ဇော်မင်းထွန်း

ဇော်မင်းထွန်း အမည်ရှိ အခြားပုဂ္ဂိုလ်များအတွက် ဇော်မင်းထွန်း (သံတူကြောင်းကွဲ) ကို ကြည့်ပါ။

စည်သူ ဗိုလ်ချုပ် ဇော်မင်းထွန်း
၂၀၁၉ ခုနှစ် ဇန်နဝါရီလတွင် တပ်မတော်သတင်းမှန်ပြန်ကြားရေးအဖွဲ့ သတင်းစာရှင်းလင်းပွဲတွင် တွေ့ရှိရသော ဗိုလ်မှူးချုပ် ဇော်မင်းထွန်း
မြန်မာနိုင်ငံပြန်ကြားရေးဌာန ဒုတိယဝန်ကြီး
တာဝန်သက်တမ်း ၃၁ ဇူလိုင် ၂၀၂၅ – ၂၇ မတ် ၂၀၂၆
ခန့်အပ်သူ	အမျိုးသားကာကွယ်ရေးနှင့် လုံခြုံရေးကောင်စီ
ဝန်ကြီးချုပ်	ဦးညိုစော
ယခင်လူ	ကိုယ်တိုင်
တာဝန်သက်တမ်း ၇ ဖေဖော်ဝါရီ ၂၀၂၁ – ၃၁ ဇူလိုင် ၂၀၂၅
ခန့်အပ်သူ	နိုင်ငံတော်စီမံအုပ်ချုပ်ရေးကောင်စီ
သမ္မတ	မြင့်ဆွေ (ယာယီ)
ယခင်လူ	ဦးအောင်လှထွန်း
ဆက်ခံသူ	ကိုယ်တိုင်
နိုင်ငံတော်စီမံအုပ်ချုပ်ရေးကောင်စီ သတင်းအဖွဲ့ခေါင်းဆောင်
တာဝန်သက်တမ်း ၅ ဖေဖော်ဝါရီ ၂၀၂၁ – ၃၁ ဇူလိုင် ၂၀၂၅
ခေါင်းဆောင်	ဗိုလ်ချုပ်မှူးကြီး မင်းအောင်လှိုင်
ဝန်ကြီးချုပ်	ဗိုလ်ချုပ်မှူးကြီး မင်းအောင်လှိုင်
ယခင်လူ	ရာထူးတည်ထောင်ခြင်း
ဆက်ခံသူ	အဖွဲ့ဖျက်သိမ်း
အမျိုးသားကာကွယ်ရေးနှင့်လုံခြုံရေးကောင်စီ သတင်းအဖွဲ့ခေါင်းဆောင်
တာဝန်ထမ်းဆောင်ဆဲ
တာဝန် စတင် ၃ စက်တင်ဘာ ၂၀၂၅
ဝန်ကြီးချုပ်	ညိုစော
ခေါင်းဆောင်	ဗိုလ်ချုပ်မှူးကြီး မင်းအောင်လှိုင်
ယခင်လူ	ရာထူးတည်ထောင်ခြင်း
တပ်မတော်သတင်းမှန်ပြန်ကြားရေးအဖွဲ့ ဥက္ကဋ္ဌ
တာဝန်ထမ်းဆောင်ဆဲ
တာဝန် စတင် ၅ ဖေဖော်ဝါရီ ၂၀၂၁
ယခင်လူ	ဗိုလ်ချုပ် စိုးနိုင်ဦး
ပြည်သူ့ဆက်ဆံရေးနှင့် စိတ်ဓာတ်စစ်ဆင်ရေး ညွှန်ကြားရေးမှူး
တာဝန်သက်တမ်း ဖေဖော်ဝါရီ ၂၀၂၁ – မတ် ၂၀၂၆
ယခင်လူ	ဗိုလ်ချုပ် ထွန်းထွန်းညီ
ဆက်ခံသူ	ဗိုလ်ချုပ် ရဲရင့်အောင်
ကိုယ်ရေး အချက်အလက်များ
မွေးဖွား	မကွေးတိုင်းဒေသကြီး၊ ရေနံချောင်း၊ မြန်မာနိုင်ငံ
နိုင်ငံသား	မြန်မာ
လူမျိုး	မြန်မာ
ကြင်ဖော်	သင်းသင်းအောင်
သားသမီး	ယမုံမြင့်မြတ်
မိခင်ကျောင်း	စစ်တက္ကသိုလ် (၃၇)
အလုပ်အကိုင်	ဗိုလ်ချုပ်၊အဆင့်မြင့်ပြောရေးဆိုခွင့်ရှိသူ၊ဒုဝန်ကြီး
ဆုတံဆိပ်များ	စည်သူ
ဝက်ဘ်ဆိုဒ်	မြန်မာနိုင်ငံ ပြန်ကြားရေးဝန်ကြီးဌာန
စစ်မှုထမ်းခြင်း
သစ္စာခံနိုင်ငံ	တပ်မတော်
တပ်/တပ်ဖွဲ့ခွဲ	တပ်မတော် (ကြည်း)
အမှုထမ်းကာလ	၁၉၉၀–ယနေ့အထိ
ရာထူး	ဗိုလ်ချုပ်
တိုက်ပွဲ/စစ်ပွဲများ	မြန်မာ့ပြည်တွင်းစစ် (၂၀၂၁-လက်ရှိ) ၂၀၂၁ မြန်မာစစ်အာဏာသိမ်းမှု ၁၀၂၇ စစ်ဆင်ရေး

