ခင်ခင်ရီ

ဝီကီပီးဒီးယား မှ
Jump to navigation Jump to search
ခင်ခင်ရီ
အဆိုတော် ရုပ်ရှင်မင်းသမီး ခင်ခင်ရီ
မွေးဖွားမ​အေးကြည်
(1917-02-11)၁၁ ဖေဖော်ဝါရီ၊ ၁၉၁၇
ပဲခူးမြို့ဗြိတိသျှဘားမား
ကွယ်လွန်၂ မတ်၊ ၁၉၉၁(1991-03-02) (အသက် ၇၄)
ရန်ကုန်မြို့မြန်မာ
အလုပ်အကိုင်ရုပ်ရှင်မင်းသမီး၊ အဆို​တော်
အိမ်ထောင်ဖက်(များ)ဝဏ္ဏကျော်ထင်ရန်နိုင်စိန်
သားသမီးသား(၃)ဦး၊ သမီး(၁)ဦး
မိဘ(များ)ဦးဘဟန် + ​ဒေါ်အုန်း​မေ

ခင်ခင်ရီ(၁၉၁၇-၁၉၉၁)သည် မြန်မာနိုင်ငံရုပ်ရှင်အနုပညာလောကတွင် အသံတိတ်ခေတ်မှစတင်ပြီး အောင်မြင်ကျော်ကြားလာခဲ့​သော ရုပ်ရှင်မင်းသမီးဖြစ်သည်။သီချင်းများလည်းသီဆိုခဲ့ရာ ဘင်ဂျိုသာဒွန်း​ရေး၍ ခင်​​မောင်ရင်နှင့် တွဲဖက်သီဆိုခဲ့​သော ကျိုက်ထီးရိုးသီချင်းနှင့် ဒဂုံဆရာတင်​ရေး​ခဲ့သော ​အောင်​စေတီသီချင်းတို့မှာ ထင်ရှားသည်။

ဒေါ်ခင်ခင်ရီကို ၁၉၁၇ ခုနှစ် ဖေဖော်ဝါရီလ ၁၁ ရက်နေ့တွင် ပဲခူးမြို့၌ အဖဦးဘဟန်၊ အမိဒေါ်အုန်းမေ တို့ကမွေးဖွားခဲ့သည်။ အမည်ရင်းမှာ မအေးကြည်ဖြစ်သည်။၁၉၂၉ ခုနှစ်တွင် ရုပ်ရှင်လောကသို့ဝင်ရောက်ခဲ့သည်။ အမည်ရင်းမအေးကြည်မှ ခင်ခင်ရီသို့ပြောင်းလဲခဲ့သည်။

ပထမဦးဆုံး စတင်ရိုက်ကူးခဲ့သော ရုပ်ရှင်ဇာတ်ကားမှာ ရွှေအိမ်စည်နှင့်ပဋိက္ခရားဖြစ်ပြီး ဗြိတိသျှဘားမားရုပ်ရှင် ကုမ္ပဏီက ရိုက်ကူးခဲ့ခြင်းဖြစ်သည်။ဒေါ်ခင်ခင်ရီပါဝင်ရိုက်ကူးခဲ့သည့် ရုပ်ရှင်ဇာတ်ကား ပေါင်း ၁ဝဝ ကျော်တွင် အောင်မြင်ကျော်ကြားခဲ့သည့် ဇာတ်ကားများမှာ ဣတ္ထိယသူဇာရွှေနှင့်မြအပျိုစင်နှင့်ကလေးမ၊ ရုပ်ရှင်ဇာတ်ကားများဖြစ်သည်။ နောက်ဆုံးပါဝင်ရိုက်ကူးခဲ့သည့်ရုပ်ရှင်ကားမှာ ဒါရိုက်တာ ဂန္ထဝင်မောင်ဝိုင်းရိုက်ကူးသောအချစ်ရွာဇာတ်ကားဖြစ်သည်။ ဒေါ်ခင်ခင်ရီသည် ပြည့်စုံရုပ်ရှင်မှ ညတိုက်ပွဲ (ရုပ်ရှင်စုံ)တွင်ရှေးခေတ်မြန်မာ့ ရုပ်ရှင်သမိုင်းအခန်းတစ်ခန်း၌မင်းသားတင်ငွေနှင့်အတူပါဝင်သရုပ်ဆောင် ခဲ့သည်။ ဒေါ်ခင်ခင်ရီသည် နိုင်ငံရေးနှင့်လူမှုရေးလုပ်ငန်းများ တွင်လည်း တက်ကြွစွာပါဝင်ဆောင်ရွက်ခဲ့သူဖြစ်သည်။ မြန်မာနိုင်ငံအထိမ်းအမှတ် နေ့ရက်ကြီးများနှင့်ပတ်သက်သော အခမ်းအနားများအတွက် ဇာတိသွေး၊ ဇာတိမာန် တက်ကြွစေမည့် တေးသီချင်းများဖြင့်သီဆိုလှုံ့ဆော် ပေးခဲ့သည်။ အပျော်တမ်းသူနာပြုအဖွဲ့တွင်လည်း ပါဝင်ဆောင်ရွက်ခဲ့သည်။ ဒေါ်ခင်ခင်ရီသည် ၁၉၄၄ ခုနှစ်တွင် စာရေးဆရာ၊ ဒါရိုက်တာဝဏ္ဏကျော်ထင် ဦးရန်နိုင်စိန် (အငြိမ်းစားညွှန်ကြားရေးမှူး၊ ယဉ်ကျေးမှုဝန်ကြီးဌာန)နှင့် အိမ်ထောင်ပြုခဲ့သည်။ သားသုံးဦးနှင့်သမီးတစ်ဦး ထွန်းကားခဲ့သည်။ ရုပ်ရှင်မင်းသမီးကြီးဒေါ်ခင်ခင်ရီသည် ၁၉၉၁ ခုနှစ် မတ်လ ၂ ရက်နေ့တွင် ရန်ကုန်မြို့၌ကွယ်လွန်သည်။

[၁]

ကိုးကား[ပြင်ဆင်ရန်]

  1. မြန်မာ့စွယ်စုံကျမ်း နှစ်ချုပ်(၁၉၉၂)

ကိုးကား[ပြင်ဆင်ရန်]

  • သားဖြစ်သူမောင်နန္ဒဝင်းနိုင်၏ ကိုယ်တိုင်ပြောပြချက်