ဂယ်လက်ဆီ

ဝီကီပီးဒီးယား မှ
အ​ညွှန်း​သို့ ခုန်ကူးရန် ရှာဖွေရန် ခုန်ကူးမည်
ဤဆောင်းပါးသည် နက္ခတ္တဆိုင်ရာ ဖွဲ့စည်းပုံ အကြောင်း ဖြစ်သည်။ မိမိတို့၏ ဂလက်ဆီ အတွက် နဂါးငွေ့တန်း ဂယ်လက်ဆီ ကို ကြည့်ပါ။
ခရုပတ်ပုံစံ ဂယ်လက်ဆီ NGC 1300

ဂယ်လက်ဆီ (အင်္ဂလိပ်: Galaxy) ဆိုသည်မှာ ကြယ်စုကြယ်ဝေး ဖြစ်ပြီး ဓာတ်ငွေ့များ၊ အမှုန်အမွှားများနှင့် မှောင်မိုက်သော ဒြပ်ဝတ္ထုများလည်း ရောနှော ပါဝင်နေသည်။ ကြယ်စင်စုကြီးများကို တစုတဝေးတည်း ဖြစ်နေစေသည့် အကြောင်းမှာ ဒြပ်ဆွဲငင်အားပင် ဖြစ်သည်။ ကြယ်စင်စုကြီးအတွင်းမှ အရာအားလုံးသည် ဗဟိုချက်တစ်ခုကို အခြေပြု၍ သွားလာလှုပ်ရှား နေကြသည်။ ကြယ်စင်စု( Galaxy) ဆိုသည့် အမည်မှာ ဂရိစာလုံး (Galaxier) မှ ဆင်းသက်လာပြီး အဓိပ္ပာယ်မှာ နဂါးငွေ့ ဟူ၍ဖြစ်သည်။ ထို့အတွက်ကြောင့် ကမ္ဘာပါဝင်သော လက်ရှိနေထိုင်ရာ ကြင်စင်စု(Galaxy) ကို နဂါးငွေ့တန်း ကြယ်စင်စုကြီးဟု ခေါ်ကြသည်။

အဓိကအားဖြင့် ဂလက်ဆီ ၃ မျိုး ရှိပြီး ၎င်းတို့မှာ ဘဲဥပုံဝက်အူရစ်ပုံ နှင့် ပုံသဏ္ဌန်မမှန်သော ကြယ်စင်စု တို့ ဖြစ်ကြသည်။ အားလုံးသော ကြယ်စင်စု များသည် စကြာဝဠာအတွင်းတွင် တည်ရှိကြသည်။ နဂါးငွေ့တန်းကြယ်စင်စုကြီးတွင် ကြယ်အစင်းပေါင်း (၂၀၀) မှ (၄၀၀) ဘီလီယံကြား တည်ရှိသည်။ နဂါးငွေ့တန်းကြယ်စင်စုကြီးနှင့် အနီးဆုံကြယ်စင်စုကြီးမှာ အင်ဒရိုမီဒါ ကြယ်စင်စုကြီးဖြစ်ပြီး ကမ္ဘာမြေမှ အလင်းနှစ် (၂.၅) သိန်း ကွာဝေးသည်။ ကျွန်ုပ်တို့ မြင်နိုင်သော အကွာအဝေး သို့မဟုတ် လေ့လာရန် ဖြစ်နိုင်သော စကြာဝဠာအတွင်းတွင် တည်ရှိသော ကြယ်စင်စုပေါင်းမှာ နာဆာ၏ New Horizons အာကာယာဉ်မှဒေတာများအရ ၂ ထရီလီယံ (2×1012) သို့မဟုတ် ယင်းထက်ပိုသည်ဟုဆိုသည်။[၁] ယခင် ၂၀၁၆ ခန့်မှန်းခြေအရမှာ ၂၀၀ ဘီလီယံ ဝန်းကျင် (2×1011) ဖြစ်သည်။[၂] ယေဘုယျအားဖြင့် ကြယ်များအရေးအတွက်ကဲ့သို့ပင် များပြားလှသည်။[၃][၄] (ကမ္ဘာပေါ်ရှိ သဲမှုန်အားလုံးထက် ကြယ်များအရေအတွက်က ပိုမိုများပြားလှသည်။[၅]) ဂလက်ဆီအများစုသည် အချင်း ၁၀၀၀ မှ ၁၀၀၀၀၀ parsec (အလင်းနှစ် ၃၀၀၀ မှ ၃၀၀၀၀၀ နီးပါးခန့်) အထိကျယ်ကြပြီး တစ်ခုနှင့်တစ်ခုအကွာအဝေးမှာလည်း အလင်းနှစ်ပေါင်းများစွာဖြင့် ခြားနားထားသည်။

ကိုးကား[ပြင်ဆင်ရန်]

  1. Fountain၊ Henry။ "Two Trillion Galaxies, at the Very Least"၊ The New York Times၊ 17 October 2016။ 
  2. Astronomers were wrong about the number of galaxies in universe (in en-US)။
  3. Staff (2019)။ How Many Stars Are There In The Universe?ဥရောပ အာကာသ အေဂျင်စီ
  4. Marov၊ Mikhail Ya. (2015)။ "The Structure of the Universe"။ The Fundamentals of Modern Astrophysics။ pp. 279–294။ doi:10.1007/978-1-4614-8730-2_10ISBN 978-1-4614-8729-6
  5. Mackie၊ Glen (1 February 2002)။ To see the Universe in a Grain of Taranaki SandCentre for Astrophysics and Supercomputing