ဆွေးနွေးချက်:ကျွန်တော့် အမျိုးသမီးနဲ့ သူ့ရဲ့အမေ

အခြားဘာသာစကားများဖြင့် စာမျက်နှာအကြောင်းအရာများကို ပံ့ပိုးမထားပါ။
ဝီကီပီးဒီးယား မှ

တည်းဖြတ်သူ Mayor mt ရဲ့ စိတ်စေတနာကောင်းဖြင့် ဆောင်းပါးရွှေ့ခြင်းကို တွေ့လိုက်ရပါတယ်။ သို့သော်လည်း ကျနော့်အနေနဲ့ ကျနော်ဆိုတဲ့ စကားလုံးကို တမင်တကာသုံးထားခြင်း ဖြစ်ပါတယ်။ အသုံးပြုရခြင်းရဲ့ ရည်ရွယ်ချက်နှစ်ခု ရှိပါတယ်။

၁။ "ကျွန်တော်" ဆိုသောစာလုံးသည် တရားဝင် ရုံးသုံးမြန်မာစာဖြစ်သော်လည်း "ကျွန်" ဆိုသော စကားလုံးပါဝင်နေသဖြင့် မကြိုက်ပါ။ မြန်မာလူမျိုးများတွင်လည်း ဤသို့သောအမြင် တစ်ချို့တွင် ရှိကြပါတယ်။ ဒီဝီကီတည်းဖြတ်သူတစ်ချို့တွင်လည်း "ကျနော်"ကို သုံးထားသော ဆောင်းပါးများကို တွေ့ရသဖြင့် ဒီလို သဘောထားမျိုးရှိသူများ ရှိနိုင်ကြောင်း ထင်မိပါတယ်။ တိုက်ရိုက်ဘာသာပြန်ကြည့်လျှင် Royal Slave ဟု ပြောရမယ်ထင်ပါတယ်။ လွတ်လပ်သော မြန်မာနိုင်ငံအနေဖြင့် ဘုရင်ခေတ်မှ ဆင်းသက်လာသော အသုံးအနှုန်းများကို ပြန်လည်ဆန်းစစ်ကာ ပြင်ရန်သင့်ပါသည်။ ထိုကြောင့် "ကျနော်" ဆိုသောအသုံးကို အရပ်သုံး စကားပြော မြန်မာစာ ဖြစ်သော်လည်း ဤဝီကီ၌ သုံးစွဲခြင်း ဖြစ်ပါသည်။

၂။ ဒုတိယအချက်ကတော့ ပိုပြီးလက်တွေ့ဆန်ပါတယ်။ ကီးဘော့ဒ်လက်ကွက်မှာရိုက်ရတဲ့ အချက်ရေ ပိုနည်းပါတယ်။ "ကျနော်" က ၆-ချက် ဖြစ်ပါတယ်။ "ကျွန်တော်" က ၉-ချက် ဖြစ်ပါတယ်။ ဒီဝီကီအရှည်တည်တံ့ ခိုင်မြဲဖို့ရန် ဖတ်ရှုသူတွေများဖို့ရယ်၊ အကြောင်းအရာ ရှာဖွေရာမှာ လွယ်ကူဖို့ရယ်ဟာ အရေးပါပါတယ်။ ဒီအချက်ကို လက်ကွက်ရိုက်ချက်နည်းခြင်းက တိုက်ရိုက်အကျိုးပြုပါတယ်။

ဒါကြောင့် ကျနော် "ကျနော့် အမျိုးသမီးနဲ့ သူ့ရဲ့အမေ"ဆိုတဲ့ မူလခေါင်းစဉ်ကို ပြန်ရွှေ့မည်ဖြစ်ကြောင်း အသိပေးအပ်ပါတယ်။ တည်းဖြတ်သူ Mayor mt အသုံးပြုခဲ့တဲ့ "ကျွန်တော့် အမျိုးသမီးနဲ့ သူ့ရဲ့အမေ"ဆိုတဲ့ တရားဝင် ရုံးသုံးမြန်မာစာ အနေနဲ့ မှန်ကန်တဲ့ ခေါင်းစဉ်ကိုတော့ မဖျက်ပဲ ပြန်ရည်ညွှန်းပေးမယ်လို့ အသိပေးအပ်ပါတယ်။

တကယ်၍ တည်းဖြတ်သူ Mayor mt မှာ အထူးတလည် ကန့်ကွက်စရာ အကြောင်းရှိပါက ဤနေရာတွင် ပြန်လည်ဆွေးနွေးပေးနိုင်ပါတယ်။ ကျေးဇူးတင်ပါတယ်။ Dhawell.hlugalay (ဆွေးနွေး) ၁၀:၂၉၊ ၁၆ ဇွန် ၂၀၂၀ (UTC)[အကြောင်းပြန်ရန်]

