မီ (ရုပ်ရှင်)

မီ
အခြေခံအချက်အလက်
ဒါရိုက်တာ	ဏကြီး
ထုတ်လုပ်သူ	ဗစ်တိုရီးယား ရုပ်ရှင် ထုတ်လုပ်ရေး
စာရေးသူ	ကြည်အေး
ဇာတ်ညွှန်း	ဏကြီး
အခြေခံထားသည်မှာ	ကြည်အေး ၏ မီ
သရုပ်ဆောင်	ပိုင်ဖြိုးသု နေတိုး ရဲအောင် မင်းဦး သားညီ အောင်ရဲထိုက်
တည်းဖြတ်	ညဏ်၀င့်
နိုင်ငံ	မြန်မာ
ဘာသာစကား	မြန်မာဘာသာ ၊ အင်္ဂလိပ်ဘာသာ
အမျိုးအစားခွဲခြင်းနှင့် ဖြန့်ဖြူးခြင်း
ဖြန့်ချိသည့်နေ့	၉ နိုဝင်ဘာ ၂၀၁၈ (မြန်မာနိုင်ငံ)

မီ ရုပ်ရှင်ဇာတ်ကားသည် ဒါရိုက်တာ ဏကြီး ရိုက်ကူးပြီး ဗစ်တိုရီးယား ရုပ်ရှင်ထုတ်လုပ်ရေး မှ ဖြန့်ချိသည့် ရုပ်ရှင်ဇာတ်ကားတစ်ခု ဖြစ်သည်။ စာရေးဆရာမကြီး ကြည်အေး၏ မီ ဝတ္ထုကို ပြန်လည်ရိုက်ကူးထားသည့် ဇာတ်ကားဖြစ်ကာ ပိုင်ဖြိုးသု၊ နေတိုး၊ ရဲအောင်၊ မင်းဦး၊ သားညီ၊ အောင်ရဲထိုက်တို့ ပါဝင်သရုပ်ဆောင်ထားသည်။ ၂၀၁၈ ခုနှစ်၊ နိုဝင်ဘာတွင် ရုံတင်ပြသခဲ့သည်။

ရိုက်ကူးရေး

မီ ဝတ္ထုကို ပိုင်ဖြိုးသုက ဝယ်ယူခဲ့ကာ သူမ၏ ဗစ်တိုရီးယားရုပ်ရှင် ထုတ်လုပ်ရေးမှ စီစဉ်ရိုက်ကူးခြင်း ဖြစ်ပြီး ဗစ်တိုရီးယားရုပ်ရှင်ထုတ်လုပ်ရေး၏ ဒုတိယမြောက် ရုပ်ရှင်ဇာတ်ကားကြီးဖြစ်သည်။ ရိုက်ကူးရေးကို ၂၀၁၇ ခုနှစ်၊ ဒီဇင်ဘာလလယ်တွင် စတင်ခဲ့သည်။

အဓိက ဇာတ်ကောင်များ

• မီ အဖြစ် ပိုင်ဖြိုးသု
• သော်ဆွေ အဖြစ် နေတိုး
• မောင်ကိုလေး အဖြစ် အောင်ရဲထိုက်
• ဦးတင်မောင် အဖြစ် မင်းဦး
• ဦးဘချစ် အဖြစ် ရဲအောင်
• ရွှေဓားမြှောင် အဖြစ် သားညီ

ဝေဖန်မှုများ

ကျန်းမာရေးသံတမန်အဖြစ် ခန့်အပ်ခံထားရသော ပိုင်ဖြိုးသုက မီရုပ်ရှင်ဇာတ်ကားတွင် ဆေးလိပ်သောက်သည့်ပုံဖြင့် သရုပ်ဆောင်ထားသလို ရုပ်ရှင်ပိုစတာတွင်လည်း ဆေးလိပ်သောက်နေသောပုံကြောင့် လူမှုကွန်ယက်တွင် ဝေဖန်မှုများ ရှိခဲ့သည်။ ထို့ကြောင့် ရန်ကုန်မြို့ရှိ တိုင်းကျန်းမာရေးဦးစီးဌာနရုံးတွင် စာနယ်ဇင်းရှင်းလင်းပွဲကို နိုဝင်ဘာ ၁၃ ရက်နေ့က ပြုလုပ်ခဲ့သည်။

ပြင်ပလင့်ခ်များ

• ဖေ့စ်ဘွတ်ခ် ပေါ်ရှိ မီ