အနောက်ဖက်ဆီသို့

ဝီကီပီးဒီးယား မှ
အ​ညွှန်း​သို့ ခုန်ကူးရန် ရှာဖွေရန် ခုန်ကူးမည်
"Into the West"
တစ်ကိုယ်တော် by Annie Lennox
from the album The Lord of the Rings: The Return of the King (soundtrack)
ထုတ်ပြန်၂၀၀၃ နိုဝင်ဘာ
အသံသွင်းနယူးဇီလန်
အမျိုးအစားPop]], New-age music
လယ်ဘဲလ်Reprise Records
သီချင်းရေးဆရာအန်နီ လန်းနစ်၊ ဖရန် ဝေါ့လ်ရှ်၊ ဟောင်းဝါ့ဒ် ရှော[၁]
အသံသွင်းထုတ်လုပ်သူဟောင်းဝါ့ဒ် ရှော
Annie Lennox singles chronology
"Pavement Cracks"
(၂၀၀၃)
"Into the West"
(၂၀၀၃)
"A Thousand Beautiful Things"
(၂၀၀၄)

"အနောက်ဖက်ဆီသို့" (အင်္ဂလိပ်: Into the West) သည် အန်နီ လန်းနစ် သီဆိုဖျော်ဖြေသော သီချင်းတစ်ပုဒ်ဖြစ်၍ ၂၀၀၃ တွင် ထွက်ရှိသော "လက်စွပ်များ၏ အရှင်သခင် : ဘုရင်ပြန်လည်ရောက်ရှိလာခြင်း" မှ ဇာတ်ဝင်အပိတ်တေးတစ်ပုဒ်ဖြစ်သည်။ ဤသီချင်းကို အဆိုတော် အန်နီ လန်းနစ် ၊ ရုပ်ရှင်ထုတ်လုပ်သူ ဖရန် ဝေါ့လ်ရှ် နှင့် ဂီတစာဆို ဟောင်းဝါ့ဒ် ရှော တို့က ရေးစပ်ခဲ့ကြသည်။[၁] ရုပ်ရှင်ဇာတ်ကား၏ အပိတ်စာတမ်းထိုးတွင် အပြည့်အစုံပါဝင်၍[၁] သီချင်း၏ ဂီတသံစဉ်အပိုင်းများသည် ရုပ်ရှင်ဇာတ်ကားတစ်လျှောက် အချို့သောနေရာများ၌ ပါဝင်ကြကာ သီချင်းသည် ဂရေး ဟက်ဗန်စ် (Grey Heavens) ဟုခေါ်တွင်သော လှေဆိပ်အကြောင်းအရာကို ဖွဲ့စည်းထားသည်။ ဤသီချင်းကို နောက်ပိုင်းတွင် ပုံစံသစ်မူ (ကာဗာပုံစံ) ဖြင့်သီဆိုမှုများလည်းရှိကြသည်။

ပုံစံဟန်[ပြင်ဆင်ရန်]

ရုပ်ရှင်အပိတ်သီချင်းအဖြစ် မူလကရည်ရွယ်စိတ်ကူးထားသည်မှာ "ဖရိုဒို၏ သီချင်း" ( "Frodo's Song") ဖြစ်ကာ ဟောင်းဝါ့ဒ် ရှောက "Use Well the Days (နေ့ရက်များကို ကောင်းစွာအသုံးချပါ/ကောင်းစွာ နေရစ်ပါလော့) အမည်ဖြင့်ရေးသားခဲ့ကာ ဖရိုဒိုသည် အလယ်ပိုင်းကမ္ဘာမြေမှ ထွက်ခွာစဉ် ဆမ်ကို ဆိုပြသောသီချင်းဖြစ်ကာ ထို၌ လက်စွပ်များ၏ အရှင်သခင်ဝတ္ထု စာအုပ် (၆) ၏ နောက်ဆုံးခန်း (၉) (စာအုပ်အနေဖြင့် အလယ်တွင်) ဂရေးဟက်ဗန်စ်၌ ၎င်း၏ ပူဆွေးသောကများ သီချင်း၌ပါရှိသည်။ ဒါရိုက်တာ ပီတာ ဂျက်ဆန်က ဇာတ်လမ်း၏ အပိတ်သီချင်းအနေဖြင့် မသင့်တော်ဟု ခံစားမိ၍ ရှောက အပိတ်သီချင်းအသစ်တစ်ပုဒ်ကို စတင်ရေးသားခဲ့သည်။ ထိုသို့ရေးသားစဉ် နယူးဇီလန်မှ တိုင်းရင်းသားလူငယ်တစ်ဦးဖြစ်သော ကမ်မရန် ဒန့်ကန် (Cameron Duncan) သည် ရုတ်တရက် ကင်ဆာဖြင့်ဆုံးပါးသွားခဲ့သည်။ အဆိုပါလူငယ်လေး မသေဆုံးမီ ၎င်း၏ ကြိုးစားမှုများသည် ပီတာ ဂျက်ဆန်နှင့် အဖွဲ့သားများကို နှစ်သက်စေခဲ့၏ ။ထို့ကြောင့် ၎င်းသေဆုံးခြင်းက ဖရန်ဝေါ့လ်ရှ်၊ ဟောင်းဝါ့ဒ် ရှော နှင့် အန်နီ လန်းနစ်တို့ကို စိတ်စေစားစေနိုင်ခဲ့ပြီး ဤ အနောက်ဖက်ဆီသို့ သီချင်းဖြစ်ပေါ်လာခဲ့သည်။[၂] ပထမဆုံး အများရှေ့မှောက်ဖျော်ဖြေမှုသည် ဒန့်ကန်၏ ဈာပနတွင်ဖြစ်ခဲ့သည်။[၃]

