အောင်မျိုးမြင့်
H.E. အောင်မျိုးမြင့် | |
|---|---|
| အာဆီယံဆိုင်ရာ မြန်မာအမြဲတမ်းကိုယ်စားလှယ် | |
တာဝန်ထမ်းဆောင်ဆဲ | |
| တာဝန် စတင် ၁၃ မတ် ၂၀၂၀ | |
| ယခင်လူ | ဦးမင်းလွင် [၁] |
| မဟာဗျူဟာလေ့လာရေးနှင့်လေ့ကျင့်ရေးဦးစီးဌာန ညွှန်ကြားရေးမှူးချုပ် နိုင်ငံခြားရေး ဝန်ကြီးဌာန | |
| တာဝန်သက်တမ်း ၂၀၁၉ – ၂၀၂၀ | |
| ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် (ဂျီနီဗာမြို့) | |
| တာဝန်သက်တမ်း ၂၀၁၈ – ၂၀၁၉ | |
| ကိုယ်ရေး အချက်အလက်များ | |
| မွေးဖွား | ၂၆ ဇူလိုင်၊ ၁၉၆၄ ဧရာဝတီတိုင်းဒေသကြီး၊ ဇလွန်မြို့နယ် |
| လူမျိုး | မြန်မာ |
| မိခင်ကျောင်း | ရန်ကုန်တက္ကသိုလ် |
| ကျွမ်းကျင်မှု | သံတမန် |
ဦးအောင်မျိုးမြင့်(၂၆ ဇွန် ၁၉၆၄ ဖွား) သည် လက်ရှိတွင် ပြည်ထောင်စုသမ္မတမြန်မာနိုင်ငံတော်၏ အာဆီယံဆိုင်ရာအမြဲတမ်းကိုယ်စားလှယ် အဖြစ်တာဝန်ထမ်းဆောင်နေသူ ဖြစ်သည်။[၂] ၎င်းသည် ထိုရာထူးနေရာတွင် မခန့်အပ်ခံရမှီ နိုင်ငံခြားရေးဝန်ကြီးဌာန မဟာဗျူဟာလေ့လာရေးနှင့်လေ့ကျင့်ရေးဦးစီးဌာန၏ ညွှန်ကြားရေးမှူးချုပ်ဖြစ်သည်။
ငယ်ဘဝနှင့်ပညာရေး
[ပြင်ဆင်ရန်]ဧရာဝတီတိုင်းဒေသကြီး ဇလွန်မြို့နယ်တွင် မွေးဖွားခဲ့သည်။ငယ်စဉ်က ဇလွန်မြို့နယ်တွင်ပင် ပညာသင်ကြားသည်။ယင်းနောက် ရန်ကုန်တက္ကသိုလ်တွင် ပညာဆက်လက် ဆည်းပူးသည်။ ၁၉၈၄ ခုနှစ်တွင် အင်္ဂလိပ်စာဘာသာအထူးပြုဖြင့် ဘွဲ့ရရှိသည်။ ဂျပန်နိုင်ငံ Tsubuka တက္ကသိုလ်မှ နေ၍လည်း အရှေ့တောင်အာရှလေ့လာမှုဆိုင်ရာမစ္စတာဘွဲ့အား ၂၀၀၅ခုနှစ်တွင် ရရှိထားသည်။
ဝန်ထမ်းဘဝ
[ပြင်ဆင်ရန်]ဦးအောင်မျိုးမြင့်သည် ၁၉၈၆ ခုနှစ်ကစပြီး မြန်မာနိုင်ငံ နိုင်ငံခြားရေးဝန်ကြီးဌာနတွင် သံတမန်အဖြစ် စတင်လုပ်ကိုင်ခြင်းဖြင့် ဝန်ထမ်းဘဝကို စတင်သည်။
တာဝန်ထမ်းဆောင်ခဲ့မှုများ
[ပြင်ဆင်ရန်]၁၉၉၁ - ၉၃ ကာလ၌ အိန္ဒိယနိုင်ငံ နယူးဒေလီ ရှိ မြန်မာသံရုံးတွင် တတိယအတွင်းဝန်အဖြစ် အမှုထမ်းသည်။
၁၉၉၃ - ၂၀၀၃ အချိန်များကို နီပေါနိုင်ငံ ခတ္တမန္ဒူရှိ မြန်မာသံရုံးတွင် ဒုတိယအတွင်းဝန်နှင့် ပထမအတွင်းဝန်အဖြစ် တာဝန်ယူသည်။
၂၀၀၅ - ၂၀၀၈ အတွင်း တရုတ်နိုင်ငံ ပေကျင်းရှိ မြန်မာသံရုံးတွင် ပထမအတွင်းဝန်နှင့် ကောင်စစ်ဝန်အဖြစ် လုပ်ကိုင်သည်။
၂၀၁၁-၂၀၁၃ တွင် ဘရာဇီးရှိ မြန်မာသံရုံးတွင် ကောင်စစ်ဝန်နှင့်သံရုံးတာဝန်ခံအဖြစ် ဆောင်ရွက်သည်။
၂၀၁၈-၂၀၁၉ တွင် ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ်(ဂျီနီဗာမြို့) အဖြစ် တာဝန်ပေးခံရသည်။
ထိုသို့တာဝန်ထမ်းဆောင်နေစဉ်ကာလအတွင်း နိုင်ငံခြားရေးဝန်ကြီးဌာန နိုင်ငံရေးရာဦးစီး ဌာနတွင် လက်ထောက်ညွှန်ကြားရေးမှူး(၂၀၀၃-၂၀၀၅) တာဝန်အားလည်းကောင်း၊ အာဆီယံရေးရာရာဦးစီးဌာန တွင် ဒုတိယညွှန်ကြားရေးမှူး (၂၀၀၈-၂၀၁၁)တာဝန်အားလည်းကောင်း ယင်းနောက် အာဆီယံရေးရာဦးစီးဌာန ညွှန်ကြားရေးမှူး (၂၀၁၄-၂၀၁၆)အဖြစ်လည်းကောင်း တာဝန်များအသီးသီးပေးအပ်ခံရသည်။[၃]
