ခေတ္တတပ်စွဲထားသည်။ ၁၀ ရက်နေ့တွင် ပစ္စည်းသိုလှောင်ထားသည်ထင်သော နေရာများကို မီးရှို့ကာ ပြန်သွား၏။
ကိုးကား
[ပြင်ဆင်ရန်]- ↑ Place codes (Pcodes)။ Myanmar Information Management Unit (June 2020)။
- ↑ "ဂန့်ဂေါ မြင်သားရွာမှာ တိုက်ပွဲဖြစ်၊ ရွာသား ၁၁ ဦးထက်မနည်း သေဆုံး". RFA Burmese. 2021-09-10.
- ↑ "ဂန့်ဂေါမြို့နယ် မြင်သားကျေးရွာ တိုက်ပွဲအတွင်း ဒေသခံ ၁၇ ဦး သေဆုံး". Irrawaddy. 2021-09-10.
- ↑ ခင်မောင်စိုး. "မြင်သားကျေးရွာ လူငယ် ရှစ်ဦး အရှင်ဖမ်းမိပြီးမှ ပစ်သတ်ခံရလို့ ယော PDF ပြော". RFA Burmese. 2021-09-10. "... PDF ပြည်သူ့ကာကွယ်ရေးတပ်ဖွဲ့ ခေါင်းဆောင်တဦးဖြစ်တဲ့ ကိုဂျိုးဖြူက ... သူတို့ အရှင်ဖမ်းပြီး အဲဒီအရှင်ဖမ်းမိတဲ့အချိန်မှာ ခေါင်းကိုပစ်သတ်တာ လုံးဝထင်ရှားတယ်။ အရှင်ဖမ်းမိတာ ၈ ယောက်လောက်ရှိမယ် ခေါင်းတွေကို ပစ်ထားတာ ပြီးတော့ သေနတ်ဒင်တွေနဲ့ ထုထားတာ ..."
- ↑ "မြင်သားကျေးရွာတွင် အာဏာသိမ်းစစ်တပ်က အကြမ်းဖက်သတ်ဖြတ်မှုအတွင်း သေဆုံးရသူ (၁၈) ဦးတွင် (၁၈)နှစ်အောက် (၁၂)ဦးပါဝင်" Tachileik News. 2021-09-11. Archived from the original in 2021-09-12.
မြင်သားရွာ၊ ဂန့်ဂေါမြို့နယ်၏ ပတ်ဝန်းကျင် နေရာများ | ||||||||||
|---|---|---|---|---|---|---|---|---|---|---|
| ||||||||||
  | ဤ မကွေးတိုင်းဒေသကြီး ပထဝီဝင်တည်နေရာဆိုင်ရာ ဆောင်းပါးမှာ ဆောင်းပါးတိုတစ်ပုဒ် ဖြစ်သည်။ ဖြည့်စွက်ရေးသားခြင်းဖြင့် မြန်မာဝီကီပီးဒီးယားကို ကူညီပါ။ |