ကျော်ကျော်မောင်
ကျော်ကျော်မောင် | |
|---|---|
| ၁၂ ဦးမြောက် မြန်မာနိုင်ငံတော်ဗဟိုဘဏ် ဥက္ကဋ္ဌ | |
| တာဝန်သက်တမ်း ၃၁ ဇူလိုင် ၂၀၁၈ – ၁ ဖေဖော်ဝါရီ ၂၀၂၁ | |
| သမ္မတ | ဦးဝင်းမြင့် |
| ယခင်လူ | ဦးသန်းညိန်း |
| ဆက်ခံသူ | ဦးသန်းညိန်း |
| ၁၁ ဦးမြောက် မြန်မာနိုင်ငံတော်ဗဟိုဘဏ် ဥက္ကဋ္ဌ | |
| တာဝန်သက်တမ်း ၁ ဩဂုတ် ၂၀၁၃ – ၃၁ ဇူလိုင် ၂၀၁၈ | |
| သမ္မတ | ဦးသိန်းစိန် ဦးထင်ကျော် ဦးဝင်းမြင့် |
| ယခင်လူ | ဦးသန်းညိန်း |
| ဆက်ခံသူ | ဦးသန်းညိန်း |
| ၉ ဦးမြောက် မြန်မာနိုင်ငံတော်ဗဟိုဘဏ် ဥက္ကဋ္ဌ | |
| တာဝန်သက်တမ်း ၂၀ နိုဝင်ဘာ ၁၉၉၇ – ၁၁ ဧပြီ ၂၀၀၇ | |
| ခေါင်းဆောင် | နိုင်ငံတော်အေးချမ်းသာယာရေးနှင့်ဖွံ့ဖြိုးရေးကောင်စီ |
| ယခင်လူ | ဦးကြည်အေး |
| ဆက်ခံသူ | ဦးသန်းညိန်း |
| ကိုယ်ရေး အချက်အလက်များ | |
| မွေးဖွား | ဧပြီ ၁၂၊ ၁၉၃၉ မန္တလေးမြို့ |
| လူမျိုး | မြန်မာ |
| ကြင်ဖော်(များ) | ဒေါ်ညွှန့်ညွှန့်ရီ |
| သားသမီး | စောထွန်းကျော် နေထွန်းကျော် မီမီကျော် ဖြူဖြူကျော် |
| အလုပ်အကိုင် | စီးပွားရေးပညာရှင် |
ဦးကျော်ကျော်မောင် (၁၉၃၉ ဖွား) သည် မြန်မာနိုင်ငံတော်ဗဟိုဘဏ် ဥက္ကဋ္ဌ အဖြစ် တာဝန်ထမ်းဆောင်ခဲ့သူဖြစ်သည်။[၁] အစိုးရအဖွဲ့ ၃ ဆက်အထိ ၃ကြိမ်တိုင်တိုင် မြန်မာနိုင်ငံတော်ဗဟိုဘဏ် ၏ ဥက္ကဋ္ဌ အဖြစ် ခန့်အပ်တာဝန်ပေးခံခဲ့ရ၍ သူသည် သက်တမ်းအရှည်ကြာဆုံး တာဝန်ပေးခံရသူ အဖြစ် စံချိန်တင်သည်။သူ၏ ဗဟိုဘဏ်ဥက္ကဋ္ဌ ထမ်းဆောင်သက်မှာ ၁၈ နှစ် အထိ ရှိခဲ့သည်။
ငယ်ဘဝ
[ပြင်ဆင်ရန်]အဖ ဦးမောင်မောင်၊အမိ ဒေါ်ကြင်ကြင် တို့က သူ့အား မန္တလေးမြို့ တွင် မွေးဖွားခဲ့သည်။
ပညာအရည်အချင်း
[ပြင်ဆင်ရန်]သူသည် ဆယ်တန်း အောင်ပြီးနောက် စီးပွားရေးဆိုင်ရာပညာရပ်အား ဆည်းပူးသင်ကြားသည်။ B.Com (ဝါဏိဇ္ဇဝိဇ္ဇာ) ဘွဲ့ ရရှိသည်။[၂]
ဝန်ထမ်းဘဝ
[ပြင်ဆင်ရန်]သူသည် ဘွဲ့ရပြီးနောက် မြန်မာ့စီးပွားရေးဘဏ် တွင် ဝန်ထမ်းအဖြစ် အလုပ်ဝင်ပြီး ဘဝဖြတ်သန်းခဲ့သည်။ရာထူးအဆင့်ဆင့် တိုးသည်။၁၉၇၀ ပြည့်နှစ် အလွန်ကာများတွင် မြန်မာ့စီးပွားရေးဘဏ် မှ တဆင့် ဗဟိုဘဏ် သို့ ကူးပြောင်းသည်။
ဗဟိုဘဏ်ဥက္ကဋ္ဌ ဘဝ
