ရန်ဝင်း

စည်သူဝဏ္ဏကျော်ထင် ဦးရန်ဝင်း
တိုင်းဒေသကြီးလွှတ်တော်ကိုယ်စားလှယ်
တာဝန်သက်တမ်း ၃၁ ဇန်နဝါရီ ၂၀၁၁ – ၃၀ မတ် ၂၀၁၆
ယခင်လူ	အခြေခံဥပဒေ စတင်
ဆက်ခံသူ	ဦးဇော်မိုး (NLD)
မဲဆန္ဒနယ်	ဧရာဝတီတိုင်းဒေသကြီး၊မအူပင်မြို့နယ် အမှတ်(၁)
အနိုင်ရမဲ အရေအတွက်	၆၇၅၈၀မဲ
ကိုယ်ရေး အချက်အလက်များ
မွေးဖွား	၁၉၅၁ ဧရာဝတီတိုင်းဒေသကြီး၊မအူပင်မြို့နယ်
လူမျိုး	မြန်မာ
နိုင်ငံရေးပါတီ	ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ
ကြင်ဖော်(များ)	ဒေါ်လွင်လွင်ဝေ
သားသမီး	စိုးမြင့်ဆွေ+ရည်ဝိုင်းဦး အာကာကြိုင်+သိင်္ဂီလင်း
အလုပ်အကိုင်	A1ဆောက်လုပ်ရေးကုမ္ပဏီ ပိုင်ရှင်၊ စီးပွားရေးလုပ်ငန်းရှင်

ဦးရန်ဝင်း(၁၉၅၁ ဖွား) သည် မြန်မာစီးပွားရေးလုပ်ငန်းရှင်တစ်ဦး ဖြစ်သည်။ သူသည် A1ဆောက်လုပ်ရေးကုမ္ပဏီ ကို ထူထောင်ထားသူဖြစ်သည့်အပြင် နိုင်ငံရေးသမားတစ်ဦး လည်းဖြစ်ခဲ့သည်။

ငယ်ဘဝ

ဧရာဝတီတိုင်းဒေသကြီး မအူပင်မြို့နယ် တွင် မွေးဖွားသည်။ရန်ကုန်စက်မှုတက္ကသိုလ် မှ အင်ဂျင်နီယာဘွဲ့ အား ၁၉၇၃ ခုနှစ်တွင် ရရှိသည်။

စီးပွားရေးလုပ်ငန်းများ

ဆောက်လုပ်ရေးဝန်ကြီးဌာန တွင် အင်ဂျင်နီယာအဖြစ် နှစ် ၂၀ တာဝန်ထမ်းဆောင်ပြီး ဝန်ထမ်းဘဝအား အဆုံးသတ်ကာ ၁၉၉၀ ခုနှစ် တွင် A1ဆောက်လုပ်ရေးကုမ္ပဏီ အား ထူထောင်သည်။ သူ၏ ကုမ္ပဏီသည် နေပြည်တော် တည်ဆောက်ရေးအား တာဝန်ယူရသည့် ကုမ္ပဏီထဲပါသည်။ သူသည် ယခင်တပ်မတော်အစိုးရအဖွဲ့ မှ ဝန်ကြီးဦးအောင်သောင်း နှင့် အထူးနီးကပ်သည့် ဆက်ဆံရေးရှိသည်။ယင်းနောက် သတ္တုတူးဖော်ရေး၊ ဟိုတယ်နှင့် အပန်းဖြေစခန်းများ၊ ကုန်သွယ်မှုနှင့် ကုန်ထုတ်လုပ်မှုနယ်ပယ်များအား တိုးချဲ့ဆောင်ရွက်သည်။ သူသည် ရန်ကုန်မြို့ပါတ်ရထားလမ်း လမ်းပိုင်ပြင်ဆင်မှု အပါအဝင် အင်းစိန် (မင်းကြီးလမ်း) ခုံးကျော်တံတားတည်ဆောက်ရေး စသည့် လုပ်ပိုင်ခွင့်များရရှိသည်။၎င်းဆောင်ရွက်သည့် ဧရာဝတီတိုင်း ငပုတောမြို့နယ် ငရုတ်ကောင်း ကမ်းခြေဒေသရှိ အမေရိကန် ဒေါ်လာ ၁ ဘီလီယံတန် ကျောက်မီးသွေး စွမ်းအင်သုံးစီမံကိန်း နှင့် တနင်္သာရီတိုင်းဒေသကြီး၊ တနင်္သာရီမြို့နယ်၊ ညောင်ပင်ကွင်းကျေးရွာအုပ်စု၊ ကြီမ်ချောင်းကျေးရွာ ရှိ ခဲမဖြူနှင့်အဖြိုက်နက် အလတ်စား တူးဖော်ခြင်းလုပ်ငန်း တို့သည် ဒေသခံတို့၏ ကန့်ကွက်ခြင်းကိုခံရသည်။ သူသည် မြန်မာ့ခရီးသွားဘဏ် အား ၂၀၁၈ ခုနှစ် တွင် တည်ထောင်သည်။ ၂၀၁၁ခုနှစ် မေလ ၅ရက်နေ့တွင် ဖွဲ့စည်းထားသည့် မြန်မာနိုင်ငံခရီးသွားလုပ်ငန်းအဖွဲ့ချုပ် က သူ့ကို အဖွဲ့ချုပ် ဥက္ကဋ္ဌ အဖြစ် တင်မြှောက်ထားသည်။

နိုင်ငံရေးသမားဘဝ

၂၀၁၀ အထွေထွေရွေးကောက်ပွဲ တွင် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ကိုယ်စားပြုကာ မအူပင်မြို့နယ် မဲဆန္ဒနယ်အမှတ်(၁) တိုင်းဒေသကြီးလွှတ်တော်ကိုယ်စားလှယ်အဖြစ် ဝင်အရွေးခံရာမှတဆင့် တိုင်းလွှတ်တော်အမတ် ဖြစ်လာသည်။ ထိုတာဝန် ကို ၂၀၁၆ခုနှစ် အထိ တာဝန်ထမ်းသည်။ ၂၀၁၅ အထွေထွေရွေးကောက်ပွဲ တွင်လည်း ဧရာဝတီတိုင်းဒေသကြီး အမှတ်(၈) မဲဆန္ဒနယ် အမျိုးသားလွှတ်တော်ကိုယ်စားလှယ်လောင်း အဖြစ် မိခင်ပါတီမှနေ၍ ဝင်ရောက်ယှဉ်ပြိုင်ခဲ့သော်လည်း အနိုင်မရခဲ့ပေ။ ထိုနောက်ပိုင်း သူသည် မအူပင်မြို့နယ်ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ၏ နာယက အဖြစ် တာဝန်ယူသည်။

မိသားစုဘဝ

သူသည် အိမ်ထောင်သည်တစ်ဦးဖြစ်သည်။