မျိုးသန့်ဖေ
H.E. မျိုးသန့်ဖေ | |
|---|---|
| တရုတ်နိုင်ငံ ဆိုင်ရာမြန်မာသံအမတ်ကြီး | |
| တာဝန်သက်တမ်း ၂ဩဂုတ်၂၀၁၉ – ၇ ဩဂုတ် ၂၀၂၂ | |
| ယခင်လူ | သစ်လင်းအုန်း[၁] |
| ဆက်ခံသူ | တင်မောင်ဆွေ[၂] |
| မြောက်ကိုရီးယားနိုင်ငံဆိုင်ရာသံအမတ်ကြီး | |
| တာဝန်သက်တမ်း ၈ ဇန်နဝါရီ ၂၀၂၁ – ၇ဩဂုတ်၂၀၂၂ | |
| ယခင်လူ | သစ်လင်းအုန်း |
| ဆက်ခံသူ | တင်မောင်ဆွေ |
| ညွှန်ကြားရေးမှူးချုပ် ကောင်စစ်ရေးရာနှင့်ဥပဒေရေးရာဦးစီးဌာန နိုင်ငံခြားရေး ဝန်ကြီးဌာန | |
| တာဝန်သက်တမ်း ၄ ဒီဇင်ဘာ ၂၀၁၇ – ၂ ဩဂုတ် ၂၀၂၂ | |
| ဆက်ခံသူ | အောင်ကျော်ဇံ[၃] |
| ကိုယ်ရေး အချက်အလက်များ | |
| မွေးဖွား | ၁၉၆၃ ရန်ကုန် |
| ကွယ်လွန် | ၇ ဩဂုတ် ၂၀၂၂ တရုတ်နိုင်ငံ၊ကူမင်းမြို့ |
| လူမျိုး | မြန်မာ |
| ကျွမ်းကျင်မှု | သံတမန် |
ဦးမျိုးသန့်ဖေ(၁၉၆၃-၂၀၂၂) သည် မြန်မာလူမျိုး သံအမတ်တစ်ဦးဖြစ်သည်။ တရုတ်ပြည်သူ့သမ္မတနိုင်ငံဆိုင်ရာ အထူးအာဏာကုန်လွှဲအပ်ခြင်းခံရသည့် မြန်မာသံအမတ်ကြီးအဖြစ်တာဝန်ထမ်းဆောင်ရင်း ရုတ်တရက်ကွယ်လွန်ခဲ့သူဖြစ်သည်။[၄]
ဝန်ထမ်းဘဝ
[ပြင်ဆင်ရန်]ဦးမျိုးသန့်ဖေသည် နိုင်ငံခြားရေးဝန်ကြီးဌာနတွင် တာဝန်အဆင့်ဆင့် ထမ်းဆောင်ရင်း ကောင်စစ်ရေးရာနှင့်ဥပဒေရေးရာဦးစီးဌာန ညွှန်ကြားရေးမှူးချုပ်အဖြစ် ခန့်အပ်ခြင်းခံရသည်။[၅]ယင်းနောက် တရုတ်နိုင်ငံဆိုင်ရာသံအမတ်ကြီးအဖြစ်လည်းကောင်း၊မြောက်ကိုရီးယားနိုင်ငံဆိုင်ရာသံအမတ်ကြီးအဖြစ်လည်းကောင်း တာဝန်များ အသီးသီးပေးအပ်ခံရသည်။[၆]
သံအမတ်ကြီးဘဝ
[ပြင်ဆင်ရန်]ဦးမျိုးသန့်ဖေသည် ၂၀၁၉ ဩဂုတ် ၂ရက်တွင် တရုတ်ပြည်သူ့သမ္မတနိုင်ငံ သံအမတ်ကြီးအဖြစ် နိုင်ငံတော်သမ္မတဦးဝင်းမြင့်၏ တာဝန်ပေးအပ်ခြင်းကို ခံရသည်။[၇] ၂၀၁၉ ခုနှစ် နိုဝင်ဘာ ၂၂ရက်တွင် တရုတ်ပြည်သူ့သမ္မတနိုင်ငံ သမ္မတမစ္စတာရှီကျင့်ဖျင် ထံ သံအမတ်ခန့်အပ်လွှာပေးကာ တရားဝင်တာဝန်ထမ်းဆောင်သည်။[၈]၂၀၂၁ ခုနှစ် ဇန်နဝါရီ ၈ရက်တွင် တရုတ်ပြည်သူ့သမ္မတနိုင်ငံဆိုင်ရာ အထူးအာဏာကုန်လွှဲအပ်ခြင်းခံရသော ပြည်ထောင်စုသမ္မတမြန်မာနိုင်ငံတော်၏ သံအမတ်ကြီးတာဝန်အပြင် ကိုရီးယားဒီမိုကရက်တစ်ပြည်သူ့သမ္မတနိုင်ငံဆိုင်ရာ အထူးအာဏာကုန်လွှဲအပ်ခြင်းခံရသော ပြည်ထောင်စုသမ္မတမြန်မာနိုင်ငံတော် သံအမတ်ကြီးအဖြစ် နိုင်ငံတော်သမ္မတဦးဝင်းမြင့်က ၎င်းကို ပူးတွဲခန့်အပ်သည်။
ဘဝနိဂုံး