[ပြင်ဆင်ရန်]၁၉၉၇ ခုနှစ် နိုဝင်ဘာလ ၂၀ရက် တွင် ဗဟိုဘဏ် ဥက္ကဋ္ဌ အဖြစ် နိုင်ငံတော်အေးချမ်းသာယာရေးနှင့်ဖွံ့ဖြိုးရေးကောင်စီ က ခန့်အပ်လိုက်၍ သူသည် ဗဟိုဘဏ် ၏ ၉ ဦးမြောက် ဥက္ကဋ္ဌ ဖြစ်လာသည်။ ထိုတာဝန် ကို ၁၀ နှစ် ကြာ တာဝန်ထမ်းသည်။ သမ္မတဦးသိန်းစိန်အစိုးရအဖွဲ့ လက်ထက် ၂၀၁၃ ခုနှစ် ဩဂုတ် ၁ရက်နေ့တွင် သူသည် ဗဟိုဘဏ် ဥက္ကဋ္ဌ အဖြစ် ရွေးချယ်တင်မြှောက်ခံရသည်။ သက်တမ်း ၅နှစ် ပြည့်သည်အထိ တာဝန်ထမ်းဆောင်ပြီးနောက် အမျိုးသားဒီမိုကရေစီအဖွဲ့ချုပ်အစိုးရ က သူ့ကိုပင် ဗဟိုဘဏ်ဥက္ကဋ္ဌ အဖြစ် ဆက်လက်တာဝန် ပေးသည်။[၃] [၄] ထိုတာဝန် အား ၂၀၂၁ မြန်မာနိုင်ငံစစ်အာဏာသိမ်း သည့် ၂၀၂၁ ဖေဖော်ဝါရီ ၁ရက်နေ့အထိ တာဝန်ထမ်းဆောင်ခဲ့သည်။
ဝေဖန်ခံရမှုများ
[ပြင်ဆင်ရန်]အရေးယူပိတ်ဆို့ခံရမှုများကြောင့် နိုင်ငံတကာ နှင့် ကင်းကွာနေသည့်ကာလ အပါအဝင် ၂ဝဝ၃ ခုနှစ် မြန်မာနိုင်ငံ ဘဏ်လုပ်ငန်းအကျပ်အတည်း ကာလတစ်လျှောက် သူသည် ဗဟိုဘဏ် ဦးဆောင်ခဲ့သူဖြစ်ခဲ့သော်လည်း အကျပ်အတည်းအား ကန့်သတ်ရန် လုံလောက်သည့် လုပ်ဆောင်ချက်များ မလုပ်ခဲ့သူ ဟု စွပ်စွဲခံရဖူးသည်။[၅] ယင်းအပြင် ၂၀၁၈ ခုနှစ်က ၎င်း၏ နောက်ထပ်သက်တမ်းအား သမ္မတဦးဝင်းမြင့် က တိုးသည့်အခါတွင်လည်း မြန်မာ့စီးပွားရေးအား တိုးတက်အောင် မလုပ်ဆောင်နိုင်ခဲ့သူ တစ်ဦး အဖြစ် ပုံဖော်ဝေဖန်ခံရသည်။[၆] [၇]
မိသားစုဘဝ
[ပြင်ဆင်ရန်]သူသည် အိမ်ထောင်သည်တစ်ဦးဖြစ်ပြီး၊သားသမီး ၄ ဦး ထွန်းကားခဲ့သည်။
ကိုးကား
[ပြင်ဆင်ရန်]- ↑ မြန်မာနိုင်ငံတော်ဗဟိုဘဏ်တွင် တာဝန်ထမ်းဆောင်ခဲ့သော ဥက္ကဋ္ဌကြီးများ။ Central Bank of Myanmar။ 25 March 2024 တွင် ပြန်စစ်ပြီး။
- ↑ ဗဟိုဘဏ်ဥက္ကဋ္ဌအဖြစ် ဦးကျော်ကျော်မောင်ကိုခန့်အပ်ရန် သမ္မတ အဆိုပြု။ ဆင်ဟွာသတင်း (၂၆ ဇူလိုင် ၂၀၁၈)။ ၂၅ မတ် ၂၀၂၄ တွင် ပြန်စစ်ပြီး။
- ↑ လက်ရှိဗဟိုဘဏ် ဥက္ကဋ္ဌကို သက်တမ်းတိုးဖို့ သမ္မတ အဆိုပြု။ BBC Burmese (၂၆ ဇူလိုင် ၂၀၁၈)။ ၂၅ မတ် ၂၀၂၄ တွင် ပြန်စစ်ပြီး။
- ↑ Myanmar's veteran central bank chief gets another term။ Reuters (26 July 2018)။ 25 March 2024 တွင် ပြန်စစ်ပြီး။
- ↑ ဗဟိုဘဏ်ဥက္ကဋ္ဌသစ် ဘယ်သူဖြစ်လာမလဲ။ Frontier Myanmar (၄ ဇွန် ၂၀၁၈)။ ၂၅ မတ် ၂၀၂၄ တွင် ပြန်စစ်ပြီး။
- ↑ ဗဟိုဘဏ်ဥက္ကဋ္ဌပြန်လည် ခန့်အပ်မှုအပေါ် အမြင်သဘောထားများ။ VOA Burmese (၆ ဩဂုတ် ၂၀၁၈)။ ၂၅ မတ် ၂၀၂၄ တွင် ပြန်စစ်ပြီး။
- ↑ မြန်မာနိုင်ငံတော်ဗဟိုဘဏ်ဥက္ကဋ္ဌ ရာထူးအတွက် ယခင်အစိုးရလက်ထက်က စတင်တာဝန်ယူခဲ့သော လက်ရှိဗဟိုဘဏ်ဥက္ကဋ္ဌ ဦးကျော်ကျော်မောင်အား ဆက်လက်ခန့်ထားရန် အမည်စာရင်းတင်သွင်းခဲ့ပြီး အပြောင်းအလဲကို ဆောင်ရွက်နိုင်လိမ့်မည်ဟု မမျှော်လင့်ကြောင်း NLD ပါတီလွှတ်တော်ကိုယ်စားလှယ် ပြောကြား။ Eleven Media Group (၂၇ ဇူလိုင် ၂၀၁၈)။ ၂၅ မတ် ၂၀၂၄ တွင် ပြန်စစ်ပြီး။