ဗိုလ်ချုပ် ဇော်မင်းထွန်း သည် ဗိုလ်ချုပ်အဆင့်ရှိ အရာရှိတစ်ဦးဖြစ်ပြီး ပြန်ကြားရေးဝန်ကြီးဌာန ဒုတိယဝန်ကြီးနှင့် အမျိုးသား ကာကွယ်ရေးနှင့် လုံခြုံရေးကောင်စီ သတင်းအဖွဲ့ခေါင်းဆောင်အဖြစ် တာဝန်ထမ်းဆောင်ခဲ့သူဖြစ်သည်။ ၎င်းသည် ၂၀၂၁ ခုနှစ်မှ ၂၀၂၅ ခုနှစ်အထိ နိုင်ငံတော်စီမံအုပ်ချုပ်ရေးကောင်စီ၏ သတင်းအဖွဲ့ခေါင်းဆောင်အဖြစ်လည်း တာဝန်ယူခဲ့သူ ဖြစ်သည်။

ယင်းအပြင် သူသည် မြန်မာ့တပ်မတော်၏ ပြည်သူ့ဆက်ဆံရေးနှင့် စိတ်ဓာတ်စစ်ဆင်ရေး ညွှန်ကြားရေးမှူးအဖြစ်လည်း ၅နှစ်ကျော် တာဝန်ယူခဲ့သည်။

ငယ်စဉ်ဘဝနှင့် ပညာရေး

ဗိုလ်ချုပ် ဇော်မင်းထွန်းသည် မြန်မာနိုင်ငံ အလယ်ပိုင်း မကွေးတိုင်းဒေသကြီး၊ ရေနံချောင်းမြို့ တွင် မွေးဖွားခဲ့သည်။

၎င်းသည် စစ်တက္ကသိုလ် အပတ်စဉ် ၃၇ မှ ဘွဲ့ရရှိခဲ့သည်။

သမ္မတဦးသိန်းစိန်အစိုးရလက်ထက် သမ္မတရုံး၏ ပြောရေးဆိုခွင့်ရှိသူအဖြစ် နှင့် ထိုနောက်ပိုင်း အမျိုးသားဒီမိုကရေစီအဖွဲ့ချုပ် (NLD) အစိုးရ၏ ပြောရေးဆိုခွင့်ရှိသူတစ်ဦးအဖြစ် ထမ်းဆောင်ခဲ့သူ သမ္မတရုံး ညွှန်ကြားရေးမှူးချုပ် ဦးဇော်ဌေးနှင့် စစ်တက္ကသိုလ် အပတ်စဉ်တူသည်။

ဗိုလ်ချုပ် ဇော်မင်းထွန်းသည် ၂၀၁၆ ခုနှစ် နောက်ပိုင်း တပ်မတော်သတင်းမှန်ပြန်ကြားရေးအဖွဲ့ဝင် ဖြစ်လာပြီးနောက် အစိုးရပြောရေးဆိုခွင့်ရှိသူ ဦးဇော်ဌေးနှင့် အချို့ကိစ္စရပ်များတွင် အမြင်ကွဲပြားမှုများ ရှိခဲ့သည်။ အထင်ရှားဆုံးဖြစ်ရပ်မှာ ၂၀၂၀ပြည့်နှစ် အထွေထွေရွေးကောက်ပွဲ ရွေးကောက်ပွဲရလဒ်များနှင့် ဆက်စပ်၍ အစိုးရနှင့် စစ်တပ်အကြား ဖြစ်ပေါ်ခဲ့သည့် သဘောထားကွဲလွဲမှုများဖြစ်ပြီး နှစ်ဖက်အကြား ပြင်းထန်စွာ ဝေဖန်မှုများရှိခဲ့ကြသည်။

ဇော်မင်းထွန်း (လက်ယာစွန်း) မှ ၂၀၁၉ ခုနှစ် ဖေဖော်ဝါရီလ ၂၃ ရက်နေ့ တပ်မတော်သတင်းမှန်ပြန်ကြားရေးအဖွဲ့ အစည်းအဝေးတွင်တွေ့ရှီရသော

