၂၀၂၁
ထောင်စုနှစ်: | ၃ ထောင်စုနှစ် |
---|---|
ရာစုနှစ်များ: | |
ဆယ်စုနှစ်များ: | |
ခုနှစ်များ: |
၂၀၂၁ (MMXXI) သည် ဂရီဂေါရီးယန်း ပြက္ခဒိန်တွင် သောကြာနေ့မှ စတင်သော ပုံမှန်ခုနှစ်ဖြစ်ပြီး၊ ယနေ့ခေတ် (Common Era) နှင့် အေဒီ (Anno Domini) ၏ ၂၀၂၁ ကြိမ်မြောက် ခုနှစ်ဖြစ်ကာ၊ ၃ ထောင်စုနှစ်၏ ၂၁ ကြိမ်မြောက် ခုနှစ်၊ ၂၁ ရာစုနှစ်၏ ၂၁ ကြိမ်မြောက် ခုနှစ်ဖြစ်ပြီး ၂၀၂၀ ဆယ်စုနှစ်၏ ၂ ကြိမ်မြောက် ခုနှစ် ဖြစ်သည်။
ဖြစ်ရပ်များ
ဇန်နဝါရီ
- ၆ ဇန်နဝါရီ
- ၂၀၂၁ အမေရိကန်ပြည်ထောင်စု ကာပီတယ်လ် အဆောက်အအုံကို စီးနင်းခြင်း: အမေရိကန်ပြည်ထောင်စု၏ သမ္မတ ဒေါ်နယ်လ် ထရမ့်ကို ထောက်ခံအားပေးသော ဆူပူဆန္ဒပြလူအုပ်စုကြီးတစ်စုသည် နိုင်ငံ၏လွှတ်တော် အဆောက်အဦဖြစ်သော ကာပီတယ်လ် (The Capitol) ကို လုံခြုံရေး ချိုးဖောက်ဝင်ရောက်ကာ အဆောက်အဦ၏ အစိတ်အပိုင်းများကို နာရီအနည်းငယ်ကြာ သိမ်းပိုက်ထားလျှက် အင်အားဖြင့်ဝင်ရောက်စီးနင်းခဲ့ကြသည်။ ဤအဓိကရုဏ်းကြောင့် အမျိုးသမီးတစ်ဦးနှင့် ရဲအရာရှိတစ်ဦးအပါအဝင် ငါးဦးသေဆုံးခဲ့သည်။[၁][၂] ဤဖြစ်ရပ်အား ပြည်တွင်းအကြမ်းဖက်မှုတစ်ခုအဖြစ် သတ်မှတ်ခဲ့သည်။[၃]
ဖေဖော်ဝါရီ
- ၁ ဖေဖော်ဝါရီ – မြန်မာနိုင်ငံတွင် စစ်အာဏာသိမ်းမှု ဖြစ်ပွားခဲ့ပြီး နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် တကွ အစိုးရဝန်ကြီးများ ထိန်းသိမ်းခံခဲ့ရသည်။[၄]
- ၂ ဖေဖော်ဝါရီ– နိုင်ငံတော်စီမံအုပ်ချုပ်ရေးကောင်စီကို ဖွဲ့စည်းကြောင်း တပ်မတော် ကာကွယ်ရေးဦးစီးချုပ်ရုံးက ထုတ်ပြန်ကြေညာသည်။
ခန့်မှန်းနှင့် စီစဉ်ထားသော ဖြစ်ရပ်များ
- ၃၀ မတ် – လွှတ်တင်ရန် ကြိမ်ဖန်များစွာ နှောင့်နှေးပြီးနောက် ဂျိန်းစ်ဝဘ် အာကာသ တယ်လီစကုပ် ကို လွှတ်တင်ရန် စီစဉ်ထားသည်။[၅]
- ၂၆ မေ – ၂၁ ရာစုနှစ်၏ အချိန်အတိုဆုံး လအပြည့်ကြတ်ခြင်း ဖြစ်ပေါ်မည်ဟု ခန့်မှန်းထားပြီး ၁၄ မိနစ်နှင့် ၃၀ စက္ကန့် ကြာမြင့်မည် ဖြစ်သည်။
- ၁၁ ဇူလိုင် – ၁ ဩဂုတ် – UEFA အမျိုးသမီး ယူရို ၂၀၂၁ ပွဲစဉ်များကို အင်္ဂလန်နိုင်ငံတွင် ကျင်းပမည် ဖြစ်သည်။
- ၂၄ အောက်တိုဘာ - ဂျမနီနိုင်ငံလုံးဆိုင်ရာ ရွေးကောက်ပွဲ ကျင်းပမည် ဖြစ်သည်။
ကိုးကား
- ↑ Woman dies after shooting in U.S. Capitol; D.C. National Guard activated after mob breaches building (6 January 2021)။ 6 January 2021 တွင် ပြန်စစ်ပြီး။
- ↑ [amazon.com/a/c/r?k=c8ba8cc0612347af877324d412f76d65-d861 Police Confirm Death Of Officer Injured During Attack On Capitol]။ National Public Radio, Inc.။ 8 January 2021 တွင် ပြန်စစ်ပြီး။
- ↑ World leaders react with horror to 'disgraceful' storming of US Capitol (7 January 2021)။ 7 January 2021 တွင် ပြန်စစ်ပြီး။
- ↑ Military takes control of Myanmar; Suu Kyi reported detained (1 February 2021)။ 1 February 2021 တွင် ပြန်စစ်ပြီး။
- ↑ "New launch date for James Webb Space Telescope"၊ ဥရောပ အာကာသ အေဂျင်စီ၊ June 28, 2018။ July 15, 2018 တွင် ပြန်စစ်ပြီး။