တိုးရီ
ဇေယျကျော်ထင် ဗိုလ်ချုပ် တိုးရီ | |
|---|---|
| ဒုတိယဝန်ကြီး ပြည်ထဲရေးဝန်ကြီးဌာန | |
တာဝန်ထမ်းဆောင်ဆဲ | |
| တာဝန် စတင် ၃ ဖေဖော်ဝါရီ ၂၀၂၃ | |
| ခေါင်းဆောင် | ဒုတိယဗိုလ်ချုပ်ကြီး ရာပြည့် |
| ယခင်လူ | ဗိုလ်ချုပ် စိုးတင့်နိုင် |
| ဒုတိယ တပ်မတော်စစ်ဖက်ရေးရာ လုံခြုံရေးအရာရှိချုပ် | |
| တာဝန်သက်တမ်း ၂၀၁၉ – ၂၀၂၂ | |
| ကိုယ်ရေး အချက်အလက်များ | |
| မွေးဖွား | ၁၉၆၆ |
| မိခင်ကျောင်း | တပ်မတော်(ကြည်း)ဗိုလ်သင်တန်းကျောင်း၊ (ဗထူး) |
| စစ်မှုထမ်းခြင်း | |
| သစ္စာခံနိုင်ငံ |  မြန်မာ |
| အမှုထမ်းကာလ | ၁၉၈၉ - ၂၀၂၃ |
| ရာထူး | ဗိုလ်ချုပ် |
| ဆုတံဆိပ်များ | ဇေယျကျော်ထင် (၂၀၂၂) |
ဗိုလ်ချုပ် တိုးရီ သည် လက်ရှိ ပြည်ထဲရေးဝန်ကြီးဌာန ၏ ဒုတိယဝန်ကြီး တာဝန်ကို ထမ်းဆောင်နေသည့် တပ်မတော် အရာရှိကြီးတစ်ဦး ဖြစ်သည်။ယခင်က တပ်မတော် စစ်ကြောရေးစခန်းများတွင် တာဝန်ယူကြီးကြပ်ရသူတစ်ဦးဖြစ်ခဲ့ပြီး ၎င်းနောက်ဆုံးတာဝန်ထမ်းဆောင်ခဲ့သည့် ရာထူးမှာ ဒုတိယ တပ်မတော်စစ်ဖက်ရေးရာ လုံခြုံရေးအရာရှိချုပ် ဖြစ်သည်။
ငယ်စဉ်ဘဝနှင့် ပညာရေး
[ပြင်ဆင်ရန်]ဗိုလ်ချုပ် တိုးရီ သည် ဗထူးမြို့ တွင် ဖွင့်လှစ်ထားသည့် တပ်မတော်(ကြည်း)ဗိုလ်သင်တန်းကျောင်း ဆင်းတစ်ဦး ဖြစ်သည်။၎င်းသည် (၇၇)ကြိမ်မြောက် ဖွင့်လှစ်သည့် ထို သင်တန်းကျောင်း မှ ၁၉၈၉ ခုနှစ်တွင် ဘွဲ့ရခဲ့သည်။ ဒုတိယဗိုလ်ချုပ်ကြီး ရဲဝင်းဦး နှင့် အပတ်စဉ် တူသည်။
စစ်မှုထမ်းဘဝ
[ပြင်ဆင်ရန်]ပြန်တမ်းဝင်အမှတ် ကြည်း ၂၁၄၃၂ ဖြင့် စစ်မှုထမ်းသည်။ တပ်မတော် တွင် ရာထူးအဆင့်ဆင့်ထမ်းဆောင်ပြီးနောက် တပ်မတော် စစ်ဘက်ရေးရာ လုံခြုံရေးအရာရှိချုပ်ရုံးတွင် သူသည် ဒုတိယအကြီးအကဲဖြစ်လာသည်။[၁]ယင်းမတိုင်မီက စစ်ဘက်ရေးရာလုံခြုံရေးတပ်ဖွဲ့၏ တန်ပြန်ထောက်လှမ်းရေးဌာန အကြီးအမှူးအဖြစ် လှုပ်ရှားခဲ့သူ ဖြစ်သည်။၂၀၂၁ ခုနှစ် မြန်မာနိုင်ငံစစ်အာဏာသိမ်းပြီးနောက်တွင် ကျော်မင်းယုနှင့် ဇေယျာသော် တို့ကို စစ်ဆင်ရေးများဖြင့် ဖမ်းဆီးခဲ့ရာတွင် သူသည် ဦးဆောင်ခဲ့သည်။[၂]သူသည် စစ်ဘက်ရေးရာလုံခြုံရေး ဒုတိယအရာရှိချုပ် တာဝန်ထမ်းဆောင်နေစဉ် ၂၀၂၂ ခုနှစ် ဇန်နဝါရီလ ၄ရက်နေ့ တွင် တပ်မတော်စွမ်းဆောင်မှုဆိုင်ရာဂုဏ်ထူးဆောင်ဘွဲ့တံဆိပ် တစ်ခု ဖြစ်သည့် ဇေယျကျော်ထင်ဘွဲ့ ကို နိုင်ငံတော်စီမံအုပ်ချုပ်ရေးကောင်စီ က အပ်နှင်းခဲ့သည်။[၃]၂၀၂၃ ခုနှစ် ဖေဖေါ်ဝါရီလ ၃ ရက်နေ့တွင် ပြည်ထဲရေး ဒုဝန်ကြီးအဖြစ် ရာထူးတိုးခံရသည်။[၄]
ကိုးကား
[ပြင်ဆင်ရန်]- ↑ စစ်ထောက်လှမ်းရေးဟောင်းများ၏ အကြံဉာဏ်ဖြင့် စစ်ကောင်စီလှုပ်ရှားနေ။ Myanmar Now (၁၇ ဇန်နဝါရီ ၂၀၂၂)။ ၈ ဩဂုတ် ၂၀၂၄ တွင် ပြန်စစ်ပြီး။
- ↑ စစ်ကြောရေးစခန်းများကိုင်တွယ်သူ ဒုပြည်ထဲရေးဝန်ကြီးဖြစ်လာ။ Myanmar Now (၆ ဖေဖော်ဝါရီ ၂၀၂၃)။ ၈ ဩဂုတ် ၂၀၂၄ တွင် ပြန်စစ်ပြီး။
- ↑ နိုင်ငံတော်စီမံအုပ်ချုပ်ရေးကောင်စီ အမိန့်ကြော်ငြာစာအမှတ်(၂/၂၀၂၂)စွမ်းဆောင်မှုဆိုင်ရာဂုဏ်ထူးဆောင်ဘွဲ့များ အပ်နှင်းခြင်း။ MOI Myanmar (၄ ဇန်နဝါရီ ၂၀၂၂)။ ၈ ဩဂုတ် ၂၀၂၄ တွင် ပြန်စစ်ပြီး။
- ↑ ပြည်ထဲရေးဒုတိယဝန်ကြီး ဗိုလ်ချုပ်စိုးတင့်နိုင်နေရာတွင် ဗိုလ်ချုပ်တိုးရီအား ပြောင်းလဲခန့်အပ်။ Eleven Media Group (၄ ဖေဖော်ဝါရီ ၂၀၂၃)။ ၈ ဩဂုတ် ၂၀၂၄ တွင် ပြန်စစ်ပြီး။