အရန်တပ်ဖွဲ့ဝင်ဆင့်ခေါ်ရေး ဗဟိုအဖွဲ့

အရန်တပ်ဖွဲ့ဝင်ဆင့်ခေါ်ရေး ဗဟိုအဖွဲ့

မြန်မာအစိုးရအဖွဲ့အစည်း
ဗဟိုအဖွဲ့ အကျဉ်းချုပ်
ဖွဲ့စည်းသည့်အချိန်	၁၆ ဖေဖော်ဝါရီ ၂၀၂၄
ဌာနချုပ်	နေပြည်တော်

အရန်တပ်ဖွဲ့ဝင်ဆင့်ခေါ်ရေး ဗဟိုအဖွဲ့ (အင်္ဂလိပ်: Formation of Central Body for Summoning Reserve Forces servants) သည် အရန်တပ်ဖွဲ့ဥပဒေ အရ ပေါ်ပေါက်လာသော ဗဟို အဖွဲ့အစည်းတစ်ခု ဖြစ်သည်။ တပ်မတော်ထိပ်တန်းပုဂ္ဂိုလ် များ ဦးဆောင်မှုဖြင့် ဖွဲ့စည်းသည်။ ဗဟိုအဖွဲ့ ကို ညှိနှိုင်းကွပ်ကဲရေးမှူး(ကြည်း၊ ရေ၊‌ လေ) ဗိုလ်ချုပ်ကြီး မောင်မောင်အေး က ဥက္ကဋ္ဌ အဖြစ် ဆောင်ရွက်သည်။ မြန်မာနိုင်ငံစစ်မှုထမ်းဟောင်းအဖွဲ့ ဥက္ကဋ္ဌ က ဒုတိယဥက္ကဋ္ဌ အဖြစ် တာဝန် ယူသည်။

သမိုင်းကြောင်း

၂၀၁၀ ပြည့်နှစ် နိုဝင်ဘာ ၄ ရက်နေ့တွင် နိုင်ငံတော်အေးချမ်းသာယာရေးနှင့်ဖွံ့ဖြိုးရေးကောင်စီက ပြဋ္ဌာန်းခဲ့သော စစ်မှုထမ်းဟောင်းများအား ပြန်လည် ခေါ်ယူနိုင်မည့် အရန်တပ်ဖွဲ့ ဥပဒေ အား ၂၀၂၄ ခုနှစ် ဖေဖော်ဝါရီ ၁၃ ရက် က စပြီး အသက်ဝင်အာဏာတည်ကြောင်း နိုင်ငံတော်စီမံအုပ်ချုပ်ရေးကောင်စီ က ကြေညာပြီးနောက် ပေါ်ပေါက်လာသည့်အဖွဲ့ဖြစ်သည်။ယင်းဥပဒေ ပုဒ်မ ၁၂ အရ အပ်နှင်းထားသည့်လုပ်ပိုင်ခွင့်များကို ကျင့်သုံး၍ ဗဟိုအဖွဲ့ အား ဖွဲ့စည်းသည်။ အရန်တပ်ဖွဲ့ဝင်ဆင့်ခေါ်ရေးဗဟိုအဖွဲ့ တွင် အဖွဲ့ဝင် (၁၃ ) ဦး ပါသည်။

ရည်ရွယ်ချက်

အရန်တပ်ဖွဲ့ဥပဒေကို အကောင်အထည်ဖော်ဆောင်ရွက်နိုင်ရန်အတွက် ဖွဲ့စည်းခြင်းဖြစ်သည်။

ဖွဲ့စည်းပုံ

၂၀၂၄ ခုနှစ် ဖေဖော်ဝါရီ ၁၆ ရက် တွင် ဖွဲ့စည်းလိုက်သည့် ဗဟိုအဖွဲ့ ဥက္ကဋ္ဌ နှင့် အွဲ့ဝင် များမှာ အောက်ပါအတိုင်းဖြစ်သည်။

စဉ်	ရာထူး	တာဝန်
၁	ညှိနှိုင်းကွပ်ကဲရေးမှူး(ကြည်း၊ ရေ၊‌ လေ) ကာကွယ်ရေးဦးစီးချုပ်ရုံး(ကြည်း)	ဥက္ကဋ္ဌ
၂	ဥက္ကဋ္ဌ မြန်မာနိုင်ငံစစ်မှုထမ်းဟောင်းအဖွဲ့	ဒုတိယဥက္ကဋ္ဌ(၁)
၃	စစ်ရေးချုပ် စစ်ရေးချုပ်ရုံး	ဒုတိယဥက္ကဋ္ဌ(၂)
၄	စစ်ဦးစီးအရာရှိချုပ်(ကြည်း) ကာကွယ်ရေးဦးစီးချုပ်ရုံး(ကြည်း)	အဖွဲ့ဝင်
၅	စစ်ဦးစီးအရာရှိချုပ်(ရေ) ကာကွယ်ရေးဦးစီးချုပ်ရုံး(ရေ)	အဖွဲ့ဝင်
၆	စစ်ဦးစီးအရာရှိချုပ်(လေ) ကာကွယ်ရေးဦးစီးချုပ်ရုံး(လေ)	အဖွဲ့ဝင်
၇	တွဲဖက်စစ်ရေးချုပ် စစ်ရေးချုပ်ရုံး	အဖွဲ့ဝင်
၈	တွဲဖက်စစ်ထောက်ချုပ် စစ်ထောက်ချုပ်ရုံး	အဖွဲ့ဝင်
၉	ဒုတိယစစ်ရာထူးခန့်ချုပ် စစ်ရာထူးခန့်ချုပ်ရုံး	အဖွဲ့ဝင်
၁၀	တွဲဖက်စစ်ဥပဒေချုပ် စစ်ဥပဒေချုပ်ရုံး	အဖွဲ့ဝင်
၁၁	ဒုတိယတပ်မတော်လေ့ကျင့်ရေးအရာရှိချုပ် တပ်မတော်လေ့ကျင့်ရေးအရာရှိချုပ်ရုံး	အဖွဲ့ဝင်
၁၂	ညွှန်ကြားရေးမှူး တပ်မတော်မှတ်တမ်းညွှန်ကြားရေးမှူးရုံး	အတွင်းရေးမှူး
၁၃	ဒုတိယညွှန်ကြားရေးမှူး တပ်အင်အားဖြည့်တင်းရေးညွှန်ကြားရေးမှူးရုံး	တွဲဖက်အတွင်းရေးမှူး

ဆက်စပ်ဖတ်ရှုရန်

• အရန်တပ်ဖွဲ့ဥပဒေ
• မြန်မာဥပဒေသတင်းအချက်အလက်ရှိ အရန်တပ်ဖွဲ့ဥပဒေ
• မြန်မာနိုင်ငံ၏ ပြည်သူ့စစ်မှုထမ်းဥပဒေ
• ပြည်သူ့စစ်မှုထမ်းဆင့်ခေါ်ရေး ဗဟိုအဖွဲ့
• ဥပဒေအရ စစ်မှုထမ်းခြင်း