ဟယ်ရီပေါ်တာနှင့် ဖီးနစ်အဖွဲ့

ဝီကီပီးဒီးယား မှ
Jump to navigation Jump to search
ဟယ်ရီပေါ်တာနှင့် ဖီးနစ်အဖွဲ့
Harry Potter and the Order of the Phoenix
Harry Potter and the Order of the Phoenix.jpg
မူလ ယူကေ ပုံနှိပ်ထုတ်ဝေခြင်း၏ မျက်နှာဖုံးပုံစံ
စာရေးသူ ဂျေ ကေ ရိုးလင်း
J. K. Rowling
သရုပ်ဖော်သူ
  • ဂျေဆန် ကော့ခရော့ဖ်
    Jason Cockcroft (ယူကေ ပုံနှိပ်ထုတ်ဝေခြင်း)
  • မာရီ ဂရန်းပရယ်
    Mary GrandPré (အမေရိကန် ပုံနှိပ်ထုတ်ဝေခြင်း)
အတွဲ ဟယ်ရီပေါ်တာ
ထုတ်ဝေအမှတ်
စာအုပ်အတွဲစဉ်တွင် အမှတ်စဉ် ၅ (ပဉ္စမမြောက်)
အမျိုးအစား မှော်အတတ်ဆိုင်ရာ
ထုတ်ဝေသူ
ထုတ်ဝေသည့်ရက်
၂၀၀၃ ဇွန် ၂၁
စာမျက်နှာ ၇၆၆ (မူလ ယူကေ ပုံနှိပ်ထုတ်ဝေခြင်း)
၈၀၀ (၂၀၁၄ ယူကေ တည်းဖြတ်ထုတ်ဝေခြင်း)
၈၇၀ (အမေရိကန် ပုံနှိပ်ထုတ်ဝေခြင်း)
ISBN ဝ-၇၄၇၅-၅၁၀၀-၆
ယခင်စာအုပ် ဟယ်ရီပေါ်တာနှင့် မီးကလပ်
နောက်ထွက်စာအုပ် ဟယ်ရီပေါ်တာနှင့် သွေးနှောမင်းသား

ဟယ်ရီပေါ်တာနှင့် ဖီးနစ်အဖွဲ့ (အင်္ဂလိပ်: Harry Potter and the Order of the Phoenix) သည် ဗြိတိသျှစာရေးဆရာမ ဂျေ ကေ ရိုးလင်း ရေးသားထားသည့် နာမည်ကြီး မှော်အတတ်ဆိုင်ရာ စိတ်ကူးယဉ် ဝတ္ထုရှည် တစ်ခု ဖြစ်၍၊ ထိုဝတ္ထုသည် ဟယ်ရီပေါ်တာ စာအုပ်အတွဲစဉ်တွင် ပဉ္စမမြောက် စာအုပ် ဖြစ်သည်။ ထိုစာအုပ်သည် အဓိကဇာတ်ဆောင် ဟယ်ရီပေါ်တာ၏ ဟော့ဂ်ဝပ် စုန်းကဝေအတတ်နှင့် မှော်ပညာကျောင်းတော်ကြီးတွင် ပဉ္စမနှစ်ကျောင်းသားဘဝ အကြောင်းဖြစ်၍ သူ၏ ရန်သူဖြစ်သော သခင်ဗိုဒီမော့၏ တိတ်တဆိတ်ပြန်လာမှု၊ အို ဒဗလျူ အယ်လ် စာမေးပွဲများ နှင့် အဟန့်အတားတစ်ခု ဖြစ်နေသော မှော်ဝန်ကြီးဌာန စသည့် အကြောင်းကိစ္စများ ပါဝင်သော ဇာတ်လမ်းဖြစ်သည်။

ထိုစာအုပ်ကို ယူနိုက်တက်ကင်းဒမ်းတွင် ဘလွမ်းစ်ဘာရီ စာအုပ်တိုက် မှလည်းကောင်း၊ အမေရိကန်ပြည်ထောင်စုတွင် စကောလာ့စတစ် မှလည်းကောင်း၊ ကနေဒါတွင် ရိန်းကို့စ် မှလည်းကောင်း ၂၀၀၃ ခုနှစ်၊ ဇွန်လ ၂၁ ရက်တွင် ထုတ်ဝေဖြန့်ချိခဲ့လေသည်။ စတင်ဖြန့်ချိချိန်မှ နောက် ၂၄ နာရီအတွင်းမှာပင် အုပ်ရေ ငါးသန်းခန့်အထိ ရောင်းချနိုင်ခဲ့သည်။ ဤစာအုပ်သည် စာအုပ်အတွဲစဉ်တွင် အရှည်ဆုံးသော စာအုပ် ဖြစ်ပေသည်။

ဟယ်ရီပေါ်တာနှင့် ဖီးနစ်အဖွဲ့ သည် အမေရိကန်စာကြည့်တိုက်အသင်းမှ ပေးအပ်သော အရွယ်ရောက်လူငယ်များအတွက် အကောင်းဆုံးစာအုပ်ဆု (American Library Association Best Book for Young Adults) အမည်ရှိ ဆုကို ၂၀၀၃ ခုနှစ်အတွက် ဆွတ်ခူးနိုင်ခဲ့သည့် အပြင်၊ အခြားဆုတံဆိပ်များကိုလည်း လက်ခံရရှိခဲ့သေးသည်။ အဆိုပါစာအုပ်မှာ ၂၀၀၇ ခုနှစ်က ထွက်ရှိခဲ့သော ရုပ်ရှင်ဇာတ်ကားနှင့် အီလက်ထရွန်နစ် အာ့တ်စ်၏ ဗွီဒီယိုဂိမ်း အဖြစ်လည်း ဖန်တီးအောင်မြင်ခဲ့လေသည်။