မင်းနောင် (ဝန်ကြီး)

သရေစည်သူ၊ ဦး မင်းနောင်
စိုက်ပျိုးရေး၊မွေးမြူရေးနှင့် ဆည်မြောင်းဝန်ကြီးဌာန
ပြည်ထောင်စုဝန်ကြီး
တာဝန် စတင် ၁၀ ဧပြီ ၂၀၂၆
ခန့်အပ်သူ	မင်းအောင်လှိုင်အစိုးရ
သမ္မတ	မင်းအောင်လှိုင်
လက်ထောက်	-
ယခင်လူ	ကိုယ်တိုင်
တာဝန်သက်တမ်း ၁ ဖေဖော်ဝါရီ ၂၀၂၃ – ၁၀ ဧပြီ ၂၀၂၆
သမ္မတ	မြင့်ဆွေ (ယာယီ) မင်းအောင်လှိုင်(ယာယီ-တာဝန်)
ခေါင်းဆောင်	ဗိုလ်ချုပ်မှူးကြီး မင်းအောင်လှိုင် ညိုစော (ဝန်ကြီးချုပ်)
ယခင်လူ	လှမိုး
ဆက်ခံသူ	ကိုယ်တိုင်
အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှု ညှိနှိုင်းရေးကော်မတီ အတွင်းရေးမှူး
တာဝန်သက်တမ်း ၁ ဖေဖော်ဝါရီ ၂၀၂၁ – ၃၁ ဇန်နဝါရီ ၂၀၂၃
ယခင်လူ	ကိုယ်တိုင်
ဆက်ခံသူ	ဒုတိယဗိုလ်ချုပ်ကြီး မင်းနိုင်
တပ်မတော်ငြိမ်းချမ်းရေးဆွေးနွေးမှုကော်မတီ၊အဖွဲ့ဝင်
တာဝန်သက်တမ်း ၉ နိုဝင်ဘာ ၂၀၂၀ – ၃၁ ဇန်နဝါရီ ၂၀၂၃
အမှတ် (၅) စစ်ဆင်ရေး အထူးအဖွဲ့မှူး
တာဝန်သက်တမ်း ဇူလိုင် ၂၀၁၉ – ၉ နိုဝင်ဘာ ၂၀၂၀
တပ်မတော်စစ်ဆေးရေး အရာရှိချုပ်
တာဝန်သက်တမ်း ၂၀၁၈ – ၂၀၁၉
အမှတ် (၄) စစ်ဆင်ရေး အထူးအဖွဲ့မှူး
တာဝန်သက်တမ်း ၂၀၁၅ – ၂၀၁၈
ကိုယ်ရေး အချက်အလက်များ
လူမျိုး	မြန်မာ
မိခင်ကျောင်း	ရန်ကုန်တက္ကသိုလ်၊ တပ်မတော်(ကြည်း)ဗိုလ်သင်တန်းကျောင်း၊ (ဗထူး)
ဆုတံဆိပ်များ	ဇေယျကျော်ထင်ဘွဲ့ (၂၀၁၆) စည်သူဘွဲ့ (၂၀၂၂) သရေစည်သူ (၂၀၂၆)
ကိုးကွယ်သည့်ဘာသာ	ထေရဝါဒ ဗုဒ္ဓဘာသာ
စစ်မှုထမ်းခြင်း
သစ္စာခံနိုင်ငံ	မြန်မာနိုင်ငံ
တပ်/တပ်ဖွဲ့ခွဲ	တပ်မတော်
ရာထူး	ဒုတိယဗိုလ်ချုပ်ကြီး(ကြည်း ၁၈၂၈၀)

ဦးမင်းနောင် သည် စိုက်ပျိုးရေး၊မွေးမြူရေးနှင့် ဆည်မြောင်းဝန်ကြီးဌာန၏ လက်ရှိ ပြည်ထောင်စုဝန်ကြီးဖြစ်သည်။ ၂၀၂၆ ခုနှစ် ဧပြီ ၁၀ရက်တွင် ထိုရာထူး စတင်ခန့်အပ်ခဲ့သည်။ ယခင်က ထိုဝန်ကြီးဌာန၏ ပြည်ထောင်စုဝန်ကြီး အဖြစ်လည်းကောင်း၊မြန်မာ့တပ်မတော်တွင် ဒုတိယဗိုလ်ချုပ်ကြီးအဆင့်ဖြင့် လည်းကောင်း တာဝန်များ ထမ်းဆောင်ခဲ့သည်။

