၂၀၂၂
| ထောင်စုနှစ်: | ၃ ထောင်စုနှစ် |
|---|---|
| ရာစုနှစ်များ: | |
| ဆယ်စုနှစ်များ: | |
| ခုနှစ်များ: |
၂၀၂၂ (MMXXII) သည် ဂရီဂေါရီးယန်း ပြက္ခဒိန်တွင် စနေနေ့မှ စတင်သော ပုံမှန်ခုနှစ်ဖြစ်ပြီး၊ ယနေ့ခေတ် (Common Era) နှင့် အေဒီ (Anno Domini) ၏ ၂၀၂၂ ကြိမ်မြောက် ခုနှစ်ဖြစ်ကာ၊ ၃ ထောင်စုနှစ်၏ ၂၂ ကြိမ်မြောက် ခုနှစ်၊ ၂၁ ရာစုနှစ်၏ ၂၂ ကြိမ်မြောက် ခုနှစ်ဖြစ်ပြီး ၂၀၂၀ ဆယ်စုနှစ်၏ ၃ ကြိမ်မြောက် ခုနှစ် ဖြစ်သည်။
ဖြစ်ရပ်များ
[ပြင်ဆင်ရန်]ဧပြီ
[ပြင်ဆင်ရန်]- ၇ ဧပြီ - ၂၀၂၂ ခုနှစ် ဧပြီလ ၇ ရက်တွင် မြန်မာနိုင်ငံတော်ဗဟိုဘဏ် ဒုတိယဥက္ကဋ္ဌ ဒေါ်သန်းသန်းဆွေကို ရန်ကုန်မြို့ရှိ သူ၏နေအိမ်အတွင်း ရှိနေစဉ် သေနတ်ဖြင့် ပစ်ခတ်လုပ်ကြံခံရသည်။[၁] ပြင်းထန်ဒဏ်ရာသာ ရရှိခဲ့၍ အသက်မဆုံးခဲ့ပေ။ [၂]
- ၃၀ ဧပြီ - မြန်မာနိုင်ငံရှိ ခရိုင်များ: နိုင်ငံတော်စီမံအုပ်ချုပ်ရေးကောင်စီသည် ၂၀၀၈ ခုနှစ်၊ ဖွဲ့စည်းပုံအခြေခံဥပဒေပုဒ်မ ၅၄ ၊ ၂၈၄ (ခ) တို့နှင့်အညီ မူလက ခရိုင် ၇၅ ခရိုင်ဖြင့် ဖွဲ့စည်းထားရှိရာမှ ၂၀၂၂ခုနှစ်၊ ဧပြီ ၃၀ ရက်တွင် ပြည်ထဲရေးဝန်ကြီးဌာန၏ အမိန့် ကြော်ငြာစာအမှတ်၊ ၃၁၉/၂၀၂၂၊ ၃၂၀/၂၀၂၂၊ ၃၂၁/ ၂၀၂၂၊ ၃၂၂/ ၂၀၂၂၊ ၃၂၃/ ၂၀၂၂၊ ၃၂၄/ ၂၀၂၂၊ ၃၂၅/ ၂၀၂၂၊ ၃၂၆/ ၂၀၂၂၊ ၃၂၇/ ၂၀၂၂၊ ၃၂၈/ ၂၀၂၂၊ ၃၂၉/ ၂၀၂၂၊ ၃၃၀/ ၂၀၂၂၊ ၃၃၁/ ၂၀၂၂၊ ၃၃၂/ ၂၀၂၂၊ ၃၃၃/ ၂၀၂၂ တို့ဖြင့် ခရိုင် (၄၆) ခရိုင်အား ထပ်မံတိုးချဲ့ ပြင်ဆင်ဖွဲ့စည်းခဲ့သည်။ [၃]
ဇူလိုင်
[ပြင်ဆင်ရန်]- ၈ ဇူလိုင် - ရှင်ဇို အာ့ဘဲ့ လုပ်ကြံခံရခြင်း: ဂျပန်ဝန်ကြီးချုပ်ဟောင်း ရှင်ဇို အာ့ဘဲ့ သည် ၂၀၂၂ ခုနှစ်၊ ဇူလိုင်လ ၈ ရက်နေ့တွင် ဂျပန်နိုင်ငံတောင်ပိုင်း နာရာမြို့ရှိ ရထားဘူတာရုံတစ်ခု၏ အပြင်ဘက်၌ ပြုလုပ်သော ရွေးကောက်ပွဲမဲဆွယ်ပွဲတစ်ခုတွင် မိန့်ခွန်းပြောကြားနေစဉ် သေနတ်ဖြင့် ပစ်ခတ်လုပ်ကြံခံရကာ ကွယ်လွန်ခဲ့သည်။
- ၂၄ ဇူလိုင် - ဇူလိုင်လ ၂၅ ရက်နေ့ နိုင်ငံပိုင်သတင်းစာများ၌ သေဒဏ်ကျခံရသူများဖြစ်သည့် ဖြိုးဇေယျာသော်၊ ကိုဂျင်မီ (ခ)ကျော်မင်းယု၊ လှမျိုးအောင်နဲ့ အောင်သူရဇော်တို့ကို ပြစ်ဒဏ်စီရင်ပြီးစီးသွားကြောင်း ဇူလိုင် ၂၄ ရက်စွဲ သတင်းဖော်ပြပါရှိခဲ့သည်။[၄]
မေ
