မာတိကာသို့ ခုန်သွားရန်

အယ်လစ်ဂေတာ မိကျောင်း

ဝီကီပီးဒီးယား မှ
အယ်လစ်ဂေတာ မိကျောင်း
Temporal range: Oligocene-Holocene, 37–0 Ma
အမေရိကန်အယ်လစ်ဂေတာ မိကျောင်း (အပေါ်) နှင့် တရုတ်အယ်လစ်ဂေတာ မိကျောင်း
မျိုးရိုးခွဲခြားခြင်း ပြင်ဆင်
လောက: Animalia
မျိုးပေါင်းစု: Chordata
မျိုးပေါင်း: Reptilia
မျိုးစဉ်: Crocodilia
မျိုးရင်း: Alligatoridae
မျိုးရင်းသေး: Alligatorinae
မျိုးစု: Alligator
Cuvier, 1807
အမျိုးအစား မျိုးစိတ်
Alligator mississippiensis
Daudin, 1802
မျိုးစိတ်များ

အယ်လစ်ဂေတာ မိကျောင်း သည် ခရက်ကိုဒေလိီယာ (Crocodilia) မျိုးစဉ်တွင် ပါဝင်သော မျိုးစုတစ်ခုဖြစ်သည်။ ရှင်သန်ဆဲ မျိုးစိတ် နှစ်မျိုးရှိပြီး ၎င်းတို့မှာ- အမေရိကန် အယ်လစ်ဂေတာ မိကျောင်းနှင့် သေးငယ်သော တရုတ် အယ်လစ်ဂေတာ မိကျောင်းတို့ဖြစ်သည်။ ၎င်းတို့နှင့်အတူ ကေမန် မိကျောင်းများ၊ ဂင်္ဂါမိကျောင်းနှင့် မိကျောင်းကြီးတို့ကို စုစည်း၍ Crocodilia မျိုးစဉ်အဖြစ် ဖွဲ့စည်းသတ်မှတ်ထားခြင်းဖြစ်သည်။

ပထမဆုံးသော အယ်လစ်ဂေတာ မိကျောင်းများသည် လွန်ခဲ့သောနှစ်ပေါင်း ၃၇ သန်းခန့်က စတင်တည်ရှိခဲ့ကြသည်။[၁] သို့သော်လည်း ပိုမိုရှေးကျသော မိကျောင်းမျိုးစိတ်များမှာမူ မျိုးသုဉ်းပျောက်ကွယ်သွားခဲ့ပြီးဖြစ်သည်။

အရွယ်အစားဖော်ပြချက်

[ပြင်ဆင်ရန်]

အရွယ်ရောက်ပြီး အမေရိကန် အယ်လစ်ဂေတာ မိကျောင်းတစ်ကောင်၏ ပျမ်းမျှအလေးချိန်မှာ ၇၉၀ ပေါင် (၃၆၀ ကီလိုဂရမ်) ခန့်ရှိပြီး ခန္ဓာကိုယ်အရှည်သည် ၁၃.၁ ပေ (၄.၀ မီတာ) ရှိသည်။ သို့ရာတွင် ၎င်းတို့သည် ၁၄ ပေ (၄.၃ မီတာ) အထိ ကြီးထွားနိုင်ပြီး အလေးချိန်သည်လည်း ၉၉၀ ပေါင် (၄၅၀ ကီလိုဂရမ်) ကျော်အထိပင်ရှိနိုင်လေသည်။[၂]

လူဝီစီယားနားပြည်နယ်တွင် တွေ့ရှိခဲ့သည့် အကြီးဆုံးအဖြစ် မှတ်တမ်းတင်ထားသော အယ်လစ်ဂေတာ မိကျောင်း၏ ခန္ဓာကိုယ်အရှည်မှာ ၁၉.၂ ပေ (၅.၉ မီတာ) ရှိသည်ဟုသိရသည်။[၃]

တရုတ် အယ်လစ်ဂေတာ မိကျောင်းသည် အရွယ်အစား ပိုမိုသေးကြသည်။ ၆.၉ ပေ (၂.၁ မီတာ) ထက် ပိုရှည်သည်အား တွေ့ရခဲသည်။ ထို့အပြင် ၎င်းသည် အမေရိကန် မိကျောင်းထက် အလေးချိန် သိသိသာသာ နည်းပါးသည်။ တရုတ် အယ်လစ်ဂေတာ မိကျောင်းထီးများသည် ကိုယ်အလေးချိန် ၄၅ ကီလိုဂရမ် (၉၉ ပေါင်) ကျော်ခဲလေသည်။[၄][၅]

