မောင်းထောင်ရွာ၊ ဘုတလင်မြို့နယ်
| မောင်းထောင် | |
|---|---|
| ရွာ | |
| မောင်းထောင်ရွာ | |
  မောင်းထောင် | |
| ကိုဩဒိနိတ်: 22°28′51″N 95°04′12″E / 22.4808502197266°N 95.0700378417969°Eကိုဩဒိနိတ်: 22°28′51″N 95°04′12″E / 22.4808502197266°N 95.0700378417969°E | |
| နိုင်ငံ |  မြန်မာ |
| တိုင်းဒေသကြီး | .svg){kind=small} စစ်ကိုင်း |
| ခရိုင် | မုံရွာခရိုင် |
| မြို့နယ် | ဘုတလင်မြို့နယ် |
| ကျေးရွာအုပ်စု | မောင်းထောင် |
| အချိန်ဇုန် | မြန်မာစံတော်ချိန် (UTC+6.30) |
မောင်းထောင်ရွာ (အင်္ဂလိပ်: Maunghtaung)သည် စစ်ကိုင်းတိုင်းဒေသကြီး၊ မုံရွာခရိုင်၊ ဘုတလင်မြို့နယ်၊ မောင်းထောင်ကျေးရွာအုပ်စု၌ တည်ရှိသည်။ ရွာနေရာကုတ်မှာ ၁၇၃၁၇၄ ဖြစ်သည်။ [၁] စစ်ကိုင်းမြို့နယ်ရှိမောင်းထောင်ရွာ နှင့် ကွဲပြားစေရန် ရှေးအခါက မောင်းထောင်ကြီးရွာ ဟုလည်း ခေါ်ကြသည်။
စည်ကားသည့် ရှေးဟောင်း ရွာကြီးတရွာဖြစ်သည်။ တိုက်နယ်ဆေးရုံ၊ အထက်တန်းကျောင်းများ ရှိသည်။ တောင် နှင့် မြောက် သုဿန်နှစ်ခုရှိသည်။ ဘုရားကျောင်းကန် များစွာရှိသည်။ ရှေးဟောင်းသမိုင်းဝင် ဘလ္လာတိယ ရေကန်တော်ကြီးမှာ ထင်ရှားသည်။
ဘလ္လာတိယကန်တော်ကြီး[ပြင်ဆင်ရန်]
မောင်းထောင်ရွာ၏ သမိုင်းဝင်ဘလ္လာတိယကန်တော်ကြီးသည် ရွာအရှေ့ဘက် တစ်မိုင်ခန့်ကွာတွင်တည်ရှိသည်။ ကန်တော်ကြီးကိုရပ်ရွာက ထိန်းသိမ်းစောင့်ရှောက်ထားသည်။ ငါးဧကခန့် ကျယ်ဝန်းပြီး ကန်ရေကို မျက်မှောက်ခတ်အထိ သုံးစွဲနေကြဆဲဖြစ်သည်။
ဘလ္လာတိယကန်တော်ကြီးမူလအလှူရှင်မှာ မောင်းထောင်ရွာသား မင်းဆရာ တွင်းသင်းမင်းကြီး မဟာစည်သူ ဦးထွန်းညိုဖြစ်သည်။ အနောက်ဘက်ကန်ဘောင်ပေါ်တွင် အလှူရှင် တွင်းသင်းမင်းကြီးမဟာစည်သူဦးထွန်းညိုအကြောင်းနှင့် ဘလ္လာတိယကန်တော်ကြီးသမိုင်းကို ဖော်ပြထားသည့် မျက်မှောက်ခေတ်ထိုးကျောက်စာတစ်ချပ်ကိုလည်းတွေ့နိုင်သည်။
ကျောက်စာဖော်ပြထားချက်အရ တွင်းသင်းမင်းကြီးမဟာစည်သူဦးထွန်းညိုကို သက္ကရာဇ် ၁၀၈၈ ခုနှစ်တွင်မွေးသည်။ ညောင်ရမ်းခေတ်နှောင်း ဟံသာ၀တီပါမင်းလက်ထက်တွင် ရဟန်းအဖြစ် ဇာတိရွာမောင်းထောင်တွင် သီတင်းသုံးနေခဲ့ပြီး အလောင်မင်းတရားကြီးနန်းတက်ချိန်တွင် လူဝတ်လဲပြီးဘုရင်ထံအခစားဝင်ပါသည်။ အလောင်းမင်းတရားကြီးက ဦးထွန်းညိုကို သားတော်ဗဒုံမြို့စားမင်းသား ( ဘိုးတော်ဘုရား ) ၏ဆရာအဖြစ်ခန့်အပ်ပြီး မဟာသင်္ခယာဘွဲ့ကိုချီးမြှင့်သည်။ ၎င်းနောက် မဟာစည်သူဘွဲ့ချီးမြှင့်ပြီး တွင်းသင်းတိုက်ဝန်အဖြစ်ခန့်ထားရာမှ တွင်းသင်းမင်းကြီးမဟာစည်သူဦးထွန်းညိုအဖြစ်ထင်ရှားလာခဲ့သည်။