စစ်မှုထမ်းဘဝ

ဗိုလ်ချုပ် ဇော်မင်းထွန်းသည် စစ်တက္ကသိုလ်မှ ဘွဲ့ရပြီးနောက် မြန်မာ့တပ်မတော် တွင် စစ်မှုထမ်းဘဝကို စတင်ခဲ့ပြီး သတင်းနှင့် ဆက်သွယ်ရေးကဏ္ဍများတွင် တာဝန်များကို အများဆုံး ထမ်းဆောင်ခဲ့သည်။ ၂၀၁၈ ခုနှစ်မှစ၍ တပ်မတော် သတင်းမှန်ပြန်ကြားရေးအဖွဲ့တွင် ပါဝင်လာခဲ့ပြီး၊ ၂၀၁၉ ခုနှစ်နှင့် နောက်ပိုင်းကာလများတွင်လည်း သတင်းမီဒီယာများနှင့် ဆက်ဆံမှုအများဆုံး အဓိကပြောရေးဆိုခွင့်ရှိသူ ဖြစ်လာခဲ့သည်။

၂၀၂၁ ခုနှစ် ဖေဖော်ဝါရီလ ၁ ရက်နေ့ စစ်တပ်အာဏာသိမ်းမှု နောက်ပိုင်းတွင် ဖေဖော်ဝါရီလ ၅ ရက်နေ့တွင် နိုင်ငံတော်စီမံအုပ်ချုပ်ရေးကောင်စီ၏ သတင်းအဖွဲ့ခေါင်းဆောင် အဖြစ် ခန့်အပ်ခဲ့ပြီး ဖေဖော်ဝါရီလ ၇ ရက်နေ့တွင် ပြန်ကြားရေးဝန်ကြီးဌာန ဒုတိယဝန်ကြီးအဖြစ် ထပ်မံခန့်အပ်ခံရသည်။

‌

၂၀၂၁ ခုနှစ် ဇန်နဝါရီလ ၂၆ ရက်နေ့တွင် တပ်မတော် သတင်းမှန်ပြန်ကြားရေးအဖွဲ့ သတင်းစာရှင်းလင်းပွဲတွင် ဇော်မင်းထွန်း မေးမြန်းခန်းတွင် မိန့်ခွန်းပြောနေစဉ်

ထိုကာလအတွင်း မြန်မာ့တပ်မတော်၏ ပြည်သူ့ဆက်ဆံရေးနှင့် စိတ်ဓာတ်စစ်ဆင်ရေး ညွှန်ကြားရေးမှူးအဖြစ်လည်း တာဝန်ယူခဲ့ပြီး သတင်းစာရှင်းလင်းပွဲများကို ဦးဆောင်ခဲ့သည်။

၂၀၂၁ ခုနှစ် ဇန်နဝါရီလ ၂၆ ရက်နေ့တွင် တပ်မတော်သတင်းစာရှင်းလင်းပွဲတွင် ပြည်သူ့မီဒီယာရှေ့မှ ဇော်မင်းထွန်း မိန့်ခွန်းပြောနေစဉ်

၂၀၂၅ ခုနှစ် စက်တင်ဘာလ ၃ ရက်နေ့တွင် အမျိုးသားကာကွယ်ရေးနှင့် လုံခြုံရေးကောင်စီ ၏ သတင်းအဖွဲ့ခေါင်းဆောင်အဖြစ် ခန့်အပ်ခံရပြီး ကောင်စီ၏ တရားဝင်ကြေညာချက်များ၊ သတင်းစာရှင်းလင်းပွဲများနှင့် မီဒီယာဖြေကြားမှုများကို ဆောင်ရွက်သည်။

ထင်ရှားဖြစ်ရပ်များ

ဗိုလ်ချုပ် ဇော်မင်းထွန်း သည် ၂၀၂၀ ရွေးကောက်ပွဲ နှင့် ၁၀၂၇စစ်ဆင်ရေး အပါအဝင် နိုင်ငံအတွင်း ဖြစ်ပွားခဲ့သည့် နိုင်ငံရေး နှင့် စစ်ရေးပဋိပက္ခများနှင့် ပတ်သက်၍ သတင်းစာရှင်းလင်းပွဲများတွင် တပ်မတော်၏ သဘောထားကို မကြာခဏ ပြောကြားခဲ့သူဖြစ်သည်။ ၎င်းသည် နိုင်ငံတကာဆက်ဆံရေးအပါအဝင် ရုရှား နှင့် ပူးပေါင်းဆောင်ရွက်မှုများနှင့်စပ်လျဉ်းပြီး တပ်မတော်၏ မူဝါဒအမြင်များကို ကိုယ်စားပြု ပြောကြားရသည့်အပြင် နိုင်ငံတကာမှ ဝေဖန်မှုများရှိခဲ့သည့် စစ်ရေးဆိုင်ရာ လှုပ်ရှားမှုများကိုလည်း ကာကွယ်ပြောကြားခဲ့ရသည်။ ဆန့်ကျင်ဘက် နိုင်ငံရေးအုပ်စုများနှင့် ပတ်သက်၍ တင်းမာသည့် သဘောထားရှိသူအဖြစ် ဖော်ပြခံရသည်။

