တရုတ်သမ္မတနိုင်ငံ၏ အမျိုးသားနေ့
| တရုတ်သမ္မတနိုင်ငံအမျိုးသားနေ့ ထိုင်ဝမ်အမျိုးသားနေ့ | |
|---|---|
 အားလပ်ရက်အတွင်း တွေ့ရလေ့ရှိသော 十 ('တစ်ဆယ်') စာလုံးနှစ်လုံးပေါင်းစည်းထားပုံ | |
| အခြားနာမည် | ၁၀-၁၀ နေ့၊ ရှန်ဟိုက်တော်လှန်ရေး နှစ်ပတ်လည်နေ့ |
| ကျင်းပသည့်နိုင်ငံ |  ထိုင်ဝမ် (အမျိုးသားနေ့) တရုတ် (ရှန်ဟိုက်တော်လှန်ရေး နှစ်ပတ်လည်နေ့) |
| အမျိုးအစား | သမိုင်း၊ ယဉ်ကျေးမှု၊ အမျိုးသားရေး |
| ပွဲတော်များ | ပွဲတော်များ |
| နေ့ရက် | ၁၀ အောက်တိုဘာ |
| အကြိမ် | နှစ်စဉ် |
| တရုတ်သမ္မတနိုင်ငံ၏ အမျိုးသားနေ့ | |||||||||||||
| ရိုးရာ တရုတ် | 國慶日[၁] | ||||||||||||
|---|---|---|---|---|---|---|---|---|---|---|---|---|---|
| ရိုးရှင်းသော တရုတ် | 国庆日 | ||||||||||||
| |||||||||||||
| ၁၀-၁၀ နေ့[၂] | |||||||||||||
| ရိုးရာ တရုတ် | 雙十節 | ||||||||||||
| ရိုးရှင်းသော တရုတ် | 双十节 | ||||||||||||
| |||||||||||||
တရုတ်သမ္မတနိုင်ငံအမျိုးသားနေ့ သို့မဟုတ် ထိုင်ဝမ်အမျိုးသားနေ့[၃]သည် တရုတ်သမ္မတနိုင်ငံ (ထိုင်ဝမ်) တွင် နှစ်စဉ် အောက်တိုဘာလ ၁၀ ရက်နေ့တွင်ကျင်းပသော နေ့ထူးတစ်နေ့ဖြစ်ပြီး ၁၀-၁၀ နေ့ (Double Ten Day သို့မဟုတ် Double Tenth Day) ဟူ၍လည်းခေါ်ဆိုကြသည်။ ထိုနေ့သည် ၁၉၁၁ အောက်တိုဘာ ၁၀ ရက်နေ့၌ဖြစ်ပွားခဲ့သော ဝူချန်းအရေးတော်ပုံမှသည် နောက်ဆုံး၌ ချင်းမင်းဆက်ပြိုကွဲကာ တရုတ်ပြည်ကို သမ္မတနိုင်ငံအဖြစ် ၁၉၁၂ ခုနှစ် ဇန်နဝါရီလ ၁ ရက်နေ့တွင် တည်ထောင်နိုင်ခဲ့ခြင်း၏ အထိမ်းအမှတ်ဖြစ်သည်။[၄]
၁၉၄၉ ခုနှစ်မတိုင်မီ တရုတ်ပြည်မကြီး၌ အမျိုးသားနေ့ကို သမ္မတနိုင်ငံခေတ်ကာလတစ်လျှောက် ကျင်းပခဲ့သည်။ တရုတ်ပြည်တွင်းစစ်အပြီး ၁၉၄၉ တွင် တရုတ်သမ္မတနိုင်ငံအစိုးရသည် ထိုင်ဝမ်ကျွန်းသို့ တိမ်းရှောင်ခဲ့ရသည်။ ယခုအခါထိုအမျိုးသားနေ့ကို တရုတ်သမ္မတနိုင်ငံ၏ ထိန်းချုပ်နယ်မြေအားလုံးတွင် အဓိကကျင်းပလေ့ရှိသော်လည်း နိုင်ငံရပ်ခြားရှိ တရုတ်အသိုင်းအဝိုင်းများစွာမှလည်း ကျင်းပလေ့ရှိသည်။ စစ်နိုင်ကွန်မြူနစ်များ တည်ထောင်ခဲ့သော တရုတ်ပြည်သူ့သမ္မတနိုင်ငံတွင်မူ ထိုနေ့ကို ရှန်ဟိုက်တော်လှန်ရေး နှစ်ပတ်လည်နေ့အဖြစ် ဆက်လက်သတ်မှတ်ထားသော်လည်း အများပြည်သူရုံးပိတ်ရက်အဖြစ် မသတ်မှတ်ထားပေ။
ထိုင်ဝမ်၌ကျင်းပခြင်း[ပြင်ဆင်ရန်]
တရုတ်သမ္မတနိုင်ငံ တည်ထောင်စဉ်က ထိုင်ဝမ်နှင့် ပန်ဂူးကျွန်းတို့သည် ၁၈၉၅ ခုနှစ်ကတည်းက ဂျပန်လက်အောက်သို့ ကျရောက်ခဲ့သည်။ ဒုတိယကမ္ဘာစစ်အပြီး ဂျပန်အင်ပါယာက လက်နက်ချပြီးနောက် ၁၉၄၅ ခုနှစ်တွင် ထိုကျွန်းများကို တရုတ်သမ္မတနိုင်ငံသို့ ပြန်လည်အပ်နှင်းခဲ့သည်။
