ဇင်မင်းထက်

ဗိုလ်ချုပ် ဇင်မင်းထက်
ဒုတိယဝန်ကြီး အားကစားနှင့် လူငယ်ရေးရာ ဝန်ကြီးဌာန
တာဝန်ထမ်းဆောင်ဆဲ
တာဝန် စတင် ၂၁ ဇူလိုင် ၂၀၂၃
ယခင်လူ	ဒေါက်တာစိုးဝင်း
ပြည်ထဲရေး ဒုတိယ ဝန်ကြီး
တာဝန်သက်တမ်း ၂ မေ ၂၀၂၂ – ၂၁ ဇူလိုင် ၂၀၂၃
ယခင်လူ	ဒုတိယဗိုလ်ချုပ်ကြီး သန်းလှိုင်
ဆက်ခံသူ	ဒုတိယဗိုလ်ချုပ်ကြီး နီလင်းအောင်
ရဲတပ်ဖွဲ့ ရဲချုပ်
တာဝန်သက်တမ်း ၂ မေ ၂၀၂၂ – ၂၁ ဇူလိုင် ၂၀၂၃
ယခင်လူ	ဒုတိယဗိုလ်ချုပ်ကြီး သန်းလှိုင်
ဆက်ခံသူ	ဒုတိယဗိုလ်ချုပ်ကြီး နီလင်းအောင်
ကိုယ်ရေး အချက်အလက်များ
မွေးဖွား	မြန်မာပြည်
ကြင်ဖော်(များ)	ဒေါက်တာသဇင်ခိုင်
မိခင်ကျောင်း	စစ်တက္ကသိုလ်
စစ်မှုထမ်းခြင်း
သစ္စာခံနိုင်ငံ	မြန်မာ
တပ်/တပ်ဖွဲ့ခွဲ	တွဲဖက် စစ်ရေးချုပ်
အမှုထမ်းကာလ	၁၉၈၉-၂၀၂၂
ရာထူး	ဗိုလ်ချုပ်
တပ်	စစ်ရေးချုပ်ရုံး

ဇင်မင်းထက် (၁၉၇၀ ဖွား) သည် အငြိမ်းစား တပ်မတော် စစ်ဗိုလ်ချုပ်တစ်ဦး ဖြစ်သည်။သူသည် တပ်မတော် တွင် တွဲဖက် စစ်ရေးချုပ်၊စစ်ကောင်စီ တွင် ပြည်ထဲရေးဒုဝန်ကြီး နှင့် လွတ်လပ်ရေးရပြီးနောက် မြန်မာနိုင်ငံ ၏ ၂၂ဦးမြောက် ရဲချုပ် အစရှိသည့် တာဝန်များ ထမ်းဆောင်ခဲ့သူ ဖြစ်သည်။ လက်ရှိတွင် အရပ်သားအနေဖြင့် အားကစားနှင့်လူငယ်ရေးရာဝန်ကြီးဌာန တွင် ဒုတိယဝန်ကြီး အဖြစ် ထမ်းဆောင်နေသည်။

ပညာရေးနှင့်ရာထူးတာဝန်

သူသည် စစ်တက္ကသိုလ် အမှတ်စဉ် (၃၂)ဆင်း ဖြစ်သည်။ တပ်မတော် တွင် ၁၉၈၉ ခုနှစ် နောက်ပိုင်းက စပြီး ၂၀၂၂ ခုနှစ် မေလ ၁ရက်နေ့ အထိ စစ်မှုထမ်းသည်။ရာထူးအဆင့်ဆင့်တိုးကာ ၂၀၁၈ ခုနှစ် နှစ်စပိုင်း တွင် ဗိုလ်မှူးချုပ် အဆင့် ဖြင့် သူ့ကို တွဲဖက် စစ်ရေးချုပ် တာဝန် စပေးသည်။ ၂၀၁၉ ခုနှစ် တွင် ဗိုလ်ချုပ် အဆင့်တိုးသည်။တွဲဖက်စစ်ရေးချုပ် တာဝန်အား ၂၀၂၂ ခုနှစ် မေလ ၁ရက်နေ့ အထိ တာဝန် ထမ်းဆောင်သည်။ ၂၀၂၂ ခုနှစ် မေလ ၂ရက်နေ့တွင် ပြည်ထဲရေးဝန်ကြီးဌာန ဒုတိယဝန်ကြီး အဖြစ် ခန့်အပ်ခံရပြီး ရဲချုပ် တာဝန် ကိုပါ ပူးတွဲ ယူသည်။ ၂၀၂၃ ခုနှစ်၊ ဇူလိုင်လ ၂၁ ရက် တွင် ထိုတာဝန်များမှ အနားယူကာ အားကစားနှင့်လူငယ်ရေးရာဝန်ကြီးဌာန ဒုတိယဝန်ကြီး ဖြစ်လာသည်။

အရေးယူပိတ်ဆို့ခံထားရမှု

သူ့ကို ဥရောပသမဂ္ဂ က ၂၀၂၃ ခုနှစ်တွင် လူ့အခွင့်အရေးဆိုင်ရာချိုးဖောက်မှု စွပ်စွဲချက်များဖြင့် ဒဏ်ခတ်ပိတ်ဆို့မှု စာရင်းထဲ ထည့်သွင်းထားသည်။