၂၀၂၄ ခုနှစ်တွင် ဝင်းနိမ္မိတာရုံဆရာတော် ပျံလွန်တော်မူမှုနှင့် ပတ်သက်၍ စစ်ကောင်စီတပ်သားများ၏ လုပ်ဆောင်မှုကို ပြည်သူ့ကာကွယ်ရေးတပ်မတော်မှ မိုင်းဆွဲမှုကြောင့် ဖြစ်နိုင်ဟု သတင်းအမှားထုတ်ပြန်ခဲ့ရာ လူအများမှ ဝေဖန်မှုများရှိခဲ့သည်။ထို့နောက် ၂၀၂၄ ခုနှစ် ဇွန် ၂၁ ရက်တွင် အင်တာဗျူးဖြင့် ဆရာတော်များအား လက်အုပ်ချီကာ တောင်းပန်ခဲ့ပြီး လက်သည်ကို အရေးယူမည်ဟု ဖြေရှင်းခဲ့ရသည်။

၂၀၂၄ ခုနှစ်၊ အောက်တိုဘာလဆန်းပိုင်းတွင် ၎င်း၏ မိသားစုဝင်တစ်ဦးဖြစ်သော တူတော်စပ်သူ ဒုတိယဗိုလ်မှူးကြီး သက်ပိုင်ထွန်းသည် ကချင်ပြည်နယ်၊ဖားကန့် ရှိ Lucky Men ဟိုတယ်အနီးတွင် ဖြစ်ပွားသည့် တော်လှန်ရေးတပ်ဖွဲ့များနှင့် တိုက်ပွဲအတွင်း ဖမ်းဆီးခံရပြီးနောက် သေဆုံးခဲ့သည်။

တာဝန်မှအနားယူခဲ့ရခြင်း

၂၀၂၆ ခုနှစ်၊မတ်လတွင် ၎င်း၅နှစ်ကျော် တာဝန်ယူခဲ့သော ပြည်သူ့ဆက်ဆံရေးနှင့် စိတ်ဓာတ်စစ်ဆင်ရေး ညွှန်ကြားရေးမှူးရာထူးမှ ဖယ်ရှားခံခဲ့ရပြီး၊၎င်းနေရာသို့ ဗိုလ်မှူးချုပ် ရဲရင့်အောင်က အစားထိုးဝင်ရောက် ထမ်းဆောင်ခဲ့သည်။

၂၀၁၉ ခုနှစ် ဇန်နဝါရီလ ၁၈ ရက်နေ့၊ တပ်မတော် သတင်းမှန်ပြန်ကြားရေးအဖွဲ့ သတင်းစာရှင်းလင်းပွဲတွင် (လက်ယာစွန်း) ဇော်မင်းထွန်းကို တွေ့ရသည်။

၂၀၂၆ ခုနှစ်၊ မတ် ၂၃ ရက် စစ်ခေါင်းဆောင် ကျန်းမာရေးနှင့် ပတ်သက်သည့်သတင်း ထုတ်ပြန်ပြီးနောက် မတ် ၂၅ ရက် တွင် ခုံရုံးဖွဲ့စစ်ဆေးခံရသည့် သတင်းများ ကျယ်ကျယ်ပြန့်ပြန့် ထွက်ပေါ်ခဲ့ပြီး လူမြင်ကွင်းမှ​ပျောက်ကွယ်သွားကာ မည်သည့်တာဝန်မှ​ပေးအပ်မခံရတော့ပေ။

ဂုဏ်ထူးဆောင်ဘွဲ့များ

၂၀၂၆ ခုနှစ် ဇန်နဝါရီလ ၄ ရက်နေ့တွင် စည်သူဘွဲ့ကို လွတ်လပ်ရေးနေ့အခမ်းအနားတွင် လက်ခံရရှိခဲ့သည်။

ပုဂ္ဂိုလ်ရေးဘဝ

ဗိုလ်ချုပ် ဇော်မင်းထွန်းသည် အိမ်ထောင်သည် တစ်ဦးဖြစ်သည်။ဇနီးဖြစ်သူမှာ ဒေါ်သင်းသင်းအောင် ဖြစ်ပြီး၊သမီးတစ်ဦး ရှိသည်။