ဆက်လက်၍ အာဆီယံရေးရာဦးစီးဌာန ဒုတိယညွှန်ကြားရေးမှူးချုပ်အဖြစ်[၄] ခန့်အပ်ခြင်းခံရကာ ၂၀၁၉ နောက်ပိုင်းတွင် နိုင်ငံခြားရေးဝန်ကြီးဌာန၊ မဟာဗျူဟာလေ့လာရေးနှင့် လေ့ကျင့်ရေးဦးစီးဌာန၏ ညွှန်ကြားရေးမှူးချုပ်ဖြစ်လာသည်။[၅]
၂၀၂၀ ဖေဖော်ဝါရီတွင် အရှေ့တောင်အာရှနိုင်ငံများအသင်း (အာဆီယံ) ဆိုင်ရာ မြန်မာအမြဲတမ်းကိုယ်စားလှယ် အဖြစ် နိုင်ငံတော်သမ္မတ ဦးဝင်းမြင့် [၆]က ခန့်အပ်ခဲ့ကာ ဦးအောင်မျိုးမြင့်က ၎င်း၏ ခန့်အပ်လွှာကို ၂၀၂၀ ပြည့်နှစ်၊ မတ်လ ၁၃ ရက်နေ့တွင် ဂျကာတာမြို့၌ အာဆီယံအတွင်းရေးမှူးချုပ် ဒါတိုလင်ကျောက်ဟွိုင်ထံ ပေးအပ်သည်။[၇]
ရရှိခဲ့သောဆု
[ပြင်ဆင်ရန်]တရားဥပဒေစိုးမိုးရေးဆု (၁၉၉၄)၊ ဝန်ထမ်းကောင်းဆု (၂၀၀၆)၊ နှင့် ထူးချွန်ဝန်ထမ်းဆု (၂၀၁၉)တို့ဖြစ်သည်။
ကိုးကား
[ပြင်ဆင်ရန်]- ↑ လွှတ်တော်ရေးရာ စွမ်းရည်မြှင့်တင်ရေး အကြံပေးအဖွဲ့ခေါင်းဆောင် ပြည်သူ့လွှတ်တော် ကိုယ်စားလှယ် ဒေါ်စုစုလွင် ဦးဆောင်သော မြန်မာပါလီမန်ကိုယ်စားလှယ်အဖွဲ့ အကြိမ်(၄၀)မြောက် အာဆီယံပါလီမန်များ အထွေထွေညီလာခံသို့တက်ရောက်။ Myanmar Digital News (၃၁ ဩဂုတ် ၂၀၁၉)။ 25 March 2023 တွင် မူရင်းအား မော်ကွန်းတင်ပြီး။ ၂၅မတ်၂၀၂၃ တွင် ပြန်စစ်ပြီး။
- ↑ China, ASEAN hold award ceremony for 2nd 'Friendship and Cooperation' short video contest winners။ CHINA INTERNATIONAL COMMUNICATIONS GROUP (12 November 2021)။ 6 March 2023 တွင် ပြန်စစ်ပြီး။
- ↑ U Aung Myo Myint။ ASEAN Institute for Peace and Reconciliation။ 26 November 2022 တွင် မူရင်းအား မော်ကွန်းတင်ပြီး။ 6 March 2023 တွင် ပြန်စစ်ပြီး။
- ↑ ဝါရှင်တန်မှာကျင်းပမယ့် အာဆီယံ နိုင်ငံခြားရေး ဝန်ကြီး အစည်းအဝေး ဒေါ်စု မတက်ရောက်နိုင်။ VOA Burmese (၂၅ ဧပြီ၂၀၁၇)။ ၆ မတ် ၂၀၂၃ တွင် ပြန်စစ်ပြီး။
- ↑ ကုလသမဂ္ဂအတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ် ရန်ကုန်မြို့မှ ပြန်လည်ထွက်ခွာ။ Myanmar Digital News (၁ ဖေဖော်ဝါရီ ၂၀၂၀)။ 6 March 2023 တွင် မူရင်းအား မော်ကွန်းတင်ပြီး။ ၆ မတ် ၂၀၂၃ တွင် ပြန်စစ်ပြီး။
- ↑ နိုင်ငံတော်သမ္မတဦးဝင်းမြင့် အရှေ့တောင်အာရှနိုင်ငံများအသင်း(အာဆီယံ)ဆိုင်ရာ မြန်မာအမြဲတမ်း ကိုယ်စားလှယ်အဖြစ် တာဝန်ထမ်းဆောင်မည့် ဦးအောင်မျိုးမြင့်အား လမ်းညွှန်မှာကြား။ Myanmar Digital News (၂၁ ဖေဖော်ဝါရီ ၂၀၂၀)။ 6 March 2023 တွင် မူရင်းအား မော်ကွန်းတင်ပြီး။ ၆ မတ် ၂၀၂၃ တွင် ပြန်စစ်ပြီး။
- ↑ Presentation of Letter of Credentials by Ambassador of Myanmar, H.E. Ambassador Aung Myo Myint။ ASSOCIATIONOF SOUTHEAST (13 March 2020)။ 6 March 2023 တွင် ပြန်စစ်ပြီး။