ကျော်သူ

Wikipedia မှ
ဤနေရာသို့သွားရန် - အ​ညွှန်း​, ရှာ​ဖွေ​ရန်​
ကျော်သူ
Kyaw thu.jpg
'
မွေးသက္ကရာဇ် ၂ နိုဝင်ဘာ ၁၉၅၉
အမည်ရင်း ကျော်ဝင်း
မိဘအမည် ဦးစိန်တင် + ဒေါ်မေသန်း
မွေးဖွားရာဒေသ ရန်ကုန်မြို့
နိုင်ငံသား Flag of Myanmar.png မြန်မာ
လူမျိုး ဗမာ​
ကိုးကွယ်သည့်ဘာသာ ဗုဒ္ဓဘာသာ
ပညာအရည်အချင်း နောက်ဆုံးနှစ် (ရန်ကုန်တက္ကသိုလ်)
အလုပ်အကိုင် ရုပ်ရှင်သရုပ်ဆောင်၊ ရုပ်ရှင် ဒါရိုက်တာ
ကြင်ဖော် မြင့်မြင့်ခင်ဖေ (ရွှေဇီးကွက်)
သားသမီး
ထင်ပေါ်ကျော်ကြားမှု အကယ်ဒမီရ မင်းသား၊ နာရေးကူညီမှု အသင်းထူထောင်သူ
ထင်ရှားသည့်လက်ရာများ
ရရှိခဲ့သည့်ဘွဲ့တံဆိပ်များ မြန်မာ့ ရုပ်ရှင် ထူးချွန်ဆု၊ Doctor of Humane Social Services ဘွဲ့
ကွယ်လွန်ရက်
ကွယ်လွန်ရာဒေသ
လက်မှတ် [[Image:|100px]]
ကွန်ယက် http://www.facebook.com/pages/Kyaw-Thu/174427511697?ref=mf

http://en.wikipedia.org/wiki/Kyaw_Thu


ကျော်သူသည် ရုပ်ရှင်သရုပ်ဆောင် နှင့် ရုပ်ရှင်ဒါရိုက်တာ အတွက် မြန်မာ့ရုပ်ရှင်အကယ်ဒမီ ထူးချွန်ဆု နှစ်ခု ရရှိထား သူ ဖြစ်သည်။ ၁၉၅၉ နိုဝင်ဘာလ ၂ ရက် တွင်မွေးဖွားသည်။ ၁၉၈၀ နှင့် ၁၉၉၀ နှစ်များအတွင်း မြန်မာ့ရုပ်ရှင် ထိပ်ပိုင်းဦးဆောင်သူများထဲမှ တစ်ဦးအဖြစ် ရုပ်ရှင်များကို ရိုက်ကူးခဲ့သည်။ ကျော်သူသည် ဆင်းရဲသားများအတွက် လူမှုရေးလုပ်ငန်းများတွင် အချိန်များစွာ စိုက်ထုတ်ခဲ့ပြီး၊ ထိုလုပ်ငန်းသည် မြန်မာစစ်အစိုးရ အတွက် ပြောဆိုဝေဖန်မှုများဖြစ်စရာ တစ်ဖြည်းဖြည်း ဖြစ်လာသည်။ ကျော်သူသည် နာရေးကူညီမှုအသင်း(ရန်ကုန်) အသင်း၏ ဥက္ကဋ္ဌလည်း ဖြစ်သည်။

ငယ်ဘဝ[ပြင်​ဆင်​ရန်​]

ကျော်သူသည် ဦးစိန်တင်၊ ဒေါ်မြသန်း တို့မှ ရန်ကုန်တွင် မွေးဖွားခဲ့ပြီး အမည်ရင်းမှာ ကျော်ဝင်း ဖြစ်သည်။ ရန်ကုန်တက္ကသိုလ်တက်ရောက်ခဲ့ပြီး၊ ရုပ်ရှင်လုပ်ငန်းတွင် ဇောက်ချလုပ်ကိုင်လို၍ တက္ကသိုလ်နောက်ဆုံး နှစ်တွင် ကျောင်းထွက်ခဲ့သည်။ လှိုင်တက္ကသိုလ်ကျောင်းဝင်းတွင် ကျောင်းတက်နေစဉ် ဇနီးဖြစ်လာမည့် မြင့်မြင့်ခင်ဖေ နှင့် ၁၉၇၈ တွင် တွေ့ဆုံခဲ့သည်။ ကျော်သူသည် မြင့်မြင့်ခင်ဖေနှင့် လက်ထပ်ခဲ့ပြီး၊ သား ပြည်သိန်းကျော် နှင့် သမီး မြင့်မိုရ်ဦး တို့ မွေးဖွားခဲ့သည်။

