ကူမင်းမြို့

ဝီကီပီးဒီးယား မှ

ကူမင်းမြို့သည် တရုတ်ပြည်သူ့သမ္မတနိုင်ငံယူနန်ပြည်နယ်၏ မြို့တော်ဖြစ်သည်။ တရုတ်ဘာသာအားဖြင့် 昆明 ဟုရေးသားပြီး အသံထွက်မှာ ခွန်းမင် ဟုဖြစ်သည်။ တစ်နှစ်ပတ်လုံး နွေဦးရာသီကဲ့သို့ သမမျှတသောကြောင့် "Spring City" သို့မဟုတ် "City of Eternal Spring" (春城 ချွန်းချင်) ဟု တင်စားခေါ်ဆိုကြသည်။ ကူမင်းမြို့သည် ယူနန်ပြည်နယ်၏ နိုင်ငံရေး၊ စီးပွားရေး၊ ဆက်သွယ်ရေးနှင့် ယဉ်ကျေးမှုတို့၏ ဗဟိုချက်လည်း ဖြစ်သည်။ ယူနန်ပြည်နယ်၏ စီးပွားရေးလုပ်ငန်းများအားလုံး၏ ရုံးချုပ်များ တည်ရာလည်း ဖြစ်သည်။

ဒုတိယကမ္ဘာစစ်ကြီးအတွင်းက တရုတ်စစ်တပ်၏ ဗဟိုချက်၊ အမေရိကန် လေတပ်၏ အခြေစိုက်စခန်းတည်ရာနှင့် မြန်မာပြည်သို့ အဓိက ဆက်သွယ်ရေး လမ်းကြောင်း၏ဗဟို ဖြစ်ခဲ့သည်။ ယူနန်-ကွမ်ကျိုး ကုန်းပြင်မြင့်ဒေသတွင် တည်ရှိပြီး အမြင့် ၁၉၀၀ မီတာတွင် တည်ရှိသည်။ နယ်ပယ်အကျယ်အဝန်းမှာ ၂၁,၅၀၁ စတုရန်းကီလိုမီတာ ရှိပြီး မြို့မဧရိယာမှာ ၆၂၀၀ စတုရန်း ကီလိုမီတာ ကျယ်ဝန်းသည်။ ပျမ်းမျှလူဦးရေ ၅,၇၄၀,၀၀၀ ခန့်ရှိပြီး မြို့ပြလူဦးရေမှာ ၃,၀၅၅,၀၀၀ ခန့် ရှိသည်။

ရှေးမြို့တော်ဟောင်းဖြစ်၍ အုတ်မြို့ရိုးရှိပြီး ၁၉၂၀ခုနှစ်မတိုင်မီအထိ Yunnanfu (云南府) ယွန်းနန်ဖူ ဟုခေါ်ဆိုခဲ့သည်။ အဓိပ္ပာယ်မှာ ယူနန်ပြည်နယ်၏ မြို့တော်ဟူ၍ပင် ဖြစ်သည်။ တရုတ်ပြည် အနောက်တောင်ပိုင်း၏ ကုန်းလမ်း၊ရေလမ်း၊လေလမ်းကြောင်းဗဟိုလည်း ဖြစ်သည်။ ဗီယက်နမ်၊ မြန်မာနှင့် လာအိုတို့သို့ မီးရထားလမ်းဆက်သွယ်ထားသည်။ တရုတ်ပြည်၏ စတုတ္ထ အကြီးဆုံး လေဆိပ်ကြီးကိုလည်း တည်ဆောက်အကောင်အထည်ဖော်လျက်ရှိသည်။

