ဟယ်ရီပေါ်တာနှင့် အက်ဇခါဘန် အကျဉ်းသား

ဝီကီပီးဒီးယား မှ
Jump to navigation Jump to search
ဟယ်ရီပေါ်တာနှင့် အက်ဇခါဘန် အကျဉ်းသား
Harry Potter and the Prisoner of Azkaban
Harry Potter and the Prisoner of Azkaban.jpg
ပထမဆုံး ယူကေ ပုံနှိပ်ထုတ်ဝေခြင်း မှ မျက်နှာဖုံးပုံစံ
စာရေးသူ ဂျေ ကေ ရိုးလင်း
J. K. Rowling
သရုပ်ဖော်သူ
  • ကလစ်ဖ် ရွိုက်
    Cliff Wright (ယူကေ ပုံနှိပ်ထုတ်ဝေခြင်း)
  • မာရီ ဂရန်းပရယ်
    Mary GrandPré (အမေရိကန် ပုံနှိပ်ထုတ်ဝေခြင်း)
  • ဂျင်မ် ကေး
    Jim Kay (ရုပ်ပြစာအုပ်)
အတွဲ ဟယ်ရီပေါ်တာ
ထုတ်ဝေအမှတ်
စာအုပ်အတွဲစဉ်တွင် အမှတ်စဉ် ၃ (တတိယမြောက်)
အမျိုးအစား မှော်အတတ်ဆိုင်ရာ
ထုတ်ဝေသူ
ထုတ်ဝေသည့်ရက်
၁၉၉၉ ဇူလိုင် ၈ (ယူနိုက်တက်ကင်းဒမ်း)
၁၉၉၉ စက်တင်ဘာ ၈ (အမေရိကန်ပြည်ထောင်စု)
စာမျက်နှာ ၃၁၇ (ယူကေ ပုံနှိပ်ထုတ်ဝေခြင်း)
၄၆၂ (၂၀၁၄ ယူကေ တည်းဖြတ်ထုတ်ဝေခြင်း)
၄၃၅ (အမေရိကန် ပုံနှိပ်ထုတ်ဝေခြင်း)
၄၆၄ (၂၀၁၃ အမေရိကန် တည်းဖြတ်ထုတ်ဝေခြင်း)
ISBN ဝ-၇၄၇၅-၄၂၁၅-၅
ယခင်စာအုပ် ဟယ်ရီပေါ်တာနှင့် လျှို့ဝှက်ခန်းဆောင်
နောက်ထွက်စာအုပ် ဟယ်ရီပေါ်တာနှင့် မီးကလပ်

ဟယ်ရီပေါ်တာနှင့် အက်ဇခါဘန် အကျဉ်းသား (အင်္ဂလိပ်: Harry Potter and the Prisoner of Azkabanဟယ်ရီပေါ်တာနှင့် ဝိဉာဉ်နှုတ်အကျဉ်းသား စသည်ဖြင့်လည်း ဘာသာပြန်ဆိုကြ) သည် သည် ဗြိတိသျှစာရေးဆရာမ ဂျေ ကေ ရိုးလင်း ရေးသားထားသည့် နာမည်ကြီး မှော်အတတ်ဆိုင်ရာ စိတ်ကူးယဉ် ဝတ္ထုရှည် တစ်ခု ဖြစ်၍၊ ထိုဝတ္ထုသည် ဟယ်ရီပေါ်တာ စာအုပ်အတွဲစဉ်တွင် တတိယမြောက် ဖြစ်သည်။ ထိုစာအုပ်သည် မှော်ဆရာလူငယ်လေး ဟယ်ရီပေါ်တာ၏ ဟော့ဂ်ဝပ် စုန်းကဝေအတတ်နှင့် မှော်ပညာကျောင်းတော်ကြီးတွင် တတိယနှစ် ကျောင်းသားဘဝ အကြောင်း ဖြစ်သည်။ ဟယ်ရီသည် သူ၏ သူငယ်ချင်းများ ဖြစ်သည့် ရော်နယ် ဝီစလီနှင့် ဟာမိုင်ယွန်းနီ ဂရန်ဂျာတို့နှင့်အတူ သူတို့အနေဖြင့် သခင်ဗိုဒီမော့၏ ပူးပေါင်းမဟာမိတ်ဟောင်း တစ်ယောက်ဟု ယုံကြည်ကြသည့် ဆီးရီးယပ်စ် ဘလက် အမည်ရှိ အက်ဇခါဘန် မှော်အကျဉ်းထောင်ကြီးမှ ထွက်ပြေးလွတ်မြောက်လာသူအား စုံစမ်းစစ်ဆေးသည့် ဇာတ်လမ်း ဖြစ်သည်။