[ပြင်ဆင်ရန်]၂၀၂၂ ဩဂုတ် ၇ ရက် ဒေသစံတော်ချိန် ၁၂နာရီခွဲအချိန်တွင် နှလုံးရောဂါဖြင့် တရုတ်နိုင်ငံ ကူမင်းမြို့တွင် ရုတ်တရက်ကွယ်လွန်ခဲ့သည်။[၉] ၎င်းသည် ထိုရက်မတိုင်ခင် ဩဂုတ်လ ၆ရက်က ယူနန်ပြည်နယ်မှ ဒေသခံတာဝန်ရှိသူများနှင့် တွေ့ဆုံခဲ့သေးသည်။ရုပ်အလောင်းကို မြန်မာနိုင်ငံသို့ ပြန်သယ်ခဲ့ပြီး ၂၀၂၂ခုနှစ် ဩဂုတ်လ ၁၂ရက်တွင် ရန်ကုန်မြို့ ရေဝေးသုဿန်တွင် ဂူသွင်းသင်္ဂြိုဟ်သည်။
ပုဂ္ဂိုလ်ရေးဘဝ
[ပြင်ဆင်ရန်]၁၉၆၃ ခုနှစ်တွင် အဖဦးစိန်ဖေ၊အမိဒေါ်တင်တင်နွယ် တို့က ရန်ကုန်မြို့အင်းစိန်မြို့နယ် တွင် မွေးဖွားခဲ့သည်။မွေးချင်း(၅)ဦးအနက် အငယ်ဆုံးသားဖြစ်သည်။အိမ်ထောင်မရှိ လူပျိုကြီးဖြစ်သည်။
ကိုးကား
[ပြင်ဆင်ရန်]- ↑ “ခေတ်သစ် ပိုးလမ်းမကြီး” စီမံကိန်း သည် လမ်းကြောင်း တစ်လျှောက်ရှိ နိုင်ငံများကို အကျိုးပြု သွားနိုင်မည် ဖြစ်ကြောင်း မြန်မာ သံအမတ်ကြီး ပြောကြား။ ဆင်ဟွာသတင်း (၁၂အောက်တိုဘာ၂၀၁၈)။ ၁၈မတ်၂၀၂၃ တွင် ပြန်စစ်ပြီး။
- ↑ တရုတ်နိုင်ငံဆိုင်ရာ မြန်မာနိုင်ငံသံအမတ်အဖြစ် သံအမတ်ကြီး ဦးတင်မောင်ဆွေအား ခန့်အပ်။ Eleven Media Group (၁၂နိုဝင်ဘာ၂၀၂၂)။ ၁၈မတ်၂၀၂၃ တွင် ပြန်စစ်ပြီး။
- ↑ လုပ်ငန်းများအတွက် အရေးကြီးကိစ္စဖြင့် လာရောက်လိုသည့် တရုတ်နိုင်ငံသားများကို ပြည်ဝင်ခွင့်ပေးမည်။ Mizzima Burmese News (၉ဇူလိုင်၂၀၂၀)။ ၁၈မတ်၂၀၂၃ တွင် ပြန်စစ်ပြီး။
- ↑ တရုတ်နိုင်ငံဆိုင်ရာ မြန်မာသံအမတ်ကြီးကွယ်လွန်။ VOA Burmese (၈ဩဂုတ်၂၀၂၂)။ ၁၈မတ်၂၀၂၃ တွင် ပြန်စစ်ပြီး။
- ↑ ပြည်ထောင်စုမြန်မာနိုင်ငံတော်ပြန်တမ်း ဝန်ထမ်းအဖွဲ့အစည်းအကြီးအမှူးများ အတည်ပြုခန့်အပ်ခြင်း။ ၂၀၁၈ ဒီဇင်ဘာ၄ရက်နေ့ထုတ် ကြေးမုံသတင်းစာ စာမျက်နှာ၇ (၄ဒီဇင်ဘာ၂၀၁၈)။ ၁၈မတ်၂၀၂၃ တွင် ပြန်စစ်ပြီး။
- ↑ ဦးမျိုးသန့်ဖေအား ကိုရီးယားဒီမိုကရက်တစ်ပြည်သူ့သမ္မတနိုင်ငံဆိုင်ရာ မြန်မာသံအမတ်ကြီးအဖြစ် ပူးတွဲခန့်အပ်။ ကွန်ရက်ပေါက်ဖော် (၁၀ဇန်နဝါရီ၂၀၂၁)။ ၁၈မတ်၂၀၂၃ တွင် ပြန်စစ်ပြီး။[လင့်ခ်သေ]
- ↑ ဦးမျိုးသန့်ဖေအား တရုတ်ပြည်သူ့သမ္မတနိုင်ငံဆိုင်ရာ မြန်မာသံအမတ်ကြီးအဖြစ် ခန့်အပ်။ MYANMAR NATIONAL PORTAL (၂ဩဂုတ်၂၀၁၉)။ ၁၈မတ်၂၀၂၃ တွင် ပြန်စစ်ပြီး။
- ↑ သံအမတ်ကြီး ဦးမျိုးသန့်ဖေ တရုတ်ပြည်သူ့သမ္မတနိုင်ငံ သမ္မတထံ ခန့်အပ်လွှာပေးအပ်။ ကွန်ရက်ပေါက်ဖော် (၃၀နိုဝင်ဘာ၂၀၁၉)။ ၁၈မတ်၂၀၂၃ တွင် ပြန်စစ်ပြီး။[လင့်ခ်သေ]
- ↑ Myanmar ambassador to China died on Sunday။ Reuters (9August2022)။ 18March2023 တွင် ပြန်စစ်ပြီး။