အောင်သူ (ဘောလုံးသမား)

အောင်သူ
	၂၀၁၈ခုနှစ်ကတွေ့ရစဉ်
ကိုယ်ရေးအချက်အလက်များ
အမည် အပြည့်အစုံ	Aung Thu
မွေးသက္ကရာဇ်	၂၂ မေ၊ ၁၉၉၅ (အသက် ၂၈)
မွေးရပ်ဇာတိ	ပင်းတလဲရွာ၊ ဝမ်းတွင်းမြို့နယ်
အရပ်အမြင့်	၁.၆၈ m (၅ ft ၆ in)
ကစားသည့်နေရာ	ရှေ့တန်း (တိုက်စစ်)
ကလပ်နှင့်သက်ဆိုင်သောအချက်အလက်များ
လက်ရှိအသင်း	ဘူရီယန် ယူနိုက်တက်
အင်္ကျီနံပါတ်	၇၇
လူငယ်ဘဝကလပ်များ
၂၀၁၁ - ၂၀၁၃	ဘောလုံးအကယ်ဒမီ (မန္တလေး)
အကြီးတန်း ကစားသမား*
နိုင်ငံကိုယ်စားပြုအသင်း‡
	* ဂိုးအရေအတွက်ကို ကလပ်အသင်းကြီး ကစားခြင်းနှင့်; ပြည်တွင်းလိဂ်အတွက်သာ ရေတွက်ပြီး ၂၀၂၁ စက်တင်ဘာလ ၁၈ရက်အထိ ဖြစ်သည်။; † ကစားသည့် ပွဲအရေအတွက် (သွင်းဂိုး); ‡ ၂၀၁၉ခုနှစ် နိုဝင်ဘာလ ၁၄ရက် အထိ နိုင်ငံကိုယ်စားပြုပွဲနှင့် သွင်းဂိုးများ

အောင်သူ သည် မြန်မာနိုင်ငံမှ ဘောလုံးသမားတစ်ဦးဖြစ်ကာ လက်ရှိတွင် မြန်မာလက်ရွေးစင်ဘောလုံးအသင်းနှင့် ထိုင်းနိုင်ငံ ဘူရီယန်ယူနိုက်တက် တို့၏ ရှေ့တန်းတိုက်စစ်မှူးတစ်ဦးဖြစ်သည်။ ယခင်က ရတနာပုံဘောလုံးအသင်းတွင် ကစားခဲ့သည်။ ၂၀၁၈ခုနှစ်တွင် ထိုင်းနိုင်ငံအသင်းများ ဖြစ်ကြသည့် ပူးလစ်တီရို၊ မြောင်တောင်ယူနိုက်တက်တို့တွင် အငှားစာချုပ်ဖြင့် သွားရောက်ကစားခဲ့သည်။^[၂] ၂၀၂၀ပြည့်နှစ်တွင် ရတနာပုံဘောလုံးအသင်းမှ အပြီးပိုင်ထွက်ခွာခဲ့ပြီး ထိုင်းနိုင်ငံ ဘူရီယန်ယူနိုက်တက်သို့ ပြောင်းရွှေ့ခဲ့သည်။ အောင်သူသည် မြန်မာ ယူ - ၁၇၊ ယူ - ၂၀၊ ယူ - ၂၃ ဘောလုံးအသင်းများနှင့် လက်ရွေးစင်အသင်းကြီးတို့တွင် ကစားသော လက်ရွေးစင်ကစားသမားလည်းဖြစ်သည်။