[ပြင်ဆင်ရန်]- ၂ မေ - နိုင်ငံတော်စီမံအုပ်ချုပ်ရေးကောင်စီသည် လျှပ်စစ်နှင့် စွမ်းအင်ဝန်ကြီးဌာနကို လျှပ်စစ်စွမ်းအားဝန်ကြီးဌာန နှင့် စွမ်းအင်ဝန်ကြီးဌာနအဖြစ် ပြန်လည်ခွဲထုတ်ခဲ့သည်။[၅]
ဇွန်
[ပြင်ဆင်ရန်]- ၁ ဇွန် - ၂၀၂၂ ခုနှစ်၊ ဇွန်လ (၁) ရက်နေ့တွင် ဗဟိုဝန်ထမ်းတက္ကသိုလ် (အောက်မြန်မာပြည်)ကို နိုင်ငံဝန်ထမ်းတက္ကသိုလ်(အောက်မြန်မာပြည်)ဟု အမည် ပြောင်းလဲသည်။[၆]
နိုဝင်ဘာ
[ပြင်ဆင်ရန်]- ၉ နိုဝင်ဘာ - Naypyitaw State Academy ကို နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ မင်းအောင်လှိုင်က ဖွင့်လှစ်ခဲ့သည်။ [၇]
- ၁၁ နိုဝင်ဘာ - နိုင်ငံတော်စီမံအုပ်ချုပ်ရေးကောင်စီဥက္ကဋ္ဌသည် နိုင်ငံခြားရေးဝန်ကြီးဌာနမှ သံအမတ်ကြီး ဦးတင်မောင်ဆွေအား တရုတ်ပြည်သူ့သမ္မတနိုင်ငံဆိုင်ရာ အထူးအာဏာကုန်လွှဲအပ်ခြင်းခံရသော ပြည်ထောင်စုသမ္မတမြန်မာနိုင်ငံတော် သံအမတ်ကြီးအဖြစ် ခန့်အပ်သည်။[၈]
- ၃၀ နိုဝင်ဘာ - ChatGPT အမည်ရှိ AI chatbot ကို OpenAI မှ စတင်မိတ်ဆက်လွှင့်တင်ခဲ့သည်။[၉]
စက်တင်ဘာ
[ပြင်ဆင်ရန်]- ၁၆ စက်တင်ဘာ – လက်ယက်ကုန်းရွာ ပစ်ခတ်မှုတွင် ကျောင်းသား၊ ကျောင်းသူ ၆ ဦးအပါအဝင် ၁၃ ဦး သေဆုံးခဲ့သည်။
- ၁၆ စက်တင်ဘာ - ၂၀၂၂ ခုနှစ် စက်တင်ဘာလ ၂၄ ရက်နေ့တွင် ရန်ကုန်ရှိ မြို့ပြပျောက်ကျားအဖွဲ့တစ်ခုက ဦးအုန်းသွင်နှင့် သားမက်ဖြစ်သူ တပ်မတော်အရာရှိဟောင်း ရဲတေဇ တို့အား ပစ်ခတ်လုပ်ကြံခဲ့သည်။
ကွယ်လွန်သူများ
[ပြင်ဆင်ရန်]- ၁၉ ဖေဖော်ဝါရီ - ကြည်လှဟန်၊ မြန်မာနိုင်ငံသား ပရော်ဖက်ရှင်နယ် ဂေါက်သီးရိုက်သမား (၁၉၆၁ မွေးဖွား)
- ၂၃ မေ - ဇော်ဌေး၊ ယခင် နိုင်ငံတော်သမ္မတရုံးပြောရေးဆိုခွင့်ရှိသူ (၁၉၇၃ မွေးဖွား)
- ၃၀ ဧပြီ - ခွန်ထွန်းဦး၊ ရှမ်းတိုင်းရင်းသားများ ဒီမိုကရေစီအဖွဲ့ချုပ်(ဗဟို) ဥက္ကဋ္ဌဟောင်း (၁၉၄၃ မွေးဖွား)
- ၈ ဇူလိုင် - ရှင်ဇို အာ့ဘဲ့၊ ဂျပန်နိုင်ငံ၏ ဝန်ကြီးချုပ်ဟောင်း (၁၉၅၄ မွေးဖွား)
- ၁၂ ဇူလိုင် - မောင်သာနိုး၊ အမျိုးသားစာပေ တစ်သက်တာ စာပေဆုရှင် ခေတ်ပေါ်ကဗျာဆရာ၊ စာရေးဆရာကြီး (၁၉၃၂ မွေးဖွား)
- ၁၄ ဇူလိုင် - စန္ဒရားတင်ဝင်းလှိုင်၊ မြန်မာ့ရုပ်ရှင်နှင့် ဂီတပညာရှင် ထပ်ဆင့်အကယ်ဒမီ (၁၉၄၆ မွေးဖွား)
- ၂၄ ဇူလိုင် - ဖြိုးဇေယျာသော်၊ မြန်မာ့ဟစ်ဟော့အနုပညာရှင်နှင့် နိုင်ငံရေးသမား (၁၉၈၁ မွေးဖွား)
- ၂၄ ဇူလိုင် - ကိုဂျင်မီ (ခ) ကျော်မင်းယု၊ ၈၈ မျိုးဆက်ကျောင်းသားခေါင်းဆောင် (၁၉၆၉ မွေးဖွား)
