ဘန်နီဖြိုး

ဝီကီပီးဒီးယား မှ
Jump to navigation Jump to search
ဘန်နီဖြိုး
Bunny Phyoe
အမည်ရင်း ပြည့်ဖြိုးပိုင်
မွေးဖွား (1992-07-09) ၉ ဇူလိုင်၊ ၁၉၉၂ (အသက် ၂၆)
ရန်ကုန်မြန်မာ
ဂီတဟန်
အလုပ်အကိုင် တေးရေးရုပ်ရှင်သရုပ်ဆောင်
တက်ကြွသည့်နှစ်များ ၂၀၀၈–လက်ရှိ
ပူးတွဲ ပါဝင်မှု Sai Sai,G Fatt,Snare,Theinn Linn,Mi Sandi,Amera Phone
ဝက်ဘ်ဆိုက် bunnyphyoe.com

ဘန်နီဖြိုး (၉ ဇူလိုင် ၁၉၉၂ မွေးဖွား) သည် မြန်မာနိုင်ငံသား အဆိုတော်၊ တေးရေးနှင့် သရုပ်ဆောင်တစ်ဦးဖြစ်ပြီး အမည်ရင်းမှာ ပြည့်ဖြိုးပိုင်ဖြစ်သည်။

ငယ်ဘဝနှင့်ပညာရေး[ပြင်ဆင်ရန်]

ဘန်နီဖြိုးကို ၁၉၉၂ ခုနှစ်၊ ဇူလိုင်လ ၉ ရက်နေ့၌ ရန်ကုန်မြို့တွင် မွေးဖွားခဲ့သည်။ မွေးချင်း ၂ ယောက်ရှိသည့်အနက် အကြီးဆုံးသားဖြစ်သည်။ ဗိုလ်တထောင်မြို့နယ်၊ အမှတ် ၆ အခြေခံပညာ မူလတန်းကျောင်း၌ ပညာသင်ကြားခဲ့ပြီး ၂၀၀၈ ခုနှစ်တွင် ၁၀ တန်းစာမေးပွဲအောင်မြင်ခဲ့သည်။ ရန်ကုန်အရှေ့ပိုင်းတက္ကသိုလ်မှ အင်္ဂလိပ်စာအထူးပြုဖြင့် ဘွဲ့ရခဲ့သည်။

အနုပညာလုပ်ငန်းများ[ပြင်ဆင်ရန်]

အဆိုတော်ဘဝ[ပြင်ဆင်ရန်]

ဘန်နီဖြိုးသည် ငယ်စဉ်ကတည်းက ဂီတကို ခုံမင်ရူးသွပ်ခဲ့သူဖြစ်ပြီး ၄ တန်းအရွယ်၌ အဆိုတော် Rဇာနည်ငါ့ကိုချစ်မယ့်သူ သီချင်းအယ်လ်ဘမ်မှ တစ်ယောက်တည်းသီချင်းအား Rap စာသားအချို့ထည့်သွင်းကာ ကိုယ်ပိုင်ဟန်ဖြင့် ပြန်လည်ရေးသားခဲ့သည်။ သူသည် ၂၀၀၀ ခုနှစ်နှင့် ၂၀၁၂ ခုနှစ်များတွင် မြန်မာ့ရိုးရာယဉ်ကျေးမှု၊ ဆို၊ က၊ ရေး၊ တီးပြိုင်ပွဲ၌ ပါဝင်ယှဉ်ပြိုင်ခဲ့သည်။ 

လူနေမှုဘဝ[ပြင်ဆင်ရန်]

ဘန်နီဖြိုးသည် မြန်မာမိတ်ကပ်ပညာရှင် နှင့် မော်ဒယ်သရုပ်ဆောင် ဟန်နာယူရီ နှင့် ၇ နှစ်ခန့် လက်တွဲခဲ့ပြီး သူတို့၏ ဓာတ်ပုံများကို လူမှုကွန်ယက် ဖေ့စ်ဘွတ်ခ်ပေါ်သို့ တင်ခဲ့ခြင်းဖြင့် ပရိသတ်များအား သိစေခဲ့သည်။[၁]ဘန်နီဖြိုးသည် ၂၀၁၆ ခုနှစ်တွင် အင်တာဗျူးတစ်ခုတွင် သူနှင့် ဟန်နာယူရီ တို့၏ ရည်းစားဘဝသည် ပြီးဆုံးသွားပြီ​ ဖြစ်ကြောင်း ဖြေကြားခဲ့သည်။[၂]

ဘန်နီဖြိုးသည် သူ၏ ၂၄ နှစ်မြောက် မွေး​နေ့တွင် မိဘမဲ့များနှင့် သူ၏ပရိတ်သတ်များကို ရန်ကုန်မြို့ရှိ KFC ကြက်ကြော်ဆိုင်တွင် မွေးနေ့ဒါနအလှူအဖြစ် ကျွေးမွေးခဲ့သည်။[၃]

သူ၏ကိုယ်ပိုင်လုပ်ငန်းတစ်ခုအဖြစ် Karrot by Bunny Phyoe အင်္ကျီအမှတ်တံဆိပ်တစ်ခုကို ၂၀၁၅ခုနှစ် ဇူလိုင်၉ရက်​နေ့မှ စတင်လုပ်ကိုင်ခဲ့သည်။​နောက်ပိုင်းတွင် Her Alchemyနှင့်တွဲကာ HAXK အဖြစ် တွဲဖက်လုပ်ကိုင်လာသည်။[၄]

ကိုးကား[ပြင်ဆင်ရန်]