အသက် ၁၆နှစ်အောက် မြန်မာဘောလုံးအသင်းတွင် အရွေးချယ်ခံခဲ့ရပြီး အေအက်(ဖ်)အက်(ဖ်) ယူ - ၁၆ ချန်ပီယံရှစ်ပြိုင်ပွဲတွင် ပထမဆုံး နိုင်ငံတကာပြိုင်ပွဲအဖြစ် ကစားခဲ့သည်။ ၂၀၁၄ခုနှစ်တွင် ရန်ကုန်မြို့၌ လက်ခံကျင်းပသော အာရှ ယူ-၁၉ ဘောလုံးပြိုင်ပွဲတွင် အောင်သူမှာ ခြေစွမ်းပြကစားခဲ့သူဖြစ်သည်။^[၃] ၂၀၁၅ခုနှစ်တွင် မြန်မာ ယူ - ၁၉ ဘောလုံးအသင်းသည် ဖီဖာ ယူ - ၂၀ ကမ္ဘာ့ဖလားပြိုင်ပွဲသို့ ပထမဆုံးအကြိမ် တက်လှမ်းနိုက်ခဲ့သည်။ ဤသည်မှာ မြန်မာ့လက်ရွေးစင်အသင်းတစ်သင်းအနေဖြင့် ၁၉၇၂ခုနှစ်နောက်ပိုင်းတွင် ပထမဆုံးအကြိမ် ကမ္ဘာ့အဆင့် ယှဉ်ပြိုင်ခွင့် ရခြင်းဖြစ်သည်။^[၄] ထိုမြန်မာ့လက်ရွေးစင်အသင်းတွင် အောင်သူသည်လည်း ပါဝင်ခဲ့ပြီး မြန်မာဘောလုံးပရိသတ်များအကြား လူသိပိုများလာခဲ့သည်။ နောက်ပိုင်းတွင် မြန်မာအသင်း၏ ပြည်တွင်းပြည်ပ ပွဲစဉ်များ၌ ခြေစွမ်းပြကစားခဲ့ရာ နိုင်ငံတကာပရိသတ်များကပါ သတိထားမိလာခဲ့သည်။^[၂]

ငယ်ဘဝနှင့် ပညာရေး[ပြင်ဆင်ရန်]

အောင်သူ့ကို ၁၉၉၆ခုနှစ် မေလ ၂၂ရက်တွင် ဝမ်းတွင်းမြို့နယ် ပင်းတလဲကျေးရွာ၌ သာမန်အစိုးရဝန်ထမ်းမိဘများမှ မွေးဖွားခဲ့သည်။^[၁] ထို့နောက် မိဘများက ပျဉ်းမနားသို့ ပြောင်းရွှေ့ခဲ့ရသဖြင့် ပျဉ်းမနားမြို့တွင် ကြီးပြင်းခဲ့သည်။ သူသည် ငယ်ရွယ်စဉ်ကပင် ဘောလုံးဝါသနာပါသူဖြစ်ကာ ညအိပ်လျှင်ပင် ဘောလုံးကို ဖက်၍ အိပ်သည်ဟု အမေးအဖြေကဏ္ဍတစ်ခုတွင် အောင်သူမှ ပြောကြားခဲ့သည်။ ၎င်း၏အစ်ကိုများသည်လည်း ဘောလုံးကိုရူးသွပ်သူများဖြစ်ကာ အောင်သူသည် ၎င်း၏အပေါင်းအသင်းများကြားတွင် ဘောလုံးကစားရာ၌ ထင်ရှားခဲ့သည်။

ဘောလုံးအကယ်ဒမီ[ပြင်ဆင်ရန်]

အောင်သူ့ကို မန္တလေးမြို့ရှိ ဘောလုံးအကယ်ဒမီက ရွေးချယ်ခဲ့ကာ အောင်သူသည် ဘောလုံးပညာအား စနစ်တကျ သင်ကြားခွင့် ရရှိခဲ့သည်။ သို့ရာတွင် မိသားစုမှ ငွေထောက်ပံ့ပေးနိုင်မှု အားနည်းခဲ့၍ အခက်အခဲများလည်း ရှိခဲ့သည်။

ကစားသမားဘဝ[ပြင်ဆင်ရန်]

အစောပိုင်းကာလ[ပြင်ဆင်ရန်]

၂၀၀၉ခုနှစ်တွင် တိုင်းဘောလုံးပြိုင်ပွဲ၌ ပျဉ်းမနားကိုယ်စားပြုအသင်းတွင် ပါဝင်ခဲ့ကာ (၃)ဂိုးသွင်းယူခဲ့သည်။

ရတနာပုံဘောလုံးအသင်း[ပြင်ဆင်ရန်]

မန္တလေးဘောလုံးအကယ်ဒမီမှ အောင်သူအား ၂၀၁၃ခုနှစ်တွင် မန္တလေးမြို့အခြေစိုက် ရတနာပုံဘောလုံးအသင်းမှ ခေါ်ယူခဲ့သည်။ အောင်သူသည် ရတနာပုံဘောလုံးအသင်းတွင် ခြေစွမ်းပြကစားနိုင်ခဲ့ပြီး အသင်း၏ အဓိကကစားသမားနေရာမှ ပါဝင်ကစားခဲ့သည်။

အငှားကစားသမား[ပြင်ဆင်ရန်]