ကျနော် ဆိုတဲ့ ဝေါဟာရက စာစကားထက် အပြောစကားဖြစ်ပါတယ်။ ကျွန်တော် ဆိုတာကတော့ မြန်မာစာလုံးပေါင်းသတ်ပုံကျမ်း၊ မြန်မာအဘိဓာန် တို့မှာ "ယောက်ျားကမိမိကိုယ်ကိုရည်ညွှန်းသောစကားလုံး" လို့ ဖော်ပြထားပါတယ်။ "ကျွန်" တစ်လုံးထဲ ဆိုရင်တော့ နိမ့်ကျတဲ့ အသုံးအနှုန်းဖြစ်နေပေမယ့် "ကျွန်တော်" ဆိုတာက လက်ရှိမှာ တရားဝင် ဝေါဟာရတစ်ခု ဖြစ်နေတဲ့အတွက် ဒီဝေါဟာရကို ယူရမှာ ဖြစ်ပါတယ်။ ဖြစ်ပါတယ်။(re-edit) ဝီကီပီးဒီးယားမှာ တည်းဖြတ်သူရဲ့ စိတ်ခံစားမှုကို ပါဝင်ထည့်သွင်းရေးသားတဲ့ ပုံစံထက် "ဘက်မလိုက်တဲ့ အမြင်" နဲ့သာ ရေးသားရမှာဖြစ်ပါတယ်။ NinjaStrikers «» ၁၁:၁၃၊ ၁၆ ဇွန် ၂၀၂၀ (UTC)[အကြောင်းပြန်ရန်]
P.S. "ကျနော်" လို့ သုံးထားတဲ့ ဆောင်းပါးတွေဟာ အများအားဖြင့် အရေးအသား ပြန်လည်ပြင်ဆင်ဖို့ လိုနေတဲ့ ဆောင်းပါးတွေ ဖြစ်ပြီး ပြင်ဆင်နိုင်ဖို့အတွက် tag တွဲမှတ်သားထားပါတယ်။ (ဥပမာ တင်ရွှေ၊ ဦး (မုံရွာ)စိုးလွင်၊ ဦး)။ ကျန်ဆောင်းပါးအချို့ကတော့ ယခုဆောင်းပါးလိုမျိုး ဖန်တီးမှုအနုပညာ အမည်တွေ ဖြစ်ပါတယ်။ မူရင်းကတည်းက မြန်မာလိုဖြစ်နေရင်တော့ ပြောစရာမရှိပေမယ့်၊ အခြားဘာသာစကားကနေ ဆီလျော်အောင်ပြန်ယူတဲ့အနေအထားမှာတော့ အလျဉ်းသင့်သလို သုံးသင့်တယ်လို့တော့ မြင်ပါတယ်။ NinjaStrikers «» ၁၁:၁၆၊ ၁၆ ဇွန် ၂၀၂၀ (UTC)[အကြောင်းပြန်ရန်]

အခြားသော စာအုပ်၊ ဂျာနယ်၊ မဂ္ဂဇင်း, website.... တွေမှာ အရေးအသားပုံစံများစွာနဲ့ ရေးကြတာ သူ့နည်း သူ့ဟန်နဲ့ကောင်းပါတယ်။ ဝီကီမှာ စာစကားဟန်ကို နှစ်သက်ပါတယ်။ များသောအားဖြင့် 'ကျနော်' ကို စကားဟန်တွေမှာပဲအသုံးများပြီ informal style ခေါ်မယ်ထင်တယ်။ 'ကျွန်တော်' ဆိုတာ ဘုရင်ခေတ်တွေမှာ အထက်ပါ ပြောသလို နှိမ့်ချတဲ့ စကားဖြစ်နိုင်ပေမယ့် ခေတ်ကာလရွေ့လျှားလာတာနဲ့အမျှ လက်ရှိခေတ်မှာ အဲဒီအဓိပ္ပာယ်မျိုး မရှိတော့ဘူးလို့ ယူဆပါတယ်။ 'ကျနော်' ဟာလည်း 'ကျွန်တော်' ကနေ အလွယ်ခေါ်ရင်းဖြစ်လာပုံပါပဲ။ 'ကျွန်တော်' မှာ အထက်ပါ sense ပါရင် ကျနော် မှာလည်း သေချာပေါက်ပါမှာပါ။ မြန်မာအဘိဓာန်မှာ 'ကျွန်တော်' ကို အသံနှစ်မျိုးနဲ့ ပြပါတယ်။ ကျွန်ဒေါ် (သို့) ကျနော် လို့ပြပါတယ်။ အထက်က bro Ninja ပေးထားသလို ' "ယောက်ျားကမိမိကိုယ်ကိုရည်ညွှန်းသောစကားလုံး"' အပြင် (ကျွန်တော့်အမြင်) လူကြီးသူမများကို စကားပြောရာမှာ ကျွန်တစ်ယောက်လို နှိမ့်ချတာမျိုးမဟုတ်ဘဲ ဂါရဝ၊ နိဝါတ ထားပြီး အခေါ်အပြောလုပ်တဲ့ စကားလုံး၊ မန္တလေးမှာ ယောက်ျားများတင်မက အမျိုးသမီးတစ်ချို့လည်း 'ကျွန်တော်' လို့သုံးကြပါတယ်။ ဒီစကားလုံးက ယခုခေတ်မှာ informal ရော formal ပုံစံရော ရေးကြပါတယ်။ 'ကျွန်တော်' ကိုပိုနှစ်သက်ပါတယ်။ ဘုရင်ခေတ်က အဓိပ္ပာယ်မျိုး ယခုခေတ် 'ကျွန်တော်' မှာမပါဘူးလို့လည်း ခံစားမိပါတယ်။Aungookingofcelestials (ဆွေးနွေး) ၂၁:၄၈၊ ၁၆ ဇွန် ၂၀၂၀ (UTC)[အကြောင်းပြန်ရန်]

စကားမစပ် 'ကျွန်တော့်.... ' မှာ အောက်ကမြစ်တစ်လုံးပိုနေသလားလို့' Aungookingofcelestials (ဆွေးနွေး) ၂၂:၃၆၊ ၁၆ ဇွန် ၂၀၂၀ (UTC)[အကြောင်းပြန်ရန်]