အရှေ့မြောက်ဘက် ကီလိုမီတာ ၆၄၀ခန့်အကွာတွင် ချုံချင့်မြို့ ရှိပြီး တရုတ်ပြည်၏အကြီးမားဆုံးသော ကြေးသတ္တုမိုင်းသည် ကူမင်းတွင် တည်ရှိသည်။ ကျောက်မီးသွေး ထွက်သည်။ သံသတ္တုအနည်းငယ်ထွက်ပြီး ဓာတုပစ္စည်းများ၊ စက်ကိရိယာများ၊ ချည်မျှင်နှင့် အထည်များ၊ စက္ကူနှင့် ဘိလပ်မြေတို့ အဓိကထုတ်လုပ်သည်။ ဗီယက်နမ်သို့ မီးရထားလမ်းကို ၁၉၁၀ခုနှစ်ကတည်းကပင် ဖောက်လုပ်ခဲ့သည်။ ခရီးသွားလုပ်ငန်းဖွံ့ဖြိုးသော မြို့တစ်မြို့ဖြစ်ပြီး ခေတ်မီ အဆင့်မြင့်ဟော်တယ်ကြီးများ အမြောက်အမြားရှိသည်။ ၂၀၁၀ခုနှစ်တွင် လူဦးရေ ၈သန်းခန့်ရှိလာမည်ဟု ခန့်မှန်းထားပြီး အရှေ့တောင်အာရှဒေသ၏ စီးပွားရေး၊ သယ်ယူပို့ဆောင်ရေး၊ ကုန်သွယ်ရေးနှင့် ယဉ်ကျေးမှု ဗဟိုချက်ဖြစ်လာရန် ကြိုးပမ်းလျက်ရှိသည်။

သမိုင်းကြောင်း[ပြင်ဆင်ရန်]

ပထဝီဝင်အနေအထားနှင့်ရာသီဥတု[ပြင်ဆင်ရန်]

ကူမင်းမြို့သည် အမြင့်ပေ ၅၀၀၀ခန့်တွင်တည်ရှိသဖြင့် ရာသီဥတုမျှတသည်။ အနောက်ဘက်တွင်တျန်းချီရေကန်တည်ရှိသည်။ အနီးပတ်ဝန်းကျင်တွင် တောင်များရှိသည်။

အုပ်ချုပ်ရေး[ပြင်ဆင်ရန်]


စီးပွားရေး[ပြင်ဆင်ရန်]


လူဦးရေနှင့်လူမျိုးများ[ပြင်ဆင်ရန်]


ယဉ်ကျေးမှု[ပြင်ဆင်ရန်]


ခရီးသွားလုပ်ငန်း[ပြင်ဆင်ရန်]

ကူမင်းမြို့အနီးတွင် ၁၉၉၉ ကမ္ဘာ့ပန်းပြပွဲပြုလုပ်ခဲ့ရာနေရာတွင် ပန်းခြံပြုလုပ်ထားပြီးနိုင်ငံတကာမှပြခန်းများ၊ အရောင်းဆိုင်များဆက်လက်ထားရှိသည်။ မြို့အပြင်ဘက် ကီလိုမီတာ ၄၀ ခန့်အကွာတွင် ကျောက်ဆောင်တော(Stone forest)ရှိပြီးခရီးသွားလုပ်ငန်းထွန်းကားသည်။

ကျောက်တုံးဥယာဉ်အဝင်ဝ
တျန်းချီရေကန်

သယ်ယူပို့ဆောင်ရေးလုပ်ငန်း[ပြင်ဆင်ရန်]


ကူမင်းမှ နိုင်ငံအလယ်ပိုင်းကွေ့ယန်-ချန်ဆားမြို့များသို့လည်းကောင်း၊ ယင်းမှတဆင့် မြောက်ပိုင်းပေကျင်းမြို့များသို့လည်းကောင်း၊ ၊ နန်နင်း၊ ကွမ်ကျိုးမြို့များသို့လည်းကောင်းမီးရထားလမ်းရှိသည်။ ယခုအခါအဆိုပါလမ်းများကို ကျည်ဆန်ရထားလမ်းများအဖြစ်ပြောင်းလဲရန်ကြိုးပမ်းလျက်ရှိသည်။ ကူမင်းမြို့ပတ်မြေအောက်ရထားလမ်းကိုလည်းအကောင်အထည်ဖော်လျက်ရှိသည်။ လေကြောင်းလမ်းအနေဖြင့် ကူမင်းမြို့တွင် အပြည်ပြည်ဆိုင်ရာလေဆိပ်ရှိပြီး နိုင်ငံအများအပြားသို့လေကြောင်းဆက်သွယ်ရေးရှိသည်။

ခရီးသွားလုပ်ငန်း[ပြင်ဆင်ရန်]


ကျမ်းကိုး[ပြင်ဆင်ရန်]