ပူးလစ်တီရို[ပြင်ဆင်ရန်]

၂၀၁၇ခုနှစ် နိုဝင်ဘာလတွင် အောင်သူသည် ရတနာပုံအသင်းမှ ထိုင်းနိုင်ငံ ပူလစ်တီရိုအသင်းသို့ အငှားစာချုပ်ဖြင့် ၂၀၁၈ဘောလုံးရာသီအတွက် သွားရောက်ကစားခဲ့သည်။ ထိုအသင်းတွင် (၃၁)ပွဲ ကစားပြီး (၁၁)ဂိုး သွင်းယူခဲ့သည်။^[၅] တစ်လတာ အကောင်းဆုံးကစားသမားဆုများလည်း ရရှိခဲ့ကာ^[၆] အပတ်စဉ် (၁၁)တွင် ဆူခိုထိုင်းအသင်းနှင့် ကစားသောပွဲ၌ သွင်းယူခဲ့သော ဂိုးမှာ အကောင်းဆုံး သွင်းဂိုး (၅) ဂိုးစာရင်းတွင် ပါဝင်ခဲ့သည်။

မြောင်တောင်ယူနိုက်တက်[ပြင်ဆင်ရန်]

၂၀၁၉ရာသီတွင်မူ မြောင်တောင်ယူနိုက်တက်သို့ ပြောင်းရွှေ့ခဲ့ကာ ကျောနံပတ် (၉)ကို ဝတ်ဆင်ခဲ့သည်။^[၅] သို့သော် ထိုအသင်းတွင် ခြေစွမ်းပြနိုင်ရန်ပင် ရုန်းကန်ခဲ့ရပြီး ပုံမှန်ပွဲထွက်ခွင့် မရခဲ့ကာ နောက်ပိုင်းတွင် အရန်လူစာရင်း၌ပင် မပါဝင်ခဲ့ပေ။^[၆] ထိုအသင်းတွင် (၁၃)ပွဲကစားပြီး (၃)ဂိုး သွင်းယူခဲ့သည်။

ရတနာပုံဘောလုံးအသင်း (၂၀၂၀)[ပြင်ဆင်ရန်]

မြောင်တောင်ယူနိုက်တက်နှင့် လမ်းခွဲပြီးနောက် ၂၀၂၀ပြည့်နှစ်တွင် မိခင်အသင်းဖြစ်သော ရတနာပုံအသင်းတွင် ပြန်လည် ကစားခဲ့ပြီး ကျောနံပတ် (၉၉) ဝတ်ဆင်ခဲ့သည်။^[၇] ၂၀၂၀ပြည့်နှစ် နိုဝင်ဘာလတွင် စေ့စပ်ဆွေးနွေးမှုများ ပြုလုပ်ပြီးနောက် အောင်သူအား အမေရိကန်ဒေါ်လာ (၅၀,၀၀၀) ဖြင့် ထိုင်းနိုင်ငံ ဘူရီယန်ယူနိုက်တက်သို့ အပြီးသတ်ရောင်းချခဲ့သည်။ ထိုအချိန်တွင် အောင်သူသည် ရတနာပုံအသင်းနှင့် စာချုပ် တစ်ရာသီ ကျန်ရှိသေးသည်။^[၈]

ဘူရီယန်ယူနိုက်တက်[ပြင်ဆင်ရန်]

၂၀၂၀ပြည့်နှစ် ဒီဇင်ဘာ ၂၆ရက်နေ့တွင် ဘူရီယန်ယူနိုက်တက်၌ ပထမဆုံးပွဲဦးထွက် ကစားခဲ့သည်။ သို့ရာတွင် ထိုဘောလုံးရာသီ၏ ဒုတိယရာသီဝက်တွင် ဒဏ်ရာပြဿနာကြောင့် ရုန်းကန်ခဲ့ရပြီး (၂)ဂိုးသာ သွင်းယူနိုက်ခဲ့သည်။ နောက်ထပ်ရာသီတွင်လည်း ပုံမှန်ပွဲထွက်ခွင့်ရရန် ရုန်းကန်နေရဆဲဖြစ်သည်။^[၉]

လက်ရွေးစင်ကစားသမားဘဝ[ပြင်ဆင်ရန်]

အစောပိုင်းဘဝ[ပြင်ဆင်ရန်]