သရုပ်ဆောင်ဘဝ[ပြင်​ဆင်​ရန်​]

ကျော်သူသည် ရုပ်ရှင်လောကသို့ ၁၉၈၄ ခုနှစ်တွင် စတင်ဝင်ရောက်ခဲ့ပြီး၊ ရုပ်ရှင်သက်တမ်းအနှစ် နှစ်ဆယ်ကျော်အတွင်း ရုပ်ရှင်ကား ၂၀ဝ ကျော်တွင်ပါဝင်၍ ဒါရိုက်တာအဖြစ် ရုပ်ရှင် ၆ ကား ရိုက်ကူးခဲ့သည်။ ၁၉၈၀ နှင့် ၁၉၉၀ နှစ်များတွင် ကျော်သူသည် မြန်မာ့ရုပ်ရှင်တွင် အောင်မြင် ကျော်ကြားသူများထဲမှ တစ်ယောက်ဖြစ်သည်။

“တစ်ပြည်သူမရွှေထား” (Miss Shwe Hta, the Foreigner) ရုပ်ရှင်တွင် အကောင်းဆုံးသရုပ် ဆောင်ခဲ့သည့်အတွက် ၁၉၉၄ မြန်မာ့ရုပ်ရှင်အကယ်ဒမီဆု ကို ရရှိခဲ့သည်။ အများကယုံကြည်နေကြသည် မှာ မြန်မာ့ရုပ်ရှင်မြှင့်တင်ရေးအဖွဲ့ (MMPO) မှ ဝါဒဖြန့်ချီရေးကားများတွင် ပါဝင်သရုပ်ဆောင်ရန် တောင်းဆိုလာမှု များကို ခေါင်းငြိမ့်လိုက်လျောခဲ့မည်ဆိုပါက ကျော်သူသည် ထူးချွန်ဆုများစွာ ပို၍ ရရှိမည်ဖြစ်သည်။ ၁၉၉၄ ခုနှစ်အထိ ဝါဒဖြန့်ကားများကို ငြင်းဆိုခဲ့သည်။ ၁၉၉၃ ခုနှစ်တွင် သူ၏ရုပ်ရှင်ကားများထဲမှ တစ်ကားသည် လူကြိုက်များပြီး၊ ဆုရရှိမည်ဟု ခန့်မှန်းပြောဆိုကြသော်လည်း ဆုတစ်ခု မှမရရှိခဲ့ပါ။ ၁၉၉၄ ခုနှစ်အရောက် နောက်ဆုံးတွင် သူသည်အစိုးရလိုလားသည့် ရုပ်ရှင်ကားရိုက်ရန် သဘောတူလိုက်ရပြီး၊ တစ်ပြည်သူနှင့် ဆုရရှိခဲ့သော်လည်း ယခင်ရိုက်က်ခဲ့သည့်ကားများလောက်ပင် အားမရခြင်းကို သူခံစားခဲ့ရသည်။

ဒုတိယအကယ်ဒမီဆုကို ၂၀ဝ၃ ခုနှစ်၏ “အမေ့နို့ဖိုး” ရုပ်ရှင်ကားအတွက် အကောင်းဆုံးဒါရိုက်တာဆုကို ရရှိခဲ့သည်။ နောက်ဆုံးတွင် အာဏာပိုင်များနှင့် စကားများရန်ဖြစ်သောကြောင့် – ရဟန်းသံဃာများဦးဆောင်သည့် အစိုးရဆန့်ကျင်ရေးဆန္ဒပြပွဲများကို အားပေးထောက်ခံခဲ့သည့်အတွက် ၂၀ဝ၇ အောက်တိုဘာလတွင် ဖမ်းဆီးခြင်းခံခဲ့ရသည်။ ၎င်းအနေဖြင့်ထူးချွန်ဆုထပ်ရဘို့ မဖြစ်နိုင်သည်မှာ သေချာသလောက် ဖြစ်သည်။ ၂၀ဝ၇ အောက်တိုဘာလတွင် သူ၏နောက်ဆုံး ခုခံအားကျရောဂါ ပညာပေးရုပ်ရှင် “အကြွင်းမဲ့လုံခြုံရာ” ကို အစိုးရဆင်ဆာအဖွဲ့မှ ပြသရန် ပိတ်ပင်တားဆီးခဲ့သည်။

