ရောင်နီလာရာလမ်း

ရောင်နီလာရာလမ်း
အခြေခံအချက်အလက်
ဒါရိုက်တာ	ကိုပေါက်
စာရေးသူ	ကိုပေါက်
ထုတ်လုပ်ရေး ကုမ္ပဏီ	သော်ဝန်းကြာဖြူ ထုတ်လုပ်ရေး
ကြာမြင့်ချိန်	၁၀၅ မိနစ်
နိုင်ငံ	မြန်မာ
ဘာသာစကား	မြန်မာ
အမျိုးအစားခွဲခြင်းနှင့် ဖြန့်ဖြူးခြင်း
ဖြန့်ချိသည့်နေ့	ဖေဖော်ဝါရီ ၄၊ ၂၀၂၃ (၂၀၂၃-၀၂-၀၄) (ဂျပန်)

ရောင်နီလာရာလမ်း (အင်္ဂလိပ်: Rays of Hope) သည် ဒါရိုက်တာ ကိုပေါက် ရိုက်ကူးသော ၂၀၂၃ ခုနှစ်ထွက် မြန်မာ အတ္ထုပ္ပတ္တိမှတ်တမ်းတင် ရုပ်ရှင်ကားဖြစ်သည်။ မြန်မာပြည်တွင်းစစ်ကာလအတွင်း ဒါရိုက်တာကိုပေါက်၏ အနုပညာသမားဘဝမှ တော်လှန်ရေးသမားဘဝသို့ ပြောင်းလဲလာခြင်းကို ရိုက်ကူးတင်ဆက်ထားသည်။

ရုပ်ရှင်ဇာတ်ကားကို ဂျပန်နိုင်ငံတွင် ၂၀၂၃ ခုနှစ် ဖေဖော်ဝါရီလ ၄ ရက်နေ့က ပြသခဲ့သည်။

ထုတ်လုပ်ရေး

ရောင်နီလာရာလမ်း ကို ရုပ်ရှင်ထုတ်လုပ်သူ၊ သရုပ်ဖော်နှင့် ဂီတသမားတစ်ဦးဖြစ်သော ကိုပေါက် က မသောက်မိသော မိုးခါးရေ မှတ်တမ်းတင်ဇာတ်လမ်းတိုရိုက်ကူးပြီးနောက်တွင် ရိုက်ကူးခဲ့သည်။ ဤရုပ်ရှင်ဇာတ်ကားဖြင့် မြန်မာ့နွေဦးတော်လှန်ရေးအတွက် ရန်ပုံငွေရရှိရန် ဒါရိုက်တာကိုပေါက်က ရည်ရွယ်သည်။

ဖြန့်ချိခြင်း

ရောင်နီလာရာလမ်း ကို ၂၀၂၃ ခုနှစ် ဖေဖော်ဝါရီလ ၄ ရက်နေ့က ဂျပန်နိုင်ငံ၊ တိုကျိုမြို့ရှိ ရုပ်ရှင်ရုံတစ်ရုံတွင် စတင်ပြသခဲ့သည်။ NHK သတင်းဌာနက "အဖိုးမဖြတ်နိုင်သော ရုပ်ရှင်ဖြစ်ပြီး ကမ္ဘာ့သမိုင်းတွင် မှတ်တမ်းတင်ထိန်းသိမ်းထားသင့်သည်" ဟု မှတ်ချက်ပြုခဲ့သည်။ ဖေဖော်ဝါရီလ ၁၈ ရက်နေ့တွင် အမေရိကန်နိုင်ငံ၊ အင်ဒီယာနာပိုလစ်မြို့တွင် ဆက်လက်ပြသခဲ့ရာ အမျိုးသားညီညွတ်ရေးအစိုးရ နိုင်ငံခြားရေးဝန်ကြီး ဒေါ်ဇင်မာအောင်နှင့် ဒုတိယဝန်ကြီး ဦးမိုးဇော်ဦးတို့ တက်ရောက်ခဲ့သည်။ ဩစတြေးလျနိုင်ငံ ပါတ်မြို့တွင် မတ်လ ၁၁ ရက်နေ့က ပြသခဲ့သည်။

ဆက်စပ်ဖတ်ရှုရန်

• မြန်မာဒိုင်ယာရီ - ၂၀၂၁ မြန်မာနိုင်ငံစစ်အာဏာသိမ်းခြင်း၏ နောက်ပိုင်းဖြစ်စဉ်များအကြောင်း ၂၀၂၂ ရုပ်ရှင်
• ကျိုးပဲ့အိပ်မက်များ - ၂၀၂၃ မြန်မာကဗျာရုပ်ရှင်