အောင်သူသည် ယူ - ၁၆ လက်ရွေးစင်အသင်း၌ ရွေးချယ်ခံခဲ့ရပြီး ၂၀၁၁ အေအက်(ဖ်)အက်(ဖ်) လူငယ်ချန်ပီယံရှစ်ပြိုင်ပွဲတွင် ဝင်ရောက်ယှဉ်ပြိုင်ခဲ့သည်။ ဤသည်မှာ အောင်သူ၏ ပထမဆုံးသော နိုင်ငံတကာပွဲဖြစ်သည်။ ၂၀၁၄ခုနှစ်တွင် ဘရူနိုင်းဘုရင့်ဖလားပြိုင်ပွဲ၌ မြန်မာ ယူ - ၁၉ အသင်းသည် ဗိုလ်စွဲခဲ့သည်။ နောက်ဆုံးပွဲ၌ ဗီယက်နမ်နိုင်ငံအသင်းအား (၄)ဂိုး (၃)ဂိုးဖြင့် အနိုင်ရခဲ့သည်။ ထိုပွဲစဉ်တွင် မြန်မာအသင်းအတွက် အနိုင်ဂိုးအား ပွဲချိန် (၈၂)မိနစ်၌ အောင်သူမှ သွင်းယူပေးခဲ့ခြင်းဖြစ်သည်။ ထိုအချိန်မှစ၍ အောင်သူသည် မြန်မာဘောလုံးပရိသတ်များအကြား ရေပန်းစားလာခဲ့သည်။ ထိုအသင်းသည်လည်း ရန်ကုန်သို့ပြန်လာချိန်တွင် သောင်းသောင်းဖြဖြ ကြိုဆိုခြင်းကို ခံခဲ့ရသည်။^[၁၀]ထို့နောက် မြန်မာနိုင်ငံတွင် ကျင်းပခဲ့သော အာရှ ယူ -၁၉ ချန်ပီယံရှစ်ပြိုင်ပွဲ၌ အကြိုဗိုလ်လုပွဲအထိ တက်ရောက်နိုင်ခဲ့သဖြင့် ၂၀၁၅ခုနှစ် ဖီဖာ ယူ - ၂၀ ကမ္ဘာ့ဖလားသို့ ယှဉ်ပြိုင်ခွင့် ရရှိခဲ့သည်။ ဤသည်မှာ ၁၉၇၂ နွေရာသီ အိုလံပစ်ပြိုင်ပွဲ ပြီးနောက် ကမ္ဘာ့အဆင့်ပြိုင်ပွဲတစ်ခုသို့ ပထမဆုံးအကြိမ် ဝင်ရောက်ယှဉ်ပြိုင်ခွင့် ရရှိခဲ့ခြင်းဖြစ်သည်။ မြန်မာအသင်းသည် ထိုပြိုင်ပွဲ၌ သွင်းဂိုး (၂) ဂိုး သွင်းယူနိုင်ခဲ့ပြီး (၁)ဂိုးအား အောင်သူမှ သွင်းယူခဲ့ခြင်းဖြစ်သည်။

လက်ရွေးစင်အသင်းကြီး[ပြင်ဆင်ရန်]

အောင်သူသည် ၂၀၁၅ ဩဂုတ် ၂၈ရက်နေ့တွင် ယူအေအီးနိုင်ငံနှင့် ခြေစမ်းပွဲ၌ ပထမဆုံးအကြိမ် ကစားခဲ့သည်။ ၎င်း၏ ပထမဆုံးသွင်းဂိုးအနေဖြင့် ၂၀၁၈ ဖီဖာကမ္ဘာ့ဖလားခြေစစ်ပွဲတွင် လာအိုနှင့်ပွဲစဉ်၌ သွင်းယူခဲ့သည်။

နိုင်ငံတကာသွင်းဂိုးများ[ပြင်ဆင်ရန်]

မြန်မာအသင်း၏ သွင်းဂိုးနှင့် ရလဒ်တို့ကို ဦးစွာဖော်ပြထားသည်။

#	ရက်စွဲ	အားကစားကွင်း	ပြိုင်ဘက်	ဂိုးရလဒ်	ရလဒ်	ပြိုင်ပွဲ
၁	၁၃ အောက်တိုဘာ ၂၀၁၅	Supachalasai Stadium၊ ဘန်ကောက်မြို့	လာအို	၃-၁	၃-၁	၂၀၁၈ ကမ္ဘာ့ဖလား ခြေစစ်ပွဲ
၂	၂၉ မတ် ၂၀၁၆	Saida International Stadium၊ Sidon	လက်ဘနွန်	၀-၁	၁-၁	၂၀၁၈ ကမ္ဘာ့ဖလား ခြေစစ်ပွဲ

