ဂယ်လက်ဆီ

ဝီကီပီးဒီးယား မှ
(ဂလက်ဆီ မှ ပြန်ညွှန်းထားသည်)
Jump to navigation Jump to search
ခရုပတ်ပုံစံ ဂယ်လက်ဆီ NGC 1300

ဂယ်လက်ဆီ (အင်္ဂလိပ်: Galaxy) ဆိုသည်မှာ ကြယ်စုကြယ်ဝေး ဖြစ်ပြီး ဓာတ်ငွေ့များ၊ အမှုန်အမွှားများနှင့် မှောင်မိုက်သော ဒြပ်ဝတ္ထုများလည်း ရောနှော ပါဝင်နေသည်။ ဂလက်ဆီများကို တစုတဝေးတည်း ဖြစ်နေစေသည့် အကြောင်းမှာ ဒြပ်ဆွဲငင်အားပင် ဖြစ်သည်။ ဂလက်ဆီအတွင်းမှ အရာအားလုံးသည် ဗဟိုချက်တစ်ခုကို အခြေပြု၍ သွားလာလှုပ်ရှား နေကြသည်။ ဂလက်ဆီဆိုသည့် အမည်မှာ ဂရိစာလုံး ဂလက်ဆီးယားမှ ဆင်းသက်လာပြီး အဓိပ္ပာယ်မှာ နဂါးငွေ့ ဟူ၍ဖြစ်သည်။ ထို့အတွက်ကြောင့် ကမ္ဘာပါဝင်သော လက်ရှိနေထိုင်ရာ ဂလက်ဆီကို နဂါးငွေ့တန်း ဂယ်လက်ဆီဟု ခေါ်ကြသည်။

အဓိကအားဖြင့် ဂလက်ဆီ ၃ မျိုး ရှိပြီး ၎င်းတို့မှာ ဘဲဥပုံဝက်အူရစ်ပုံ နှင့် ပုံသဏ္ဌန်မမှန်သော ဂလက်ဆီ တို့ ဖြစ်ကြသည်။ အားလုံးသော ဂလက်ဆီများသည် စကြာဝဠာအတွင်းတွင် တည်ရှိကြသည်။ နဂါးငွေ့တန်းဂလက်ဆီတွင် ကြယ်အစင်းပေါင်း (၂၀၀) မှ (၄၀၀) ဘီလီယံကြား တည်ရှိသည်။ နဂါးငွေ့တန်းဂလက်ဆီနှင့် အနီးဆုံးဂလက်ဆီမှာ အင်ဒရိုမီဒါ ဂလက်ဆီဖြစ်ပြီး ကမ္ဘာမြေမှ အလင်းနှစ် (၂.၅) သိန်း ကွာဝေးသည်။ ကျွန်ုပ်တို့ မြင်နိုင်သော အကွာအဝေး သို့မဟုတ် လေ့လာရန် ဖြစ်နိုင်သော စကြာဝဠာအတွင်းတွင် တည်ရှိသော ဂလက်ဆီပေါင်းမှာ (၁၇၀) ဘီလီယံ ကျော်မျှ ရှိသည်။

ကိုးကား[ပြင်ဆင်ရန်]