အနန်း

အနန်းပင် (Tembusu)
မျိုးရိုးခွဲခြားခြင်း
လောက:	Plantae
Clade:	Angiosperms
Clade:	Eudicots
Clade:	Asterids
မျိုးစဉ်:	Gentianales
မျိုးရင်း:	[[ en:Gentianaceae|Gentianaceae]]
မျိုးဇာတ်သေး:	[[ en:Potaliinae|Potaliinae]]
မျိုးစု:	[[ en:Fagraea|Fagraea]]
မျိုးစိတ်:	F. fragrans
ဒွိနာမ
Fagraea fragrans Roxb.
Synonyms
Fagraea cochinchinensis Cyrtophyllum giganteum Cyrtophyllum peregrinum

အနန်းပင် (Anan) ၏ ရုက္ခဗေဒ အမည်မှာ Fagraea fragrans ဖြစ်သည်။ အနန်းပင်သည် အရှေ့တောင်အာရှဒေသတွင် သဘာဝအတိုင်း ပေါက်ရောက်သော အမြဲစိမ်း အပင်ကြီးတစ်မျိုး ဖြစ်သည်။ မလေးရှားနှင့် စင်ကာပူတွင် တဲမ်ဘုစု (Tembusu)ဟု ခေါ်ကြသည်။ ၎င်း၏ ပင်စည်မှာ အညိုနက်ရောင်ဖြစ်ပြီး၊ သစ်ခေါက်မှာ ကြက်ဟင်းခါးသီးအခွံတွင်ရှိသော အခေါက်များနှင့် ပုံစံတူနည်းနည်းတူပြီး အမြှောင်းလိုက် အမြှောင်းလိုက် တွေ့ရသည်။ ၎င်းသည် တဖြောင့်တည်းကြီးလေ့မရှိပဲ ၄၀-မီတာ အမြင့်ထိ ရောက်ရှိနိုင်သည်။ အရွက်များမှာ အစိမ်းနုရောင်ရှိပြီး ဘဲဥပုံရှိကာ ၅-စင်တီမီတာ မှ ၈-စင်တီမီတာ အထိ ရှည်လျားသည်။ ၎င်း၏ ပန်းများသည် ဖြူဝင်းသောအရောင်ရှိပြီး ရင့်လာသောအခါ၌ အဝါရောင်သို့ ပြောင်းသွားလေ့ရှိကာ ညနေစောင်းပိုင်းအချိန်များတွင် စူးရှသော အမွှေးရနံ့ကို ထုတ်လွှင့်လေ့ရှိသည်။ အသီးများသည် ခါးသက်သော အရသာရှိ၍ အနီရောင်ဘယ်ရီ (berries)သီးများပုံ ဖြစ်ပြီး၊ မှည့်ရန် သုံးလကျော်ကြာကာ တဲရပါ့စ်(Pteropus) အသီးစားလင်းနို့များက လာရောက်စားသောက်လေ့ရှိကြသည်။

အခြားနိုင်ငံများတွင် ခေါ်ဝေါ်ပုံများ

ဒေသအမည်	အခေါ်အဝေါ်
ဖီဂျီကျွန်းများ	Buabua
ဖိလစ်ပိုင်	Urung
ဆာဘား	Temasuk
ဗီယက်နမ်	Tatrao သို့မဟုတ် Trai
ကမ္ဘောဒီးယား	Tatrao
ထိုင်းနိုင်ငံ	ကန်ကရောင် (ထိုင်း: กันเกรา)
အင်ဒိုနီးရှား	Tembesu
မလေးရှား၊ စင်ကာပူ	တဲမ်ဘုစု (Tembusu)
လာအိုနိုင်ငံ	Munpla

အသုံးပြုပုံများ

ဤသစ်ပင်မှ ထွက်ရှိသော သစ်သားသည် အလွန်မာပြီး ခြစားခြင်းကိုခံနိုင်ရည်ရှိသဖြင့် အကြီးစားအဆောက်အဦးများ၊ တံတားများနှင့် ပန်းပုထုဆစ်ရာတို့တွင် အသုံးပြုရန် အလွန်ပင်သင့်တော်သည်။

ပြင်ပလင့်ခ်များ

• အနန်းသားအကြောင်း သစ်ဂုဏ်သတ္တိဆိုင်ရာ (အင်္ဂလိပ်ဘာသာဖြင့်) ဖော်ပြချက်