လူမှုရေးအလုပ် နှင့် နိုင်ငံရေးများ[ပြင်​ဆင်​ရန်​]

နိုင်ငံ၏ဆင်းရဲသားများကိုကူညီရန် သူ၏ထင်ပေါ်ကျော်ကြားမှုများကို အသုံးပြုခဲ့သည်။ သူသည် ဆင်းရဲသားများအား အခမဲ့နာရေးအကူအညီပေးသည့် အခမဲ့နာရေးကူညီမှုအသင်း ကိုစတင်တည်ထောင် သူ နှင့် ဒုတိယ ဥက္ကဋ္ဌ (ယခု ဥက္ကဋ္ဌ ) ဖြစ်သည်။ [၁] ၂၀ဝ၈ ဇွန်လအထိ အသင်းသည် နာရေး ၅၀ဝဝဝ ကျော်ကို ကူညီခဲ့သည်။ ၂၀ဝ၃ ခုနှစ်မှစ၍ ရန်ကုန်အနီးအနားရှိ ဆင်းရဲသားများအား ကျန်းမာရေးစရိတ် ကူညီပေးကမ်းခဲ့ပြီး၊ ၂၀ဝ၇ မှစ၍ အခမဲ့ဆေးကုခန်းကို ဖွင့်လှစ်ခဲ့သည်။ သူ၏နာရေးကူညီမှု အသင်းမှတဆင့် မြန်မာနိုင်ငံ၏ ဧရာဝတီမြစ်ဝကျွန်းပေါ်ဒေသ တစ်ခုလုံးကို ပျက်စီးစေခဲ့ပြီး၊ လူ့အသက်ပေါင်း ၁၃၀ဝဝဝ ကျော် ပေးဆပ်ခဲ့ရသည့် ၂၀ဝ၈ မေလ၏ နာဂစ်မုန်တိုင်းဒဏ်ခံရမှုများတွင် တက်ကြွစွာ ကယ်ဆယ်ရေး နှင့် အကူအညီပေးရေးများ အားသွန်ခွန်စိုက် ဆောင်ရွက်ခဲ့သည်။ ၂၀ဝ၈ ဇွန်လအရောက်တွင် ဒုက္ခသည်များအတွက် ကျပ်သန်း ၅၀ဝ ( အမေရိကန်ဒေါ်လာ ၄၀ဝဝဝဝ ) စုဆောင်း ရှာဖွေ ကူညီခဲ့သည်။ ကျော်သူ နှင့် သူ၏ဇနီးတို့သည် ၂၀ဝ၇ စက်တင်ဘာ ရဟန်းသံဃာများ ဆန့်ကျင်ဆန္ဒပြမှုကို လူသိရှင်ကြား ကူညီ ထောက်ခံခဲ့သည့်အတွက် ဖမ်းဆီးခံခဲ့ရသည်။ သူသည် လန်ဒန်ရှိ မြန်မာအဖွဲ့အစည်း၏ ၂၀ဝ၉ ခုနှစ်အတွက်ပေးသော “လူထုအတွက်ရပ်တည်ပေးသော အနုပညာရှင်” ဆုကို ရရှိခဲ့သည်။ [၂]

ဓာတ်ပုံများ[ပြင်​ဆင်​ရန်​]

ဒေါက်တာဘွဲ့[ပြင်​ဆင်​ရန်​]

၂၀၁၁-ခု၊ နိုဝင်ဘာလ ၁၃ ရက်နေ့ ညနေတွင် နာရေးကူညီမှုအသင်း(ရန်ကုန်) ဥက္ကဋ္ဌ ဦးကျော်သူ နှင့် ဇနီးဖြစ်သူ ဒေါ်မြင့်မြင့်ခင်ဖေ တို့အား ရန်ကုန်မြို့ ဧမာနွေလ နှစ်ခြင်းခရစ်ယာန်ဘုရားရှိခိုးကျောင်းမှ Doctor of Humane Social Services ဘွဲ့နှင့် Master of Humane Social Services ဘွဲ့ကို အသီးသီး ချီးမြှင့်ပေးအပ်ခဲ့သည်။

ကိုးကား[ပြင်​ဆင်​ရန်​]

  1. http://moemaka.wordpress.com/2010/09/12/kyaw-thu-ffss-yangon-activity-12nd-september-2010/
  2. http://en.wikipedia.org/wiki/Kyaw_Thu

ပြင်ပလင့်ခ်များ[ပြင်​ဆင်​ရန်​]