တစ်ခါတွင် ဘိုးတော်ဘုရား၏မြေးတော် အိမ်ရှေ့မင်း စစ်ကိုင်းမင်းသား ( တချို့မှတ်တမ်းများတွင် သားတော်အိမ်ရှေ့မင်း ရွှေတောင်မင်းသားဟုဖော်ပြသည်) နှင့် အိမ်ရှေ့မိဖုရားတို့စိတ်သဘောထားမတိုက်ဆိုင်ဖြစ်ပြီး မသင့်မမြတ်ဖြစ်ကြသည့်အခါ ထွင်းသင်းမင်းကြီးမဟာစည်သူဦးထွန်းညိုက ချစ်ခြင်းမေတ္တာဖွဲ့ဘလ္လာတိယပျို့ကိုရေးသားဆက်သွင်းရသည်။ အဆိုပါဘလ္လာတိယပျို့ကြောင့် အိမ်ရှေ့မောင်နှံတို့ ပြန်လည်သင့်မြတ်လာခဲ့ကြပြီး ပျို့ရေးသားဆက်သွင်းသူ တွင်းသင်းမင်းကြီးမဟာစည်သူဦးထွန်းညိုကိုလည်း ဆုတော်ငွေချီးမြှင့်ခဲ့သည်။ ဦးထွန်းညိုက အဆိုပါဆုတော်ငွေများကို ကိုယ်ကျိုးအတွက်အသုံးမပြုဘဲ သူ့ဇာတိမောင်ထောင်ရွာအကျိုးအတွက် ယခုမြင်တွေ့နေကြရသည့် ရေကန်ကြီး (ဘလ္လာတိယကန်) ကိုတူးဖော်ရန်အသုံပြုခဲ့ကြောင်း အဆိုပါကျောက်စာတွင်ဖော်ပြထားသည်။
သမိုင်းဝင်ရေကန်ကြီး အနီးအနားဝန်းကျင်တွင် ရှေးဟောင်းစေတီပုထိုးဘုရားအမြောက်အများတည်ရှိနေသည်။ ညောင်ရမ်းခေတ်နှောင်း နှင့် ကုန်းဘောင်ခေတ်ဦး လက်ရာများဖြစ်ကြသည်။
ထူးခြားထင်ရှား မောင်းထောင်သားများ[ပြင်ဆင်ရန်]
မောင်းထောင်ရွာသည် ညောင်ရမ်းခေတ်မှစပြီး ကိုလိုနီခေတ်ထိ ခေတ်အဆက်ဆက် ရဟန်းပညာရှိ လူပညာရှိအမြောက်အများပေါ်ထွန်းခဲ့ရာ ရွာဖြစ်သည် ။ စိတ္တကျော်သူဦးဩ ၊ တွင်းသင်းမင်းကြီးမဟာစည်သူဦးထွန်းညို၊ မောင်းထောင်သာသနာပိုင်ဆရာတော်ကြီးများ၊ သံချိုဆရာကြီးမောင်းထောင်ဦးကျော်လှ၊ မောင်းထောင်ဦးကောက် စသူတို့မှာ ခေတ်အဆက်ဆက်ထင်ရှားခဲ့သည့် မောင်းထောင်ရွာဇာတိ ပညာရှိများဖြစ်ကြသည်။
ကိုးကား[ပြင်ဆင်ရန်]
- ↑ Place codes (Pcodes)။ Myanmar Information Management Unit (June 2020)။
မောင်းထောင်ရွာ၊ ဘုတလင်မြို့နယ်၏ ပတ်ဝန်းကျင် နေရာများ | ||||||||||
|---|---|---|---|---|---|---|---|---|---|---|
| ||||||||||
 | ဤ စစ်ကိုင်းတိုင်းဒေသကြီး တည်နေရာ ဆောင်းပါးမှာ ဆောင်းပါးတိုတစ်ပုဒ် ဖြစ်သည်။ ဖြည့်စွက်ရေးသားခြင်းဖြင့် မြန်မာဝီကီပီးဒီးယားကို ကူညီပါ။ |