ဂုဏ်ပြုဆုများ[ပြင်ဆင်ရန်]

Hassanal Bolkiah Trophy(1): ၂၀၁၄
AFF Youth Player of the Year(1): ၂၀၁၅

ပုဂ္ဂိုလ်ရေးဘဝ[ပြင်ဆင်ရန်]

အောင်သူသည် ၂၀၁၈ခုနှစ် မေလ ၃၁ရက်နေ့တွင် သရုပ်ဆောင် ပိုးအိအိခန့်နှင့် လက်ထပ်ခဲ့သည်။^[၁၁] မင်္ဂလာဆောင်အခမ်းအနားကို ၂၀၁၉ခုနှစ် မတ်လ ၂၆ရက်နေ့တွင်မှ ကျင်းပခဲ့သည်။^[၁၂] ၂၀၁၉ခုနှစ် ဇူလိုင် ၁၉ရက်နေ့တွင် ပထမဆုံးသော သားဖြစ်သူ သွင်ဦးဟန်ကို မွေးဖွားခဲ့သည်။^[၁၃]

ကိုးကား[ပြင်ဆင်ရန်]

↑ ^၁.၀ ^၁.၁ "ထိုင်းမြေရောက် မြန်မာ့ပတ္တမြား၏အနာဂတ်ဌ"။ 24 January 2022 တွင် ပြန်စစ်ပြီး။ Archived from the original on 24 January 2022။
↑ ^၂.၀ ^၂.၁ "အောင်သူ ထိုင်းကလပ်အသင်းတွက် ကစားတော့မယ်"။
↑ "မြန်မာ့ ဘောလုံးလောကရဲ့ ပြိုင်ဘက် မရှိ ဥက္ကဋ္ဌ"။
↑ "မြန်မာ ယူ ၂၀ ဥရောပနိုင်ငံများတွင် ခြေစစ်ပွဲများ ကစားမည်"။ 24 January 2022 တွင် ပြန်စစ်ပြီး။ Archived from the original on 24 January 2022။
↑ ^၅.၀ ^၅.၁ "မြောင်တောင်ယူနိုက်တက်ကို ချန်ပီယံဖြစ်အောင် ကူညီပေးမည်"။ 24 January 2022 တွင် ပြန်စစ်ပြီး။ Archived from the original on 24 January 2022။
↑ ^၆.၀ ^၆.၁ "မြောင်တောင်ယူနိုက်တက်အသင်းတွင် ခြေစွမ်းမပြနိုင်သည့် အောင်သူ လမ်းခွဲဖွယ်ရှိနေပြီး အသင်းပြောင်းရန် သတင်းထွက်ပေါ်"။
↑ "အောင်သူကို အဓိကထိန်းချုပ်မည်"။ 24 January 2022 တွင် ပြန်စစ်ပြီး။ Archived from the original on 24 January 2022။
↑ "အောင်သူကို ဒေါ်လာ ၅၀,၀၀၀ဖြငိ့ အပြီးသတ်ရောင်းချ"။ 24 January 2022 တွင် ပြန်စစ်ပြီး။ Archived from the original on 24 January 2022။
↑ "မြန်မာ့လက်ရွေးစင်တိုက်စစ်မှူး အောင်သူ ယခုရာသီတွင် ဘူရီရမ်အသင်းအတွက် ပထမဆုံးဂိုး သွင်းယူနိုင်ခဲ့ပြီး မြန်မာနိုင်ငံမှ ပရိသတ်များကို ကျေးဇူးတင်ရှိကြောင်း ပြောကြား"။
↑ "အောင်ပွဲခံ မြန်မာအသင်းကို သောင်းသောင်းဖြဖြ ကြို"။
↑ အောင်သူနဲ့ လက်ထပ်ထားတာ(၉)လကျော်သွားပြီဆိုတဲ့ ပိုးအိအိခန့် (in my)။ Duwun (6 March 2019)။
↑ "အောင်သူနဲ့ Game ကစားရင်း ဖူးစာဆုံခဲ့တာပါ ဆိုတဲ့ ပိုးအိအိခန့်" (in my)၊ Duwun၊ 26 March 2019။
↑ "ပထမဆုံး ရင်သွေး သားဦးလေး ပိုင်ဆိုင်ခဲ့ပြီဖြစ်တဲ့ အောင်သူနဲ့ ပိုးအိအိခန့်" (in my)၊ Yangon News၊ 20 July 2019။ 24 January 2022 တွင် ပြန်စစ်ပြီး။ Archived from the original on 6 December 2019။

