အပိုလို ၁၁

အပိုလို ၁၁ ဖြင့် လကမ္ဘာပေါ် တက်ရောက်ခဲ့ကြသည့် အာကာသယာဉ်မှူးများ

အပိုလို ၁၁ အာကာသ စီမံကိန်းသည် လူသားများ ပထမဦးဆုံးအကြိမ် လကမ္ဘာသို့ သွားရောက်သည့် အစီအစဉ်ဖြစ်သည်။ ဤအစီအစဉ်သည်လည်း အပိုလို ပရောဂျက်၏ ပဉ္စမအကြိမ် လူသားများအား တင်ဆောင်သွားသည့် အာကာသ အစီအစဉ်ဖြစ်ပြီး လကမ္ဘာသို့ (သို့မဟုတ်) လကမ္ဘာပတ်လမ်းသို့ သွားရောက်သည့် တတိယမြောက် ခရီးစဉ်ဖြစ်သည်။

အပိုလို ၁၁ ကို ၁၉၆၉ ခုနှစ် ဇူလိုင် ၁၆ ရက်နေ့တွင် လွှတ်တင်ခဲ့သည်။ အာကာသယာဉ်မှူး နေးလ် အမ်းစထရောင်း၊ မိုက်ကယ် ကိုလင်းနှင့် ဘတ်ဇ် အယ်ဒရင်တို့ လိုက်ပါသွားသည်။ ဇူလိုင်လ ၂၀ ရက်နေ့တွင် အမ်းစထရောင်းနှင့် အယ်ဒရင်တို့သည် လကမ္ဘာပေါ်သို့ ပထမဦးဆုံး ခြေချခဲ့သည့် လူသားများ ဖြစ်ခဲ့သည်။ ကိုလင်းမှာမူ လကမ္ဘာပတ်လမ်းတွင် လည့်ပတ်နေသည့် အာကာသယာဉ်ပေါ်တွင် အစောင့်အဖြစ် နေခဲ့သည်။