စစ်မှုထမ်းခြင်း

ဦးမင်းနောင်သည် ရန်ကုန်တက္ကသိုလ် ကျောင်းဆင်းတစ်ဦးဖြစ်သည့်အပြင် ရန်ကုန်တက္ကသိုလ်မှ တက္ကသိုလ်အရန်တပ်ဖွဲ့(ယူတီစီ) တပ်ဖွဲ့ဝင်ကျောင်းသားဟောင်းတစ်ဦးလည်းဖြစ်သည်။ ဘွဲ့ရပြီးနောက် တပ်မတော်(ကြည်း)ဗိုလ်သင်တန်းကျောင်း(ဗထူး)၊ အပတ်စဉ်(၆၆)သို့တက်ရောက်သည်။ ရာထူးအဆင့်ဆင့်တိုးပြီး ဗိုလ်မှူးကြီး ရာထူးဖြင့် တပ်မ ၅၅ တွင် နည်းဗျူဟာမှူး၊၂၀၁၀ ဩဂုတ်လတွင် အမှတ် ၁၀၁ တပ်မမှူး အဖြစ်တာဝန်ထမ်းဆောင်သည်။

၂၀၁၁ ခုနှစ်တွင် ဗိုလ်မှူးချုပ်ရာထူးတိုးခဲ့ကာ အရှေ့အလယ်ပိုင်းတိုင်း စစ်ဌာနချုပ် တိုင်းမှူး၊ အနောက် မြောက်တိုင်းစစ်ဌာနချုပ် တိုင်းမှူး တာဝန်များထမ်းဆောင်ခဲ့သည်။ ၂၀၁၅ ဩဂုတ်လတွင် အမှတ်-၄ စစ်ဆင်ရေး အထူးအဖွဲ့မှူး ဖြစ်လာခဲ့သည်။ ၂၀၁၆ မတ်လ နောက်ပိုင်းတွင် ဒုတိယဗိုလ်ချုပ်ကြီး အဖြစ်ရာထူးတိုးကာ ၂၀၁၈ ခုနှစ်တွင် တပ်မတော် စစ်ဆေးရေး အရာရှိချုပ် နှင့် ၂၀၁၉ ခုနှစ်၊ ဇူလိုင်လတွင် အမှတ်- ၅ စစ်ဆင်ရေး အထူးအဖွဲ့မှူး တာဝန်များထမ်းဆောင်ခဲ့သည်။ ၂၀၂၀ နိုဝင်ဘာ ၉ ရက်နေ့တွင် တပ်မတော်အရန်အင်အားဖြင့်

ထိုရာထူးတာဝန်များမှနေ၍ အနားယူကာ တပ်မတော်ငြိမ်းချမ်းရေးဆွေးနွေးမှုကော်မတီဝင် အဖြစ်တာဝန်ထမ်းဆောင်သည်။ ၂၀၂၁ ဖေဖော်ဝါရီ ၁ရက် တွင် တပ်မတော်ငြိမ်းချမ်းရေးဆွေးနွေးမှုကော်မတီဝင်အဖြစ် ဆက်လက်တာဝန်ပေးခံရပြီးနောက်ပိုင်း ဒုတိယဗိုလ်ချုပ်ကြီးရာပြည့် ဦးဆောင်သည့် အမျိုးသားစည်းလုံးညီညွတ်ရေးနှင့် ငြိမ်းချမ်းရေး ဖော်ဆောင်မှုညှိနှိုင်းရေးကော်မတီ တွင် အတွင်းရေးမှူးတာဝန်ပါ ထမ်းဆောင်ခဲ့သည်။

ဝန်ကြီးဘဝ

၂၀၂၃ ဖေဖော်ဝါရီ ၁ ရက်တွင် စိုက်ပျိုးရေး၊မွေးမြူရေးနှင့်ဆည်မြောင်းဝန်ကြီးဌာန ပြည်ထောင်စုဝန်ကြီးတာဝန်ပေးခံရသည်။

၂၀၂၆ခုနှစ် ဧပြီ ၇ရက်တွင် ဦးမင်းအောင်လှိုင်အစိုးရက စိုက်ပျိုးရေး၊မွေးမြူရေးနှင့် ဆည်မြောင်းဝန်ကြီးဌာန၏ ပြည်ထောင်စုဝန်ကြီး အဖြစ် အဆိုပြုခဲ့သည်။လွှတ်တော်က သဘောတူလက်ခံသည့်အတွက် ဧပြီ ၁၀ရက်တွင် ထိုတာဝန်စတင်ထမ်းဆောင်သည်။

အပ်နှင်းခံရသည့် ဘွဲ့များ

၂၀၁၆ ခုနှစ်၊ မတ်လ ၁ ရက်နေ့တွင် ဇေယျကျော်ထင်ဘွဲ့ ၊ ၂၀၂၂ နိုဝင်ဘာ ၁၇ တွင် စည်သူဘွဲ့ များအပ်နှင်းခံရသည်။

၂၀၂၆ ခုနှစ်၊ မတ်လ (၂) ရက်နေ့တွင် အမိန့်ကြော်ငြာစာအမှတ် ၄၃/၂၀၂၆ ဖြင့် ပြည်ထောင်စုစည်သူသင်္ဂဟဘွဲ့ဖြစ်သော သရေစည်သူဘွဲ့ကို ဗိုလ်ချုပ်မှူးကြီး မင်းအောင်လှိုင်က ချီးမြှင့်အပ်နှင်းခဲ့သည်။