ပြင်ပလင့်များ[ပြင်ဆင်ရန်]

ဤ အတ္ထုပ္ပတ္တိ မြန်မာဘောလုံးအားကစားနှင့် ပတ်သက်သော ဆောင်းပါးမှာ ဆောင်းပါးတိုတစ်ပုဒ် ဖြစ်သည်။ ဖြည့်စွက်ရေးသားခြင်းဖြင့် မြန်မာဝီကီပီးဒီးယားကို ကူညီပါ။

[rubyaungthu-1] ၁.၀ ^၁.၁ "ထိုင်းမြေရောက် မြန်မာ့ပတ္တမြား၏အနာဂတ်ဌ"။ 24 January 2022 တွင် ပြန်စစ်ပြီး။ Archived from the original on 24 January 2022။

[at2017-2] ၂.၀ ^၂.၁ "အောင်သူ ထိုင်းကလပ်အသင်းတွက် ကစားတော့မယ်"။

[chairman-3] "မြန်မာ့ ဘောလုံးလောကရဲ့ ပြိုင်ဘက် မရှိ ဥက္ကဋ္ဌ"။

[4] "မြန်မာ ယူ ၂၀ ဥရောပနိုင်ငံများတွင် ခြေစစ်ပွဲများ ကစားမည်"။ 24 January 2022 တွင် ပြန်စစ်ပြီး။ Archived from the original on 24 January 2022။

[champion-5] ၅.၀ ^၅.၁ "မြောင်တောင်ယူနိုက်တက်ကို ချန်ပီယံဖြစ်အောင် ကူညီပေးမည်"။ 24 January 2022 တွင် ပြန်စစ်ပြီး။ Archived from the original on 24 January 2022။

[byebye-6] ၆.၀ ^၆.၁ "မြောင်တောင်ယူနိုက်တက်အသင်းတွင် ခြေစွမ်းမပြနိုင်သည့် အောင်သူ လမ်းခွဲဖွယ်ရှိနေပြီး အသင်းပြောင်းရန် သတင်းထွက်ပေါ်"။

[7] "အောင်သူကို အဓိကထိန်းချုပ်မည်"။ 24 January 2022 တွင် ပြန်စစ်ပြီး။ Archived from the original on 24 January 2022။

[dollar-8] "အောင်သူကို ဒေါ်လာ ၅၀,၀၀၀ဖြငိ့ အပြီးသတ်ရောင်းချ"။ 24 January 2022 တွင် ပြန်စစ်ပြီး။ Archived from the original on 24 January 2022။

[thankyou-9] "မြန်မာ့လက်ရွေးစင်တိုက်စစ်မှူး အောင်သူ ယခုရာသီတွင် ဘူရီရမ်အသင်းအတွက် ပထမဆုံးဂိုး သွင်းယူနိုင်ခဲ့ပြီး မြန်မာနိုင်ငံမှ ပရိသတ်များကို ကျေးဇူးတင်ရှိကြောင်း ပြောကြား"။

[10] "အောင်ပွဲခံ မြန်မာအသင်းကို သောင်းသောင်းဖြဖြ ကြို"။

[11] အောင်သူနဲ့ လက်ထပ်ထားတာ(၉)လကျော်သွားပြီဆိုတဲ့ ပိုးအိအိခန့် (in my)။ Duwun (6 March 2019)။

[12] "အောင်သူနဲ့ Game ကစားရင်း ဖူးစာဆုံခဲ့တာပါ ဆိုတဲ့ ပိုးအိအိခန့်" (in my)၊ Duwun၊ 26 March 2019။

[13] "ပထမဆုံး ရင်သွေး သားဦးလေး ပိုင်ဆိုင်ခဲ့ပြီဖြစ်တဲ့ အောင်သူနဲ့ ပိုးအိအိခန့်" (in my)၊ Yangon News၊ 20 July 2019။ 24 January 2022 တွင် ပြန်စစ်ပြီး။ Archived from the original on 6 December 2019။

[၁]

[၂]

[၃]

[၄]

[၅]

[၆]

[၇]

[၈]

[၉]

[၁၀]

[၁၁]

[၁၂]

[၁၃]