သီချင်းသံစဉ်သည် ဇာတ်လမ်းပါ ဂရေး ဟက်ဗန်စ်နှင့် ၎င်းအလွန်တွင်ရှိသော ဗာလင်နော်နယ်မြေကို ကိုယ်စားပြုထားသည့် ရုပ်ရှင်အတွက်ရေးသော ဂီတတေးသွားထဲမှ တစ်ခုဖြစ်သည်။ ဤသံစဉ်ကို ဂန်ဒက်ဖ်က ပစ်ပင်အား မိနပ်စ် တစ်ရစ်တွင်ရှိစဉ် ဗာလင်နော်နယ်မြေအား ပြောပြစဉ်၊ ဆမ်က မီးတောင်တွင် ဖရိုဒိုအား ချီမ၍ သယ်ယူစဉ် တို့တွင် မသိမသာ သုံးထား၏ ။ ဂရေးဟက်ဗန်စ် လှေဆိပ်အခန်းတွင် ချဲလိုနှင့် သံပြိုင်ညည်းသံများဖြင့် တင်ဆက်ပြန်သည်။ မကြာမီ သီချင်းပါဝင်လာရာ သိသာထင်ရှားသော တစ်ကိုယ်တော်ဂစ်တာသံစဉ်က သီချင်း၏ အစနှင့် အဆုံးကို တီးခတ်ကာ တသ်လျှောက်လုံးတွင်လည်း ဂစ်တာသံကို အမှီသဟဲပြု တီးခတ်ထားသည်။ ထို့အပြင် ဘောရန် (သို့) ဘိုးရန် (bodhrán) ဟုခေါ်သော ဗုံတစ်မျိုးသုံးပြီး တဒုတ်ဒုတ်ရိုက်သံဖြင့် တန်ဆာဆင်ထည့်သွင်းထားသည်။

သီချင်းမှ စာသားများသည် မူလအနေဖြင့် လက်ဂိုလက်စ်၏ ပူဆွေးသောက (စာအုပ် (၆) အဆုံးသတ် The Field of Cormallen ) နှင့် Tol Eressëa ကျွန်းနှင့် ဗာလင်နော်နယ်မြေသို့ ထွက်ခွာစဉ် ဂရေး ဟက်ဗန်စ် လှေဆိပ်တွင် နှုတ်ဆက်ထွက်ခွာခန်း၌ ပါဝင်သော စာသားများဖြစ်၏ ။ ဤသီချင်း၏ အဓိပ္ပာယ်ကို ရှုထောင့်အများအပြားမှနေ၍ ခံစားသုံးသပ်နိုင်သည်။

မူကွဲများ[ပြင်ဆင်ရန်]

ဤသီချင်းတွင် ရုပ်ရှင်အပိတ်တေး သံစုံတီးဝိုင်းဂီတဖြင့် သီဆိုတီးခတ်သောမူအပြင် နောက်ထပ်မူကွဲငါးခုရှိ၏ ။

ဆုတံဆိပ်များ[ပြင်ဆင်ရန်]

ဤသီချင်းသည် ၇၆ ကြိမ်မြောက် (အော်စကာ)အကယ်ဒမီဆုပေးပွဲ၌ အကောင်းဆုံး မူရင်းသီချင်းဆုအတွက် အကယ်ဒမီဆုရရှိခဲ့သည်။[၁]

အခမ်းအနား ဆု ရလဒ်
61st Golden Globe Awards Best Original Song ဆုရရှိ
76th Academy Awards Best Original Song ဆုရရှိ
World Soundtrack Awards 2004 Best Original Song Written Directly for a Film ဆန်ကာတင်
47th Annual Grammy Awards Best Song Written for Visual Media ဆုရရှိ


ကိုးကား[ပြင်ဆင်ရန်]

  1. ၁.၀ ၁.၁ ၁.၂ ၁.၃ Roberts၊ David (2006)။ British Hit Singles & Albums (19th ed.)။ London: Guinness World Records Limited။ p. 137။ ISBN 1-904994-10-5
  2. Howard Shore, Paul Broucek, Peter Jackson (2004)။ Extended Edition Appendices, Part 6, "Music for Middle-earth" and "Cameron Duncan: The Inspiration for 'Into the West'" (DVD)။ New Line Cinema။
  3. Peter Jackson, Fran Walsh and Philippa Boyens (2004)။ Director/Writers' Special Extended Edition commentary (DVD)။ New Line Cinema။