မျိုးစိတ်များ

[ပြင်ဆင်ရန်]

ရှင်သန်ဆဲ

[ပြင်ဆင်ရန်]
ပုံ သိပ္ပံအမည် အများသုံးအမည် ဖြန့်ကျက်တွေ့ရှိရာ
Alligator mississippiensis အမေရိကန်အယ်လစ်ဂေတာ အမေရိကန်ပြည်ထောင်စု တောင်ပိုင်း နှင့် မက္ကဆီကိုနိုင်ငံ
Alligator sinensis တရုတ်အယ်လစ်ဂေတာ တရုတ်ပြည်သူ့သမ္မတနိုင်ငံ အရှေ့ပိုင်း

မျိုးသုဉ်းပြီး

[ပြင်ဆင်ရန်]

မိကျောင်းကြီးများနှင့် အယ်လစ်ဂေတာ မိကျောင်းများ၏ ကွဲပြားချက်များ

[ပြင်ဆင်ရန်]

မိကျောင်းကြီးများနှင့် အယ်လစ်ဂေတာ မိကျောင်းများသည် ပုံစံအမျိုးမျိုးဖြင့် ကွဲပြားကြသည်။ သာဓကအားဖြင့်၊[၆]

  • မိကျောင်းကြီးများတွင် ဆား ဂလင်းများပါသောကြောင့် ရေငန်ရှိရာဒေသများတွင် နေထိုင်နိုင်ကြသည်။ အယ်လစ်ဂေတာ မိကျောင်းများမှာမူ အများအားဖြင့် ရေချိုရှိရာ ဒေသများတွင်သာ နေထိုင်နိုင်ကြသည်။
  • အယ်လစ်ဂေတာ မိကျောင်းအများစုတွင် အင်္ဂလိပ်အက္ခရာ U ကဲ့သို့ ပုံသဏ္ဌာန်ရှိသည့် ကျယ်ပြန့်သော နှုတ်သီးများရှိသည်။ မိကျောင်းကြီးများ၏ နှုတ်သီးများမှာမူ ရှည်လျားကျဉ်းမြောင်းပြီး အင်္ဂလိပ်အက္ခရာ V ကဲ့သို့ပုံသဏ္ဌာန်ရှိသည်။ သို့သော် အချို့သောမိကျောင်းများကြီးများသည်လည်း ကျယ်ပြန့်သော နှုတ်သီးများ ရှိတတ်ကြသည်။
  • မိကျောင်းကြီးများသည် ပါးစပ်စေ့ထားသောအခါ မေးရိုးတွင် စတုတ္ထသွားကို တွေ့မြင်နိုင်သည်။ အယ်လစ်ဂေတာ မိကျောင်းများတွင်မူ ပါးစပ်စေ့ထားပါက ထိုသွားများကို မမြင်နိုင်ပေ။

ကိုးကား

[ပြင်ဆင်ရန်]
  1. Alligator Daudin 1809 (Alligator)။ Paleobiology Database / Macquarie University။ 2016-03-08 တွင် မူရင်းအား မော်ကွန်းတင်ပြီး။ 2016-06-02 တွင် ပြန်စစ်ပြီး။
  2. American Alligator and our National Parkseparks.org။ 2016-03-04 တွင် မူရင်းအား မော်ကွန်းတင်ပြီး။ 2016-05-01 တွင် ပြန်စစ်ပြီး။
  3. Alligator mississippiensisalligatorfur.com။ 2016-03-05 တွင် မူရင်းအား မော်ကွန်းတင်ပြီး။ 2016-05-01 တွင် ပြန်စစ်ပြီး။
  4. The oldest alligator living in captivity။ shekoos.wordpress.com (2012-02-22)။ 2013-08-07 တွင် ပြန်စစ်ပြီး။
  5. Naš Muja najstariji aligator na svetu။ b92.net (2011-09-07)။ 2012-02-08 တွင် ပြန်စစ်ပြီး။
  6. Reptiles: Crocodilian။ San Diego Zoo Global (2016)။ 2016-06-02 တွင် ပြန်စစ်ပြီး။