အမျိုးသားနေ့ဂုဏ်ပြုပွဲကို သမ္မတရုံးအဆောက်အဦရှေ့၌ တရုတ်သမ္မတနိုင်ငံတော်အလံလွှင့်တင်၍ တရုတ်သမ္မတနိုင်ငံ၏ နိုင်ငံတော်သီချင်းသီဆိုခြင်းဖြင့် စတင်သည်။ ထို့နောက် နိုင်ငံတော်သမ္မတရုံး အဆောက်အအုံရှေ့၌ ပွဲတော်များကျင်းပသည့်အပြင် တစ်ခါတစ်ရံ စစ်ရေးပြအခမ်းအနားများလည်း ပြုလုပ်သည်။ ပွဲတော်များတွင် ခြင်္သေ့အကအဖွဲ့များနှင့် ဗုံအဖွဲ့များကဲ့သို့သော တရုတ်ရိုးရာ သို့မဟုတ် ထိုင်ဝမ်ယဉ်ကျေးမှု၏ အသွင်အပြင်များစွာပါဝင်ပြီး မကြာသေးမီကနှစ်များတွင် ထိုင်ဝမ်ကျွန်း ဌာနေတိုင်းရင်းသားများ၏ ယဉ်ကျေးမှုအသွင်အပြင်များ ခင်းကျင်းပြသမှုများကို ပေါင်းစပ်ထည့်သွင်းလာသည်။ နောက်နေ့၌ နိုင်ငံတော်သမ္မတက အမျိုးသားနေ့မိန့်ခွန်းပြောကြား၍ ထိုင်ဝမ်ရှိမြို့ကြီးများ၌ မီးရှူးမီးပန်းပွဲများ ပြုလုပ်ကြသည်။ ၂၀၀၉ ခုနှစ်တွင် အစိုးရမှ ကမကထပြုသည့် အမျိုးသားနေ့အတွက် ပွဲတော်များအားလုံးကို ဖျက်သိမ်းခဲ့ပြီး ပွဲတော်များအတွက် ရည်ရွယ်ထားသောငွေ (ထိုင်ဝမ်ဒေါ်လာသစ် ၇၀ မီလီယံ) ကို တိုင်ဖွန်း မိုရာကော့ကြောင့် ပျက်စီးဆုံးရှုံးမှုများကို ပြန်လည်တည်ဆောက်ရန်အတွက် အသုံးပြုခဲ့သည်။
စစ်ရေးပြအခမ်းအနား[ပြင်ဆင်ရန်]
ဗိုလ်ရှုခံအခမ်းအနားအတွက် တရုတ်သမ္မတနိုင်ငံ တပ်မတော်ကိုအသုံးပြုသည်။ ထိုအခမ်းအနားများ၌ တပ်သားများသည် စစ်ကြောင်းများဖြင့် သမ္မတရုံးအဆောက်အဦရှိ ဗိုလ်ရှုခံသဘင်သို့ ချီတက်ကြသည်။ ပုံမှန်အားဖြင့်နိုင်ငံခြားမှ သံအမတ်များ၊ စစ်ဘက်အရာရှိများနှင့် အခြားကိုယ်စားလှယ်များကို အခမ်းအနားတက်ရောက်ရန် ဖိတ်ကြားလေ့ရှိသည်။ နိုင်ငံတော်သီချင်းတီးမှုတ်ပြီး၍ သေနတ် ၂၁ ချက်ဖြင့် ပစ်ခတ်အလေးပြုပြီးနောက် အခမ်းအနားမှူးဖြစ်သူ တပ်မတော်၏တပ်ဖွဲ့ခွဲတစ်ခုခုမှ အရာရှိတစ်ဦးသည် အထူးတန်းရှေ့သို့ သွားရောက်၍ နိုင်ငံတော်သမ္မတထံမှ ချီတက်ပွဲစတင်ရန် ခွင့်ပြုချက်ရယူရသည်။ ချီတက်ပွဲအပြီး စုရပ်သို့ပြန်လာသောအခါ နိုင်ငံတော်သမ္မတက အမျိုးသားနေ့မိန့်ခွန်းပြောကြားခြင်းဖြင့် အခမ်းအနားကိုပြီးဆုံးစေသည်။ ထိုင်ဝမ်ကျွန်း၌ ပထမဆုံးစစ်ရေးပြအခမ်းအနားကို ၁၉၄၉ အောက်တိုဘာ ၁၀ ရက်၌ ကျင်းပခဲ့သည်။
ကိုးကား[ပြင်ဆင်ရန်]
- ↑ 紀念日及節日實施辦法 (Jìniànrì jí jiérì shíshī bànfǎ)
- ↑ 國民中小學九年一貫語文科課程綱要英語科 (Guómín zhōng xiǎoxué jiǔ nián yīguàn yǔwén kē kèchéng gāngyào yīngyǔ kē), p149, 22
- ↑ 中華民國2021國慶။ 10 October 2021 တွင် မူရင်းအား မော်ကွန်းတင်ပြီး။ 12 January 2022 တွင် ပြန်စစ်ပြီး။
- ↑ Atwill၊ David; Atwill၊ Yurong (2021)။ Sources in Chinese History: Diverse Perspectives from 1644 to the Present။ ISBN 9780429560347။
ပြင်ပလင့်ခ်များ[ပြင်ဆင်ရန်]
Wikimedia Commons ရှိ National Day of the Republic of China နှင့်ပတ်သက်သော မီဒီယာများ- Republic of China Centenary Foundation Archived 13 March 2012 at the Wayback Machine. (in တရုတ်)