ထိုစာအုပ်ကို ယူနိုက်တက်ကင်းဒမ်းတွင် ၁၉၉၉ ခုနှစ်၊ ဇူလိုင်လ ၈ ရက်တွင် ဘလွမ်းစ်ဘာရီ စာအုပ်တိုက်မှ ထုတ်ဝေခဲ့၍ ၊ အမေရိကန်ပြည်ထောင်စုတွင်မူ ၁၉၉၉ ခုနှစ်၊ စက်တင်ဘာလ ၈ ရက်တွင် စကောလာ့စတစ်မှ ထုတ်ဝေဖြန့်ချိခဲ့လေသည်။[၁][၂][၃][၄] ရိုးလင်းအနေဖြင့် စတင်ရေးသားချိန်မှ တစ်နှစ်ခန့်အကြာတွင် ပြီးဆုံးနိုင်ခဲ့ခြင်းကြောင့် ထိုစာအုပ်မှာ ရေးရလွယ်ကူသည်ကို တွေ့ခဲ့သည်။ ယူနိုက်တက်ကင်းဒမ်းတွင် စာအုပ်စတင်ထုတ်ဝေပြီး သုံးရက်အကြာကာလ အတွင်းမှာပင် နိုင်ငံအဝန်း အုပ်ရေ ၆၈၀၀၀ ခန့် ရောင်းချနိုင်ခဲ့သည်။ ထိုအချိန်မှစ၍ ယခုအချိန်အထိ နိုင်ငံအတွင်း အုပ်ရေ သုံးသန်းကျော် ရောင်းချခဲ့ပြီး ဖြစ်သည်။[၅] အဆိုပါ စာအုပ်သည် ၁၉၉၉ ခုနှစ်အတွက် ဝှိုက်ဘရက်ဒ်ကလေးများစာပေဆု (Whitbread Children's Book Award)၊ ဘရမ်စတုက်ကာဆု (Bram Stoker Award) နှင့် ၂၀၀၀ ခုနှစ်အတွက် လိုးကပ်စ် အကောင်းဆုံး မှော်အတတ်ဆိုင်ရာ ဝတ္ထုရှည်ဆု (Locus Award for Best Fantasy Novel) တို့ ရရှိခဲ့ပေသည်။ ထို့အပြင် ဟူဂိုဆု စသည်အပါအဝင် ဆုများတွင် ဆန်ခါတင်စာရင်းဝင်ခဲ့သေးသည်။

ဟယ်ရီပေါ်တာနှင့် အက်ဇခါဘန် အကျဉ်းသား ရုပ်ရှင်ဇာတ်ကားကို ၂၀၀၄ ခုနှစ်တွင် ပြသခဲ့ပြီး၊ ဝင်ငွေ အမေရိကန်ဒေါ်လာ ၇၉၆ သန်းကျော် ရရှိခဲ့၏။ ဝေဖန်မှုများတွင် ချီးကျူးဂုဏ်ပြုမှုများ ရရှိခဲ့သည်။ ဝတ္ထုကို အခြေခံသော ဗွီဒီယိုဂိမ်းများလည်း မရေမရာ ပေါ်ထွက်လာခဲ့ပြီး၊ အများစုမှာ ကျေနပ်အားရဖွယ် သုံးသပ်ချက်များ ရရှိခဲ့သည်။

ကိုးကား[ပြင်ဆင်ရန်]

  1. Harry Potter and the Prisoner of Azkaban by J.K. Rowling (Book 3)။ about.com။ Archived from the original on 11 May 2013။ 23 July 2013 တွင် ပြန်စစ်ပြီး။
  2. The Harry Potter Books။ Pottermore။ 23 July 2013 တွင် ပြန်စစ်ပြီး။
  3. Rogers၊ Simon။ "The top 100 bestselling books of all time: how does Fifty Shades of Grey compare?"၊ The Guardian၊ 9 August 2012။ 19 July 2013 တွင် ပြန်စစ်ပြီး 
  4. "Review: Another harrowing adventure for Harry"၊ Atlanta Journal-Constitution။ 23 July 2013 တွင် ပြန်စစ်ပြီး 
  5. "Longing for the clock to strike 12"၊ The Telegraph၊ 2 May 2003။ 20 July 2013 တွင် ပြန်စစ်ပြီး