- ၁၃ ဩဂုတ် - မောင်ပေါ်ထွန်း၊ အမျိုးသားစာပေဆုရ မြန်မာအမျိုးသား စာရေးဆရာ (၁၉၃၅ မွေးဖွား)
- ၁၈ ဩဂုတ် - ဆုမ်ဘတ် မေထနီ၊ ထိုင်းနိုင်ငံသား ရုပ်ရှင်သရုပ်ဆောင် (၁၉၃၇ မွေးဖွား)
- ၈ စက်တင်ဘာ - ဒုတိယ အယ်လီဇဘက်၊ ယူနိုက်တက်ကင်းဒမ်းနှင့် ဓနသဟာယနိုင်ငံများ၏ ဘုရင်မကြီး (၁၉၂၈ မွေးဖွား)
- ၃၀ အောက်တိုဘာ - တက္ကသိုလ်ကြယ်ပွင့်၊ အမျိုးသား စာပေဆုရ တက္ကသိုလ် ကထိက၊ သိပ္ပံစာရေးဆရာ (၁၉၄၄ မွေးဖွား)
ကိုးကား
[ပြင်ဆင်ရန်]- ↑ ဗဟိုဘဏ်ဒုတိယဥက္ကဋ္ဌ ဒေါ်သန်းသန်းဆွေ သေနတ်နဲ့ ပစ်ခံရ။ VOA (၇ ဧပြီ ၂၀၂၂)။ ၄ အောက်တိုဘာ ၂၀၂၃ တွင် ပြန်စစ်ပြီး။
- ↑ Anti-Junta Forces Shoot Deputy Governor of Myanmar’s Central Bank။ The Diplomat (8 April 2022)။ 4 October 2023 တွင် ပြန်စစ်ပြီး။
- ↑ နေပြည်တော်၊ တိုင်းဒေသကြီးနှင့် ပြည်နယ်များတွင် ခရိုင် ၄၆ ခရိုင် အသစ်တိုးချဲ့ဖွဲ့စည်းသည့်အတွက် စုစုပေါင်းခရိုင် ၁၂၁ ခရိုင်ရှိလာ။ Eleven Media။ 2025-7-12 တွင် ပြန်စစ်ပြီး။
- ↑ ဦးဂျင်မီ ဦးဖြိုးဇေယျာသော်တို့ကို ပြစ်ဒဏ်စီရင်ပြီးကြောင်း စစ်ကောင်စီထုတ်ပြန်။ Mizzima။ 2025-7-23 တွင် ပြန်စစ်ပြီး။
- ↑ "ပြည်ထောင်စုဝန်ကြီးဌာန ပြင်ဆင်ဖွဲ့စည်းခြင်း"၊ ပြန်ကြားရေးဝန်ကြီးဌာန။ ၂၀၂၅-၇-၂၃ တွင် ပြန်စစ်ပြီး။
- ↑ နိုင်ငံ့ဝန်ထမ်းတက္ကသိုလ် (အောက်မြန်မာပြည်) ဝန်ထမ်းအဖွဲ့အစည်း ဒုတိယအကြီးအမှူး စီမံခန့်ခွဲမှုသင်တန်း အမှတ်စဉ် (၅) နှင့် အဆင့်မြင့်အရာထမ်း စီမံခန့်ခွဲမှုသင်တန်း အမှတ်စဉ် (၁၈) တို့၏ သင်တန်းဖွင့်ပွဲကျင်းပ။ 28 December 2022 တွင် မူရင်းအား မော်ကွန်းတင်ပြီး။ 28 December 2022 တွင် ပြန်စစ်ပြီး။
- ↑ Naypyitaw State Academy ဖွင့်ပွဲ အခမ်းအနားကျင်းပ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် တက်ရောက်ဖွင့်လှစ်။ ပြန်ကြားရေးဝန်ကြီးဌာန။ ၂၀၂၅-၇-၂၀ တွင် ပြန်စစ်ပြီး။
- ↑ ဦးတင်မောင်ဆွေအား တရုတ်ပြည်သူ့သမ္မတနိုင်ငံဆိုင်ရာ မြန်မာသံအမတ်ကြီးအဖြစ် ခန့်အပ်။ ပြန်ကြားရေးဝန်ကြီးဌာန။ ၂၀၂၅-၇-၄ တွင် ပြန်စစ်ပြီး။
- ↑ Keary, Tim (30 November 2023). "ChatGPT's Birthday Special: Celebrating 1 Year of Changing the World". Technopedia.[လင့်ခ်သေ]