သိင်္ဂုတ္တရကုန်းတော်

သိင်္ဂုတ္တရကုန်းတော် Siṅguttara Hill
Location in Myanmar
အမြင့်ဆုံးအမှတ်
အမြင့်	၅၁ m (၁၆၇ ft)
စာရင်းသွင်းခြင်း	List of mountains in Myanmar
ကိုဩဒိနိတ်	16°47′54″N 96°8′58″E
အမည်ပေးခြင်း
ဒေသခေါ်အမည်	သိင်္ဂုတ္တရကုန်းတော် Error {{native name checker}}: parameter value is malformed (help)
ပထဝီဝင်
တည်နေရာ	Yangon, Myanmar
တောင်တက်ခြင်း
ပထမဆုံး တက်ရောက်ခြင်း	unknown
အလွယ်ဆုံး တောင်တက်လမ်း	walk

သိင်္ဂုတ္တရကုန်းတော် သည် မြန်မာနိုင်ငံ၊ ရန်ကုန်မြို့တွင် တည်ရှိပြီး ရွှေတိဂုံစေတီတော်ကို တည်ထားကိုးကွယ်ရာကုန်းတော် ဖြစ်သည်။

သိင်္ဂုတ္တရကုန်းတော်နှင့် ဆက်စပ်နေသည့် သမိုင်းကြောင်း

တပုဿနှင့် ဘလ္လိက

ဘာသာရေးကိုင်းရှိုင်းသည့် မွန်တိုင်းပြည်မှ ကုန်သည်ညီအစ်ကိုနှစ်ဦး တပုဿနှင့် ဘလ္လိတို့ ညီနောင်သည် ဂေါတမဗုဒ္ဓသည် အရိယာအဖြစ်သို့ ရောက်ရှိပြီးနောက်များကြာမီတွင် အိန္ဒိယနိုင်ငံမြောက်ပိုင်းတွင် ဂေါတမဗုဒ္ဓနှင့် တွေ့ဆုံခဲ့ကြသည်။ ထိုအခါ ဂေါတမဗုဒ္ဓသည် ညီနောင်နှစ်ဦးအား ဆံတော်ရှစ်ဆူ ပေးသနားတော်မူခဲ့သည်။ ဤညီနောင်နှစ်ဦးသည် မြတ်စွာဘုရား၏ သာသနာတော်တွင် ပထမဆုံးသော သာသနာတော်ကို သက်ဝင်ယုံကြည်သူများ ဖြစ်ကြသည်။ ထို့နောက်တွင် မြတ်စွာဘုရားသည် ဓာတ်တော်များကို သိင်္ဂုတ္တရကုန်းတော်တွင် ဌာပနာထားရန်နှင့် ထိုနေရာသည် ယခင်ပွင့်တော်မူပြီးခဲ့သည့် ဘုရားသုံးဆူ၏ ဓာတ်တော်များ ကိန်းအောင်းရာနေရာဖြစ်ကြောင်း ပြောကြားခဲ့သည်။ ထို့နောက်တွင် မြတ်စွာဘုရားသည် ကုန်းတော်၏ အမည်၊ သက်တမ်းတို့ကို ပြောကြားခဲ့သည်။ တပုဿနှင့် ဘလ္လိကတို့သည် သိင်္ဂုတ္တရကုန်းတော်ကို ရှာဖွေတွေ့ရှိခဲ့ကြသည်။

သမိုင်းဖော်ပြချက်

တောင်ကုန်းသည် ပဲခူးရိုးမ၏ အစွန်ဆုံးတောင်စွယ်တွင် တည်ရှိသည်။ ရန်ကုန်မြို့လယ်မှ မြောက်ဘက် သုံးကီလိုမီတာခန့်အကွာနှင့် ကန်တော်ကြီးမှ အနောက်ဘက်တွင် တည်ရှိသည်။ တောင်ကုန်းကို အထစ်သုံးခုဖြင့် ခွဲခြားထားသည်။ အောက်ဆုံးအထစ်သည် လမ်းမဖြစ်ပြီး (ဤနေရာမှစကာ လမ်းလျှောက်၍ တက်ရောက်နိုင်သည် )၊ ဒုတိယအထစ်သည် ဘုရားပရဝုဏ်ဖြစ်ကာ ဤနေရာမှ စတင်၍ ဖိနပ်စီးခြင်းများ၊ ဦးထုပ်ဆောင်းခြင်းများကို ခွင့်ပြုမထားပေ။ အပေါ်ဆုံးအထစ်သည် စေတီတော်တည်ရှိသည်။ ကားလမ်းမှသည် ဘုရားတည်ရှိရာသို့ သွားရောက်ရာ လမ်းသည် လေးခုရှိသည်။ အရှေ့ဘက်မုခ်၊ အနောက်ဘက်မုခ်၊ တောင်ဘက်မုခ်၊ မြောက်ဘက်မုခ် စသည့် တန်ဆောင်းလေးခုမှတစ်ဆင့် တက်ရောက်နိုင်ကြသည်။ အရှေ့ဘက်မုခ်နှင့် တောင်ဘက်မုခ်သည် လူဝင်ရောက်မှုအများဆုံး တန်ဆောင်းများ ဖြစ်ကြသည်။

ဒုတိယအင်္ဂလိပ်-မြန်မာစစ်ပွဲတွင် တောင်ကုန်းကို အင်္ဂလိပ်တို့သည် တပ်စခန်းချရာနေရာအဖြစ် အသုံးပြုခဲ့ကြပြီး ၎င်းကိုလည်း ၁၉၂၀ နှစ်များမတိုင်ခင်အထိ ထိန်းသိမ်းထားကြသည်။